Sharof Rashidov nomidagi Xotira maydonida Milliy gvardiyaga biriktirilgan “Jasorat” maktablariga yangi qabul qilingan o‘quvchilarning tantanali va’da berish marosimi bo‘lib o‘tdi.
Tadbir davomida yosh avlod qalbida Vatanga muhabbat, milliy qadriyatlarga hurmat, yurt tinchligi va osoyishtaligini asrashga bo‘lgan mas’uliyat tuyg‘ularini mustahkamlashga alohida e’tibor qaratildi.
Mazkur marosim o‘quvchilar hayotidagi muhim voqea bo‘lib, ularning Vatanga sadoqat, mardlik, jasorat va fidoyilik ruhida kamol topishida muhim ahamiyat kasb etadi.

Bizdan uzoqlashmang 👉Telegram ✅

Yoshlar bilan yaqindan muloqot qilish, ularni vatanparvarlik ruhida komil inson etib voyaga yetkazish maqsadida Parkent tumanining madaniyat bo‘limida “Rahbar va yoshlar uchrashuvi” ochiq muloqot tarzida tashkil etildi.
Mazkur uchrashuv davomida oilaviy bolalar uyi farzandlari va o‘quvchi-yoshlar vatanparvarlik ruhidagi harakatli mashg‘ulotlar hamda ma’naviy ijodkorlik qobiliyatlarini namoyon qilishdi. Tadbir yakunida faol va namunali ishtirok etgan yoshlar tashkilotchilar tomonidan kitoblar to‘plamlari, diplom va tashakkurnoma bilan taqdirlandi.

Bizdan uzoqlashmang 👉Telegram ✅

O‘zbek adabiyotining buyuk namoyandasi Abdulla Qodiriyning mashhur “Mehrobdan chayon” romani asosida Zakovat intellektual o‘yinlari o‘tkazildi.
Bellashuv davomida ishtirokchilar asar mazmuni, qahramonlar obrazi hamda romanda aks etgan tarixiy voqealar yuzasidan o‘z bilim va salohiyatlarini sinovdan o‘tkazdilar.
Ushbu intellektual o‘yin harbiy xizmatchilarning kitobxonlik madaniyatini yuksaltirish, milliy adabiyotimizga bo‘lgan qiziqishini oshirish hamda mantiqiy fikrlash qobiliyatini rivojlantirishga xizmat qildi.

Bizdan uzoqlashmang 👉Telegram ✅