#xalqaro_hamkorlik

🇺🇿🇨🇳Joriy yilning 28-30 aprel kunlari Oliy ta’lim, fan va innovatsiyalar vaziri oʻrinbosari Otabek Maxkamov boshchiligidagi delegatsiyasining Xitoy Xalq Respublikasining Shinjon-Uyg‘ur avtonom rayoniga (SHUAR) amalga oshirgan xizmat safari davomida ikki tomonlama aloqalarni yanada kengaytirish, istiqbolli yo‘nalishlarda o‘zaro manfaatli investitsiya loyihalarini muhokama qilish hamda mintaqaviy hamkorlikni rivojlantirish maqsadida bir qator tashkilotlar bilan hamkorlik uchrashuvlari tashkil etildi va ko‘plab manfaatli kelishuvlarga erishildi.

Xususan:

🔵 “Tyanfen” Sinszyan qishloq xo‘jaligi ilmiy-texnikaviy kompaniyasi bilan oziq-ovqat xavfsizligini ta’minlash uchun mo‘ljallangan laboratoriya markazi ochilishiga kelishib olindi va bitim imzolandi.

🔺BMTning Savdo–sotiq va rivojlanish komissiyasi (UNCTAD) eksperti va Space Techtronic Industries Services (Shenzhen) Co., Ltd. vakillari bilan esa o‘z navbatida texnologiyalarni Xitoydan O‘zbekistonga transfer qilish jarayonlarini muvofiqlashtiruvchi maxsus markaz tashkil etishga kelishildi.

🔺Xitoyning Xinjiang Beixin Road & Bridge Group Co., Ltd. kompaniyasi bilan akademik almashinuv dasturlarini tashkillashtirishga kelishildi.

🔺Tyanszin qishloq xo‘jaligi universiteti bilan hamkorlikda agrar sohadagi ilmiy tadqiqotlar o‘tkaziladigan markaz tashkil etish va “Yangi O‘zbek-Xitoy landshaft dizayni” konsepsiyasini yaratish va bu yo‘nalishda hamkorlikni yanada chuqurlashtirish yuzasidan kelishuvga erishildi.

🔺Toshkent kimyo-texnologiya instituti Yangiyer filiali hamda Xitoyning Chan’an universiteti o‘rtasida talabalar almashinuvi va xalqaro hamkorlikni rivojlantirish bo‘yicha muzokaralar bo‘lib o‘tdi. Xitoy tomonidan taklif etilgan dasturga ko‘ra, 4 ta bakalavriat yo‘nalishi bo‘yicha har bir yo‘nalishga 30 nafargacha talabani qabul qilish rejalashtirilgan.

🔺Sian neft universiteti bilan o'tkazilgan uchrashuvda ta’lim va ilmiy sohalardagi hamkorlikni mustahkamlash, jumladan, Sian neft universitetining O‘zbekistondagi filialini ochish bo‘yicha kelishuvlar muhokama qilindi.

🔺Pekin texnologiya institutining Toshkent shahridagi filialini ochish masalasi muhokama qilindi. Yangi xorijiy kampus tarkibida beshta asosiy fakultet faoliyat yuritadi: kompyuter fanlari, mashinasozlik va avtomobilsozlik, “yashil” energetika, katta ma’lumotlar (Big Data), sun’iy intellekt va kiberxavfsizlik.

Bizni kuzating
🌐Veb-sayt 🌐Facebook
🌐Instagram  📱YouTube

#xalqaro_hamkorlik #UNCTAD #seminar #STIpark

🇺🇿🇺🇳Innovatsiyalarni joriy qilish va texnologiyalar transferi milliy ofisi BMTning Savdo-sotiq va rivojlanish bo'yicha komissiyasi (UNCTAD) bilan hamkorlikda joriy yilning 6-8 may kunlari “Fan, texnologiya va innovatsiyalar (STI) siyosati va texnoparklar amaliyoti” boʻyicha seminar tashkil etmoqda.

Seminarni Oliy ta'lim, fan va innovatsiyalar vaziri o'rinbosari Otabek Maxkamov ochib berdi va o'z nutqi davomida mamlakatimizda fan, texnologiya va innovatsiyalar (STI) siyosati borasida salmoqli yutuqlarga erishilayotganligi va oldinda hali ko'plab masalalarga yechim topish kerakligini alohida ta'kidladi.

Tadbir davomida BMTning O‘zbekistondagi doimiy koordinatori Sabine Mahl va UNCTAD texnologiya va logistika bo'limining rivojlanish bo'yicha boshlig'i Liping Zhang ham so'zga chiqib, ishtirokchilarga sohaga oid yangi bilimlarni egallashda ulkan zafarlar tilashdi.

Seminarning asosiy maqsadi - moliyaviy qo‘llab-quvvatlash mexanizmlari, texnologiyalar transferi va tijoratlashtirish, inkubatsiya va akseleratsiya sohalaridagi ilg‘or xalqaro tajribalarni tahlil qilish, investitsiyalarni jalb qilish va manfaatdor tomonlarning hamkorligini tashkil etish masalalarini o’rganib chiqishga qaratilgan.

Bizni kuzating
🌐Veb-sayt 🌐Facebook
🌐Instagram  📱YouTube

#xalqaro_hamkorlik #UNCTAD #seminar #STIpark

🇺🇿🇺🇳Bugun start olgan “Fan, texnologiya va innovatsiyalar (STI) siyosati va parklar amaliyoti” boʻyicha seminar tafsilotlari BMTning Savdo-sotiq va rivojlanish bo'yicha komissiyasi (UNCTAD) ning rasmiy veb-sayti va X (sobiq "Twitter") platformasidagi sahifasida ham keng yoritildi.

Bizni kuzating
🌐Veb-sayt 🌐Facebook
🌐Instagram  📱YouTube

#xalqaro_hamkorlik #seminar #UNCTAD #STIpark

Innovatsiyalar Milliy ofisi va BMTning Savdo-sotiq va rivojlanish bo'yicha komissiyasi (UNCTAD) bilan hamkorlikda tashkil etilgan “Fan, texnologiya va innovatsiyalar (STI) siyosati va texnoparklar amaliyoti” boʻyicha seminarining ikkinchi kuni ham qizg'in ravishda davom etmoqda.

Seminar ishtirokchilari guruhlarga bo'linib, mamlakatimizda fan, texnologiya va innovatsiyalar texnoparklarini yanada rivojlantirish boʻyicha harakatlar rejasi va yoʻl xaritasi loyihasi ustida ish olib borishdi.

Kunning ikkinchi yarmida UNCTAD ekspertlari va seminar ishtirokchilari INNO innovatsion o‘quv-ishlab chiqarish texnoparkiga tashrif buyurib, texnoparkdagi ishlab chiqarish zonalari, zamonaviy laboratoriyalar, robototexnika va avtomatlashtirish markazlari, o‘quv va tajriba zonalari faoliyati bilan yaqindan tanishishdi.


Bizni kuzating
🌐Veb-sayt 🌐Facebook
🌐Instagram  📱YouTube