21-oktabr O‘zbek tili bayrami munosabati bilan Buxoro shahrida jadid ma’rifatparvari, buyuk adib va olim Abdurauf Fitrat haykali poyiga gul qo‘yish marosimi bo‘lib o‘tdi.

Unda Buxoro viloyati hokimligi, Milliy gvardiya hamda keng jamoatchilik vakillari professor-o‘qituvchilar, talaba yoshlar ishtirok etdi.

Marosim davomida Abdurauf Fitratning sermazmun hayot yo‘li, boy ilmiy va adabiy merosi, milliy uyg‘onish va ma’rifatparvarlik g‘oyalari, ona tilimiz ravnaqi yo‘lidagi xizmatlari yodga olindi. Uning ijodi va ilg‘or qarashlari bugungi yosh avlod uchun ham muhim ma’naviy ahamiyatga ega ekani ta’kidlandi.

Mazkur tadbir buyuk ajdodlarimiz xotirasini e’zozlash, ona tilimizga bo‘lgan hurmatni yuksaltirish, yoshlar qalbida milliy g‘urur va ma’naviy qadriyatlarga sadoqat tuyg‘ularini mustahkamlashga xizmat qildi.

Ona tilimiz — millatimiz g‘ururi, milliy oʻzligimiz va maʼnaviyatimiz timsoli!

Bizdan uzoqlashmang 👉Telegram ✅

O‘zbek tili — milatimiz g‘ururi, mustaqil davlatimiz timsoli!

21-oktabr — O‘zbek tili bayrami kuni munosabati bilan Termiz shahrida tantanali tadbir bo‘lib o‘tdi.

Bayram Alisher Navoiy haykali poyiga gulchambarlar qo‘yish marosimi bilan boshlandi.
Tadbirda Surxondaryo viloyati hokimining O‘zbek tili bayrami munosabati bilan voha ahliga yo‘llagan tabrigini Termiz davlat universiteti rektori Abduqodir Toshqulov o‘qib eshittirdi.

Shuningdek, so‘zga chiqqanlar o‘zbek tilining boyligi, jozibasi va xalqimiz ma’naviy hayotidagi o‘rni haqida fikr bildirdi. 1989-yil 21-oktabrda o‘zbek tiliga davlat tili maqomi berilgani milliy o‘zligimizni anglash va mustahkamlash yo‘lidagi muhim tarixiy qadam ekani ta’kidlandi. Ona tilimizning nufuzini oshirish, uning qo‘llanish doirasini kengaytirish borasidagi ishlarning ahamiyatiga eʼtibor qaratildi.

Bizdan uzoqlashmang 👉Telegram ✅