O‘zbek tilining milliy tarixi mavzusida davra suhbati o‘tkazildi

Til — millatning ma’naviy boyligi, milliy o‘zligi va tarixiy xotirasini o‘zida mujassam etgan bebaho qadriyatdir. Ona tilini asrab-avaylash, uning tarixini chuqur o‘rganish va kelajak avlodga yetkazish har birimizning muhim burchimizdir.

Shu maqsadda «O‘zbek tilining milliy tarixi» mavzusida davra suhbati tashkil etildi.
Tadbir davomida o‘zbek tilining shakllanish va rivojlanish bosqichlari, uning boy tarixi, adabiy til sifatidagi taraqqiyoti hamda milliy madaniyatimiz va ma’naviyatimizdagi o‘rni haqida atroflicha fikr yuritildi. Shuningdek, buyuk mutafakkir va adiblarimizning ona tilimiz rivojiga qo‘shgan hissasi, o‘zbek tilining bugungi kundagi nufuzi va uni asrab-avaylash borasidagi vazifalarga alohida e’tibor qaratildi.

Bizdan uzoqlashmang 👉Telegram ✅

TILGA EHTIROM — ELGA EHTIROM

21-oktabr — O‘zbek tiliga davlat tili maqomi berilgan kun munosabati bilan Samarqand shahrida buyuk mutafakkir, o‘zbek adabiy tilining asoschisi, g‘azal mulkining sultoni Alisher Navoiy bobomiz haykali poyiga gul qo‘yish marosimi o‘tkazildi.

Tadbir davomida ona tilimizga bo‘lgan yuksak hurmat va ehtirom, milliy qadriyatlarimizga sadoqat hamda buyuk ajdodlarimizning boy ma’naviy merosini asrab-avaylash tuyg‘ulari yana bir bor namoyon etildi.

Bizdan uzoqlashmang 👉Telegram ✅

Harbiy xizmatchilar o‘rtasida kitobxonlik madaniyatini yuksaltirish, mutolaa qilishga bo‘lgan qiziqishni oshirish, badiiy adabiyotning inson ma’naviy kamolotidagi o‘rnini keng targ‘ib etish hamda shaxsiy tarkibning intellektual salohiyatini rivojlantirish maqsadida “Ma’naviyat qalqoni” ko‘rik-tanlovining 2-bosqichi tashkil etildi.

Mazkur tanlov harbiy xizmatchilarni muntazam kitob mutolaa qilishga undash, ularning dunyoqarashini kengaytirish, mustaqil fikrlash qobiliyatini rivojlantirish, milliy va umuminsoniy qadriyatlarga hurmat ruhida tarbiyalashga qaratildi. Tanlov davomida ishtirokchilarning o‘qigan badiiy va ma’rifiy asarlari yuzasidan bilimlari, adabiy qahramonlar faoliyatiga alohida e’tibor qaratildi.

Tanlov yakunida ishtirokchilarning bilim va mahorati belgilangan mezonlar asosida baholanib, faol qatnashgan harbiy xizmatchilar e’tirof etildi.

Bizdan uzoqlashmang 👉Telegram ✅