#kitobxonlik

Kecha Turon kutubxonasida “O’zbekiston tavalludi”, “Turkistonda Jadidchilik” kitoblari muallifi, tarixchi olim Adib Xolid bilan uchrashuv bo’lib o’tdi.
Olim bilan ilk uchrashuvimiz 2017-yil martida bo’lgandi. U vaqtlar uchrashuvda qatnashishning o’zi ham sanoqli kitobxonlarga nasib etardi. Esimda, Milliy kutubxonada bo’lgan uchrashuvga kira olmay Kitob olami do’konidagi tadbirda qatnashgandik.

Oradan 8 yil o’tgan ekan, nimalar o’zgargan?
Men birinchi sezgan farq – kitobxonlar auditoriyasining dadilligi va dunyoqarashi kutganimdan-da kengligi. Yig’ilishga aynan tarixchi olim asarlari bilan tanishgan, o’qigan, izlangan auditoriya yig’ilibdi.
Biz jadidlarni faqatgina adabiyot vakili yo ma’rifatparvar sifatida emas, balki mustabid tuzumiga qarshi kurashgan, o’zbek xalqi shakllanishida asosiy qahramonlar sifatida bilamiz.
Biroq shu bilan birga ularni ilohiylashtirmasdan, jadidlarning ham xato-kamchiliklari bo’lganini, Turkistondagi jadidchilik oqimini faqat bir hudud doirasida emas, balki mintaqa, musulmon hamda global davlatlar miqyosida o’rganishimiz lozimligini Adib Xolid ham ta’kidlab o’tdi.

Shuningdek, bugungi zamonaga jadidlar kerakmi, degan savolga, jadidlar aynan mustabidga qarshi turuvchi ziyolilar hisoblangani, ya’ni ziyoli, ma’rifatparvar bo’lishning o’zi kishini jadid ekanligini anglatmasligini, bugungi kontekst esa umuman boshqa muhit ekanini muallif ta’kidlab o’tib, javob berdi.
“Turkistonda jadidchilik” kitobi ilk bor 1998-yil nashr etilgan. Dastlab asar muallifning PhD tadqiqoti bo’lgan, shuning uchun ham balki alohida e’tibor bilan ishlangandir. Mana oradan 27 yil o’tib o’zbek tiliga tarjima qilindi. Adib Xolidning ta’kidlashicha, agar asar yozilgan vaqtidayoq o’zbek tiliga tarjima qilinganda bugungi kunga kelib katta o’zgarishlar bo’lmagan bo’lardi. Sababi kitob yozilishida manbalar bilan takror-takror ishlangan, akademik ishonchliligi ta’minlangan.

Bugungi uchrashuvdan so’ng xayolimga kelgan ilk xulosam — rivojlanish, Renessans qachon sodir bo’ladi, qachonki erkinlik, aynan ilmga mustaqillik va rag’bat bo’lsa, yuz beradi. Agar biz haqiqatan ham akademik erkinlik ta’minlangan jamiyatni qurishni xohlasak, kitob mualliflari, tarjimonlari bilan ochiq suhbatlar tashkil etishni ko’paytirishimiz kerakligiga yana bir bor amin bo’ldim.
Ana shunday uchrashuvni tashkil etgan “1000 Kitob” jamoasi va taklif uchun Yoshlar ishlari agentligi direktorining davlat tili bo’yicha maslahatchisi Saida Rashidovaga o’z minnatdorchiligimni bildiraman.

*suratda Adib Xolid, tarixchi olim Jamshid Adilov va kamina 8 yillik farq bilan


@Uzbekxonim

🇺🇿🇺🇸 O‘zbekiston va AQSh: yoshlarga oid loyihalar bo‘yicha yangi istiqbollar

Bugun Yoshlar ishlari agentligida AQShning O‘zbekistondagi Favqulodda va Muxtor elchisi Jonatan Xenik bilan uchrashuv bo‘lib o‘tdi.

Uchrashuv doirasida elchi janoblari Agentlikning qator tashabbuslari bilan tanishdi. Xususan, “1000KITOB” loyihamiz faoliyati va maqsadi alohida taqdim etildi. Shuningdek, unga Adib Xolidning “Turkistonda jadidchilik” kitobi sovgʻa qilindi.

Elchi loyihamizning yoshlar ma’naviyati va ta’limiga qo‘shayotgan hissasini yuqori baholadi.

⚡️ Muloqot davomida O‘zbekiston va AQSh o‘rtasidagi munosabatlarning yangi bosqichga ko‘tarilgani ta’kidlandi hamda yoshlar uchun tadbirkorlik, fan, innovatsiya va ta’lim yo‘nalishlarida qo‘shma loyihalar ishlab chiqish masalalari muhokama qilindi.

Elchi janoblari “Yoshlar Ventures”, “Yoshlar tadbirkorligini rivojlantirish jamg‘armasi”, “Ibrat farzandlari”, “Mutolaa”, “Ustoz AI”, “Vikistipeniya”, “UzChess”, “Qizlar akademiyasi” kabi tashabbuslar bilan ham tanishdi.

🇺🇸 AQSh vakillari Davlatimiz rahbari tomonidan yoshlarga oid davlat siyosati sohasida amalga oshirilayotgan islohotlar va loyihalarni yuksak baholadilar.

Sahifalarimizga ulaning va ulashing

Telegram | Facebook | Instagram | YouTube | X

⚡️“O‘quv markazlari forumi” bo‘lib oʻtmoqda

Poytaxtdagi Yoshlar ijod saroyida “O‘zbekiston o‘quv markazlari” forumi ikkinchi bor tashkil etilib, bugun rasman start oldi.

Ushbu tadbirda respublikaning turli hududlaridan kelgan qariyb 700 ta o‘quv markazi vakillari, ta’lim sohasida katta tajribaga ega yetakchi spikerlar, taniqli blogerlar hamda ta’lim yo‘nalishida kontent ishlab chiqaruvchi mutaxassislar ishtirok etmoqda.

O‘zbekiston o‘quv markazlari forumi – mamlakatimizda faoliyat olib borayotgan eng ilg‘or o‘quv markazlari, soha vakillari hamda xorijiy tillarni o‘rganish, zamonaviy kasblarni egallashni niyat qilgan yoshlarni bir yerda yagona maqsad atrofida birlashtiradi.

Sahifalarimizga ulaning va ulashing

Telegram | Facebook | Instagram | YouTube | X