#tanishing

✍️ Piter Druker (1909–2005)

▫️ Zamonaviy menejment asoschilaridan biri;
▫️ 40 ga yaqin kitob muallifi, 25 ta universitetning faxriy doktori;
▫️ AQShning eng oliy fuqarolik mukofoti – “Presidential Medal of Freedom” sohibi.

BusinessWeek jurnali uni “menejmentni ixtiro qilgan inson” deb ataydi.

Avstriyaning Vena shahrida tug‘ilgan Piter Druker bolaligidan mashhur olim va ziyolilar davrasida ulg‘aygan. Keyinchalik uning o‘zi bu suhbatlarni “Haqiqiy ta’limni men aynan shu yerda olganman”, deb eslaydi. Frankfurt universitetida esa xalqaro huquq bo‘yicha doktorlik darajasini olgan.

Druker boshqaruv haqidagi tasavvurlarni o‘zgartirgan olimlardan edi. U General Motors kompaniyasi faoliyatini 18 oy davomida o‘rganib, qaror qabul qilish vakolatlarini quyi bo‘g‘inlarga taqsimlash g‘oyasini ilgari surgan. Shuningdek, rahbar va xodimlar faoliyatini aniq maqsadlar hamda natijalar asosida tashkil etishga qaratilgan maqsadlar asosida boshqarish konsepsiyasini ommalashtirgan.

Uning “Menejment: vazifalar, mas’uliyat, amaliyotlar” asari bir necha avlod rahbarlari uchun muhim qo‘llanmaga aylangan. Ushbu kitob muallifning 30 yildan ortiq ilmiy-pedagogik faoliyati hamda biznes, davlat boshqaruvi, ta’lim va tibbiyot muassasalarida orttirgan maslahatchilik tajribasiga asoslanadi. Hatto kitobni menejerlar uchun “Shifokorlar ma’lumotnomasi”ga qiyoslashadi.

Mazkur asar 1000KITOB loyihasi doirasida o‘zbek tiliga tarjima qilinib, chop etilgan.

Telegram | Facebook | Instagram | YouTube

#maxzan

Ertalab dasturxonimizga qo‘yilgan noz-ne'matdan tortib, ishimiz, daromadimiz, farzandimizning ta’limi, hatto qancha umr ko‘rishimizgacha iqtisodiyot bilan bog‘liq. Shunday ekan, iqtisodchilar asrlar davomida nimaning ustida bahslashib kelmoqda?

Nayl Kishtayni “Iqtisodiyotning muxtasar tarixi” kitobida Qadimgi Yunonistondan boshlangan iqtisodiy qarashlar tarixini, boylik va farovonlik haqidagi bir-biriga zid g‘oyalarni sodda tilda hikoya qiladi.

Muallif bejiz “Iqtisodiyot hayot va mamot masalasidir” demaydi.

“Iqtisodiyotda bahslar tugamaydi” | Batafsil

Telegram | Facebook | Instagram | YouTube

Yoshlar bilan ochiq muloqot 🇺🇿

Bugun soat 17:00 da yoshlar bilan tadbirkorlik, bandlik, ta’lim va Yoshlar ishlari agentligi dasturlari haqida suhbatlashamiz.

Maqsadimiz yoshlarni qiynayotgan masalalarni muhokama qilish, yangi g‘oya va takliflarni eshitish hamda mavjud imkoniyatlar haqida fikr almashish.

Sizni qiziqtirgan savollar, takliflar yoki muhokama qilmoqchi bo‘lgan mavzular bo‘lsa, muloqotga qo‘shiling. Izohlarda yozib qoldiring.

Bugun, soat 17:00
Telegram orqali jonli muloqot

Barchangizni suhbatda kutaman!

👉https://t.me/alisher_sadullaev?livestream

#havola

“Davlat hamma narsani sodda ko‘rishni istaydi!”

Siyosatshunos, loyiha eksperti Hamid Sodiq ushbu fikr orqali Jeyms Skotning “Davlatcha nazar” asarida ilgari surilgan qanday muhim masalalarga e’tibor qaratadi?

Tez kunda e’tiboringizga havola etamiz.

Telegram | Facebook | Instagram | YouTube

#tanishing

✍️ Duglas Nort (1920–2015)

▫️ Yangi institutsional iqtisodiyot asoschilaridan biri;
▫️ Iqtisodiyot bo‘yicha Nobel mukofoti sohibi (1993);
▫️ 8 ta kitob va 50 dan ortiq ilmiy maqola muallifi;
▫️ Iqtisodiy tarix va G‘arbiy iqtisodiyot assotsiatsiyalarining sobiq prezidenti;
▫️ Amerika san’at va fanlar akademiyasi hamda Britaniya akademiyasi a’zosi.

Nima uchun ayrim davlatlar boyib boradi, boshqalari esa asrlar davomida iqtisodiy qoloqlikdan chiqa olmaydi? Duglas Nort ilmiy faoliyatining katta qismida aynan shu savolga javob izlaydi.

1920-yil 5-noyabrda AQShning Kembrij shahrida tug‘ilgan Nort Kaliforniya universitetining Berklidagi kampusida bakalavr va doktorlik darajalarini olgan. Sent-Luisdagi Vashington universitetida iqtisodiyot va tarix professori, Siyosiy iqtisod markazi direktori, Hoover institutida katta ilmiy xodim sifatida faoliyat yuritgan. Shuningdek, Journal of Economic History ilmiy jurnaliga besh yil muharrirlik qilgan.

Nort iqtisodiy taraqqiyot faqat kapital, tabiiy resurslar yoki texnologiyalarga bog‘liq emasligini ilmiy asoslagan. Uning fikricha, mamlakat rivojida qonunlar, mulk huquqi, davlat boshqaruvi, jamiyatdagi ishonch va urf-odatlar ham hal qiluvchi ahamiyatga ega. U bularni umumiy nom bilan “institutlar” deb atagan.

Olimning “Institutlar, institutsional o‘zgarish va iqtisodiy ijro” asari iqtisodiy taraqqiyot sabablarini tushunishda muhim manbalardan hisoblanadi. Kitobda institutlarning qanday shakllanishi, vaqt o‘tishi bilan o‘zgarishi va mamlakatlarning iqtisodiy kelajagiga qanday ta’sir ko‘rsatishi tahlil qilinadi.

Ushbu kitob loyihamiz doirasida chop etilgan!

Telegram | Facebook | Instagram | YouTube | X