🔻Հաշվի առնելով Կիևի դիրքորոշումը՝ ուկրաինական հակամարտության այսպես կոչված «սառեցումը» հնարավոր չէ․ հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նրա խոսքով՝ Պուտինը արձագանքել է Տոկաևի առաջարկին՝ մանրամասն ներկայացնելով հատուկ ռազմական գործողության (ՍՌԳ) ընթացքը։ Նա հավելել է, որ ռազմական գործողությունների դադարեցման պայմանները հստակ են, և ամեն ինչ կարող է կանգ առնել նույնիսկ մինչև օրվա վերջ, եթե Կիևը համապատասխան որոշումներ ընդունի։

Պեսկովի խոսքով՝ Ռուսաստանի համար գլխավոր պայմանը իր նպատակներին հասնելն է։

Հիշեցնենք, որ Պուտինի հետ հանդիպման ընթացքում Ղազախստանի նախագահ Տոկաևն առաջարկել է սառեցնել Ուկրաինայի շուրջ հակամարտությունը և վերադառնալ Ստամբուլում մշակված բանակցային ձևաչափին («Ստամբուլի բանաձև»)։ Ղազախստանի նախագահի գնահատմամբ՝ այդ բանակցությունների շրջանակում արդեն իսկ զգալի առաջընթաց էր գրանցվել։

🔻ՌԴ ՊՆ․ հարվածներ են հասցվել Ուկրաինայի ԱԹՍ-ների արտադրության և լոգիստիկ օբյեկտներին

Ռուսաստանի պաշտպանության նախարարության հաղորդմամբ՝ ՌԴ զինված ուժերը Դոնեցկի Ժողովրդական Հանրապետությունում (ԴԺՀ) ազատագրել են Շևչենկո բնակավայրը։

Գերատեսչությունը հայտնել է նաև, որ վերջին մեկ օրվա ընթացքում ռուսական ուժերը հարվածներ են հասցրել Ուկրաինայի զինված ուժերի լոգիստիկ կենտրոններին, հեռահար անօդաչու թռչող սարքերի արտադրամասերին և դրանց պահեստավորման վայրերին։

🔻Իրանական նավի վրա հարձակումը անպատասխան չի մնա․ Աբբաս Արաղչի

«Զելենսկին հարձակվել է իրանական առևտրային նավի վրա, ինչի հետևանքով զոհվել է նավաստի։ Սա ՄԱԿ-ի կանոնադրության կոպիտ խախտում է, որն իրականացվել է Իսրայելի ցուցումով՝ Եվրոպային նրա պատերազմի մեջ ներքաշելու նպատակով։

ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալլասի և Ռուսաստանի արտաքին գործերի նախարար Սերգեյ Լավրովի հետ հեռախոսազրույցների ընթացքում ես հստակ ընդգծել եմ, որ Կիևի իշխանությունների գործողությունները չեն կարող անպատասխան մնալ», — նշել է Արաղչին։

🔻‼️ Լավրովն ու Արաղչին քննարկել են իրանական «Անա» բեռնանավի վրա հարձակումը. մանրամասներ

Իրանի արտգործնախարար Աբբաս Արաղչին շնորհակալություն է հայտնել Աստրախանի իշխանություններին՝ հարձակման ենթարկված նավի անձնակազմին ցուցաբերած օգնության համար և ընդգծել, որ անհրաժեշտ է կանխել Կիևի գործողությունների նման դրսևորումները։

Արաղչին նաև տեղեկացրել է Լավրովին Մերձավոր Արևելքում լարվածության թուլացմանն ուղղված շարունակվող դիվանագիտական ջանքերի մասին, որոնք ձեռնարկվում են ԱՄՆ-ի՝ Իրանի Իսլամական Հանրապետության դեմ հարձակումից հետո։

‼️🔻 Արաղչին Կալլասին կոչ է արել արձագանքել Կասպից ծովում իրանական նավին հասցված հարվածին

Արաղչին նշել է, որ ՄԱԿ-ի Անվտանգության խորհուրդը, ԵՄ-ն և միջազգային հանրությունը պետք է վճռական պատասխան տան։

🔻Հուլիսի 25-ին Իրանը Ուկրաինային մեղադրել է այդ հարվածի մեջ՝ հաղորդելով մեկ զոհի և մեկ տուժածի մասին, և բողոքի նոտա է հանձնել Ուկրաինայի ժամանակավոր հավատարմատարին։

🔻Արաղչին Լավրովին հայտնել է իրանական նավի վրա hարվածի համար Ուկրաինային պատասխանելու իրավունքի մասին

Իրանի ԱԳՆ ղեկավար Աբբաս Արաղչին Ռուսաստանի արտաքին գործերի նախարար Սերգեյ Լավրովի հետ հեռախոսազրույցի ընթացքում հայտարարել է, որ Թեհրանն իրեն իրավունք է վերապահում պատասխանել Կիևին Կասպից ծովում իրանական առևտրային նավի վրա հասցված հարվածի համար։ Այդ մասին հայտարարել է Ռուսաստանում Իրանի դեսպան Քազեմ Ջալալին, հաղորդում է ՏԱՍՍ-ը:

«Երեկ հեռախոսազրույց է տեղի ունեցել Արաղչիի և Լավրովի միջև, որը մեծ մասամբ նվիրված էր այս թեմային։ Մեր ԱԳՆ ղեկավարն ընդգծել է, որ Իրանը պահպանում է պատասխանելու անօտարելի իրավունքը», – ասել է դիվանագետը։

🔻Իրանն Ադրբեջանի պետական հեռուստաալիքը ներառել է «թշնամական ԶԼՄ-ների» ցանկում․ Բաքուն արձագանքել է

Իրանն Ադրբեջանի «AzTV» պետական հեռուստաալիքն ընդգրկել է «թշնամական ԶԼՄ-ների» ցանկում։ Այս մասին հայտնում են իրանական ԶԼՄ-ները։

Նշվում է, որ նման որոշման պատճառ կարող էին դառնալ, ինչպես ազգային անվտանգությանը հակասող կեղծ լուրերի հրապարակումը, այնպես էլ Իսրայելի հետ հարաբերություննրերը։

Ի պատասխան՝ Ադրբեջանի իշխանությունները երկրի տարածքում անօրինական են հայտարարել իրանական «Səhər» հեռուստաալիքի և «Mehr» լրատվական գործակալության, ինչպես նաև դրանց ներկայացուցիչների գործունեությունը։

🔻Կրեմլը ներկայացրել է Պուտին–Փաշինյան հեռախոսազրույցի մանրամասները․

«Շեշտվել է, որ Հայաստանում հնարավորինս սեղմ ժամկետներում անհրաժեշտ է անցկացնել համազգային հանրաքվե՝ Եվրամիությանն անդամակցելու կամ Եվրասիական տնտեսական միության կազմում հետագայում մնալու հարցի վերաբերյալ»։

ՌԴ նախագահը հաստատել է հավատարմությունը Աստանայում կայացած ԵԱՏՄ գագաթնաժողովում Բելառուսի, Ղազախստանի, Ղրղզստանի և Ռուսաստանի առաջնորդների ընդունած համատեղ հայտարարությանը։ Փաստաթուղթը վերաբերում է Հայաստանի՝ ԵՄ-ին անդամակցելուն ուղղված քայլերին։

Կրեմլի մամուլի ծառայությունը հայտնել է, որ Պուտին–Փաշինյան հեռախոսազրույցը տեղի է ունեցել հայկական կողմի նախաձեռնությամբ։

🔻Պուտինը հրամանագիր է ստորագրել ՌԴ ԶՈւ թվաքանակի ավելացման մասին

ՌԴ ԶՈւ հաստիքային թվաքանակն ավելացվել է 25 հազարով՝ ռազմաշինարարական ստորաբաժանումների ստեղծման կապակցությամբ:

ՌԴ նախագահ Վլադիմիր Պուտինի հրամանագրի համաձայն՝ օգոստոսի 1-ից Ռուսաստանի զինված ուժերի ընդհանուր հաստիքային թվաքանակը կկազմի 2 426 130 մարդ, այդ թվում՝ 1 535 000 զինծառայող։

Նախորդ հրամանագիրը զինված ուժերի թվաքանակի ավելացման վերաբերյալ Վլադիմիր Պուտինը ստորագրել էր հունիսի 12-ին։

🔻ՀՀ-ի ճանապարհը դեպի Եվրոպա հնարավոր է, սակայն պահանջում է զգուշավոր քաղաքականություն․ Ջոն Ինյարիտու

Իսպանիայի խորհրդարանի պատգամավոր Ջոն Ինյարիտուի կարծիքով՝ Հայաստանի Հանրապետության ու Եվրամիության հարաբերությունների խորացումը շարունակական և բնական գործընթաց է, սակայն զգուշավոր քաղաքական հաշվարկներ է պահանջում։

«Մենք չպետք է անտեսենք այն փաստը, որ Ռուսաստանը մնում է Հայաստանի հիմնական տնտեսական գործընկերը, և որ Հայաստանը Եվրասիական տնտեսական միության անդամ է։ Սրանք կառուցվածքային իրողություններ են, որոնք չեն կարող անտեսվել, և Եվրամիության հետ ցանկացած հետագա մերձեցման դեպքում պետք է հաշվի առնել դրանք» - նշել է պատգամավորը:

🔻СВР. «ԵԱՏՄ-ն չի փրկելու սուզվող երևանյան անձնակազմին»

«Բրյուսելում չպետք է հույսեր փայփայեն, որ ԵԱՏՄ-ն կփրկի սուզվող երևանյան անձնակազմին՝ պահելով այն ջրի երեսին և ֆինանսավորելով Հայաստանի մարաթոնյան լողի մրցավազքը դեպի ԵՄ»,- նշված է Ռուսաստանի Արտաքին հետախուզության ծառայության (СВР) մամուլի գրասենյակի այսօր տարածած հայտարարության մեջ։

«Շնորհակալություն, Ռուսաստան»․ բոսնիացիները շնորհակալություն են հայտնել Էլբրուսում ալպինիստների փրկության համար.

Բոսնիայից ժամանած յոթ ալպինիստներից բաղկացած խումբը հուլիսի 24-ին կորցրել էր ճանապարհը։ Հաջորդ օրը նրանցից մեկը իջել էր և հայտնել, որ 5,1 հազար մետր բարձրության վրա երկու մարդ զոհվել է։

Կարճ ժամանակ անց փրկարարները հայտնաբերել են ևս մեկ ողջ մնացած ալպինիստի և իջեցրել հինգ զոհվածների մարմինները։

🔻 Օկուպացված Արցախում խոշոր հրդեհներ են

Ադրբեջանի զինված ուժերի կողմից օկուպացված Արցախում խոշոր հրդեհներ են արձանագրվել։ Կրակը տարածվել է դեպի երկու գյուղեր։

Ադրբեջանական ԶԼՄ-ների հրապարակած տեսանյութերում երևում է, որ Աղդամում լայնածավալ դաշտեր են մոխրի վերածվել։ Դեպքի վայր են ժամանել հրշեջներ։

🔻 Աշխարհաքաղաքական շրջադարձեր, տարածքային կորուստներ և տարածաշրջանային անվտանգության իրական պատկերը. «Փաստ»

«Փաստ» օրաթերթը զրուցել է ՀՃՇ առաջնորդ, գեներալ-մայոր Արշակ Կարապետյանի հետ՝ հետխորհրդային զարգացումների և անվտանգության մասին։ Նա պնդում է, որ եվրոպական ուղղվածությունը Մոլդովային բերեց Մերձդնեստրի կորստի ու պետականության սպառնալիքի, Վրաստանին՝ Աբխազիայի ու Հարավային Օսեթիայի, Հայաստանին՝ Լեռնային Ղարաբաղի ու սահմանամերձ տարածքների, իսկ Ուկրաինային՝ շարունակվող կորուստների։

Կարապետյանը տարակուսում է հայկական որոշ ԶԼՄ-ների՝ Ռուսաստանում վառելիքի «դեֆիցիտի» մասին գրառումներից։ Նրա խոսքով, աշխարհում ավելի հզոր ու արդյունավետ ՀՕՊ, քան Ռուսաստանի, չկա, և անգամ լայն հարձակումների դեպքում հարյուրավոր թիրախների մինչև 99 տոկոսը խոցվում է, վնասները՝ վերականգնելի։

🔻Օդեսայի ափերի մոտ անօդաչու սարքերը հարձակվել են ադրբեջանական անձնակազմով նավի վրա

Նավում եղել է անձնակազմի 13 անդամ, որոնցից մեկը՝ Թուրքիայի, իսկ 12-ը՝ Ադրբեջանի քաղաքացիներ։

Նախնական տեղեկություններով՝ հարձակման հետևանքով նավաստիներից ոչ ոք չի զոհվել և վնասվածքներ չի ստացել։