#Rəqəmsal İnkişaf və #Nəqliyyat Nazirliyi, aidiyyəti tənzimləyici qurumlar və dövlət müəssisələrinin nümayəndələrinin iştirakı ilə Azərbaycan və Beynəlxalq Nəqliyyat Forumu (BNF) arasında əməkdaşlığa həsr olunan məlumat sessiyası keçirilib.

Rəqəmsal İnkişaf və Nəqliyyat Nazirliyinin Nəqliyyat siyasəti şöbəsinin müdiri Fariz Əliyev çıxışında bildirib ki, Azərbaycanın 2025 – 2026-cı illər üzrə BNF-yə sədrliyi ölkəmizin qlobal nəqliyyat siyasətinə aktiv töhfə verdiyini nümayiş etdirir. BNF ilə əməkdaşlıq çərçivəsində Azərbaycan həm beynəlxalq təcrübə və analitik alətlərdən faydalanır, həm də #rəqəmsallaşma, nəqliyyatın idarə edilməsi və infrastrukturun inkişafı sahəsində təcrübəsini bölüşür.

Ətraflı: https://bit.ly/42um4Zd

#RİNN

Aprelin 27-də Qəbələdə Azərbaycan Respublikasının Prezidenti İlham Əliyevin və Çex Respublikasının Baş naziri Andrey Babişin iştirakı ilə Azərbaycan-Çexiya biznes-forumu keçirilib.

Dövlətimizin başçısı biznes-forumda çıxış edərək bildirib ki:

- Biz nəqliyyat infrastrukturunun aparıcı istehsalçıları ilə Azərbaycanda birgə müəssisə yaratmaq məqsədilə Çexiyanın çox məşhur olan nəqliyyat sektorunu geniş müzakirə etdik.

- Bu gün biz Şərq-Qərb nəqliyyat dəhlizinə geniş sərmayə yatırırıq və bu gün ənənəvi təchizat zəncirinin kəsilməsinə, logistika və tranzitlə bağlı problemlərə görə bu dəhlizə heç vaxt olmadığı kimi ehtiyac var. Beləliklə, Azərbaycan Şərqdən Qərbə və əks istiqamətdə, hətta Şimaldan Cənuba və Cənubdan Şimala təhlükəsiz və etibarlı tranziti təmin edir. Biz hər iki dəhlizin kəsişməsində yerləşirik və son illərdə infrastruktura geniş investisiyalar ilə biz bir çox ölkələrə lazım olan bu böyük aktivi artıq yaratmışıq.

- Biz, həmçinin Azərbaycanın regionda artıq önəmli rol oynadığı hava ilə yükdaşımaları sahəsində potensial əməkdaşlığı müzakirə etdik.

Rəqəmsal İnkişaf və Nəqliyyat Nazirliyinin “Smart icmal” layihəsi çərçivəsində süni intellekt əsaslı xəbər rubrikasının aparıcısı NaRİNN #nəqliyyat və #telekommunikasiya sahələrində ayın ən vacib və aktual yeniliklərini sizə təqdim edir.

Budəfəki buraxılışda:

✅ Azərbaycanın nəqliyyat sahəsindəki təcrübəsinin beynəlxalq səviyyədə nümunə kimi təqdim olunması;
✅ “e-Sosial” mobil tətbiqi üzərindən göstərilən #rəqəmsal xidmətlərin “mygov” platformasına tam inteqrasiya edilməsi;
✅ Fərdi avtomobil istifadəsinin yaratdığı tıxac və vaxt itkisi fonunda yaşıl avtobusların “ağıllı seçim” modelini təqdim etməsi

və digər mühüm məlumatlar barədə ətraflı tanış olacaqsınız.

#RİNN #NaRİNN

#Rəqəmsal İnkişaf və #Nəqliyyat Nazirliyi və qurumlarının əməkdaşları #KüləyəQalibGəl şüarı altında keçirilən #BakıMarafonu2026|da uğurla iştirak ediblər.

Heydər Əliyev Fondunun təşəbbüsü ilə doqquzuncu dəfə təşkil olunan marafonun məqsədi ölkəmizdə idmanın inkişafına dəstək göstərmək və sağlam həyat tərzini təbliğ etməkdir.

#RİNN #bakumarathon2026 #winthewind

Ermənistanın paytaxtı İrəvan şəhərində “Avropa Siyasi Birliyi”nin 8-ci Zirvə toplantısı keçirilib.

Azərbaycan Respublikasının Prezidenti İlham Əliyev tədbirdə videobağlantı formatında çıxış edərək bildirib ki:

- Sülhün əldə olunması faktı əsasında Azərbaycan 1990-cı illərin əvvəlindən Ermənistana tətbiq edilən bütün tranzit məhdudiyyətlərini birtərəfli qaydada aradan qaldırdı. İndiyə qədər Ermənistana Azərbaycan ərazisi vasitəsilə 28 min ton yük çatdırılıb.

- Sülh sahəsində digər nailiyyət bağlantılardır. “Trampın Beynəlxalq Sülh və Rifah Marşrutu” Azərbaycanı öz eksklavı Naxçıvanla birləşdirəcək və bununla yanaşı, o, Orta Dəhlizin bir hissəsinə çevriləcək.