«Երբ խոսում ենք Սարդարապատի մասին, անարժանաբար մոռանում ենք այն ռուս զինվորներին ու սպաներին, որոնք հեղափոխությունից հետո մնացին Կովկասում և շարունակեցին պայքարել Հայկական կորպուսի կազմում։ Նրանց թվում էր նաև գեներալ-մայոր Եվգենի Վիշինսկին՝ Առանձին հայկական կորպուսի շտաբի պետը։ Մեր խնդիրն էր վերականգնել պատմական հիշողության այս էջը այնպես, որպեսզի դրա մասին կարդան և իմանան», – Հայաստանում Ռուսական տան տնօրեն Վադիմ Ֆեֆիլով:

#Россотрудничество
#РусскийДомАрмения

#պարտադիր կարդալու

❗️«Բոլշևիկյան» մեթոդներ, «Էրդողանի ցուցում» և դիվանագիտական ձախողումներ. ի՞նչ է կատարվում Հայաստանում. «Փաստ»

«Փաստ» օրաթերթը գրում է.
Հայաստանի ներքաղաքական և արտաքին քաղաքական օրակարգում վերջին շրջանում ծավալվող իրադարձությունները, Եկեղեցու շուրջ ստեղծված լարվածությունն ու կառավարման համակարգում առկա խնդիրները շարունակում են մնալ հանրային ամենաթեժ քննարկումների կենտրոնում։

Այս թեմայի շուրջ «Փաստ» օրաթերթը զրուցել է ՀՀ պաշտպանության նախկին նախարար, «Համահայկական ճակատ» շարժման առաջնորդ գեներալ-մայոր Արշակ Կարապետյանի հետ, որը ներկայացրել է նաև առաջարկվող լուծումները:

Եկեղեցու շուրջ ստեղծված իրավիճակի և կառավարության հրապարակած զեկույցների վերաբերյալ Արշակ Կարապետյանը նկատեց, որ դրանք իրեն հիշեցնում են անցյալ դարասկզբին բոլշևիկների կողմից իրականացվող հետապնդումները։ Նա ընդգծեց, որ բոլշևիկներին ինչ-որ տեղ կարելի էր հասկանալ. նրանք ցանկանում էին ազատվել կրոնից, հայտարարում էին, թե Աստված չկա, և բոլորը գնում են դեպի կոմունիզմ՝ նպատակ ունենալով պահպանել իշխանությունը։ Ըստ բանախոսի, եթե նրանք չվերացնեին եկեղեցիներն ու մզկիթները, չէին կարողանա 70 տարի մնալ իշխանության ղեկին։

Անդրադառնալով հարցին, թե ինչ զուգահեռներ կան այն ժամանակվա և այսօրվա իրադարձությունների միջև, «Համահայկական ճակատ» շարժման առաջնորդը շեշտեց, որ այսօր Հայաստանում տեղի է ունենում նույն հետապնդումը եկեղեցականների և քաղաքական կուսակցությունների նկատմամբ։

Գեներալ-մայորի փոխանցմամբ, չկա մի ընդդիմադիր կուսակցություն, որի ղեկավարները ենթարկված չլինեն հետապնդումների, որոնք շարունակվում են նաև վիրտուալ դաշտում։ Միևնույն ժամանակ նա հիշեցրեց, որ մեր Եկեղեցին հետապնդումների դեմ պայքարի մեծ փորձ ունի. 30-ական թվականներին բոլ շևիկները բազմաթիվ եկեղեցիներ քանդեցին, Ներքին գործերի նախարարի ցուցումով սպանվեց Խորեն Ա Կաթողիկոսը, սակայն այդ նույն նախարարին հետագայում գնդակահարեցին։ «Եկեղեցուն հետապնդելը ոչ մի իշխանության փրկություն չի բերել»,արձանագրեց Կարապետյանը։

Խոսելով Եկեղեցու դեմ իրականացվող քայլերի շարժառիթներից՝ ՀՀ պաշտպանության նախկին նախարարը նշեց, որ մեր Եկեղեցու դեմ արշավները միշտ սկսվել են Նիկոլ Փաշինյանի արտասահմանյան այցելություններից հետո։ Հաշվի առնելով Թուրքիայի նախագահ Էրդողանի հետ նրա հանդիպումը՝ գեներալը պնդեց, որ Փաշինյանը հանդիպումից առաջ ցանկանում էր ցույց տալ, թե կատարում է Էրդողանի ցուցումը Հայոց եկեղեցու հանդեպ։ Գեներալը հավելեց, որ Հայոց եկեղեցին այսօր միակ ազգային օրգանն է, որը պաշտպանում է հայերի ազգային նպատակները, իսկ Փաշինյանը պարզապես կատարում է Էրդողանի և Ալիևի ցանկությունները։ Կարապետյանի համոզմամբ, մեր անկախությունն այսօր ավելի ծանր վիճակում է, քան Խորհրդային Միության կազմում եղած ժամանակ, որովհետև այն ժամանակ մեր ժողովուրդը գոնե ձայնի իրավունք ուներ։

Դիտարկելով Հայաստանի արտաքին քաղաքականությունն ու դիվանագիտական կորպուսի աշխատանքը՝ Արշակ Կարապետյանն ընդգծեց, որ արտաքին քաղաքականությունը ղեկավարում է Նիկոլ Փաշինյանը, որը չունի բարձրագույն կրթություն և եղել է կասկածելի լրագրող, որը գումարներ է ստացել ԱՄՆ դեսպանատնից։ Այնինչ, Ադրբեջանի նախագահ Ալիևը ստացել է պրոֆեսիոնալ միջազգային կրթություն, դասախոսել է, մեծացել է էլիտար ընտանիքում։ Ըստ զրուցակցի, մեր երկրի ղեկավարն այս ոլորտում անգրագետ է։ Նա համեմատական անցկացրեց նաև երկու երկրների դեսպանների միջև՝ նշելով, որ ԱՄՆ-ում ՀՀ դեսպան Նարեկ Մկրտչյանը պատմաբան է, Ռուսաստանում դեսպան Գուրգեն Արսենյանը հիմնականում զբաղվել է բիզնեսով, Չինաստանում դեսպան Սերգեյ Մանասարյանն ավարտել է գյուղատնտեսական ինստիտուտի մեխանիկայի ֆակուլտետը, և միայն Ֆրանսիայում դեսպան Արման Խաչատրյանն ունի համապատասխան կրթություն։ Մինչդեռ Ադրբեջանի դեսպանները ԱՄՆ-ում (Խազար Իբրահիմ), Ֆրանսիայում (Լեյլա Աբդուլաևա) և Ռուսաստանում (Ռահման Մուստաֆաև) ունեն համապատասխան կրթություն, ԱԳՆ-ում և ՆԱՏՕ-ում աշխատանքի երկարամյա դիվանագիտական փորձ։

🔻ՌԴ ԱԳՆ-ն օտարերկրյա քաղաքացիներին և դիվանագետներին խորհուրդ է տվել չգտնվել Կիևում

«Հնարավոր բացասական հետևանքների համար պատասխանատվությունն ամբողջությամբ ընկնում է նրանց վրա, ովքեր անտեսում են այս նախազգուշացումը», - ասվում է հայտարարության մեջ։

🔻Իրանի կառավարությունն անցել է կառավարման նոր համակարգի. Փեզեշքիան

Իրանի կառավարությունն անցել է կառավարման նոր համակարգի՝ հատուկ իրավիճակներում կառավարելու համար։ Այս մասին հայտնել է Իրանի նախագահ Մասուդ Փեզեշքիանը։

«Վերջին ամիսներին թշնամու ծրագիրն էր կտրել երկրի կենսականորեն կարևոր զարկերակները՝ Իրանի ժողովրդի վրա ճնշում գործադրելու համար։

Տնտեսական ճնշումը սրվել է, բայց ժողովրդի աջակցության և կառավարության մեր գործընկերների կողմից ձեռնարկված միջոցառումների շնորհիվ մենք կանխել ենք թշնամու տնտեսական պատերազմի նպատակների իրականացումը»,-գրել է նա։

🔻Երևանը փորձում է Մոսկվայի վրա դնել ռազմաբազայի հնարավոր դուրսբերման պատասխանատվությունը. Կալուգին

Ինչպես փոխանցում է «Ռիա Նովոստի»-ին, այս մասին հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Փորձերը հնարավոր դուրսբերման պատասխանատվությունը Մոսկվայի վրա դնելու՝ տեղավորվում են ներկայիս հայկական քաղաքական մտքի մի հետաքրքիր առանձնահատկության մեջ»,-ասել է Կալուգինը՝ նշելով, որ Հայաստանի իշխանությունները փորձում են ներքաղաքական որոշումների համար պատասխանատվությունը տեղափոխել արտաքին դերակատարների վրա։

Կալուգինի հայտարարությունը հետևել է Հայաստանի խորհրդարանի փոխնախագահ Վահագն Ալեքսանյան հայտարարությանը, թե Գյումրիում ռուսական ռազմաբազան Հայաստանի համար, իբր, մեծ ծախս է։