#Mirziyoyev #tashrif #Yaponiya

Oʻzbekiston Respublikasi Prezidenti Shavkat Mirziyoyev rasmiy tashrif bilan Tokio shahriga keldi. “Xaneda” xalqaro aeroportida davlatimiz rahbarini Yaponiya ichki ishlar va kommunikatsiyalar vaziri Yoshimasa Xayashi va boshqa rasmiy shaxslar kutib oldi.

Bizni kuzating:
🌐Veb-sayt 🌐Facebook
🌐Instagram  📱YouTube

#Mirziyoyev #tashrif #Yaponiya #hamkorlik

Oʻzbekiston Respublikasi Prezidenti Shavkat Mirziyoyev Tokio shahriga rasmiy tashrifi doirasida Yaponiya Parlamentining Vakillar palatasi spikeri Fukushiro Nukaga bilan uchrashuv o‘tkazdi.

Oʻzbekiston – Yaponiya strategik sherikligini yanada mustahkamlash va koʻp qirrali, jumladan, parlamentlararo hamkorlikni kengaytirish masalalari koʻrib chiqildi.

Ikki mamlakat parlament delegatsiyalari oʻrtasidagi oʻzaro tashrif va uchrashuvlar faol tus olgani katta mamnuniyat bilan qayd etildi. Parlamentlarda doʻstlik guruhlari faol ish olib bormoqda. May oyida Tokioda navbatdagi parlamentlararo forum muvaffaqiyatli oʻtkazildi.

Parlamentlarning qoʻmitalari, xalq deputatlari mahalliy kengashlari va Yaponiya prefekturalari assambleyalari oʻrtasida hamkorlik oʻrnatish, shuningdek, raqamli texnologiyalar va sunʼiy intellekt sohasida qonun ijodkorligi boʻyicha tajriba almashish muhimligi taʼkidlandi.

Bizni kuzating:
🌐Veb-sayt 🌐Facebook
🌐Instagram  📱YouTube

#xalqaro_hamkorlik #Xitoy

Xitoy Xalq Respublikasining Zhejiang Sci-Tech universiteti tashabbusi bilan joriy yilning 23-dekabr kuni Xanchjou shahrida “Xitoy – Markaziy Osiyo to‘qimachilik universitetlari alyansi” hamda “Bir makon, bir yo‘l” tashabbusi doirasida “Qadimgi va zamonaviy Ipak yo‘llari bo‘yicha Xitoy – Markaziy Osiyo qo‘shma laboratoriyasi”ning ochilish marosimi o‘tkazildi.

Tadbirda Oliy ta'lim, fan va innovatsiyalar vazirligi Ilm-fan va innovatsion faoliyatni rivojlantirish boshqarmasi boshlig‘i Askarali Daminov va Innovatsiyalarni joriy qilish va texnologiyalar transferi milliy ofisi Bosh direktori Farxod Djumayev, shuningdek, respublikaning to’qimachilik sohasidagi yetakchi oliy ta’lim muassasalari va ilmiy-tadqiqot institutlari vakillaridan iborat delegatsiya ishtirok etdi.

Markaziy Osiyo tomoni vakili sifatida Toshkent to’qimachilik va yengil sanoat instituti prorektori Baxtiyor Nasimov qo’shma laboratoriya direktori etib tayinlandi.

Tadbir doirasida Xitoy va Markaziy Osiyo to‘qimachilik universitetlari o‘rtasida hamkorlikni mustahkamlash, qo‘shma ilmiy laboratoriya tashkil etish bo‘yicha rasmiy hujjatlarni imzolash va taqdimot marosimlari o‘tkazildi.

Shuningdek, soha mutaxassislarining ilmiy ma’ruzalari tinglandi, akademik muhokamalar tashkil etildi.

Bizni kuzating:
🌐Veb-sayt 🌐Facebook
🌐Instagram  📱YouTube