Ekspertlar kengashi yigʻilishi boʻlib oʻtdi

14-may kuni 1000KITOB loyihasining navbatdagi Ekspertlar kengashi yigʻilishi boʻlib oʻtdi.

Unda ekspertlarimiz oʻtgan davrda qilingan ishlar sarhisobini tingladi. Yigʻilishdan asosiy maqsad — kelgusida nashrga tayyorlanadigan kitoblarning roʻyxatini tasdiqlash edi. Mutaxassislarimiz ularni koʻrib chiqdi va tasdiqladi, tez orada ularning toʻliq roʻyxati e’lon qilinadi.

Sahifalarimizga ulaning va ulashing👇

Telegram | Facebook | Instagram | YouTube | X

Agar siz ko‘pincha tushkunlik, depressiya, kayfiyatsiz holatda bo‘lsangiz, tabriklaymiz: Siz ahmoq emassiz! Va bundan faxrlanishingiz mumkin.

Ayan Dirining “Intellekt” kitobi haqida eshitganmisiz? Bu haqda Instagram sahifamizda video tayyorladik, o‘tib ko‘rishni qat’iy tavsiya qilamiz.

Ha aytgancha, ko‘proq video kontent uchun Instagram sahifamizga obuna bo‘lib qo‘yish esdan chiqmasin.

To‘liq video

Sahifalarimizga ulaning va ulashing👇

Telegram | Facebook | Instagram | YouTube | X

💊 “1000 Kitob”da kelajak tibbiyotiga oid kitob tarjima qilinadi

Jahon ilm-fan ahli bizga ishonch bildirishda davom etmoqda. Germaniyalik professor, tibbiyot fanlari doktori Harald Shmid o‘zining “Biz bilgan tibbiyot nihoyasi va nega sog‘ligingizning kelajagi bor” (“The End of Medicine as We Know It — and Why Your Health Has a Future”) kitobining tarjima huquqini bepul taqdim etdi.

Oxirgi yillarda tibbiyot, salomatlik dolzarb mavzuga aylanib bormoqda (o‘zi qachon unday bo‘lmagan?!), odamlar endi o‘z sog‘ligi, hayoti haqida ko‘proq qayg‘urishga majbur. Ushbu vaziyat va ekspertlarimizning tavsiyalarini hisobga olib, loyiha doirasida ushbu kitobni o‘zbek tiliga o‘girishga qaror qildik.

Muallifning o‘zi – Harald bilan bog‘langanimizda, loyiha notijoriy ekani, kutubxona va o‘quv muassasalariga bepul tarqatilishini eshitib, tarjima huquqini bizga bepul taqdim etishga qaror qildi. Harald Shmidt o‘zbek kitobxonlari uchun ajoyib yangilikka “yashil chiroq” yoqib berdi.

Kitobda an’anaviy tibbiyotning yakuni, raqamlashtirish uni qanday o‘zgartirishi, kelajakda salomatlik qanday bo‘lishi haqida so‘z boradi.

Tez orada jarayonning rasmiy qismi yakunlanib, tarjimaga kirishiladi. Juda yaqin kelajakda ushbu kitobni o‘zbek tilida o‘qishingiz mumkin bo‘ladi.

Ko‘proq kitob o‘qing, salomat bo‘ling!

Sahifalarimizga ulaning va ulashing👇

Telegram | Facebook | Instagram | YouTube | X

Adabiyot shunchaki hikoya emas...

Adabiyot deganda ko‘pchiligimiz o‘zga bir dunyoni tushunamiz. Muallifning xayolidagi barcha o‘ylar matnga ko‘chib, asar holiga keladi. Adabiy asar qanday tuzilgan, qanday g‘oyalarni ifodalaydi, kim uchun yozilgan va nimani yashiradi? Maykl Rayanning “Adabiyot nazariyasi: amaliy kirish” (“Literary Theory: A Practical Introduction”) kitobi ana shu savollarga javob topishga yordam beradi. U nazariyani murakkab ilmiy tilda emas, balki har kim tushunadigan sodda shaklda tushuntiradi.

U, shuningdek, talabalarni nafaqat adabiyot va madaniyatni o‘rganishga, etnik tadqiqotlarga qanday yondashish kerakligini ham tushuntiradi. Mazkur darslik bo‘lajak adabiyotshunoslarga asosiy ko‘rsatmalarni beradi. Ushbu nashrning yana bir o‘ziga xosligi mavzuni keng qamrab olganidadir. Muallif badiiyat sirlari haqida yozayotganda kino san’atiga ham murojaat etadi.

Rayan adabiyot nazariyotchilari ko‘pincha qo‘llaydigan murakkab va balandparvoz uslubdan qochgan holda, asosiy atamalarni va fikr maktablari o‘rtasidagi muhim farqlarni aniq-ravshan bayon etgan.

Muallif: Maykl Rayan – Templ universitetining kino va media san’ati professori.

Tarjimon: Faxriddin Nizom.

Sahifalarimizga ulaning va ulashing👇

Telegram | Facebook | Instagram | YouTube | X

Korrupsiya: illat yoki “yashab ketish yo‘li”? Bunday savol qo‘yishning o‘zi xato

Jamiyatda korrupsiyaga nisbatan turli qarashlar bor: kimdir uni “yashab ketish va osonroq yashash uchun vosita” sifatida ko‘rsa, boshqalar unga mamlakat rivojlanishiga urilayotgan bolta sifatida qaraydi. Lekin aslida poraxo‘rlik nima? U qanday shakllarda bo‘ladi? Qachon “bir piyola choy” chegaradan chiqadi? Rey Fisman va Miriam A. Golden “Korrupsiya: Har kim uchun zaruriy bilim” kitobida bu murakkab mavzuni sodda, tizimli va asosli tarzda tushuntirib berishga uringan.

Bu kitob poraxo‘rlikni shunchaki yomon odat emas, balki ba’zan siyosiy va iqtisodiy tizimlarning negiziga aylanib qolgan holat sifatida ko‘rsatadi. Fisman va Golden poraxo‘rlik qanday boshlanishi, qanday shakllarda bo‘lishi va uni qanday o‘lchash mumkinligini aniq faktlar va misollar bilan tushuntiradi.

Asarda korrupsiya mamlakatlarning siyosiy, ijtimoiy va iqtisodiy nufuziga zarar keltirishi chuqur tahlil etiladi. Iqtisod qanday qilib izdan chiqariladi? Hukumat amaldorlarining noqonuniy xatti-harakatiga toqatning oqibati qanday? Korrupsiyaga qarshi kurash bo‘yicha mamlakatlar tajribalari qanday? Bu kabi savollarga javobni mazkur kitobdan topasiz.

Mazkur kitob Loyiha doirasida o‘zbek tiliga tarjima qilingan va tez orada nashr etiladi.

Mualliflar: Reymond Jon Fisman – amerikalik iqtisodchi, Boston universitetida xulq-atvor iqtisodiyoti bo‘yicha professor; Miriam A. Golden – Yevropa universiteti institutida qiyosiy siyosat kafedrasi rahbari va siyosatshunos olima hisoblanadi.

Dastlabki adadi: 3000 nusxa.

Tarjimon: Charos Nizomiddinova.

Sahifalarimizga ulaning va ulashing👇

Telegram | Facebook | Instagram | YouTube | X

Urush va texnologiya

Oxirgi yillarda ushbu ikki so‘zni ko‘p eshityapmiz, to‘g‘rimi? Ha, bular bir vaqtning o‘zida dolzarb bo‘lib kelyapti.

Urush instinkti inson tabiatining bir qismi, ammo urushga qarshi kurashish vositalari texnikaga bog‘liq. 1000KITOB loyihasi doirasida tarjima qilingan va tez orada chop etiladigan “Urush va texnologiya” kitobida tosh asridan kiberurush asrigacha bo‘lgan texnologiya va urushning birgalikdagi rivojlanishi, tarix davomida urush yo‘nalishini o‘zgartirgan ixtirolar tavsiflanadi: mustahkam devorlar, arava, jangovar kemalar va porox inqilobidan tortib bombardimonchilar, raketalar, qo‘lbola portlovchi qurilmalardan va yadroviy qurollargacha.

Kitob Oksford universiteti nashriyotining “Qisqa tanishtiruv” turkumidagi kitoblardan biri. Unda texnologik taraqqiyot urush tabiatiga qanchalik ta’sir qilishi, bu ikki hodisaning murakkab o‘sishi bayon etiladi.

Urushlarni keltirib chiqaruvchi sabablar, g‘oyalar o‘zgarmas, lekin urush o‘chog‘ini yondiruvchi vositalar o‘zgarib boraveradi. “Odamlar qurol bilan tug‘ilgan” – bu gap sizga bahsli tuyulyaptimi? Muallif nega bu fikrni ko‘targanini tushunmoqchi bo‘lsangiz, mazkur kitobni o‘qishga to‘g‘ri keladi.

Dastlabki adadi: 3000 nusxa.

Muallif: Aleks Roland – Dyuk universitetining faxriy tarix professori. Roland u yerda harbiy tarix va texnologiya tarixidan dars bergan.

Tarjimon: Shaaxmat Mutalov.

Sahifalarimizga ulaning va ulashing👇

Telegram | Facebook | Instagram | YouTube | X

Qo‘llanma: Google Docs’dan qanday foydalaniladi?

Do‘stlar, YouTube sahifamizda yana bir foydali video e’lon qildik: tarjimon, muharrir va boshqa jarayon ishtirokchilariga bir vaqtning o‘zida bir joyda ishlash imkonini beruvchi Google Docs platformasini qanday ishlatish bo‘yicha batafsil yo‘riqnoma tayyorladik. Unda elektron pochta ochishdan tortib, platformaning ikir-chikirigacha tushuntirilgan.

Xo‘sh, Google Docs’ning oddiy Word’dan qanday afzalliklari bor, unda nimalar qilish mumkin, qanday ishlatiladi – barchasi haqida videodan bilib olishingiz mumkin:

https://youtu.be/PydJDeYQmLk?si=0_0g2RZhnuwWSAg4

#foydali

Sahifalarimizga ulaning va ulashing👇

Telegram | Facebook | Instagram | YouTube | X

🎉 Yana bir ajoyib yangilik bilan keldik, do‘stlar! 1000KITOB logopediyaga oid kitobning tarjima huquqini qo‘lga kiritdi

Loyiha “Pearson” nashriyotidan Viki Ridning “Bolalarda nutq buzilishlari: kirish” (“Introduction to Children with Language Disorders”) kitobining mualliflik huquqini sotib oldi.

Kitob bolalarda til buzilishlarini o‘rganishga kirish bo‘lib xizmat qiladi. Unda ifoda va qabul qilish nutqidagi buzilishlar, shuningdek, autizm, eshitish muammolari va o‘qishga qobiliyat bilan bog‘liq buzilishlar kabi turli til buzilishlarining sabablari, xususiyatlari va oqibatlari ko‘rib chiqiladi. Muallif nazariy jihatlar bilan bir qatorda tashxis bo‘yicha amaliy strategiyalarga ham e’tibor qaratadi.

Unda, shuningdek, muloqotdagi muammolarni yechish muhokama qilinadi. Bunda nutqi buzilgan bolalar uchun qo‘shimcha va muqobil muloqot usullari, tilni baholash, shuningdek, ushbu bolalar bilan ishlashda qo‘llaniladigan usullar va e’tiborga olinadigan omillar ko‘rib chiqiladi.

Muallif haqida

Viki Rid — AQShning Jeyms Medison va Avstraliyaning Sidney universitetlari faxriy professori. U 17 yil davomida Sidney universitetining kommunikatsiyadagi muammolar maktabi rahbari bo‘lib ishlagan.

Doktor Rid 2016-yilda nafaqaga chiqquniga qadar, bolalar va o‘smirlar tili rivojlanishi hamda nutq buzilishlari sohasida 40 yildan ortiq tajriba to‘plagan. U bakalavriat va magistratura bosqichlarida dars berish, ilmiy tadqiqotlar olib borish va talabalarning ilmiy ishlariga rahbarlik qilish bilan shug‘ullangan. Doktor Ridning ushbu sohada ko‘plab ilmiy maqolalari chop etilgan va ma’ruzalari o‘qilgan.

Sahifalarimizga ulaning va ulashing👇

Telegram | Facebook | Instagram | YouTube | X

📚 Yana bir kun, yana bir xushxabar va yana yangi kitob: 1000KITOB pedagogikaga oid kitob mualliflik huquqini qo‘lga kiritdi

Loyiha “Pearson” nashriyoti bilan yana bir kelishuvga erishdi – “O‘quv dasturi. Asoslar, tamoyillar va muammolar” (“Curriculum: Foundations, Principles, and Issues”) kitobi mualliflik huquqini xarid qilindi.

Kitob o‘quv rejasining nazariy asoslari, tamoyillari va dolzarb masalalarini atroflicha sharhlab, tarixiy-falsafiy yondashuvlarni zamonaviy ta’lim talablari bilan uyg‘unlashtiradi. Mualliflar maqsadlarni belgilash, mazmunni tanlash, metodikani loyihalash va natijalarni baholash jarayonlarini ketma-ket ko‘rib chiqib, jamiyat qadriyatlari hamda o‘quvchi ehtiyojlarini muvofiqlashtirish zarurligini ta’kidlaydi.

Alohida boblarda texnologiyalar, raqamli savodxonlik va kasbga yo‘naltirishning o‘quv rejasini yangilashdagi ta’siri muhokama qilinib, amaliy “Curriculum Tips” hamda auditoriya uchun muhokama mavzulari keltiriladi.

📝 Mualliflar haqida

Alan Ornshteyn – AQShning Sent-Jons universitetida Ma’muriy va o‘quv jarayoni rahbarligi bo‘yicha professor. U ta’lim sohasiga oid 54 ta kitob va 400 ga yaqin maqolalar muallifi bo‘lib, 75 dan ortiq davlat va ta’lim tashkilotlari, jumladan Chikago va Nyu-York shahar maktab okruglari uchun maslahatchi sifatida faoliyat yuritgan. U “Fulbright-Hayes” stipendiyasi sohibi va keyinchalik ushbu tanlov qo‘mitasi a’zosi bo‘lgan.

Frensis Hankins 35 yil davomida Vashington universitetining Ta’lim kollejida umumiy o‘quv dasturi, o‘quv dasturlarini ishlab chiqish, o‘quv dasturi masalalari va o‘quv dasturi nazariyasi bo‘yicha ixtisoslashgan ta’lim professori bo‘lgan.

Sahifalarimizga ulaning va ulashing👇

Telegram | Facebook | Instagram | YouTube | X