Qo‘llanma: Google Docs’dan qanday foydalaniladi?

Do‘stlar, YouTube sahifamizda yana bir foydali video e’lon qildik: tarjimon, muharrir va boshqa jarayon ishtirokchilariga bir vaqtning o‘zida bir joyda ishlash imkonini beruvchi Google Docs platformasini qanday ishlatish bo‘yicha batafsil yo‘riqnoma tayyorladik. Unda elektron pochta ochishdan tortib, platformaning ikir-chikirigacha tushuntirilgan.

Xo‘sh, Google Docs’ning oddiy Word’dan qanday afzalliklari bor, unda nimalar qilish mumkin, qanday ishlatiladi – barchasi haqida videodan bilib olishingiz mumkin:

https://youtu.be/PydJDeYQmLk?si=0_0g2RZhnuwWSAg4

#foydali

Sahifalarimizga ulaning va ulashing👇

Telegram | Facebook | Instagram | YouTube | X

🎉 Yana bir ajoyib yangilik bilan keldik, do‘stlar! 1000KITOB logopediyaga oid kitobning tarjima huquqini qo‘lga kiritdi

Loyiha “Pearson” nashriyotidan Viki Ridning “Bolalarda nutq buzilishlari: kirish” (“Introduction to Children with Language Disorders”) kitobining mualliflik huquqini sotib oldi.

Kitob bolalarda til buzilishlarini o‘rganishga kirish bo‘lib xizmat qiladi. Unda ifoda va qabul qilish nutqidagi buzilishlar, shuningdek, autizm, eshitish muammolari va o‘qishga qobiliyat bilan bog‘liq buzilishlar kabi turli til buzilishlarining sabablari, xususiyatlari va oqibatlari ko‘rib chiqiladi. Muallif nazariy jihatlar bilan bir qatorda tashxis bo‘yicha amaliy strategiyalarga ham e’tibor qaratadi.

Unda, shuningdek, muloqotdagi muammolarni yechish muhokama qilinadi. Bunda nutqi buzilgan bolalar uchun qo‘shimcha va muqobil muloqot usullari, tilni baholash, shuningdek, ushbu bolalar bilan ishlashda qo‘llaniladigan usullar va e’tiborga olinadigan omillar ko‘rib chiqiladi.

Muallif haqida

Viki Rid — AQShning Jeyms Medison va Avstraliyaning Sidney universitetlari faxriy professori. U 17 yil davomida Sidney universitetining kommunikatsiyadagi muammolar maktabi rahbari bo‘lib ishlagan.

Doktor Rid 2016-yilda nafaqaga chiqquniga qadar, bolalar va o‘smirlar tili rivojlanishi hamda nutq buzilishlari sohasida 40 yildan ortiq tajriba to‘plagan. U bakalavriat va magistratura bosqichlarida dars berish, ilmiy tadqiqotlar olib borish va talabalarning ilmiy ishlariga rahbarlik qilish bilan shug‘ullangan. Doktor Ridning ushbu sohada ko‘plab ilmiy maqolalari chop etilgan va ma’ruzalari o‘qilgan.

Sahifalarimizga ulaning va ulashing👇

Telegram | Facebook | Instagram | YouTube | X

📚 Yana bir kun, yana bir xushxabar va yana yangi kitob: 1000KITOB pedagogikaga oid kitob mualliflik huquqini qo‘lga kiritdi

Loyiha “Pearson” nashriyoti bilan yana bir kelishuvga erishdi – “O‘quv dasturi. Asoslar, tamoyillar va muammolar” (“Curriculum: Foundations, Principles, and Issues”) kitobi mualliflik huquqini xarid qilindi.

Kitob o‘quv rejasining nazariy asoslari, tamoyillari va dolzarb masalalarini atroflicha sharhlab, tarixiy-falsafiy yondashuvlarni zamonaviy ta’lim talablari bilan uyg‘unlashtiradi. Mualliflar maqsadlarni belgilash, mazmunni tanlash, metodikani loyihalash va natijalarni baholash jarayonlarini ketma-ket ko‘rib chiqib, jamiyat qadriyatlari hamda o‘quvchi ehtiyojlarini muvofiqlashtirish zarurligini ta’kidlaydi.

Alohida boblarda texnologiyalar, raqamli savodxonlik va kasbga yo‘naltirishning o‘quv rejasini yangilashdagi ta’siri muhokama qilinib, amaliy “Curriculum Tips” hamda auditoriya uchun muhokama mavzulari keltiriladi.

📝 Mualliflar haqida

Alan Ornshteyn – AQShning Sent-Jons universitetida Ma’muriy va o‘quv jarayoni rahbarligi bo‘yicha professor. U ta’lim sohasiga oid 54 ta kitob va 400 ga yaqin maqolalar muallifi bo‘lib, 75 dan ortiq davlat va ta’lim tashkilotlari, jumladan Chikago va Nyu-York shahar maktab okruglari uchun maslahatchi sifatida faoliyat yuritgan. U “Fulbright-Hayes” stipendiyasi sohibi va keyinchalik ushbu tanlov qo‘mitasi a’zosi bo‘lgan.

Frensis Hankins 35 yil davomida Vashington universitetining Ta’lim kollejida umumiy o‘quv dasturi, o‘quv dasturlarini ishlab chiqish, o‘quv dasturi masalalari va o‘quv dasturi nazariyasi bo‘yicha ixtisoslashgan ta’lim professori bo‘lgan.

Sahifalarimizga ulaning va ulashing👇

Telegram | Facebook | Instagram | YouTube | X

Miya yaxshi ishlashi uchun... uxlang!

Ba’zida inson miyasi uyqu paytida yaxshiroq ishlaydi. Ha, to‘g‘ri o‘qidingiz, aynan uyqu paytida uyg‘oqlik paytdagidan yaxshiroq ishlaydi va faolroq bo‘ladi.

Gap shundaki, miya tezkor uyqu fazasida (REM-faza) xotiralarni ko‘rib chiqadi, muammolarni hal qiladi, aynan shu paytda tush “ishlab chiqariladi”.

Uyqu – bu dam olish emas, bu – tungi miya parvarishi!

Sahifalarimizga ulaning va ulashing👇

Telegram | Facebook | Instagram | YouTube | X

🤔 Siz konservatormisiz? Bilib olish osonlashadi

Konservatizm deganda kimnidir cheklash, o‘zgarishdan qo‘rqish yoki o‘tmishga yopishib olish tushunilsa, bu kitob buni rad etadi. Muallif ushbu kitobda konservatizmni 10 ta tamoyil asosida izohlaydi.

Har bir tamoyil bir haqiqatga tayangan: inson o‘zgarmaydi, lekin zamon doim o‘zgaradi.

1953-yili Rassel Kirkning “Konservativ zehniyat” kitobi nashr qilingach, zamonaviy konservativ intellektual harakatlar davri boshlandi. Oradan to‘rt yil o‘tib, u ushbu kitobining qisqa falsafiy xulosasini yozdi va “Ayollar uchun konservatizm haqida qo‘llanma” nomi bilan nashr etdi. Ana shu qisqa qo‘llanma keyinchalik “Konservatizm haqida muxtasar qo‘llanma” nomi bilan qayta chop etildi. Bu kitob konservatizmning oila, jamiyat va shaxs, erkinlik va din, xususiy mulk va davlat, ta’lim va o‘zgarishlarga bo‘lgan munosabatini g‘oyaviy jihatdan bayon qilib beradi.

Muallif tug‘ilganidan bir asr o‘tgach, e’tibordan chetda qolgan bu nodir asar qayta kashf etildi. U Kirk ko‘zlagan maqsadga xizmat qilishda davom etmoqda: ayniqsa yoshlar uchun konservativ g‘oyalarga tushunarli kirish vazifasini o‘tamoqda. Kirk 1953-yilda ta’riflagan harakat bugungi kunda shunchalik bahsli va tarqoq holatga kelib qoldiki, hech kim konservatizm nima ekanligini ishonch bilan aytib bera olmayapti.

🧑‍🎓 Muallif haqida

Rassel Kirk amerikalik siyosiy faylasuf, axloqshunos, tarixchi, ijtimoiy tanqidchi, adabiyotshunos, yozuvchi va romannavis bo‘lib, u 20-asr Amerika konservatizmiga sezilarli ta’sir ko‘rsatgan. U 1953-yilda “Konservativ tafakkur” nomli asarini yozgan bo‘lib, unda ingliz-amerika an’analaridagi va Edmund Berkning g‘oyalaridagi konservativ fikrlarning rivojlanishini tadqiq etgan. Ushbu kitob Ikkinchi jahon urushidan keyingi Amerika konservativ harakatining shakllanishiga kuchli turtki bergan.

Tarjimon: Sardor Salim.

Sahifalarimizga ulaning va ulashing👇

Telegram | Facebook | Instagram | YouTube | X

#Diqqat_tanlov

1000KITOB loyihasi navbatdagi kitoblarni oʻzbek tiliga oʻgirish va nashrga tayyorlash boʻyicha nashriyotlar orasida tanlov eʼlon qiladi!

Quyidagi kitoblar oʻzbek tiliga oʻgirilishi va nashrga tayyorlanishi rejalashtirilmoqda:

Harald H.H.W. Schmidt. The End of Medicine as We Know It – and Why Your Health Has a Future. Springer (APRESS), 2023.

Vicki A. Reed. An Introduction to Children with Language Disorders. Pearson, 2011.

Allan Ornstein, Francis Hunkins. Curriculum: Foundations, Principles, and Issues. Pearson, 2016.

Tanlovda qatnashishga qiziqish bildirgan nashriyotlardan faoliyati haqida qisqa maʼlumot va uni tasdiqlaydigan hujjatlar hamda tarjima namunalari so‘raladi. Loyihaning yuridik masalalar bo‘yicha maslahatchisi hamda 1000KITOB Ekspertlar kengashi a’zolari bergan xulosalarga ko‘ra tanlov g‘olibi aniqlanadi.

Ushbu tanlov Siz uchun nafaqat yirik davlat loyihasida ishtirok etish, balki yoshlarning intellektual va ilmiy salohiyatini oshirishga yuksak hissa qoʻshish imkoniyati hamdir. Qolaversa, bu Sizning nashriyotingiz obroʻsini yanada oshiruvchi bosqich boʻlishi mumkin!

Siz biror nashriyotning vakili yoki doimiy hamkori boʻlsangiz, tanlovda qatnashishga qiziqishingizni bildirish uchun quyidagi shaklni toʻldiring:

https://forms.gle/sYaCEZvw3iCsqDe29

Iltimos, shaklda faol, ishlab turgan telefon raqami va elektron pochta manzilini koʻrsating. Biz Siz bilan bogʻlanamiz va keyingi qadamlarni tushuntiramiz.

Muhim ma’lumot: Tanlovda faqat nashriyotlar ishtirok etishi mumkin. Siz biror-bir nashriyotga bogʻlanmagan mustaqil tarjimon boʻlsangiz, loyihada qatnashish niyatingizni bildirish uchun quyidagi elektron pochta manziliga yozib yuboring: 1000kitob@gmail.com

Sahifalarimizga ulaning va ulashing👇

Telegram | Facebook | Instagram | YouTube | X

💭 Populizm demokratiyaning bir qismimi yoki unga tahdid?

Ayrim siyosatchilarga nisbatan “populist”, “populizm” tushunchalari ko‘p qo‘llanadi. Bu so‘z, ayniqsa, saylovlar oldidan trendga chiqadi. Siyosat va saylovlar haqidagi munozaralarda bu asosiy tushunchaga aylanadi.

Lekin boshqa siyosiy atamalar kabi bu ham keng ma’noda qo‘llanadi. Lekin populizm o‘zi nima? Populistik yetakchilar kimlar? Xo‘sh, populizm va demokratiya o‘rtasida qanday bog‘liqlik bor? 1000KITOB loyihasida tarjima qilingan “Populizm. O‘ta qisqa tanishtiruv” kitobida ushbu savollarga sodda va ishonchli tarzda javob beradi.

Mualliflar populizmni jamiyatni ikki qarama-qarshi lagerga – “sof odamlar” va “buzilgan elita”ga ajratadigan va xalqning umumiy irodasini hamma narsadan ustun qo‘yadigan mafkura sifatida taqdim etadi. Ular bu mafkuraning amaliy kuchini real keyslar – Yevropadagi o‘ng partiyalar, Lotin Amerikasidagi so‘l prezidentlar va AQShdagi Choy partiyasi harakati misolida ko‘rsatib beradi. Shuningdek, mualliflar mashhur populist siyosatchilarning shaxsini ham chuqur tahlil qilgan.

Kitobda populizm demokratiyaning bir qismi sifatida ko‘rilsa-da, populistik kuchlarning demokratik siyosatga tahdidi tobora kuchayayotgani ta’kidlanadi.

🎓 Mualliflar haqida:

Kass Mudde – niderlandiyalik akademik. Hozirda Jorjiya shtatidagi Stenli Ueyd Shelton universitetining (AQSH) xalqaro aloqalar bo‘yicha professori va Oslo universitetining (Norvegiya) Ekstremizm tadqiqotlari markazi (C-REX) II professori bo‘lib ishlaydi. U ekstremizm va demokratiya mavzusida, ayniqsa, o‘ta o‘nglar va populizm haqida ko‘plab kitoblar nashr etgan. Uning ko‘plab kitoblari arab, katalon, golland, nemis, fransuz, italyan, yunon, yapon, norveg, fors, portugal, ispan va tay kabi turli tillarga tarjima qilingan.

Kristobal Rovira Kaltvasser – Santyago-de-Chilidagi Diego Portales universiteti (UDP) siyosatshunoslik maktabi professori va Ijtimoiy nizolar va hamjihatlikni o‘rganish markazi (COES) dotsenti. Uning asosiy tadqiqot yo‘nalishi qiyosiy siyosat bo‘lib, populizm va demokratiya o‘rtasidagi noaniq munosabatlarga alohida qiziqish bildiradi.

Tarjimon: Odilxon Orifjonov.

Sahifalarimizga ulaning va ulashing👇

Telegram | Facebook | Instagram | YouTube | X

📚 Bilasizmi, bugungi futbol tugaguniga qadar taxminan 380 ta kitob nashr qilinadi

Ha, O‘zbekistonda emas, butun dunyo bo‘ylab. UNESCO’ning taxminiy hisob-kitobiga ko‘ra, butun dunyoda bir yilda 2,2 million kitob nashr qilinadi. Bu kuniga 6027 ta demakdir.

Agar bugun 18:45 da boshlanadigan Jahon chempionatiga chiqib bo‘lgan O‘zbekistonning Qatarga qarshi uchrashuvi yakunlanguniga qadar taxminan 377 ta kitob nashr qilinadi ;)

Aytgancha, bugungi o‘yindan qanday natija kutyapsiz?

🔥 – O‘zbekiston g‘alaba qozonib, Qatardan alamini oladi!

❤️ – va nihoyat, bizga ham natijaning qizig‘i yo‘q, chiroyli o‘yin bo‘lsa bo‘lgani!

Sahifalarimizga ulaning va ulashing👇

Telegram | Facebook | Instagram | YouTube | X

Kecha butun O‘zbekiston bayram qildi, Loyihada ham kichik tantana bo‘ldi — 1000KITOB Tarjimon va muharrirlar maktabi doirasida muharrirlar uchun intensiv kurs start oldi. Birinchi darsni Loyiha kontent-menejeri Eldar Asanov olib borib, ilmiy matn va unga oid bilimlar ulashdi.

Ushbu videoda birinchi darsdan lavhalar.

Sahifalarimizga ulaning va ulashing👇

Telegram | Facebook | Instagram | YouTube | X

#Diqqat_tanlov

1000KITOB loyihasi navbatdagi kitoblarni oʻzbek tiliga oʻgirish va nashrga tayyorlash boʻyicha nashriyotlar orasidagi tanlovning 3-bosqichini eʼlon qiladi!

Quyidagi kitoblar oʻzbek tiliga oʻgirilishi va nashrga tayyorlanishi rejalashtirilmoqda:

Mircea Eliade. Aspects du mythe. Folio Essays, 1988.

Mathieu Deflem. Sociology of Law. Visions of a Scholarly Tradition. Cambridge University Press, 2008.

William D. Nordhaus. The Climate Casino: Risk, Uncertainty, and Economics for a Warming World. Bloomsbury Press, 2009.

Nick Bostrom. Superintelligence: Paths, Dangers, Strategies. Oxford University Press, 2014.

Richard Dawkins. The Selfish Gene. Oxford University Press, 2016.

Terry Martin. The affirmative action empire: Nations and nationalism in the Soviet Union, 1923–1939. Cornell University Press, 2018.

Jeff Speck. Walkable city rules: 101 steps to making better places. Island Press, 2018.

Dirk Schoenmaker, Willem Schramade. Principles of Sustainable Finance. Oxford University Press, 2019.

David Adger. Language Unlimited. The Science Behind Our Most Creative Power. Oxford University Press, 2019.

Theodore H. Cohn, and Anil Hira. Global political economy: Theory and practice. Routledge, 2020.

Brian M. Fagan, Nadia Durrani. Archaeology: A Brief Introduction. Routledge, 2021.

Ben Auffarth. Generative AI with LangChain. Packt Publishing, 2023.

Jacques Berlinerblau. Secularism: the Basics. Routledge, 2024.

Александр Панчин. Защита от темных искусств. Путеводитель по миру паранормальных явлений. Corpus, 2024.

Tanlovda qatnashishga qiziqish bildirgan nashriyotlardan faoliyati haqida qisqa maʼlumot va uni tasdiqlaydigan hujjatlar hamda tarjima namunalari so‘raladi. Loyihaning yuridik masalalar bo‘yicha maslahatchisi hamda 1000KITOB Ekspertlar kengashi a’zolari bergan xulosalarga ko‘ra tanlov g‘olibi aniqlanadi.

Ushbu tanlov Siz uchun nafaqat yirik davlat loyihasida ishtirok etish, balki yoshlarning intellektual va ilmiy salohiyatini oshirishga yuksak hissa qoʻshish imkoniyati hamdir. Qolaversa, bu Sizning nashriyotingiz obroʻsini yanada oshiruvchi bosqich boʻlishi mumkin!

Siz biror nashriyotning vakili yoki doimiy hamkori boʻlsangiz, tanlovda qatnashishga qiziqishingizni bildirish uchun quyidagi shaklni toʻldiring:

https://forms.gle/h1uWmYssPMzwsyqdA

Iltimos, shaklda faol, ishlab turgan telefon raqami va elektron pochta manzilini koʻrsating. Biz Siz bilan bogʻlanamiz va keyingi qadamlarni tushuntiramiz.

Muhim ma’lumot: Tanlovda faqat nashriyotlar ishtirok etishi mumkin. Siz biror-bir nashriyotga bogʻlanmagan mustaqil tarjimon boʻlsangiz, loyihada qatnashish niyatingizni bildirish uchun quyidagi elektron pochta manziliga yozib yuboring: 1000kitob@gmail.com

Sahifalarimizga ulaning va ulashing👇

Telegram | Facebook | Instagram | YouTube | X