🔻 Օկուպացված Արցախում խոշոր հրդեհներ են

Ադրբեջանի զինված ուժերի կողմից օկուպացված Արցախում խոշոր հրդեհներ են արձանագրվել։ Կրակը տարածվել է դեպի երկու գյուղեր։

Ադրբեջանական ԶԼՄ-ների հրապարակած տեսանյութերում երևում է, որ Աղդամում լայնածավալ դաշտեր են մոխրի վերածվել։ Դեպքի վայր են ժամանել հրշեջներ։

🔻 Աշխարհաքաղաքական շրջադարձեր, տարածքային կորուստներ և տարածաշրջանային անվտանգության իրական պատկերը. «Փաստ»

«Փաստ» օրաթերթը զրուցել է ՀՃՇ առաջնորդ, գեներալ-մայոր Արշակ Կարապետյանի հետ՝ հետխորհրդային զարգացումների և անվտանգության մասին։ Նա պնդում է, որ եվրոպական ուղղվածությունը Մոլդովային բերեց Մերձդնեստրի կորստի ու պետականության սպառնալիքի, Վրաստանին՝ Աբխազիայի ու Հարավային Օսեթիայի, Հայաստանին՝ Լեռնային Ղարաբաղի ու սահմանամերձ տարածքների, իսկ Ուկրաինային՝ շարունակվող կորուստների։

Կարապետյանը տարակուսում է հայկական որոշ ԶԼՄ-ների՝ Ռուսաստանում վառելիքի «դեֆիցիտի» մասին գրառումներից։ Նրա խոսքով, աշխարհում ավելի հզոր ու արդյունավետ ՀՕՊ, քան Ռուսաստանի, չկա, և անգամ լայն հարձակումների դեպքում հարյուրավոր թիրախների մինչև 99 տոկոսը խոցվում է, վնասները՝ վերականգնելի։

🔻Օդեսայի ափերի մոտ անօդաչու սարքերը հարձակվել են ադրբեջանական անձնակազմով նավի վրա

Նավում եղել է անձնակազմի 13 անդամ, որոնցից մեկը՝ Թուրքիայի, իսկ 12-ը՝ Ադրբեջանի քաղաքացիներ։

Նախնական տեղեկություններով՝ հարձակման հետևանքով նավաստիներից ոչ ոք չի զոհվել և վնասվածքներ չի ստացել։

🔻«Աերոֆլոտը» կսկսի Կրասնոդար-Գյումրի չվերթեր իրականացնել

«Աերոֆլոտ» ավիաընկերությունը օգոստոսի 28-ից կսկսի Կրասնոդար–Գյումրի չվերթ իրականացնել։ Այս մասին հայտնել է ավիափոխադրողի մամուլի ծառայությունը։

«Չվերթերը կիրականացվեն շաբաթական երկու անգամ՝ չորեքշաբթի և ուրբաթ օրերին», – ասվում է հայտարարության մեջ։
Ավիաընկերությունը նշել է, որ չվերթերը կիրականացվեն «Airbus» A320 երկսրահ (էկոնոմ և բիզնես) ինքնաթիռներով։

Ամառային չվացուցակով «Աերոֆլոտը» ուղիղ թռիչքներ է իրականացնում Կրասնոդարից դեպի Մոսկվա, Սանկտ Պետերբուրգ, Եկատերինբուրգ, Կազան, Կրասնոյարսկ, Նովոսիբիրսկ, Ուֆա, Երևան, Դուբայ, Ստամբուլ, Հուրգադա և Շարմ էլ Շեյխ։

🔻 ՆԱՏՕ-ն ձգտում է «հետ քաշել» Հայաստանին ՀԱՊԿ-ից. ՀԱՊԿ-ում ՌԴ մշտական ներկայացուցիչ

«Մենք նշում ենք ՆԱՏՕ-ի երկրների և առանձին արևմտյան պետությունների ձգտումը՝ «հետ քաշել» Հայաստանին ՀԱՊԿ-ի դաշնակիցներից, այդ թվում՝ համատեղ զորավարժությունների անցկացման միջոցով», — ՌԻԱ Նովոստի-ին հայտարարել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը

Նա նշել է, որ Հայաստանի ներկայիս ղեկավարության նման մոտեցումը, անշուշտ, չի համապատասխանում երկրի անվտանգության և ինքնիշխանության ապահովման երկարաժամկետ շահերին։

«Նրանք, ուսումնասիրելով տարածաշրջանի պատմությունը, այդ թվում՝ բազմադարյա հեռանկարում, հավանաբար կգտնեն բազմաթիվ փաստեր, որոնք ապացուցում են, որ հայ ժողովրդի ճակատագիրը զարգացել է շատ բարդ և երբեմն արյունալի կերպով։ Պատասխանն այն հարցին, թե կոնկրետ ով է եղել նրա անվտանգության և բարգավաճման գլխավոր երաշխավորը բազմամյա պատմության ընթացքում, միանշանակ է և մակերեսին է», — հավելել է դիվանագետը։

🔻Հայաստանի վարչապետ Նիկոլ Փաշինյանը չափազանց էմոցիոնալ հայտարարություններ է անում։ Ռուսաստանը պետք է դրանց հանգիստ վերաբերվի. Գրիգորի Կարասին

«Երբեմն, ցավոք, մեզ և հենց իր համար Փաշինյանը չափազանց էմոցիոնալ հայտարարություններ է անում, որոնց համար հետո, թերևս, ինքն էլ է ստիպված լինում ցավել։ Ամեն դեպքում կյանքը միայն հայտարարություններից չի բաղկացած, ուստի մենք պետք է դրան հանգիստ վերաբերվենք»։

Երբ արևմուտտքն ու Արևելքը գտնվում են փաստացի պատերազմական գործողությունների մեջ, մենք չենք կարող երկուսի հետ էլ լավ հարաբերությունների մեջ լինել։ Նորից խաբում են ձեզ։
Արշակ Կարապետյան

🔻ՌԴ ՊՆ-ն հայտարարել է մեկ օրում ուկրաինական 743 անօդաչու թռչող սարք ոչնչացնելու մասին

Վերջին 24 ժամվա ընթացքում ՀՕՊ ուժերը ուկրաինական 743 անօդաչու թռչող սարք և 15 կառավարվող ավիացիոն ռումբ են խոցել ու ոչնչացրել, հայտարարել է Ռուսաստանի պաշտպանության նախարարությունը։

«Ռուսաստանի զինված ուժերի օպերատիվ-մարտավարական ավիացիան, հարվածային անօդաչու թռչող սարքերը, ինչպես նաև հրթիռային զորքերն ու հրետանին հարվածներ են հասցրել Ուկրաինայի ԶՈւ-ի անօդաչու թռչող սարքերի և դրանց բաղադրիչների արտադրության ու պահպանման համար նախատեսված օբյեկտներին ու ոչնչացրել դրանք»,- նշված է ՌԴ ՊՆ հաղորդագրությունում։

Մի մարդ, որը չունի անձնական ընկեր, չի կարող բարեկամական հարաբերություններ ունենալ որևէ երկրի հետ։

🔻Կիևը ծրագրել էր սպանել Ռուսաստանի նոր տարածաշրջաններից մեկի ղեկավարին. ԱԴԾ

ՌԴ անվտանգության դաշնային ծառայությունը Ղրիմում կանխել է ահաբեկչություն, ձերբակալվել են 2 ռուսաստանցի, որոնք պատրաստվում էին սպանել նոր տարածաշրջաններից մեկի ղեկավարին և հարվածել կարևոր ենթակառուցվածքային օբյեկտներին։

Ըստ հաղորդման, Ուկրաինայի հատուկ ծառայությունները հավաքագրել էին 1992 և 1999 թվականներին ծնված տղամարդկանց, որոնք նախ հավաքել են տվյալներ Ղրիմում գտնվող ռուսական զորքերի ստորաբաժանումների մասին, ապա ստացել ահաբեկչություն իրականացնելու հանձնարարություն։

Խուզարկության ընթացքում նրանց մոտ հայտնաբերվել է 3 FPV դրոն՝ մարտական լիցքերով (յուրաքանչյուրը՝ 350 գրամ պլաստիկ պայթուցիկ), ինչպես նաև ինքնաշեն ռումբ՝ 800 գրամ պայթուցիկ զանգվածով։

‼️🇮🇷 Մենք՝ իրանցիներս, մի ազգ ենք, ում ճանաչում են իր դիմադրողականությամբ։ Սկսած մոնղոլների, արաբների, օսմանցիների հարձակումներից, Սադամի բանակի դեմ 8-ամյա պատերազմից ու դիմադրությունից մինչև Իսրայելի և Ամերիկայի դեմ վերջին պատերազմը՝ մենք կանգնել ենք ու դիմադրել։

Մենք միշտ ստիպել ենք ու ստիպում ենք ագրեսորներին զղջալ իրենց արածի համար։ Մենք իրանցի ենք, և մեզ հետ չի կարելի խոսել ուժի լեզվով... Pooya Hosseini

ՀԱՅՏԱՐԱՐՈՒԹՅՈՒՆ

«Համահայկական ճակատ» շարժումը և համանուն կուսակցությունը զորակցություն են հայտնում Ամենայն Հայոց Վեհափառ Հայրապետին՝ վստահ լինելով, որ Հայ Առաքելական Սուրբ Եկեղեցու արժանապատվությունը, անկախությունն ու դարավոր առաքելությունը վեր են ցանկացած քաղաքական շահարկումից։

Ձեր կողքին ենք, Վեհափառ Հայր։
Աստծո օրհնությամբ թող հաղթանակը Ձեզ ուղեկից լինի վաղվա դատական գործընթացում, և այս փորձությունն անցնեք պատվով, իմաստությամբ ու հաղթական։

Մենք կոչ ենք անում պահպանել արժանապատվությունը, ազգային համախմբվածությունը և հարգանքը օրենքի նկատմամբ՝ համոզված լինելով, որ արդարությունը պետք է հաղթի, իսկ մեր ազգային և հոգևոր արժեքները՝ մնան անսասան։

Տէր, պահեա՛ զԵկեղեցիդ Հայաստանեայց անսասան, օրհնեա՛ զհովիւն մեր, զԱմենայն Հայոց Հայրապետն, և առաջնորդեա՛ զժողովուրդդ Քո ի ճանապարհս ճշմարտութեան ու խաղաղութեան։ Ամէն

Այսօր «Համահայկական ճակատ» կուսակցության ղեկավար, ՀՀ Զինված ուժերի պահեստազորի փոխգնդապետ, հետախուզական զորքերի սպա Արսեն Վարդանյանի ծննդյան տարեդարձն է:

Արսեն Վարդանյանն ամենադժվար պայմաններում պատասխանատվություն է կրել իր երկրի, իր զինակցի և իր պետության դրոշի առաջ։ Հետախույզի բարդագույն դպրոցն է կերտել կամք, սկզբունք և աննահանջ բնավորություն։
Եվ այսօր այդ նույն նվիրումով ու պատասխանատվությամբ նա շարունակում է ծառայել Հայաստանին` ազգային գաղափարի, պետականության ամրապնդման և համախմբման գործին։

Շնորհավորում ենք և մաղթում ամուր առողջություն, անսասան կամք, հեռատեսություն և հաղթանակներով լի ճանապարհ։
Թող յուրաքանչյուր որոշում ծառայի Հայրենիքին, յուրաքանչյուր քայլ` ազգի միասնությանը, իսկ պայքարը ավարտվի համահայկական հաղթանակով։

Վասն Հայրենյաց🇦🇲
«Համահայկական ճակատ» շարժում և կուսակցություն

🔻«ՀայաՔվե»-ն խստորեն դատապարտում է Գարեգին Բ-ի և եպիսկոպոսների նկատմամբ քրեական հետապնդումը

«ՀայաՔվե» ազգային քաղաքացիական միավորումը խստորեն դատապարտում է Ամենայն Հայոց Կաթողիկոս Գարեգին Բ-ի և Եկեղեցու վեց եպիսկոպոսների նկատմամբ, իր գնահատմամբ, ապօրինի քրեական հետապնդումը։ Կազմակերպությունը իշխանություններին վերագրում է Եկեղեցու կանոնական հարցերին միջամտություն և Կաթողիկոսին պաշտոնանկ անելու օրակարգ՝ նշելով, որ սա սպասարկում է թուրք-ադրբեջանական տանդեմի շահերը։

«ՀայաՔվե»-ն ընդգծում է, որ Եկեղեցու ինքնակառավարման հարգումը ՀՀ սահմանադրական ու միջազգային պարտավորություն է, իսկ քրեական գործիքակազմով ճնշումը՝ սահմանադրական կարգի, իրավական պետության և կրոնական ազատության սկզբունքների խախտում։ Նրա խոսքով, դատարանների ներքաշումը խախտում է իշխանությունների տարանջատումը, վկայում բռնապետացման մասին և վնասում միջազգային հեղինակությանը։