Harbiy xizmatchilar o‘rtasida kitobxonlik madaniyatini yuksaltirish, mutolaa qilishga bo‘lgan qiziqishni oshirish, badiiy adabiyotning inson ma’naviy kamolotidagi o‘rnini keng targ‘ib etish hamda shaxsiy tarkibning intellektual salohiyatini rivojlantirish maqsadida “Ma’naviyat qalqoni” ko‘rik-tanlovining 2-bosqichi tashkil etildi.

Mazkur tanlov harbiy xizmatchilarni muntazam kitob mutolaa qilishga undash, ularning dunyoqarashini kengaytirish, mustaqil fikrlash qobiliyatini rivojlantirish, milliy va umuminsoniy qadriyatlarga hurmat ruhida tarbiyalashga qaratildi. Tanlov davomida ishtirokchilarning o‘qigan badiiy va ma’rifiy asarlari yuzasidan bilimlari, adabiy qahramonlar faoliyatiga alohida e’tibor qaratildi.

Tanlov yakunida ishtirokchilarning bilim va mahorati belgilangan mezonlar asosida baholanib, faol qatnashgan harbiy xizmatchilar e’tirof etildi.

Bizdan uzoqlashmang 👉Telegram ✅

TIL — MILLAT KO‘ZGUSI, MA’NAVIYAT BOYLIGI!
Milliy gvardiya Ixtisoslashtirilgan o‘quv markazida 21-oktabr — O‘zbek tili bayrami kuniga bag‘ishlab ma’naviy-ma’rifiy tadbir bo‘lib o‘tdi.
Tadbirdan ko‘zlangan asosiy maqsad — davlat tiliga bo‘lgan hurmat va e’tiborni yanada yuksaltirish, ona tilimizning boy tarixi, betakror jozibasi va ma’naviy qadriyatlarimizda tutgan o‘rnini keng targ‘ib etishdan iborat bo‘ldi.
Tadbir davomida o‘zbek tilining milliy o‘zligimiz, ma’naviyatimiz va madaniy merosimizning ajralmas qismi ekanligi, uni asrab-avaylash, sofligini saqlash hamda kelgusi avlodlarga yetkazish har bir fuqaroning muqaddas burchi ekani alohida ta’kidlandi. Bizdan uzoqlashmang 👉Telegram ✅