📚 Birinchi bosqichda qaysi kitoblar nashr etiladi?

Kecha ilk kitoblarning sinov versiyasini e’lon qilganimizdan so‘ng ko‘pchilikda aynan qaysi kitoblar nashr etilishi bo‘yicha savollar yuzaga keldi. Keling, dastlabki kitoblarni eslab o‘tamiz.

Birinchi bosqichda 2024-yilda nashrga tayyorlangan 27 ta kitob bosib chiqarilishi rejalashtirilgan. Ularning aksariyati – 19 tasi Oksofd universitetining “Very Short Introductions” turkumiga kiradi va ularning shakli bir xil.

Kitoblar ro‘yxati:

1. “Ekologiya: O‘ta qisqa tanishtiruv” (Jaburi Gazul);

2. “Globallashuv: O‘ta qisqa tanishtiruv” (Manfred Steger);

3. “Intellekt: O‘ta qisqa tanishtiruv” (Ayan Diri);

4. “Mafkura: O‘ta qisqa tanishtiruv” (Maykl Friden);

5. “Miya: O‘ta qisqa tanishtiruv” (Maykl Od’shi);

6. “Tarix: O‘ta qisqa tanishtiruv” (Jon Arnold);

7. “Urush va Texnologiya: O‘ta qisqa tanishtiruv” (Aleks Roland);

8. “Liberalizm: O‘ta qisqa tanishtiruv” (Maykl Friden);

9. “Demokratiya: O‘ta qisqa tanishtiruv” (Bernard Krik);

10. “Inson huquqlari: O‘ta qisqa tanishtiruv” (Endryu Klepem);

11. “Bank: O‘ta qisqa tanishtiruv” (Jon Uilson, Jon Goddard);

12. “Fandagi inqilob: O‘ta qisqa tanishtiruv” (Lourens M. Prinsip);

13. “Falsafa: O‘ta qisqa tanishtiruv” (Edvard Kreyg);

14. “Ta’lim: O‘ta qisqa tanishtiruv” (Geri Tomas);

15. “Siyosat: O‘ta qisqa tanishtiruv” (Kennet Minoug);

16. “Kapitalizm: O‘ta qisqa tanishtiruv” (Jeyms Fulcher);

17. “Sotsializm: O‘ta qisqa tanishtiruv” (Maykl Nyuman);

18. “Populizm: O‘ta qisqa tanishtiruv” (Kas Mudde, Kristobal Rovira Kaltvasser);

19. “Psixologiya: O‘ta qisqa tanishtiruv” (Freda Makmanus, Jillian Batler);

20. “Etika: asoslar” (Juliya Drayver);

21. “Korrupsiya: Har kim uchun zaruriy bilim” (Rey Fisman, Miriam A. Golden);

22. “Muhofazakorlik bo‘yicha qisqacha qo‘llanma” (Rassell Kerk);

23. “Iqlim o‘zgarishi: Har kim uchun zaruriy bilim” (Jozef Romm);

24. “Falsafa: asoslar” (Nayjel Uorberton);

25. “Yer tarixi: Ilk 4,5 milliard yil, fazoviy zarradan ona sayyoragacha” (Robert Heyzen);

26. “Musulmon madaniy islohoti siyosati: Markaziy Osiyoda jadidchilik” (Adib Xolid);

27. “Institutlar,Institutsional O‘zgarish va iqtisodiy samaradorlik” (Duglas Nort).

Yuqorida sanalgan barcha kitoblar asl o‘lchamida chiqadi. “O‘ta qisqa tanishtiruv” turkumidagi kitoblarning o‘lchami odatiydan biroz kichikroq – “cho‘ntak kitob” shaklida. Ularda muqovalar dizayni ham deyarli o‘zgarmagan.

Ushbu birinchi to‘plamning buyurtmasini “O‘zbekiston” nashriyot-matbaa ijodiy uyi bajarmoqda. 27 ta kitobning har biri 3 ming nusxadan chop etiladi.

Videoda ko‘rsatilgan kitoblar, aytilganidek, sinov variantlari. Ular ommaviy bosib chiqarish jarayoniga o‘tishdan oldin tekshirib ko‘rish uchun kerak.

Sahifalarimizga ulaning va ulashing👇

Telegram | Facebook | Instagram | YouTube | X