#xalqaro_forum #xalqaro_hamkorlik #Xitoy

🇺🇿🇨🇳 O‘zbekiston-Xitoy ikkinchi ta’lim forumi doirasida Innovatsiyalarni joriy etish va texnologiyalar transferi milliy ofisi va Xitoyning ArkInno Hub (Shenzhen) Industrial Operation Co., Ltd. o'rtasida hamkorlik memorandumi imzolandi.

🔹Unga ko'ra O‘zbekiston–Xitoy Akselerator dasturi rasman ishga tushirilib, ikki mamlakat o'rtasida innovatsiya, texnologiyalar transferi va startaplarni rivojlantirish sohasida hamkorlik uchun asos yaratish, tadqiqot natijalarini tijoratlashtirish, tajriba, bilim va eng yaxshi amaliyotlar almashinuvini yo‘lga qo‘yish ko'zda tutilgan.

🔺Shuningdek, hamkorlik doirasida universitetlar, ilmiy-tadqiqot institutlari va xususiy korxonalarni o‘z ichiga olgan O‘zbekiston va Xitoy innovatsion ekotizimlari o‘rtasida uzoq muddatli hamkorlikni rivojlantirish maqsad qilingan.

Bizni kuzating:
🌐Veb-sayt 🌐Facebook
🌐Instagram  📱YouTube

#xalqaro_forum #xalqaro_hamkorlik #Xitoy

Joriy yilning 3-noyabr kuni O‘zbekiston – Xitoy Ikkinchi ta’lim forumi doirasida uchta asosiy yo‘nalish – oliy ta’lim va ilm-fan, professional ta’lim hamda innovatsiyalar va texnologiyalar transferiga bag‘ishlangan parallel sho‘balar bo'lib o'tdi.

Xususan, Innovatsiyalar Milliy ofisi tomonidan tashkil etilgan texnologiyalar transferi masalalariga qaratilgan uchinchi yo'nalishda 30 dan ortiq xitoylik olimlar va mutaxassislar, 20 dan ziyod mahalliy tadbirkorlar, 10 dan ortiq OTM va ilmiy-tadqiqot institutlari, 5 ta vazirlik vakillari qatnashishdi.

Sessiya davomida qo‘shma innovatsion loyihalarni amalga oshirish va texnoparklar faoliyati, shuningdek ushbu yo'nalishlarda hamkorlik va amaliy tajriba almashish mexanizmlari muhokama qilindi.

Bundan tashqari, forumning ikkinchi kuni davomida ishtirokchilar o‘rtasida B2B formatidagi uchrashuvlar tashkil etildi. Uchrashuvlar natijasi o'laroq, Toshkent Inha universiteti, Toshkent davlat texnika universiteti va Qarshi davlat universiteti kabi bir qator oliy ta'lim muassasalarida qo'shma laboratoriyalar tashkil etish va boshqa hamkorlik loyihalarini amalga oshirishga kelishib olindi.

Shuningdek, dastur doirasida qatnashchilar uchun universitetlar va texnikumlarga tashrif buyurishdi.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #sammit #Qatar #Ijtimoiyrivojlanish

O‘zbekiston Respublikasi Prezidenti Shavkat Mirziyoyev Doha shahrida Ijtimoiy rivojlanish bo‘yicha ikkinchi Jahon sammitida ishtirok etdi.

Sammitda qabul qilingan qarorlar butun dunyodagi millionlab odamlarga umid bag‘ishlashi, barqarorlik va farovonlikni ta’minlashga katta hissa qo‘shishiga ishonch bildirildi.

– Xalqaro taraqqiyot yo‘lida ijtimoiy kelishuvni yangilash, har bir inson uchun munosib hayot tarzini yaratish bizning asosiy burchimizdir, – dedi davlatimiz rahbari.

Bizni kuzating:
🌐Veb-sayt 🌐Facebook
🌐Instagram  📱YouTube

#xalqaro_hamkorlik #Xitoy

Oliy ta’lim, fan va innovatsiyalar vazirligi huzuridagi Kasbiy ta’lim agentligi va Innovatsiyalar Milliy ofisi vakillari BMTning Savdo-sotiq va rivojlanish bo‘yicha komissiyasi (UNCTAD) va Xitoyning ArkInno Hub va Dongguan New Nanfang Science & Education Group kompaniyasi vakillari bilan uchrashishdi.

Uchrashuv davomida tomonlar kasbiy ta’lim sohasidagi hamkorlikni yanada rivojlantirish, ta’lim jarayoniga ilg‘or xalqaro tajribalarni tatbiq etish hamda zamonaviy kasblar uchun malakali mutaxassislar tayyorlash tizimini yanada takomillashtirish masalalarini muhokama qilishdi.

Uchrashuv so’ngida istiqbolli rejalar belgilab olindi va O‘zbekistonda kasbiy ta'limni rivojlantirish yo‘lida qo'shma hamkorlik loyihalarini ishlab chiqishga kelishildi.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #sammit #MarkaziyOsiyo #AQSH

O‘zbekiston Respublikasi Prezidenti Shavkat Mirziyoyev AQSH Prezidentining rasmiy qarorgohi – Vashington shahridagi Oq uyda bo‘lib o‘tgan Markaziy Osiyo mamlakatlari va AQSH yetakchilarining “C5+1” formatidagi sammitida ishtirok etdi.

Prezident Donald Tramp raisligida o‘tgan tadbirda Qozog‘iston Respublikasi Prezidenti Qasim-Jomart Toqayev, Qirg‘iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon va Turkmaniston Prezidenti Serdar Berdimuhamedov ham qatnashdi.

Davlatimiz rahbari AQSH yetakchisiga asos solinganidan buyon o‘tgan 10 yilda mintaqaviy savdo, transport va energetika aloqalarini rivojlantirishning samarali mexanizmiga aylangan “C5+1” formatidagi sammit tashkil etilgani uchun minnatdorlik bildirdi. Ushbu sammit Markaziy Osiyo va AQSH o‘rtasidagi strategik muloqotni rivojlantirishda yangi bosqichni boshlab berishi ta’kidlandi.

Bizni kuzating:
🌐Veb-sayt 🌐Facebook
🌐Instagram  📱YouTube