ՀՃՇ անդամ Աննա Ղուկասյանը գրում է.

«Թուրքիայի համար ռազմավարական նշանակություն ունի Հայաստանի տարածքով բեռնափոխադրումներ իրականացնել: Թուրքիան հասկանում է, որ կարող է դուրս մղվել տարածաշրջանից Ադրբեջանի պատճառով».

2 տարի առաջ ասել է ՊՆ նախկին նախարար, գեներալ-մայոր Արշակ Կարապետյանը:

Այսինքն` հիմնական վտանգը ճանապարհը չէ, այլ կախվածությունը։
Եթե Հայաստանի տարածքով բեռնափոխադրումները Թուրքիայի համար դառնան ռազմավարական անհրաժեշտություն, ապա Թուրքիան կստանա մեր երկրի վրա տնտեսական և քաղաքական ազդեցությունն ուժեղացնելու լրացուցիչ լծակ։

Վտանգը այն է, որ Հայաստանի տարածքը կարող է ծառայել Թուրքիայի ռազմավարական շահերին` աստիճանաբար մեծացնելով նաև Հայաստանի խոցելիությունը` ստեղծելով քաղաքական և անվտանգային լրացուցիչ ռիսկեր։

ՀՃՇ անդամ Աննա Ղուկասյանը դիմում է կապանցիներին.

«Սեպտեմբերի 19-ը ի՞նչ կապ ունի անկախության հետ։ 2023-ի սեպտեմբերի 19-ին Արցախը 223 զոհ տվեց։ Այդ օրը հիշատակի օր է։

Ու հիմա այդ օրը Կապանում` անկախության միջոցառում, երգուպար:

Կապանցինե´ր, նորմա՞լ է ձեզ համար։ Սյունեցին նման բանին կհամաձայնե՞ր։ Չէ´ր համաձայնի։ Կբոյկոտեր, կպահանջեր օրը փոխել։ Օրացույցում այլ օրերի պակաս չկա։
Եթե 223 զոհի հիշատակի օրը կարելի է հանգիստ շրջանցել ու այն տոն սարքել, ապա հարցը միջոցառման օրը չէ։ Հարցն այն է` ո՞ւր եք դուք գնում այս տեմպերով:
Վպրինցիպե, խի՞ ենք Հաջիևից նեղվում։ Մեր «հաջիևները» մեզ լրիվ բավարար են։

Հ.Գ. Կրթության, գիտության, մշակույթի և սպորտի նախարարությունը որոշել է Անկախության օրվա առիթով սեպտեմբերի 19-ին միջոցառում կազմակերպել Կապան համայնքում։ Հատկացվել է 81,5 միլիոն դրամ»:

2023 թ. սեպտեմբերի 19-ը Արցախի պատմության ամենածանր օրերից մեկն է։

Այս օրը Ադրբեջանը լայնածավալ ռազմական ագրեսիա սկսեց Արցախի դեմ, որին հաջորդեց արցախահայության բռնի տեղահանումը հայրենիքից։

Արցախը տվեց 223 զոհ։

Սեպտեմբերի 19-ի խորհուրդը հստակ է` հիշել զոհերին, չմոռանալ կատարվածը և ավարտին հասցնել Արցախի վերադարձի գործընթացը։

Սեպտեմբերի 19-ը համայն հայության համար հիշատակի օր է, և սա այն օրն է, երբ սուգը պետք է վերածվի համահայկական անզիջում պայքարի:

«Համահայկական ճակատ» կուսակցություն

ՀՀ անկախության ամրապնդումը սկսվում է նաև ԶՈւ պայմանագրային համակարգի ՄԱՔՐՈւՄԻՑ։

Հետևաբար` Զինված ուժերի շարքերը պետք է մաքրվեն կարգապահությունը խախտող, ծառայությունը սեփական շահերի համար օգտագործող և հրամկազմի նկատմամբ անհարգալից վերաբերմունք դրսևորող անձանցից։ Հատկապես պայմանագրային ծառայության համակարգում պետք է բացառվի այն մոտեցումը, որով որոշ պայմանագրային ճիվաղներ, իրենց «լավ տղա» հռչակած, անցնում են ծառայության` հրամկազմին «փուռը տալու» հաշվին իրենց ապահովելու բարձր վարձատրությամբ:

ԶՈւ շարքերը պետք է համալրվեն կարգապահ, կրթված, մասնագիտորեն պատրաստված և պետությանը նվիրված զինծառայողներով։ Ծառայության մեջ տեղ չունեն նրանք, ովքեր զինվորական համազգեստը դիտարկում են որպես անձնական շահերի, ներքին ազդեցության կամ հրամկազմի դեմ գործելու միջոց։

Հատկապես պայմանագրային ծառայության համակարգում խիստ անհրաժեշտություն է մասնագիտական համապատասխանությունը:
Պարոնա´յք, դուք ինձանից շատ ավելի լավ գիտեք, թե ինչ նողկալի երևույթի մասին է խոսքը, և լավ գիտեք, որ այդ լպրծուն տեսակը վխտում է շարքերում: Մաքրե´ք ԶՈւ շարքերը աղբից:

ՀՃՇ անդամ, ԶՈւ պահեստազորի զինծառայող Աննա Ղուկասյան

🇦🇲 Շնորհավոր Հայաստանի Հանրապետության Անկախության տոնը

Անկախությունը պետականության հիմքն է, իսկ դրա պաշտպանությունն ու ամրապնդումը՝ ազգային առաջնահերթություն։

Մեր կարևորագույն առաքելությունը` հզոր, պաշտպանված պետություն, մարտունակ բանակ, ինքնիշխան Հայաստան։

Փա՛ռք հայրենիքի պաշտպանության համար զոհված մեր զինվորներին, խոնարհում բոլոր նրանց, ովքեր հայրենիքի շահը վեր դասեցին ամեն բանից:

«Համահայկական ճակատ» կուսակցություն