“Metallurg” “G‘azalkent” bilan bahsda 2 ochko yo‘qotdi

Ilk daqiqalardan maydonda kim mezbon ekanligini ko‘rsatib qo‘ya olgan futbolchilarimiz uchrashuv startida to‘liq ustunlikka ega bo‘lishdi. 15-20 daqiqa o‘tibgina mehmonlar asta-sekin o‘zlariga kela boshladilar.

Bu orada Jasur Hakimov, Navro‘z Iminjonov va Marko Milichkovich bir necha bor raqib darvozasiga xavf solishga urinib ko‘rgan edi.

Maydonda katta ustunlikka ega bo‘lganimizga qaramay, to‘p darvoza to‘riga borishga shoshilmasdi. Navbatdagi hujum uzilib qolib, mehmonlar tezkor qarshi hujumga o‘tib ketdi va 25-daqiqada Nabatov hisobni ochdi — 0:1.

Ketma-ket hujumlar uyushtirilganiga qaramay, raqib himoyasini yorib o‘tishning imkoni bo‘lmadi. Tanaffusdan keyin ham o‘yin kartinasi amalda o‘zgargani yo‘q. To‘p bilan muomala qilish, raqib darvozasi tomon xavf tug‘dirish hamda vaziyatlar yaratishga urinish borasida sezilarli ustunlikka ega bo‘lishimizga qaramay, oxirgi zarbani muvaffaqiyatli amalga oshiradigan futbolchi topilmasdi. Gohida ana o‘sha zarba berilganida to‘p yo‘liga o‘zimiznikilardan kimdir to‘g‘anoq bo‘lib qolardi.

80-daqiqaga kelib, jarima maydonchasiga katta tezlikda yorib kirib, to‘pni egallab, darvozaga yo‘llashga chog‘langan Iminjonov yiqitildi va hakam penalti belgiladi. Zarbani Marko Milichkovich amalga oshirdi, biroq u tepgan to‘pni kiper qaytarishga erishdi.

Shunday bo‘lsada, 84-daqiqada hujumda paydo bo‘lgan markaziy himoyachimiz Bubanya o‘z nomini tabloga yozdirib qo’ydi — 1:1. Afsuski, muvozanat tiklanganidan 3 daqiqa o‘tib, mehmonlar yana darvozamizni ishg‘ol etib, hisobda oldinga chiqib oldi.

Shunga qaramay, hujum qilishda davom etgan yigitlarimiz 89-daqiqada muvozanatni tiklashdi. Sanjar Shoahmedovning uzatmasidan keyin Marko Milichkovich kuchli zarbasi bilan darvozabonni dog‘da qoldirdi — 2:2.

Qolgan daqiqalarda Ilyos Qurbonov shogirdlari g‘alabani qo‘lga kiritishga qanchalik urinmasin, omad shu kuni raqiblarga kulib boqdi va “Metallurg” 1 ochko bilan kifoyalanishiga to‘g‘ri keldi.

😎 Telegram 😎 Instagram 😎 YouTube

🟢 🔵 METALLURG 1:1 G‘AZALKENT 🟠

⚽️ Vladimir Bubanya, 84 (1:1)

🔵 METALLURG 2:2 G‘AZALKENT 🟠

⚽️ Marko Milichkovich, 89 (2:2)

Ilyos Qurbonov: “Ikki ochko yo‘qotdik”

PRO-Liga 24-turi doirasida “Metallurg” Bekobodda “G‘azalkent” jamoasini mehmon qildi.

O‘yinda katta ustunlikka ega bo‘lgan, qator vaziyatlar yaratib, penalti ham ishlashga muvaffaq bo‘lgan futbolchilarimiz, undan unumli foydala olishmadi va yakunda durangga rozi bo‘lishga majbur bo‘lishdi.

Uchrashuv yakunlangach, jamoamiz bosh murabbiyi jurnalistlarning savollariga javob qaytardi.

😎 Telegram 😎 Instagram 😎 YouTube