#plugandplay #seminar

Innovatsiyalar Milliy ofisi va Plug and Play platformasi bilan hamkorlikda navbatdagi seminar-trening tashkillashtirildi.

Seminarda mamlakatimizdagi 24 ta oliy ta'lim muassasasidan 50 ga yaqin professor-o'qituvchilar, tadqiqotchi-talabalar va tadbirkorlik subyektlari vakillari ishtirok etishdi.

Seminar davomida Plug and Play venchur fondi investori Tommaso Fontirossi va O'zbekistondagi vakili Ozodbek Odilbekov oliy ta'lim muassasalarida inkubator dasturlarlarini to'g'ri tashkillashtirish va startaplarni akseleratsiya qilish borasida taqdimot o'tkazishdi.

Bundan tashqari, PREEN MChJ direktori Fahriddin Rahimov seminar ishitokchilari bilan startaplarni rivojlantirish va mahsulotni dunyo bozoriga olib chiqish bo'yicha o'z tajribasi bilan bo'lishdi.

Seminar yakunida, ochiq muloqot o'tkazilib, unda professor-o'qituvchilar o'zlarining amaliyotdagi startap loyihalarini taqdim etishdi.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #tanishuv #Yunusobod #energetika

Prezident Shavkat Mirziyoyev Toshkent shahri Yunusobod tumanida barpo etilgan yirik quvvatli kogeneratsiya markazi faoliyati bilan tanishdi.

– Shahar sharoitida boshqaruv servis kompaniyalari faoliyati aholi hayoti bilan uzviy bog‘liq. Shu bois ular soat mexanizmiday aniq, uzluksiz ishlashi kerak. Buning uchun zarur shart-sharoitlar yaratilmoqda. Endilikda soha xodimlarining dunyoqarashi va yondashuvi ham o‘zgarishi lozim. Aholining holidan xabar olish, ko‘p qavatli uylarning yerto‘la va tom qismlarini, yo‘laklar va o‘yin maydonchalarini tartibli saqlash zarur, — dedi Prezident.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #tashrif #Yaponiya

Oʻzbekiston Respublikasi Prezidenti Shavkat Mirziyoyev rasmiy tashrif bilan Tokio shahriga keldi. “Xaneda” xalqaro aeroportida davlatimiz rahbarini Yaponiya ichki ishlar va kommunikatsiyalar vaziri Yoshimasa Xayashi va boshqa rasmiy shaxslar kutib oldi.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #tashrif #Yaponiya #hamkorlik

Oʻzbekiston Respublikasi Prezidenti Shavkat Mirziyoyev Tokio shahriga rasmiy tashrifi doirasida Yaponiya Parlamentining Vakillar palatasi spikeri Fukushiro Nukaga bilan uchrashuv o‘tkazdi.

Oʻzbekiston – Yaponiya strategik sherikligini yanada mustahkamlash va koʻp qirrali, jumladan, parlamentlararo hamkorlikni kengaytirish masalalari koʻrib chiqildi.

Ikki mamlakat parlament delegatsiyalari oʻrtasidagi oʻzaro tashrif va uchrashuvlar faol tus olgani katta mamnuniyat bilan qayd etildi. Parlamentlarda doʻstlik guruhlari faol ish olib bormoqda. May oyida Tokioda navbatdagi parlamentlararo forum muvaffaqiyatli oʻtkazildi.

Parlamentlarning qoʻmitalari, xalq deputatlari mahalliy kengashlari va Yaponiya prefekturalari assambleyalari oʻrtasida hamkorlik oʻrnatish, shuningdek, raqamli texnologiyalar va sunʼiy intellekt sohasida qonun ijodkorligi boʻyicha tajriba almashish muhimligi taʼkidlandi.

Bizni kuzating:
🌐Veb-sayt 🌐Facebook
🌐Instagram  📱YouTube