Հայաստանի քաղաքական դաշտը ե՞րբ է ազատվելու կուռքի վերածված քաղաքական գործիչներից և նրանց անձին ծառայող, ստրկամիտ մտածողությունից։ Ե՞րբ ենք ունենալու պետության շահերը սպասարկող պետական գործիչներ և պետության ապագայով ապրող, պատասխանատու հասարակություն։ Միայն այդպիսի մարդկանց համախմբմամբ կարող ենք կառուցել ուժեղ, ինքնիշխան և չծնկող պետություն։

ԶՈւ պահեստազորի փոխգնդապետ, «Համահայկական ճակատ» կուսակցության ղեկավար, ԴՕԿ կուսակցության պատգամավորի թեկնածու Արսեն Վարդանյան

Ազգերը հզորանում են ոչ թե անձերի անուններով, այլ այն գաղափարներով, որոնց շուրջ համախմբվում են։ Երբ քաղաքականության կենտրոնում լինի ոչ թե անձը, այլ Հայրենիքը, ոչ թե կուռքը, այլ պետական շահը, ոչ թե կույր հավատարմությունը, այլ պատասխանատվությունը, այդ ժամանակ կունենանք այն Հայաստանը, որի համար պայքարել են մեր հայրերը` ուժեղ, արժանապատիվ և չծնկող։
Անձերը գալիս ու գնում են, գաղափարները մնում են միշտ: Այն ազգը, որը պաշտում է անձերին, դադարում է պայքարել գաղափարների համար։
Եվ ի վերջո, պաշտամունքի արժանի է միայն Աստված:

Հ.Գ. Իմ դաստիարակության հիմքում եղել է մշեցու և արցախցու արմատներով հայրս, ով դեռ 5 տարեկանից ինձ փոխանցել է ֆիդայական շարժումների հերոսական պատմություններն ու դրվագները, ու «Լիզբոնի հինգ» անձնազոհ մարտիկների երգը։

ԶՈւ պահեստազորի զինծառայող, ՀՃԿ անդամ, ԴՕԿ կուսակցության պատգամավորի թեկնածու Աննա Ղուկասյան

Մայիսի 27-ը` հայոց ֆիդայական շարժման մեծանուն հրամանատար Գևորգ Չաուշի հիշատակի և ֆիդայիների ոգեկոչման օրն է:

Այս օրը մենք խոնարհվում ենք մեր ազատության համար կռված բոլոր այն ֆիդայիների հիշատակի առաջ, ովքեր իրենց կյանքով ու պայքարով պահեցին հայի արժանապատվությունը` ամենածանր ժամանակներում։
Գևորգ Չաուշը և նրա զինակիցները դարձան այն պայքարի խորհրդանիշը, որտեղ հայրենիքի ազատությունը գերազանցում էր ամեն տեսակ այլ շահերի:

Փա´ռք մեր բոլոր ֆիդայիներին և հայոց ազատամարտի բոլոր ռահվիրաներին

Թուրքիայում ավիաաղետից զոհվել է գեներալն, ով կազմել էր Արցախում Ադրբեջանին հաղթանակ բերած մարտավարությունը.

Թուրքիայում 9 զինվորական է զոհվել ռազմական ուղղաթիռի կործանման պատճառով: Ավիաաղետը տեղի է ունեցել երկրի արևելքում, պատճառների մասին դեռևս հստակ տեղեկատվություն չկա:
Ըստ վարկածներից մեկի, ուղղաթիռը թռչելիս է եղել դեպի Իրաքյան Քուրդիստան, որտեղ թուրքերը վերջերս իրականացրել են այսպես կոչված «հակաահաբեկչական» գործողություններ:

Հայտնի է, որ զոհերի թվում է գեներալ-լեյտենանտ, կորպուսի հրամանատար Օսման Էրբաշը:
Զոհված թուրք գեներալը կանգած է եղել «Բայրաքթարներ»-ի ստեղծման ակունքներում: Այս մասին իր թելեգրամ-ալիքում գրել է Էրդողանի փեսան՝ անօդաչուներ արտադրող ընկերության տնօրեն Սելջուկ Բայրաքթարը:

Ըստ WarGonzo-ի, Թուրքիայում Էրբաշին համարում էին այն մարտավարության հեղինակներից մեկը, որի շնորհիվ Ադրբեջանը կարողացավ հաջողության հասնել Լեռնային Ղարաբաղում: