#muhandislik_oyligi #mahorat_darslari

🔸Bugun, 15-aprel kuni Oliy ta'lim, fan va innovatsiyalar vazirligi va Innovatsiyalar Milliy ofisi tomonidan tashkil etilgan “Muhandislik oyligi” doirasida talaba va o'quvchilar uchun ilhomlantiruvchi mahorat darslari bo‘lib o‘tmoqda.

Mahorat darslari axborot texnologiyalari, robototexnika, muhandislik, astronomiya, sun’iy intellekt hamda kimyo-texnologiya yo‘nalishlari bo‘yicha o'tkazilmoqda.

🔻Tadbir davomida soha mutaxassislari yoshlarga zamonaviy texnologiyalarni rivojlantirishda muhandislarning roli va vazifalari haqida gapirib berishdi. Shuningdek, sun'iy intellekt yordamida taqdimotlarni animatsion qo'shimchalar qo'shish orqali tayyorlash usullari ham o'rgatildi.

Bizni kuzating
Veb-sayt      Facebook
Instagram   YouTube

#Kelajak_muhandislari #3D_modellashtirish

3D modellashtirish musobaqasi boshlandi

🔻Toshkentdagi “INNO” texnoparkda “Kelajak muhandislari” festivali doirasida 3D modellashtirish musobaqalari bo‘lib o‘tmoqda.

Musobaqada oliy ta’lim muassasalari talabalari va erkin amaliyotchilardan tarkib topgan 270 dan ortiq ishtirokchi qatnashmoqda.

💻3D modellashtirish yo‘nalishiga qiziquvchi yoshlarni muhandislik sohalariga jalb qilishga qaratilgan mazkur musobaqa ularning texnik va ijodiy qobiliyatlarini rivojlantirish va kelajakda mamlakatimiz innovatsion salohiyatini oshirishga xizmat qiladi.

Bizni kuzating
Veb-sayt      Facebook
Instagram   YouTube

#Muhandislik_oyligi #seminar

🔻Oliy ta'lim, fan va innovatsiyalar vazirligi, Yoshlar Akademiyasi va Innovatsiyalar Milliy ofisi tomonidan tashkil etilgan “Muhandislik oyligi” doirasida yoshlarning muhandislik yo‘nalishiga qiziqishlarini oshirish va soha yuzasidan bilimlarini oshirish maqsadida ikki kunlik seminar-trening tashkil etildi.

Seminarda “Zilzilalarni prognoz qilishning fundamental muammolari” laboratoriyasi mudiri Valijon Yusupov va Tijoratlashtirish va texnologiyalarni transferini rivojlantirish boshqarmasi boshlig‘i Rustam Ergashev ishtirok etishdi.

Mutaxassislar tomonidan "spin-off" korxonalari va ilmiy ishlanmalarni tijoratlashtirish yuzasidan kerakli ma'lumotlar berildi. Shuningdek, trening davomida stajirovka tanlovida muvaffaqiyatga erishish sirlari bilan ham bo'lishildi.

Bizni kuzating
Veb-sayt      Facebook
Instagram   YouTube

#kelajak_muhandislari #aviatsiya_musobaqalari

✈️“Kelajak muhandislari” festivalida aviatsiya musobaqalari

“Kelajak muhandislari” xalqaro festivali doirasida tashkil etilgan aviatsiya musobaqalarida 15 dan ziyod oliy taʼlim muassasalari talabalari, harbiy qism kursantlari hamda turli yoshdagi 200 nafardan ortiq ishtirokchi qatnashmoqda.

Bellashuvlar 3 yoʻnalishda oʻtkazilmoqda:

🔺Drone Racing – qatnashchilar tomonidan boshqarilayotgan dronlar belgilangan yoʻnalish boʻylab toʻsiqlarni yengib oʻtib, marraga eng qisqa vaqtda yetib borishlari kerak.
🔺Havo jangi – qatnashchilar raqib droni tasmasini kesish va havodagi muvozanatni saqlagan holda maksimal ball toʻplash uchun kurash olib borishadi.
🔺Raketa modellashtirish – ishtirokchilar oʻzlari loyihalagan va yigʻgan raketalarni uchirishadi. Raketalarning uchish balandligi, barqarorligi va texnik yechimlari maxsus hakamlar tomonidan baholanadi.

Bizni kuzating
Veb-sayt      Facebook
Instagram   YouTube