"هذا العام، تعلمت أن أحزن وأضحك في الوقت ذاته، أن أحمل في قلبي مكانًا للحب، حتى وأنا أخيط جراحي"

مَن قاموا بأشياء خاطئة في حقك، سيعتقدون دائمًا أن رسائلك موجّهة إليهم.

- ‏ د.دعاء عادل خليدي

كتبتُ لك يومًا نصًّا طويلًا ختمته بـ:"أريد لقصائدي أن تنتهي في بيتك.."
لطالما أردت لهذا الحبّ أن ينعم بدفء تلك الجدران..

سوّوا لنا بيتنا ركامًا،
بقيت القصائد
وعيناك
وضحكات أطفالنا
في قلبي

مريم.

من كم يوم طلع صوت الحربي، طبعا أولادنا صار عندن خبرة وبنتي لعمرها أقلّ من ٤ سنين عرفت وسألتني هيدا الطيران بدو يقصف بيتنا؟ قلتلا لا
سألتني بيت مين؟
قلتلا ما بعرف إن شاء الله مش بيت حدا

اليوم هي وغرقانة باللعب وعم تركض بالبيت وتنعف هي وخيها وأنا عم بلحقها ضب من وراها قلتلا وقفي لعب وانزلي من البيت بسرعة
وهي تقلي ليش يا ماما شو في؟

في لحظة بيوقف فيها عقلك عن التفكير، ما بتعود تعرف تفكر ولا تقرر ولا شي
بس بدك لبتحبن يكونوا بأمان وخير

فجأة بتضطر تترك وراك عمرك وأحلامك وذكرياتك كلها ودفاك..
يمكن هيدا حجر، وبيتعوض، وما اله قيمة ادام الروح

بس هيدا كان عمري وعمر عيلتي الجايي
هيدا الدفا لخبيت فيه أحلامي
هيدا الحجر لنقيتو تفصيل تفصيل ولون لون
هيدا القصايد لكتبت فيها شوقي وحنيني ولهفتي وزعلي وحبي وعتبي
هيدا صوت أولادي وضحكاتن ومشاكستن
هيدا البيت ل انبنى بكل حبّ لتكبر عيلتنا فيه

بس بتعرفوا شو؟ هيدي اللحظة لبيتخلى فيها القلب عن أعز ما عنده
لبيزهد فيها بكل شي
وبيشعر انو حتى كل ما يملك ما اله سلطان عليه
وانو عبد ضعيف ومحتاج وفقير لله
سبحانك يا رب كيف بتربينا..
كنت قول مستحيل اقدر عيش هك تجربة أو اتقبل اخسر كل ذكرياتي بلحظة
بس قدرت!!
كأنو الله شال كل هالمكان من قلبي
سبحانك يا رب
ماذا فقد من وجدك؟

يمكن عدونا مفكر انو بيكسرنا
بس أبدًا
كل بيوتنا ما بيسووا وج من وجوه هالشباب لمتل الورد لعم تلتحق كل يوم

هيدا ل بقي من البيت لكان مملكتي
وهيدا لفكرت انو بيوم بيكسرني بس طلع بقويني

أرضيت يا ربّ؟ خذ حتّى ترضا

يتجاوز المرء آلامه بصلابة المحاربين
ثمّ يبكي مثل طفلٍ صغير على صورةٍ مرّت في الذّاكرة

مريم.

*في الصورة ابنتي فاطمة وفستانها الذي انتظرته طويلا لكن عدونا قرر أن يحيل بيتها وأشياءها ركامًا