“Bolalar farovonligiga investitsiya: kelajak avlodlar barqaror va adolatli taraqqiyoti sari yo‘l”

Bolalar onkologiyasi: davolashning zamonaviy yondashuvlari muhokama qilindi

Bolalar onkologiyasi bo‘yicha II Xalqaro kongressning ikkinchi kunida sohaning dolzarb masalalariga bag‘ishlangan to‘rtta mavzuli sessiya tashkil etildi.

Sessiyalarda bemor bolalar va ularning oilalari hayot sifatini yaxshilashga qaratilgan palliativ yordam, bolalar o‘smalari jarrohligidagi zamonaviy strategiyalar, yuqori xavfli neyroblastomani davolash imkoniyatlarini kengaytirish hamda onkologik kasalliklarga chalingan bolalarda infeksiyalarning oldini olish va nazorat qilishning ilg‘or usullari muhokama qilindi.

Samarqand shahar hududiy ijtimoiy xizmatlar markazi
Samarqand shahar hududiy ijtimoiy xizmatlar markazi sobiq Mehribonlik uyi hududida tashkil etilgan.
Markaz 7 ta asosiy binodan iborat bo‘lib, ularda quyidagi 11 ta xizmat va faoliyat yo‘nalishi tashkil etilgan:
1. “International Inclusive Hub” — Xalqaro tayanch inklyuziv professional ta’lim markazining Samarqand filiali;
2. Bolalar uchun erta aralashuv xizmati;
3. Kattalar uchun kunduzgi parvarish xizmati;
4. Bolalar uchun kunduzgi parvarish xizmati;
5. “Mahorat” oshpazlik studiyasi;
6. Kattalar uchun reabilitatsiya xizmati;
7. Abilitatsiya xizmati;
8. Bolalar uchun reabilitatsiya xizmati;
9. “Yangi imkoniyatlar” klubi;
10. Psixoijtimoiy reabilitatsiya xizmati;
11. “Simulyatsion o‘quv kompleksi” — Ijtimoiy himoya tizimi xodimlarining malakasini oshirish markazining Samarqand filiali.

Samarqandda bolalar farovonligiga investitsiya kiritish to‘g‘risidagi Deklaratsiya qabul qilindi

«Bolalar farovonligiga investitsiya kiritish: kelajak avlodlar uchun barqaror va adolatli rivojlanish sari yo‘l» Jahon sammiti doirasida Samarqandda Bolalar farovonligiga investitsiya kiritish to‘g‘risidagi Samarqand deklaratsiyasi qabul qilindi. Hujjat 21–22 oktyabr kunlari o‘tkazilgan ikki kunlik Sammit yakuniga ko‘ra 22 oktyabr kuni tasdiqlandi.

Sammitni O‘zbekiston BMT Bosh kotibining bolalarga nisbatan zo‘ravonlik masalalari bo‘yicha maxsus vakili, YUNISEF, Jahon sog‘liqni saqlash tashkiloti va Jahon banki bilan hamkorlikda tashkil etdi. Unda ijtimoiy himoya, sog‘liqni saqlash, ta’lim va moliya vazirlari, davlatlar, xalqaro tashkilotlar, fuqarolik jamiyati, ilm-fan va biznes vakillari, shuningdek, bolalar va yoshlarning o‘zlari ishtirok etdi.