Prezident Shavkat Mirziyoyevning Markaziy Osiyo va Ozarbayjon davlat rahbarlarining sakkizinchi Maslahat uchrashuvidagi nutqidan asosiy fikrlar (birinchi qism):

📌So‘nggi yillarda Markaziy Osiyodagi munosabatlarning muhiti o‘zgardi, yetakchilar tez-tez uchrashib, masalalarni ochiq muhokama qilib, yechimlar topib, bir-birini qo‘llab-quvvatlay boshladi;

📌XXI asrda Markaziy Osiyoni rivojlantirish maqsadida Do‘stlik, yaxshi qo‘shnichilik va hamkorlik to‘g‘risidagi shartnomani tuzish jarayonlarining yakunlanishi tarixiy voqea bo‘ldi;

📌Mintaqa xalqaro maydonda ancha ishonchli va sezilarliroq tarzda namoyon bo‘lmoqda;

📌Markaziy Osiyo va qo‘shni mintaqalar o‘rtasidagi hamkorlikning navbatdagi bosqichini belgilab olish kerak. Bugun ularni yanada mustahkamlash va aniq mazmun bilan boyitish imkoniyati paydo bo‘lmoqda;

📌Markaziy Osiyo davlatlari rahbarlarining Maslahat uchrashuvlari faoliyatini tartibga soladigan normativ-huquqiy bazani takomillashtirish bo‘yicha ishlarni davom ettirish taklif etildi;

📌Iqtisodiy hamkorlik yangi darajaga ko‘tarilishi kerak. O‘zaro savdo va investitsiyalar hajmining o‘sishi bo‘yicha jiddiy maqsadlar qo‘yilgan. Endi bu o‘sish nimaning hisobiga ta’minlanishini belgilab olish zarur;

📌Savdo-iqtisodiy hamkorlik bo‘yicha 2035-yilgacha mo‘ljallangan keng qamrovli mintaqaviy dastur umumiy geografiyamizdan foydalanishda yordam beradigan amaliy vositaga aylanishi kerak;

📌Davlatlar bilan odatdagi savdo-sotiq qilish endi yetarli emas, birgalikda yakuniy mahsulot yaratish lozim. “Olti iqtisodiyot – bitta mahsulot” formulasi qanday marraga intilish kerakligini yaxshi ifodalaydi. Bu boradagi ishlarni rivojlantirish uchun 2027-yilda Xiva shahrida Markaziy Osiyo va Ozarbayjon biznes forumini o‘tkazish taklif etildi;

📌Qo‘shma investitsiya loyihalarini moliyaviy-texnik jihatdan qo‘llab-quvvatlash bo‘yicha maxsus platforma yaratish muhimligi ta’kidlandi;

📌Mintaqa global savdoning quruqlikdagi eng muhim yo‘nalishlaridan biriga va ayni paytda iqtisodiy faollikning yirik markaziga aylanishi mumkinligi qayd etildi;

📌Bunday muvofiqlashtiruv uchun Infratuzilmaviy rivojlanish bo‘yicha kengash tuzishni tezlashtirish va uning birinchi majlisini O‘zbekistonda o‘tkazish taklif etildi.

Facebook|Instagram|X

Prezident Shavkat Mirziyoyevning Markaziy Osiyo va Ozarbayjon davlat rahbarlarining sakkizinchi Maslahat uchrashuvidagi nutqidan asosiy fikrlar (ikkinchi qism):

📌Yangi ishlab chiqarish quvvatlarini qurish, energiyani saqlashning zamonaviy tizimlarini rivojlantirish va yangi energetika yo‘laklarini yaratishni yaxshiroq muvofiqlashtirish imkonini beruvchi kam uglerodli energetika salohiyati bo‘yicha qo‘shma konsepsiyani tayyorlash taklifi bildirildi;

📌Markaziy Osiyoda suv resurslaridan oqilona foydalanish bo‘yicha Amaliy chora-tadbirlar o‘n yilligi to‘g‘risidagi umumiy tashabbusni to‘liq amalga oshirish muhimligi qayd etildi;

📌O‘zbekiston Orolni qutqarish xalqaro jamg‘armasida raislik davridan Jamg‘arma ishini yanada samarali tashkil etish, yangi ekologik loyihalarni ishga tushirish va qo‘shimcha moliyaviy mablag‘larni jalb qilish uchun foydalanish niyatida;

📌Suv resurslaridan foydalanish masalalari bo‘yicha Afg‘oniston bilan muloqotga alohida e’tibor qaratish lozim. Bu muloqot doimiy va aniq mazmunga ega bo‘lishi, mintaqadagi barcha mamlakatlarning manfaatlarini hisobga olishi shart;

📌O‘zbekistonning Muhim minerallar bo‘yicha mintaqaviy alyansni tashkil etish borasidagi tashabbusiga muvofiq ishlarni faollashtirish taklif qilindi. Markaziy Osiyoning muhim minerallar zaxiralarining yagona raqamli xaritasini yaratish bu borada birinchi qadamlardan biri bo‘lishi mumkinligi ta’kidlandi;

📌Mamlakatlarning imkoniyatlarini birlashtirish va Umumiy hisoblash infratuzilmasini yaratishni boshlash taklif qilindi;

📌Talab yuqori bo‘lgan kasblar va kompetensiyalarning mintaqaviy atlasini ishlab chiqish taklif etildi. Unda bugungi kunda mutaxassislar tanqisligi sezilayotgan va yaqin yillarda talab o‘sib boradigan yo‘nalishlar bo‘yicha mamlakatlarning prognoz ma’lumotlarini birlashtirish mumkin;

📌“So‘nggi yillarda biz ko‘p narsaga erishdik. Endi bu o‘zgarishlarni mustahkamlash va hamkorligimizni kelgusi o‘n yilliklar davomida barqaror qilish muhimdir. Formula oddiy: taraqqiyot va xavfsizlik yo‘lida birdamlik va ishonch”;

📌“Kelgusi avlodlarga qanday mintaqa qoldirishimiz uchun javobgarmiz. U tinch, xavfsiz, iqtisodiy jihatdan kuchli bo‘lishi va odamlarga munosib yashash, mehnat qilish, o‘qish hamda farzandlarni voyaga yetkazish imkoniyatlarini berishi kerak”.

Facebook|Instagram|X

🇺🇿🇦🇪 Abu-Dabida “Investopia Bridge 2026” forumi doirasidagi biznes dasturida O‘zbekiston Respublikasi Investitsiyalar, sanoat va savdo vaziri o‘rinbosari Shohrux G‘ulomov BAAning yetakchi kompaniyalari va moliya institutlari rahbarlari bilan qator uchrashuvlar o‘tkazdi.

🟠TAQA Water Solutions kompaniyasi bilan Yangi Toshkent shahrida suv tozalash inshootlarini qurish va ekspluatatsiya qilish loyihasi muhokama qilindi. Loyihani birgalikda ishlab chiqish bo‘yicha kelishuvning amal qilish muddati uzaytirildi.

🟠First Abu Dhabi Bank bilan gaz transporti loyihalarini moliyalashtirish, bank sektorini qo‘llab-quvvatlash, shuningdek, islomiy va eksport moliyalashtirish vositalaridan foydalanish imkoniyatlari muhokama qilindi.

🟠AD Ports Group bilan logistika jarayonlarini raqamlashtirish, savdo-logistika xabini tashkil etish hamda Transafg‘on transport koridorini rivojlantirishda ishtirok etish istiqbollari ko‘rib chiqildi.

🟠Modon kompaniyasi bilan O‘zbekistondagi qurilish va shaharsozlik loyihalari muhokama qilindi. Takliflarni batafsil ishlab chiqish maqsadida qo‘shma ishchi guruh tuzildi.

🟠Uchrashuvlar yakunida investitsiyaviy takliflarni ishlab chiqish, moliyaviy va texnik shartlarni kelishish hamda qo‘shma tashabbuslarni amaliy bosqichga olib chiqish bo‘yicha keyingi qadamlar belgilandi.
____
🇺🇿🇦🇪 В рамках деловой программы форума Investopia Bridge 2026 в Абу-Даби заместитель министра инвестиций, промышленности и торговли Республики Узбекистан Шохрух Гуламов провёл серию встреч с руководителями ведущих компаний и финансовых институтов ОАЭ.

🟠С TAQA Water Solutions рассмотрен проект строительства и эксплуатации водоочистных станций в Новом Ташкенте. Продлено действие соглашения о совместной разработке проекта.

🟠С First Abu Dhabi Bank обсуждены возможности финансирования газотранспортных проектов, поддержки банковского сектора, а также применения инструментов исламского и экспортного финансирования.

🟠На переговорах с AD Ports Group рассмотрены цифровизация логистики, создание торгово-логистического хаба и перспективы участия в развитии Трансафганского транспортного коридора.

🟠С Modon обсуждены девелоперские проекты в Узбекистане. Для предметной проработки предложений сформирована совместная рабочая группа.

🟠По итогам встреч определены дальнейшие шаги по подготовке инвестиционных предложений, согласованию финансовых и технических условий и продвижению совместных инициатив к практической реализации.
____
🇺🇿🇦🇪 As part of the business program of the Investopia Bridge 2026 Forum in Abu Dhabi, Deputy Minister of Investments, Industry and Trade of the Republic of Uzbekistan Shohrukh Gulyamov held a series of meetings with the heads of leading UAE companies and financial institutions.

🟠With TAQA Water Solutions, the project to construct and operate water treatment facilities in New Tashkent was discussed. The agreement on the joint development of the project was extended.

🟠With First Abu Dhabi Bank, the parties discussed financing opportunities for gas transportation projects, support for the banking sector, as well as the use of Islamic and export financing instruments.

🟠With AD Ports Group, discussions focused on logistics digitalization, the establishment of a trade and logistics hub, and prospects for participation in the development of the Trans-Afghan Transport Corridor.

🟠With Modon, development projects in Uzbekistan were discussed. A joint working group was established to further develop the proposals.

🟠Following the meetings, next steps were outlined to prepare investment proposals, agree on financial and technical terms, and advance joint initiatives toward practical implementation.

◽️Facebook ◽️Instagram ◽️LinkedIn ◽️X