🤔 Siyosatdagi eng bahsli tushuncha

“Mafkura” degan so‘zni eshitsangiz, ko‘zingiz oldiga siyosiy bayonotlar, bahsli chiqishlar yoki partiyaviy kurashlar keladimi? Yoki aksincha — bu so‘z sizda o‘ziga xos ilhom uyg‘otadimi? Bir vaqtning o‘zida umid va istehzo kayfiyatini uyg‘otishiga qaramay, siyosat olami tutumlarini bu tushunchasiz tasavvur qilish mushkul.

1000KITOB loyihasi doirasida o‘zbek tiliga tarjima qilingan “Mafkura. O‘ta qisqa tanishtiruv” kitobida muallif bu ziddiyatli qarashlarning sabablarini taqdim etadi. Siyosiy tafakkurning bosh omili sifatida mafkuralarning ahamiyati, o‘zgaruvchan mohiyati tushuntiriladi. Muallif Maykl Friden uchun mazkur g‘oyalar siyosiy dunyoni anglatuvchi o‘lchov, mezonlardir.

Uning kitobini siyosiy fikrlarni o‘zida aks ettirgan intellektual xarita deyish mumkin. Olim siyosiy til nazorati va jamoat qarorlarini qabul qilishda mafkuraning o‘rnini, uning amaldagi siyosiy fikr ekanini e’tirof etadi. Kitobda “erkinlik” asosiy qadriyat sifatida qaralgan.

Agar siz siyosatga qiziqmayman, desangiz, muallif ushbu kitobda mafkuralar sizning hayotingizga qanchalik ta’sir o‘tkazayotganini tushuntirib beradi, ushbu kitob mutolaasidan keyin fikrlaringiz butkul o‘zgarishi mumkin. Shuningdek, u mafkurani rad qilish emas, balki uni tahlil qilish, tushunish va undan ongli ravishda foydalanish lozimligini o‘rgatadi.

🎓 Muallif haqida

Maykl Friden - britaniyalik siyosatshunos, London universiteti Sharq va Afrika tadqiqotlari maktabining siyosat va xalqaro tadqiqotlar kafedrasi professori. U, shuningdek, Oksforddagi Mansfild kollejida faxriy professor.

Tarjimon: Sardor Salim.

Sahifalarimizga ulaning va ulashing👇

Telegram | Facebook | Instagram | YouTube | X

#iqtibos

Intellekt va lavozim o‘rtasida bog‘liqlik bormi? Yan Diri “Intellekt. O‘ta qisqa tanishtiruv” kitobida ushbu savolga yuqorida keltirilganidek javob bergan.

Sahifalarimizga ulaning va ulashing👇

Telegram | Facebook | Instagram | YouTube | X

🤔 Falsafa rostdan ham qiyin sohami?

“Falsafa” so‘zi ko‘pchilik uchun bir vaqtning o‘zida ham juda chuqur, ham juda mavhum eshitiladi. Shu sababli ko‘pchilikda unga nisbatan “qo‘rquv” paydo bo‘lgan: qandaydir murakkab nazariyalar, oxiri yo‘q bahslar va hokazo.

1000KITOB loyihasi doirasida tarjima qilingan “Falsafa” kitobida muallif bu sohani soddaroq tushuntirishga harakat qiladi: oddiy bazaviy savollardan boshlaydi va nima uchun falsafa hanuz dolzarbligini ko‘rsatib beradi.

“Falsafa” – Oksford universiteti nashriyotining “Qisqa tanishtiruv” turkumidagi kitoblardan biri. Bu qo‘llanmaning falsafaga doir aksar asarlardan farqi nimada? Professor Edvard Kreyg mashhur faylasuflar faoliyatini shunchaki hikoya qilib bermaydi yoki falsafiy g‘oyalar tarixini ham takrorlamaydi. U falsafiy muammolarni ko‘taradi, kitobxonni bahs-munozaraga chorlaydi. Fikrlar, mulohaza yuritish orqali falsafaning sehrli olamiga olib kiradi.

Siz unda Aflotun, Arastu, Dekart, Hegel, Darvin va buddizm ta’limoti mutafakkirlari bilan fikrlashasiz. Va asosiysi, ularning “tilida” emas, sodda va bu sohaga yangi kirgan odam uchun tushunarli holatda.

🎓 Muallif haqida

Edvard Jon Kreyg – ingliz akademik faylasufi, “Routledge” falsafa ensiklopediyasi muharriri va Kembrij universiteti falsafa professori.

Tarjimon: Jamshid Muslimov.

Sahifalarimizga ulaning va ulashing👇

Telegram | Facebook | Instagram | YouTube | X

🥵 Havo yildan-yilga isib borayotganini tanangizda his qilib turibsiz, har yili bir xil gap: “oldin bunchalik issiq bo‘lmagandi-ey!”. Va bu ba’zida haqiqat ham bo‘ladi. Bu bo‘yicha turli qarashlar, statistika va bahslar ko‘p. Lekin 1000KITOB loyihasi doirasida o‘zbek tiliga tarjima qilingan “Iqlim o‘zgarishi. Har kim uchun zaruriy bilim” kitobi shu mavzuga sodda, faktlarga asoslangan va eng muhim savollarga javob beradigan yondashuvni taklif qiladi.

Ushbu kitobni ko‘plab mutaxassislar iqlim o‘zgarishi holatiga doir eng ishonchli manba deb e’tirof etadi. Muallif sayyoramiz taqdirini murakkablashtirayotgan omillarni aniq ilmiy asoslar bilan tahlil qiladi. Mazkur kitob bilan tanishgan kitobxon o‘z vaqtida yozilgan o‘ta zarur asar ekaniga amin bo‘ladi. Chunki iqlimshunosning qat’iy, keskin mulohazalari sivilizatsiya uchun mavjud xavflar nimada ekanini ko‘rsatib beradi. Quyosh va shamol energiyasidan tortib elektromobillargacha bo‘lgan toza energiya inqilobining oqibatlarini bayon etadi. Shuningdek, iqlim o‘zgarishini to‘xtatish yoki sekinlashtirishga oid yangi fikrlar ham bor.

Kitob mutolaasidan so‘ng iqlim o‘zgarishi menga ta’sir qilmaydi, degan fikrdan uzoqlashasiz, atrof-muhitga bo‘lgan munosabatingiz ham o‘zgarar, ehtimol.

🎓 Muallif haqida

Jozef Romm – amerikalik tadqiqotchi, muallif, muharrir, fizik va iqlim bo‘yicha mutaxassis. U Amerika fanni rivojlantirish assotsiatsiyasi a’zosi. Romm Pensilvaniya universitetining fan, barqarorlik va ommaviy axborot vositalari markazining katta ilmiy xodimi hisolanadi.

Tarjimon: Madina Abdullayeva.

Sahifalarimizga ulaning va ulashing👇

Telegram | Facebook | Instagram | YouTube | X

#tanishtiruv

Loyihaning Ekspertlar kengashi a’zolarini tanishtirishda davom etamiz. Navbat Kengash raisining ikkinchi o‘rinbosariga. Shu yilning mart oyida o‘tkazilgan Ekspertlar kengashining yangilangan tarkibi rais (Ibrohim G‘ofurov) va uning o‘rinbosarlarini saylagandi. O‘shanda 1000KITOB Ekspertlar kengashi raisi o‘rinbosari etib Farhod Maqsudov va Olimjon Davlatovlar saylangan. Oldinroq Farhod Maqsudov haqida batafsil ma’lumot bergandik, quyida Olimjon Davlatov haqida.

Olimjon Davlatov – Respublika Ma’naviyat va ma’rifat markazi qoshidagi Ijtimoiy-ma’naviy tadqiqotlar instituti direktori, navoiyshunos olim, adabiyotshunos, sharqshunos. U bungacha Alisher Navoiy nomidagi xalqaro jamoat fondi rahbari lavozimida faoliyat olib borgan.

1998-yilda Toshkent Davlat universiteti (Hozirgi O‘zbekiston Milliy universiteti) Sharqshunoslik fakultetini tamomlagan. Toshkent davlat sharqshunoslik instituti (hozirgi universitet) aspiranturasini tamomlagan.

Davlatov faoliyati davomida Alisher Navoiyning “Xazoyin ul-maoniy” kulliyoti, Hofiz Sheroziyning „Devon“ini lug‘at va izohlar bilan nashrga tayyorlagan. Navoiyning “Nasoyim ul-muhabbat” tazkirasini hozirgi o‘zbek adabiy tili me’yorlariga muvofiqlashtirib, nashr ettirgan. Shuningdek, Xomanaiyning “Alloma Sadriddin Sheroziy”, Murtazo Mutahhariyning “Hofiz va irfon”, Lui Massin’onning “Mansur Halloj” (2011) asarlarini o‘zbek tiliga tarjima qilgan.

Ishtirok etgan ba’zi ko‘rsatuvlariga havolalar:

– “Alisher Navoiy nega kerak? Navoiyni nega bugun ham eslaymiz?” — “Qurultoy” podkast;

– “Biz qo‘rqoq olomonga aylanib qolayotgandekmiz” – Kun.uz’da suhbat.

– “G‘arb va musulmon madaniyatlari bir-birini tan olib, hamkorlikda rivojlana oladimi?” – tahliliy suhbat;

– “Mavlono Jalolddin Rumiy | Masnaviyga muqaddima” — “Qurultoy” podkast.

Sahifalarimizga ulaning va ulashing👇

Telegram | Facebook | Instagram | YouTube | X

Kapitalizm nima?

“Kapitalizm” so‘zini tez-tez uchratamiz, qo‘llaymiz, ammo kapitalizm aslida nima va nimani anglatadi? 1000KITOB loyihasi doirasida o‘zbek tiliga tarjima qilingan “Kapitalizm. O‘ta qisqa tanishtiruv” kitobi kapitalizm tarixi va rivojlanishini muhokama qiladi.

Undan oldin esa “kapital nima?” kabi savolga XVII asr Gollandiyadagi “lolamania”, 1930-yillardagi Buyuk Depressiya va 2007-08-yillarda boshlangan global moliyaviy inqirozning ta’siri kabi bir qancha batafsil keys-stadilar orqali javob beriladi.

Muallif Buyuk Britaniya, Yaponiya, Shvetsiya va Amerika Qo‘shma Shtatlaridagi kapitalizmning turli ko‘rinishlarini tahlil qiladi hamda kapitalizm globallashuv orqali milliy davlat chegaralaridan chiqib ketganmi-yo‘qmi, degan savolni o‘rganadi. U kitobni kapitalizmga muqobil variant mavjudmi, degan savol bilan yakunlaydi va bunda sotsializm, jamoaviy va kooperativ tajribalar hamda ekologlar taklif etayotgan muqobil g‘oyalarni muhokama qiladi.

🎓 Muallif haqida

Jeyms Falcher – Lester universitetining sotsiologiya bo‘yicha katta o‘qituvchisi. U sotsiologiya bo‘yicha kirish kursi rahbari sifatida uzoq yillik tajribaga ega.

Tarjimon: Sardor Salim.

Sahifalarimizga ulaning va ulashing👇

Telegram | Facebook | Instagram | YouTube | X

Siyosatga aralashish kerak

Siyosat qayerdadir uzoqda emas, u turmush tarzi bilan chambarchas bog‘liq. U nafaqat hukumat va hokimiyat, balki jamiyatda qanday yashashimiz, qarorlar qanday qabul qilinishini ham belgilaydi. 1000KITOB loyihasi doirasida o‘zbek tiliga tarjima qilingan “Siyosat. O‘ta qisqa tanishtiruv” kitobi siyosatning tarixiy ildizlari va bugungi kundagi o‘rnini tahlil qiladi.

Kitobda qadimgi Yunoniston va Rim tajribasidan tortib, zamonaviy demokratiyalar va ideologiyalargacha bo‘lgan yo‘l batafsil ko‘rib chiqiladi. Muallif siyosatni avtoritarizm va ideologiyadan farqlaydi, fuqarolik faolligi, adolat, erkinlik va davlat boshqaruvi kabi tushunchalarga chuqur kirib boradi. Shuningdek, global dunyoda siyosatning kelajagi qanday bo‘lishi mumkinligi haqida fikr yuritadi.

Shuningdek, muallif qadimgi yunonlar va fuqarolik g‘oyasi, Rim huquqi, o‘rta asr xristianligi va individualizm, Makiavelli va Gobbsdan keyingi erkinlik tushunchasi, mafkuralar keltirib chiqargan muammolar, demokratiya, oligarxiya va byurokratiya, zamonaviy jamiyatda hokimiyat va tartibning o‘rni hamda G‘arbdagi siyosat kabi mavzularga bag‘ishlangan boblarni taqdim etadi.

🎓 Muallif haqida

Kannet Minog – avstraliyalik akademik va siyosiy nazariyotchi bo‘lgan. Uzoq vaqt davomida Buyuk Britaniyada istiqomat qilgan Minog, Britaniya konservatizmining intellektual hayotida muhim o‘rin egallagan shaxs edi.

Tarjimon: Muhammaddovuq Asadov.

Sahifalarimizga ulaning va ulashing👇

Telegram | Facebook | Instagram | YouTube | X

#tanishtiruv

Loyihaning Ekspertlar kengashi a’zolarini tanishtirishda davom etamiz.

Shomirza Turdimov – filologiya fanlari doktori, folklorshunos olim. U 1957-yil 13-dekabrda Samarqand viloyati Qo‘shrabot tumani Qo‘shtamg‘ali qishlog‘ida tug‘ilgan. 1974–1979-yillarda Toshkent davlat universiteti (hozirgi Mirzo Ulug‘bek nomidagi O‘zbekiston Milliy universiteti) filologiya fakultetida tahsil olgan. 1990–1994-yillarda Qo‘lyozmalar instituti doktoranturasida tahsil olgan.

Ungacha esa O‘zbekiston Fanlar Akademiyasi Alisher Navoiy nomidagi Til va adabiyot instituti Folklor bo‘limida laborant (1979–1982), Fanlar Akademiyasi H.Sulaymonov nomidagi Qo‘lyozmalar instituti Folklor sektorida kichik va katta ilmiy xodim lavozimlarida (1982–1998) mehnat qilgan. Hozirgi kunda olim O‘zbekiston Respublikasi Fanlar Akademiyasi O‘zbek tili, adabiyoti va folklori instituti Folklor bo‘limining yetakchi ilmiy xodimi sifatida xizmat qilmoqda.

Olim 1987-yilda “O‘zbek xalq lirik qo‘shiqlarida poetik ramz va uning funksiyasi“ mavzusida nomzodlik dissertatsiyasini, 2011-yilda esa “Go‘ro‘g‘li dostonlarining genezisi va tadrijiy bosqichlari” mavzusida doktorlik dissertatsiyasini yoqlagan.

Shomirza Turdimov Go‘ro‘g‘li turkumi dostonlari syujetining shakllanishi, ayniqsa, “Go‘ro‘g‘lining tug‘ilishi” dostonining tarixiy asoslari, shu turkumga mansub epik asarlarning obrazlar tizimi va poetikasi masalalari tadqiq etilishida munosib hissa qo‘shgan. Olimning “Hasan Ko‘lbar, Hasan Chopson, Hasan yakdasta obrazlari haqida” (1995), “Go‘ro‘g‘li” turkumidagi “Ahmad Sardor obrazi xususida” (1998), “Go‘ro‘g‘li nomi xususida“ (2000), “Go‘ro‘g‘li turkumida Xizr obrazi” (2006), “Go‘ro‘g‘li" dostoni va quyosh topinchi bilan bog‘liq tasavvurlar” (2011) singari ilmiy maqolalarida bu turkumga mansub xalq dostonlarining kompozitsion qurilishida muhim o‘rin tutadigan personajlarning tarixiy-genetik ildizlari va o‘ziga xos xususiyatlari yoritilgan.

Folklorshunos olimning tadqiqot obyekti faqat “Go‘ro‘g‘li” turkumidagi dostonlari bilan cheklanmagan. Sh. Turdimov sobiq qo‘lyozmalar instituti folklor fondidagi materiallar asosida “O‘zbek xalq dostonlari katalogi”ni tuzishda ishtirok etgan.

2007-yilda Shomirza Turdimov xalq og‘zaki ijodi materiallari asosida yozilgan “Yo‘l bo‘lsin” badiiy filmi ssenariysi uchun adabiyot sohasida 2-darajali O‘zbekiston Respublikasi Davlat mukofotiga sazovor bo‘lgan.

Ekspertimiz 2025-yil uchun o‘z yo‘nalishida bir nechta kitoblarni tavsiya qilgan va Mircha Eliadening “Myth and Reality” kitobi kengash tomonidan tasdiqlangan.

Sahifalarimizga ulaning va ulashing👇

Telegram | Facebook | Instagram | YouTube | X

Tezroq o‘qish mumkinmi?

Ko‘pchiligimizda kitob o‘qishga vaqt yetmaydi yoki shunday bahona qilamiz, lekin kitoblar doim o‘sha-o‘sha: betma-bet, jim turibdi. Ba’zida shunday holatlar bo‘ladiki, tezroq mutolaa qilgingiz keladi. Lekin o‘qish tezligini oshirish mumkinmi? Javobi oddiy – ha!

Quyidagi qadamma-qadam yo‘riqnoma mutolaani tezlashtirishga yordam beradi.

1. Maqsadingizni aniqlang

Nima uchun o‘qiyapsiz: ma’lumot topish uchun, zavqlanish yoki tadqiqot uchunmi? Shuni aniqlab oling avval.

2. Ko‘z yugurtiring

Sarlavhalar, kirish va xulosalarni ko‘rib chiqing. Bu asosiy mazmunni tezroq tushunishga yordam beradi.

3. Ko‘zingizga navigatsiya qiling

Matnni barmoq, ruchka yoki sichqoncha bilan kuzatib boring. Bu qayta o‘qishni kamaytiradi va tezlikni oshiradi.

4. So‘zma‑so‘z o‘qimang

Har bir so‘zga alohida to‘xtamang. 3–5 so‘zdan iborat bo‘laklarni bir qarashda o‘qishga harakat qiling.

5. Lug‘at va bilim bazasini kengaytiring

Ko‘p o‘qigan va mavzudan xabardor odamlar matnni tezroq o‘zlashtiradi. Lug‘atni boyitish tezlikni oshiradi.

Maslahat: ko‘proq mashq qiling. Tezlik va tushunish darajangizni kuzatib boring. Muntazam mashq qilsangiz, tezroq va samaraliroq o‘qiy boshlaysiz.

Qisqa aytganda, sehrli usul yo‘q, lekin to‘g‘ri strategiya va mashq bilan o‘qish tezligini ikki baravar oshirish mumkin.

Sahifalarimizga ulaning va ulashing👇

Telegram | Facebook | Instagram | YouTube | X

Tepadagi so‘rovnoma javoblaridan ma’lum bo‘lishicha, kuzatuvchilarimiz orasida asosan tungi mutolaa aktual. Xo‘sh, o‘zi kitob o‘qish uchun eng yaxshi vaqt qaysi?

Bu savolga neyronsayans va psixologiya tadqiqotlari yordamida javob bersak bo‘ladi. Oldindan aytish mumkinki, xulosa shu: odam miyasi har kuni turlicha ishlaydi – diqqat, tushunish va eslab qolish darajasi kunning turli vaqtlarida turlicha bo‘ladi.

🌅 Ertalab (soat 6:00–10:00)

– Uxlab uyg‘ongan miyada ma’lumotlarni qabul qilish, o‘rganish osonroq bo‘ladi;
– Konsentratsiya yuqori, chalg‘ituvchi omillar kam bo‘ladi.

Lekin juda erta (masalan, 6:00 atrofida) o‘qish samarasiz bo‘lishi mumkin – organizm hali to‘liq uyg‘onmagan bo‘ladi.

☀️ Kunduzi (soat 11:00–16:00)

Ko‘pchilik uchun eng yaxshi o‘qish va tushunish vaqti.

– Miya hushyor, diqqat jamlangan, eslab qolish ehtimoli yuqori bo‘ladi;
– Ayniqsa, tanqidiy fikrlash va murakkab matnlar uchun qulay.

Tushlikdan keyingi “uyqu bosish” (soat 13:00–14:00 atrofida) vaqtida o‘qish biroz qiyin bo‘lishi mumkin.

🌙 Kechqurun (soat 19:00–22:00)

– Muhit tinch, chalg‘ituvchilar kam;
– Uyqudan oldin o‘qilgan ma’lumot uxlash vaqtida mustahkamlanadi;
– O‘rganilgan ma’lumot ertasi kuni yaxshiroq eslab qolinadi.

Juda kech (23:00 dan keyin) o‘qish esa unchalik foydali emas – miyada charchoq kuchaygan bo‘ladi.

⏰ Har kim uchun qulay vaqt bor

Tadqiqotlar shuni ko‘rsatadiki, eng yaxshi vaqt – sizning biotempingizga mos vaqt. Agar siz “ertalabki odam” bo‘lsangiz – ertalab o‘qish samarali bo‘ladi. Agar kechqurun ishlayman, desangiz, o‘sha payt o‘qishingiz yaxshi natija beradi.

O‘zingizni kuzating, o‘zingiz uchun xulosa qiling.

Sahifalarimizga ulaning va ulashing👇

Telegram | Facebook | Instagram | YouTube | X

#iqtibos

Yuqoridagi fragment “Populizm. Oʻta qisqa tanishtiruv” kitobidan olingan.

Sahifalarimizga ulaning va ulashing👇

Telegram | Facebook | Instagram | YouTube | X

📚 Kitoblar va depressiya: Biblioterapiya nima?

Hozirgi vaqtda ko‘plab odamlar ruhiy tushkunlik, stress yoki hayotdagi qiyin vaziyatlardan chiqish uchun kitoblarga murojaat qilishmoqda. Bu usul biblioterapiya deb ataladi.

Biblioterapiya — bu maxsus tanlangan badiiy yoki ilmiy asarlar orqali insonning ruhiy holatini yaxshilashga qaratilgan usul. U odamga:

– o‘zini va muammolarini yaxshiroq tushunishga;

– boshqa odamlarning tajribasidan saboq olishga;

– o‘ziga mehribonroq bo‘lishga yordam beradi.

🔍 Ilmiy asoslar

Tadqiqotlar shuni ko‘rsatadiki, biblioterapiya yengil depressiya, stress, bolalar o‘rtasidagi mojarolar va hatto kasallikdan keyingi tiklanish davrida foydali bo‘lishi mumkin. Ammo og‘ir ruhiy kasalliklarda bu usul faqat qo‘shimcha yordam sifatida ishlaydi.

📖 Qanday kitoblar tanlanadi?

– Psixologiya bo‘yicha yaxshi kitoblar;

– yengil, chiroyli yakunga ega hikoyalar va romanlar;

– o‘quvchiga umid va hayotga qiziqish bag‘ishlaydigan asarlar.

⚠️ Ehtiyot bo‘lish kerak bo‘lgan holatlar

– Kitob o‘qishni yoqtirmaslik — metod ishlamasligi mumkin;

– Juda og‘ir mavzular — qayta travma xavfi bor;

– Faqat kitoblarga berilib, real hayotdan uzilish.

📌 Xulosa

Biblioterapiya — hamma uchun ishlamasligi mumkin, lekin to‘g‘ri kitob tanlansa, ruhiy sog‘liq uchun juda foydali vosita bo‘lishi mumkin.

Sahifalarimizga ulaning va ulashing👇

Telegram | Facebook | Instagram | YouTube | X

#tanishtiruv

Loyihaning Ekspertlar kengashi a’zolarini tanishtirishda davom etamiz.

Iroda Azimova — 1979-yil Toshkent viloyatida tug‘ilgan. O‘zbekiston Milliy universitetining O‘zbek filologiyasi fakultetida bakalavr, lingvistika yo‘nalishida magistratura va doktoranturani tamomlagan. Ispaniyaning Tarragona shahridagi Rovira i Virgili universitetida “Til va nutq texnologiyalari” yo‘nalishi bo‘yicha malaka oshirgan.

Yevropa Ittifoqining qo‘shma magistratura dasturida “Klinik tilshunoslik” mutaxassisligi bo‘yicha o‘qib, Germaniyaning Potsdam universiteti, Niderlandiyaning Groningen universiteti, Finlyandiyaning Joensuu universiteti tomonidan berilgan MSc (Master of Sciense) darajasiga ega bo‘lgan.

Turli yillarda Milliy universitet, Toshkent davlat o‘zbek tili va adabiyoti universiteti va Sharqshunoslik universitetlarida o‘qituvchi, kafedra mudiri lavozimlarida faoliyat olib borgan. Hozirda Toshkent davlat o‘zbek tili va adabiyoti universitetida Nazariy va amaliy tilshunoslik kafedrasi mudiri, dotsent.

Iroda Azimovaning ba’zi ilmiy ishlariga havola.

Ishtirok etgan ko‘rsatuvlari:

“Sening yoshliging menda bo‘lsaydi…”. Lingvist Iroda Azimova tavsiyalari – Gazeta.uz.

Sahifalarimizga ulaning va ulashing👇

Telegram | Facebook | Instagram | YouTube | X

🎧Siz ham mutolaa payti musiqa tinglaysizmi?

Instagram sahifamizdagi ushbu video ostida “Music” soʻzini yozib qoldirsangiz, sizga mutolaa payti tinglash uchun maxsus pleylist avtomatik yuboriladi. Obuna boʻlish ham esdan chiqmasin-a?

Sahifalarimizga ulaning va ulashing👇

Telegram | Facebook | Instagram | YouTube | X

Shu yerdamisiz?👀

Keling, bugun kichik soʻrovnoma qilamiz. Quyidagi savollarga javobingiz biz uchun muhim.