“1-oktabr - O‘qituvchi va murabbiylar kuni” bayrami munosabati bilan, Milliy gvardiya Ixtisoslashtirilgan o‘quv markazida o‘z xizmat majburiyatlariga sidqidildan yondashib, bilim va boy tajribasi bilan mustaqil yurtimiz tinchligi, xalqimiz farovonligini ta’minlashga qodir, ma’sulyatli, vatanparvar, o‘z xalqiga sadoqatli yosh kadrlarni tayyorlashdek sharafli va mashaqqatli kasbda xizmat qilib kelayotgan bir qator harbiy xizmatchilar Milliy gvardiya qo‘mondoni va Ixtisoslashtirilgan o‘quv markazi boshlig‘ining buyrug‘i bilan munosib taqdirlandi.

🏃‍♂️Sirdaryoda yirik yugurish bayrami: "Harbiy yugur" hamda “Talaba yugur” ommaviy yugurish marafoni bo‘lib o‘tdi

Guliston shahrida sog‘lom turmush tarzini targ‘ib qilish, aholi, harbiy xizmatchilar hamda talaba yoshlarni jismoniy faollikka keng jalb etish maqsadida “Harbiy yugur” va “Talaba yugur” ommaviy yugurish marafoni ko‘tarinki ruhda o‘tkazildi.

Sport tadbirida 2 mingga yaqin harbiy xizmatchilar va talaba-yoshlar faol ishtirok etdi.

Erta tongdan boshlangan marafonda ishtirokchilar belgilangan yo‘nalish bo‘ylab 3 kilometr masofaga yugurish bo‘yicha o‘z kuch va imkoniyatlarini sinovdan o‘tkazdilar.

Ko‘tarinki kayfiyat, sog‘lom raqobat va yuqori shijoat hukm surgan musobaqada ishtirokchilar marraga birinchilardan bo‘lib yetib kelish uchun bor kuchlarini safarbar etdilar. Musobaqa yakunida yuqori natija qayd etgan g‘olib va sovrindorlar tashkilotchilar tomonidan munosib taqdirlandi.

📚 “MA’NAVIYAT QALQONI” — KITOBXONLIK TANLOVI
Milliy gvardiya Toshkent shahri bo‘yicha boshqarmasi harbiy qismida “Ma’naviyat qalqoni” respublika kitobxonlik tanlovining birinchi bosqichi bo‘lib o‘tdi.
📖 Tanlovni o‘tkazishdan asosiy maqsad — Milliy gvardiya tizimida kitobxonlik madaniyatini keng ommalashtirish, harbiy xizmatchilarning ma’naviy-intellektual salohiyatini yuksaltirish, shuningdek, zamonaviy ilm-fan yutuqlarini puxta o‘zlashtirgan, har tomonlama yetuk va bilimli harbiy xizmatchilarni tarbiyalashdan iborat.
🏆 Tanlov davomida ishtirokchilar o‘z bilim va salohiyatlarini namoyish etib, munosib natijalarni qayd etdilar.
G‘olib va sovrindorlar tanlovning keyingi bosqichida ishtirok etish uchun yo‘llanmani qo‘lga kiritdilar.

✅ Telegram | 🌐 Instagram | 📹 Youtube | ✅Facebook