#1_oktyabr #e’tirof

Oliy ta’lim, fan va innovatsiyalar vazirligida 1-oktyabr – O‘qituvchi va murabbiylar kuni munosabati bilan bayram tadbiri bo‘lib o‘tdi

Tadbirni vazir Qo‘ng‘irotboy Sharipov ochib, ta’lim tizimida fidokorona mehnat qilayotgan barcha ustoz va murabbiylarni samimiy qutladi. O‘z nutqida u pedagoglik kasbi yuksak mas’uliyat, katta sharaf va el-yurt oldidagi muqaddas burch ekanini alohida ta’kidladi. Shuningdek, ta’lim va ilm-fan rivojiga o‘zining bilim va tajribasi, fidoyiligi bilan munosib hissa qo‘shayotgan o‘qituvchi va olimlarga minnatdorlik izhor etdi.

Bayram tadbirida o‘z kasbiga sadoqat bilan xizmat qilayotgan professor-o‘qituvchilar, tajribali pedagoglar, ilm-fan taraqqiyotiga munosib hissa qo‘shayotgan olimlar hamda tizimda fidokorona faoliyat yuritayotgan bir guruh vazirlik xodimlari taqdirlandi. Ularning samarali mehnati e’tirof etilib, “Oliy ta’lim a’lochisi” va “O‘rta maxsus va professional ta’lim a’lochisi” ko‘krak nishonlari topshirildi.

Ko‘krak nishoni sohiblari o‘z so‘zlarida bugungi kunda pedagoglarga ko‘rsatilayotgan yuksak e’tibor va e’tirofni xalqimizning ustoz va murabbiylarga bo‘lgan cheksiz hurmat-ehtiromining yorqin ifodasi sifatida qayd etib, bu ulug‘ qadriyatni amalda his etayotganlaridan chuqur minnatdorlik bildirdilar.

Tadbirning badiiy qismi ham ko‘tarinki ruhda o‘tdi. Elimiz suygan san’atkor, O‘zbekiston Respublikasi xalq artisti Jenisbek Piyazov kuy-qo‘shiqlari bilan ishtirokchilarga bayramona kayfiyat ulashdi.

Bizni kuzating:
🌐Veb-sayt 🌐Facebook
🌐Instagram  📱YouTube

#xalqaro_hamkorlik #PlugnPlay

🔸Bugun, 25-sentyabr kuni Oliy ta’lim, fan va innovatsiyalar vazirligida Plug and Play kompaniyasi vakillari bilan navbatdagi muhim hamkorlik uchrashuvi tashkil etildi.

Uchrashuvga Plug and Play kompaniyasining Innovatsiyalar bo’yicha direktori Alfredo Gomez Soria va O’zbekistondagi ofisi direktori Muhammad Mahmudov tashrif buyurishdi.

🔵Uchrashuv davomida tomonlar innovatsion faoliyat va oliy ta’lim sohalarida hamkorlikni kengaytirish bo‘yicha fikr almashishdi. Jumladan, Plug and Play kompaniyasining tajribasi asosida mamlakatimizdagi oliy ta’lim muassasalarida inkubatsiya dasturlarini tashkil qilish va bu tajriba asosida 41 ta inkubatsiya markazlarini xalqaro standartlar asosida rivojlantirish rejalashtirildi.

🔺Shuningdek, hamkorlik doirasida Yoshlar texnoparklarida muvaffaqiyatli startaplar uchun DEMO DAY tadbirlarini o‘tkazish taklif qilindi. Plug and Play kompaniyasi o‘z investorlar tarmog‘i orqali bu jarayonda faol ishtirok etishi ko’zda tutildi.

🔵Shuningdek, Yoshlar texnoparklari xodimlari uchun inkubatsiya va akseleratsiya yo‘nalishlarida amaliy tajriba orttirish maqsadida Plug and Play kompaniyasining xorijiy ofislarida malaka oshirish dasturlarini tashkil qilish rejalashtirildi.

Uchrashuv so’ngida tomonlar istiqbolli rejalarni belgilab oldilar va O‘zbekistonda innovatsion ekotizimni rivojlantirish yo‘lida yaqin hamkorlikni davom ettirishga kelishib oldilar.

Bizni kuzating:
🌐Veb-sayt 🌐Facebook
🌐Instagram  📱YouTube