#innovatsiya_yangiliklari #tibbiyot

Microsoft sun’iy intellekt asosidagi kasalliklarga tashxis qo'yuvchi Microsoft AI Diagnostic Orchestrator (MAI‑DxO) tizimini ishga tushirdi

Kompaniyaning ta'kidlashicha, ushbu tizim kasalliklarni to‘g‘ri aniqlashda shifokorlarga qaraganda to‘rt baravar aniqroq ishlaydi.

Tizim Microsoft kompaniyasining 2024-yilda sog'liqni saqlash sohasida sun'iy intellektga asoslangan loyihalarni ishlab chiqish uchun tashkil etilgan AI Health bo‘limi tomonidan yaratilgan birinchi loyiha.

MAI‑DxO sun’iy intellektdan tashkil topgan "virtual shifokorlar jamoasi" orqali ishlaydi. Har bir sun'iy intellekt agenti alohida vazifani bajaradi — masalan, tashxis variantlarini taklif qilish, testlarni tanlash va h.k. Ular birgalikda ishlab, eng to'g'ri qarorni ishlab chiqadi.

Tizim New England Journal of Medicinedagi 304 ta murakkab holat asosida sinovdan o‘tkazildi va 85,5% to‘g‘ri tashxis qo‘yishga erishdi.

Microsoft bu texnologiyani Copilot va Bing xizmatlariga qo‘shishni rejalashtirmoqda — bu xizmatlar har kuni 50 millionga yaqin tibbiy so‘rovlarni qayta ishlashi kutilmoqda.

Microsoft AI rahbari Mustafo Sulaymonning aytishicha, bu yondashuv tibbiy xizmatlarga inqilobiy o‘zgarish olib kelishi mumkin: "To‘rt baravar aniqroq, tezroq va arzonroq."

Biroq, texnologiya hali klinik amaliyotga tayyor emas va mustaqil baholashdan o‘tmagan.

Bizni kuzating
🌐Veb-sayt 🌐Facebook
🌐Instagram  📱YouTube

3️⃣3️⃣3️⃣ #Data_Science

“Mirzo Ulug‘bek vorislari” Data Science kurslariga 2025/2026-o‘quv yili uchun qabul davom etmoqda

Uchinchi bosqich talabalari diqqatiga! Raqamli savodxonlik va zamonaviy texnologiyalarni chuqur o‘rganishni istagan yoshlarga noyob imkoniyat!

🎯Sun’iy intellekt asosida kasbiy ko‘nikmalarni rivojlantirish, o‘rganayotgan yo‘nalishingiz bo‘yicha professional mutaxassisga aylanish va kelajakda yuqori daromadga ega bo‘lishni xohlaysizmi? Unda ushbu kurs aynan siz uchun.

🚀 Tanlovda ishtirok eting va “Data Science” kurslarida tahsil olish huquqini qo‘lga kiriting!

Tanlov g‘oliblari uchun yaratilgan shart-sharoitlar:
– Toshkent shahrida bir o‘quv yili davomida tahsil olish (akademik mobillik);
– Har oy 1 320 000 so‘m miqdorida rag‘bat puli;
– O‘qish davomida issiq ovqat bilan ta’minlash;
– Noutbuk, internet, darslik va amaliy mashg‘ulotlar.

O‘quv dasturining asosiy yo‘nalishlari:

– Python, R, SQL, Power BI, mashinaviy o‘qitish va sun’iy intellekt asoslari;
– Startaplar va real muammolar uchun IT yechimlar ishlab chiqish.

Hujjat topshirish muddati:

2025-yil 10-avgust soat 23:59 gacha
Arizalar faqat onlayn qabul qilinadi: www.dscience.uz

Talab etiladigan hujjatlar (PDF formatda):

– Shaxsni tasdiqlovchi hujjat nusxasi;
– Transkript (GPA ko‘rsatkichi bilan);
– Akademik qarzdorlik yo‘qligi haqidagi ma’lumotnoma (Hemisdan);
– Motivatsion xat (kamida 2 sahifa);
– Sertifikatlar, tavsiyanomalar (agar mavjud bo‘lsa);
– Portfolio.

Tanlov bosqichlari:

✔️Hujjatlarni baholash (onlayn);
✔️IQ testi (xorijiy tashkilot platformasi orqali);
✔️Informatika va matematika fanlari bo‘yicha imtihon (oflayn);
✔️Suhbat va taqdimot (oflayn).

Baholash mezonlari bilan tanishing:
https://telegra.ph/Baholash-mezonlari-05-22

Qo‘shimcha ma’lumot uchun:
Telefon: +998 97 177 20 22

Bizni kuzating

Facebook | Instagram | YouTube | Telegram

⚡️Yangi O‘zbekiston uchun Ginnes rekordini o‘rnatamiz!

🛠 Biz robot yasash va o‘z nomini tarixga muhrlashga tayyor 2 000 nafar ixtirochini izlayapmiz!

📌 Reja: 25 daqiqada 2 000 ta konstruktor robot yig‘iladi.
🎯 Maqsad: Ginnes rekordini o‘rnatish!

📣 Yoshlar, sizni yirik muhandislik missiyasi kutmoqda!

Agar siz:
✔️Texnologiyaga qiziqsangiz
✔️ Yoshingiz 15–20 oralig‘ida bo‘lsa
✔️ Vatan nomidan tarixga kirishni xohlasangiz — bu imkoniyat aynan Siz uchun!

➡️Ro‘yxatdan o‘ting: missiya.edu.uz
🗓 Muddat: 25-iyulgacha!

#YangiOʻzbekiston #MuhandislikMissiyasi #GinnesRekordi

Bizni kuzating

Facebook | Instagram | YouTube | Telegram

#innovatsiya_yangiliklari #AI

🔸Bill Geyts The Indian Express nashriga bergan intervyusida sun’iy intellekt va uning mehnat bozori kelajagiga ta'siri bo‘yicha o'z fikrlari bilan o‘rtoqlashdi. Uning fikricha, sun'iy intellekt quyidagi uchta kasbning o'rnini egallay olmaydi:

1. Dasturchilar – chunki sun’iy intellekt hali ham yangi tizimlarni ishlab chiqish va xatolarni tuzatishda inson yordamiga muhtoj bo‘ladi.

2. Energetika mutaxassislari – chunki yadroviy, neft va qayta tiklanuvchi energiya manbalarini boshqarish amaliy ish va rejalashtirishni talab qiladi.

3. Biologlar – chunki ularning kreativ fikrlashi va muammolarga yechim topish va ularni hal qilish qobiliyatini sun’iy intellekt bilan almashtirish juda qiyin.

Bill Geyts albatta bu borada adashishi mumkinligini tan oldi, lekin u sun’iy intellekt dunyoni internet yoki hatto sanoat inqilobi darajasida o‘zgartirishi mumkinligini ta’kidladi.

Bizni kuzating
🌐Veb-sayt 🌐Facebook
🌐Instagram  📱YouTube

🗣 Navbatdagi ochiq muloqotga oz fursat qoldi

Biznes yuritishda muammolarga duch kelyapsizmi yoki takliflaringiz bormi? Sizni eshitishadi va qo‘llab-quvvatlashadi! Har bir ovoz muhim.

Prezidentning tadbirkorlar bilan bo‘lib o‘tadigan navbatdagi ochiq muloqoti doirasida o‘z fikr-mulohazalaringizni bildirish imkoniyatini qo‘ldan boy bermang.

🔺 Murojaatlaringizni quyidagi usullarda yuborishingiz mumkin:

📞 1094 yoki 1100 qisqa raqamlariga qo‘ng‘iroq qiling.

🔵 “Tadbirkorlar bilan ochiq muloqot” elektron platformasi orqali yozing.

Operatorlar kecha-yu kunduz faoliyat ko‘rsatmoqda.

Bizni kuzating

Web-site | Instagram | Facebook | YouTube

#avtomobilsiz_kun

🔸“Avtomobilsiz kun” aksiyasida ishtirok eting!

23-iyul kuni Toshkent shahrida navbatdagi “Avtomobilsiz kun” tadbiri bo‘lib o‘tadi.

Ushbu kun munosabati bilan davlat tashkilotlari rahbarlari va xodimlariga shaxsiy avtomobildan foydalanmaslik, uning o‘rniga jamoat transporti, velosiped yoki ekologiyaga zarar yetkazmaydigan boshqa vositalardan foydalanish tavsiya qilinadi.

Bizni kuzating
🌐Veb-sayt 🌐Facebook
🌐Instagram  📱YouTube

#Prezident #texnopark

O'zbekiston Respublikasi Prezidenti Shavkat Mirziyoyev Zomin texnoparki faoliyati bilan tanishdi.

Bizni kuzating
🌐Veb-sayt 🌐Facebook
🌐Instagram  📱YouTube