#nega_aynan

“Immun tizimi qanday ishlaydi?”: tarjimaga asos 5 ta fakt

🔰 Mazkur kitob:

1️⃣ Immunologiya sohasida bestseller sanaladi.

2️⃣ Аmerikalik immunolog, immunologiyaga doir bir qancha kitoblar muallifi, PhD ilmiy darajasiga ega Loren Sompayrak tomonidan yozilgan.

3️⃣ Ilmiy, texnik va tibbiy tadqiqot nashrlariga ixtisoslashgan Wiley-Blackwell nashriyot kompaniyasi tomonidan nashrga tayyorlangan (2022).

4️⃣ 7-nashr hisoblanib, immunitet tizimining COVID-19 ga qarshi kurashdagi roli, vaksinalar, immunoterapiya, immunologik xotira, saraton va boshqalar haqida mutlaqo yangi bob bilan boyitilgan.

5️⃣ Harvard tibbiyot maktabi tibbiyot fanlari doktori, professor Daniel Tenen ta’biri bilan aytganda “Bu immunologiyani o‘rganishni boshlagan har bir talaba o‘qishi kerak bo‘lgan kitobdir”.

🙂Telegram | 🙂Facebook | 🙂Instagram | 🙂YouTube

#nega_aynan

“Konservatizm haqida muxtasar qo‘llanma”: tarjimaga asos 5 ta fakt

1️⃣ Mazkur kitob amerikalik tarixchi, fantast yozuvchi, siyosatshunos, 30 dan ortiq kitoblar muallifi, adabiyot bo‘yicha fan doktori, ijtimoiy fanlar yo‘nalishida professor maqomida bo‘lgan Rassell Kerk tomonidan yozilgan.

2️⃣ Muallif “Amerikada intellektual konservatizm otasi” sanaladi: 1953-yili uning “Konservativ zehniyat” kitobi nashr qilingach, zamonaviy konservativ intellektual harakatlar davri boshlangan.

3️⃣ Oradan to‘rt yil o‘tib, muallif ushbu kitobning qisqa falsafiy xulosasini yozgan va “Ayollar uchun konservatizm haqida qo‘llanma” nomi bilan nashr etilgan. Ana shu qisqa qo‘llanma keyinchalik “Konservatizm haqida muxtasar qo‘llanma” (“Concise Guide to Conservatism”) nomi bilan chop etilgan.

4️⃣ Kitob siyosiy konservativ asarlar chop etishga ixtisoslashgan Regnery nashriyoti tomonidan chiqarilgan. Ushbu nashriyotga 1947-yili Vashington shahrida asos solingan va hozirgacha faoliyat yuritib kelmoqda.

5️⃣ Bu kitob konservatizmning oila, jamiyat va shaxs, erkinlik va din, xususiy mulk va davlat, taʼlim va o‘zgarishlarga bo‘lgan munosabatini g‘oyaviy jihatdan bayon qilib beradi.

🙂Telegram | 🙂Facebook | 🙂Instagram | 🙂YouTube

#nega_aynan

“Iqtisodiyotning muxtasar tarixi”: tarjimaga asos 5 ta fakt

🔰Ushbu kitob:

1️⃣ Sizu bizni Adam Smit, Karl Marks, Jon Keyns kabi iqtisod ilmining klassik mutafakkirlari gʻoyalari bilan tanishtiradi. Shuningdek, pul ixtirosidan tortib, tadbirkorlik va xulq-atvor iqtisodiyotigacha boʻlgan mavzular yoritilgan. Bu orqali kitobxon hozirgi dunyoni shakllantirgan iqtisodiy gʻoyalar va kuchlar haqida maʼlumotga ega boʻlishi mumkin.

2️⃣ Muallifi – yozuvchi, iqtisodchi va tarixchi Nayl Kishtayni. U Buyuk Britaniya hukumatida siyosiy maslahatchi, BMTda esa Afrika davlatlari boʻyicha Iqtisodiy maslahatchi boʻlib ishlagan. Shuningdek, London Iqtisodiyot maktabining Iqtisod tarixi kafedrasida maʼruzalar qilgan. "Iqtisodiyot tarixi", "Iqtisodiyot daqiqalarda" kabi asarlar muallifi.

3️⃣ 1908-yilda tashkil etilgan Yel universiteti nashriyoti chop etgan (2017). Ushbu nashriyot Nyu-Xeyven (AQSH, Konnektikut shtati)da joylashgan. Buyuk Britaniyada o‘z filialiga ega kam sonli Amerika universitet nashriyotlaridan biri. Filial nashriyot tomonidan chop etilgan kitoblarning deyarli uchdan bir qismini nashr etadi.

4️⃣ Iqtisodiyot bo‘yicha Nobel mukofoti laureati Robert Shiller kitobga "...qiziqarli va puxta, iqtisodchilar dunyoni anglashimizga qanday hissa qo‘shganini tushuntirishda yetakchi asardir” deb taʼrif beradi.

5️⃣ “Yalang‘och iqtisodiyot” muallifi Charlz Uillan esa kitobni iqtisodiyotga qiziqqan har bir kishi uchun "intellektual xazinadir” deya taʼkidlaydi.

🙂Telegram | 🙂Facebook | 🙂Instagram | 🙂YouTube

#nega_aynan

“Kichik joylar, katta masalalar: Ijtimoiy va madaniy antropologiyaga kirish”: tarjimaga asos 5 ta fakt

🔰 Ushbu kitob:

1️⃣ Norvegiyalik antropolog, Oslo universitetining ijtimoiy antropologiya professori Tomas Xilland Eriksen tomonidan yozilgan.

2️⃣ Londondagi Pluto Press nashriyotida chop etilgan (2023) – 5-nashr.

3️⃣ Konkordiya universiteti professori Vered Amit kitobni antropologiyaga “mohirona kirish” deb e’tirof etgan.

4️⃣ Aberdin universitetining ijtimoiy antropologiya bo‘yicha faxriy professori Tim Ingold “Bu antropologiya kutubxonasidagi oddiy kitob emas, bu – bir kitobdagi butun boshli antropologik kutubxona” deydi.

5️⃣ Atoqli antropolog, sohada 19 ta kitobi chop etilgan va 100 dan ortiq maqolalar muallifi, professor Adam Kuper esa kitob haqida fikr bildirar ekan, so‘zini “talabalar o‘qishi shart” deya qat'iy xulosalaydi.

Kitobda ijtimoiy va madaniy antropologiyani tahlil etish orqali insoniyat evolyutsiyasi, madaniyatdagi yirik o‘zgarishlar yoritilgan.

🙂Telegram | 🙂Facebook | 🙂Instagram | 🙂YouTube

#javob

📚1000KITOB:
▫️qanday loyiha?
▫️kitoblar qanday tanlanadi?
▫️kimlar tanlaydi?
▫️tarjimonlar qanday saralanadi?
▫️tarjima haqi yaxshimi?
▫️qachon nashr etiladi?

Shu kabi savollar ijtimoiy tarmoq foydalanuvchilaridan ko‘plab kelmoqda. Sahifalarimizda ularga birma-bir #javob berib boramiz.

Har bir kitobning tarjima huquqi olinadimi?

✅ Ha, albatta. 1971-yil 24-iyulda qabul qilingan Adabiyot va san’at asarlarini muhofaza qilish to‘g‘risidagi Bern konvensiyasining (1979-yil 28-sentyabrda o‘zgartirish kiritilgan, Parij hujjati) 7-moddasiga ko‘ra, mualliflik huquqining muhofaza muddati muallifning butun hayoti va uning vafotidan keyin 50 yil davomida saqlanadi.

💰Ushbu muddatdan kelib chiqib Loyiha doirasida nashrga tayyorlanadigan asarlarning tarjima huquqi xarid qilinadi.

🚫 Tarjima huquqi olinmagan kitoblar nashrga tayyorlanmaydi.

🙂Telegram | 🙂Facebook | 🙂Instagram | 🙂YouTube

#tanishing

1000KITOB loyihasi doirasidagi asarlarning barchasi o‘z sohasida atoqli olimlar tomonidan yozilgan. Ular kim, ilm-fanda tutgan o‘rni, faoliyati qanday – shu kabi savollarga javob tariqasida yangi #tanishing ruknini tashkil etdik. Quyida sizga tarjima huquqi olingan kitoblardan biri "Tashkiliy xulq-atvor asoslari" ("Essentials of Organizational Behavior") asari mualliflari Stiven Robbins hamda Timoti Jaj haqida qisqacha ma’lumot beramiz.

✍️ Tanishing, Stiven Robbins!
 
● Arizona universitetida PhD darajasini egallagan. Nebraska, Brigham Young va San-Diego universitetlari professori;

● Menejment, tashkiliy xulq-atvor va inson resurslari kabi sohalarda ko‘plab tashkilotda maslahatchi bo‘lib ishlagan va shu sohalarda qimmatli darsliklar muallifi;

● Kitoblari 6 milliondan ortiq nusxada sotilgan va 20 tilga tarjima qilingan. Uning kitoblaridan AQSHning 1500 dan ortiq kollej va universitetida foydalaniladi;

● Butun dunyo bo‘ylab turli korporatsiyalar va akademik muassasalar uchun maʼruza va seminarlar o‘tkazgan.

✍️ Timoti Jaj:

● Illinoys universitetida Tashkiliy xulq-atvor yo‘nalishida PhD darajasi sohibi. Florida, Notr-Dam va Ayova universitetlarida ilmiy lavozimlarda ishlagan.
 
● Jaj o'zining ta'lim va tadqiqot xizmatlari uchun ko‘plab mukofotlar olgan. Jumladan, “Sanoat va tashkilot psixologiyasi” jamiyati tomonidan “Taʼlimga qo‘shgan hissasi uchun” taqdirlangan.

● Ilmiy faoliyatidan tashqari, turli tashkilotlarda maslahatchi bo‘lib ishlagan hamda yetakchilikni rivojlantirish, xodimlarni tanlash va ish faoliyatini baholash kabi sohalarda tajriba ulashgan. Uning maqola va darsliklari nufuzli akademik jurnallarda nashr etiladi.

Umuman olganda, Robbins ham, Jaj ham menejment va tashkiliy xulq-atvor sohasida o‘qituvchi, tadqiqotchi, muallif va maslahatchi sifatida alohida martabaga ega shaxslardir. Ular ushbu sohalarda nazariya, amaliyot va ta'limga sezilarli ta'sir ko‘rsatgan.‌‌

🙂Telegram | 🙂Facebook | 🙂Instagram | 🙂YouTube

#nega_aynan

“Musulmon madaniyati islohoti siyosati: Markaziy Osiyoda jadidchilik”: tarjimaga asos 5 ta fakt

🔰 Ushbu kitob:

1️⃣ 1860–1920-yillarda Chor Rossiyasi mustamlakasi davrida Markaziy Osiyo va Turkiston o‘lkasi hamda uning markazi Toshkent hududida Jadidchilik harakati rivoji to‘g‘risida ilgari foydalanilmagan adabiy manbalar hamda O‘zbekiston, Rossiya, Britaniya va Fransiya arxiv materiallari asosida yozilgan keng qamrovli asar;

2️⃣ Markaziy Osiyoda madaniy-intellektual rivojlanishni Usmonlilar imperiyasi, Eron, Janubiy Osiyo va arab dunyosidagi jarayonlar bilan qiyoslash orqali jadidchilikni kengroq intellektual kontekstda koʻrib chiqadi;

3️⃣ Muallifi – amerikalik tarixchi olim Adib Xolid. U Chikago universitetida PhD darajasini olgan, Minnesotadagi Karleton kolleji, Viskonsin-Medison universiteti kabi ko’plab ta'lim muassasalarida Osiyo tadqiqotlari va tarixi bo‘yicha professor sifatida faoliyat yuritgan;

4️⃣ Professor-o‘qituvchilarning ilmiy ishlarini chop etishga ixtisoslashgan University of California Press (Kaliforniya Universiteti nashriyoti) tomonidan chop etilgan (1998).

5️⃣ “Yaqin Sharq va Markaziy Osiyo” kitobi muallifi Deyl Eykelman fikricha “Boshqa olimlar ham jadidchilik harakatini tadqiq qilgan, ammo hech kim bu tadqiqotga Adib Xolid kabi ilmiy va ijtimoiy tarix nuqtayi nazaridan kontekstli yondashmagan".

🙂Telegram | 🙂Facebook | 🙂Instagram | 🙂YouTube

#javob

Asosan qaysi yo‘nalishlardagi kitoblar chop etiladi?

✅ Loyiha keng qamrovli. Bunda imkon qadar barcha yo‘nalishdagi kitoblarni tarjima qilish nazarda tutilgan.

📚 Loyihaning dastlabki bosqichida jahonda mashhur 50 nomdagi kitobni (ilmiy-ommabop kitoblar, talabalar uchun darsliklar, qo‘llanmalar) nashrga tayyorlash va chop etish belgilangan.

❗️Har yili nechta kitob chop etilishi uning hajmi, murakkablik darajasiga bog‘liq.

⚠️ Eslatma. Loyihadagi 1000 raqami aynan ming kitobni anglatmaydi, ya’ni nashrga tayyorlanadigan kitoblar ehtiyojdan kelib chiqib bundan ham ko‘proq bo‘lishi mumkin.

🙂Telegram | 🙂Facebook | 🙂Instagram | 🙂YouTube

#tanishing

✍️ Adib Xolid

● Pokistonda tug’ilgan amerikalik tarixchi olim. U Chikago universitetida PhD darajasini olgan, Minnesotadagi Karleton kolleji, Viskonsin-Medison universiteti kabi ko’plab ta'lim muassasalarida Osiyo tadqiqotlari va tarixi boʻyicha professor sifatida faoliyat yuritgan.

● Adib Xolidning asosiy tadqiqotlari Islom, mustamlakachilik, Markaziy Osiyo va Sovet ittifoqi tarixiga qaratiladi. Ilgari olimning “O’zbekiston tavalludi” asarini “Akademnashr” nashriyoti chop etgan. 1000KITOB loyihasi doirasidagi “Musulmon madaniyati islohoti siyosati: Markaziy Osiyoda jadidchilik” (“The Politics of Muslim Cultural Reform: Jadidism in Central Asia”) asari ham ushbu nashriyot tomonidan nashrga tayyorlanmoqda.

● Kitob ingliz tilida. Uning tarjima huquqi xarid qilinganida Adib Xolidning shaxsan o’zi asarda foydalanilgan iqtiboslarning o’zbek va rus tilidagi asl matnlarini taqdim etishini ma'lum qilgan. Bu tarjima sifatining yana bir daraja ko’tarilishiga sabab bo’ladi.

● Adib Xolid o’z tadqiqotlarida o‘zbek, fors, turk, rus, ingliz va fransuz manbalariga murojaat etadi, davlat arxivlaridan foydalanadi. Olim AQSH Milliy gumanitar fanlari jamg’armasi va boshqa nufuzli tashkilotlar grantlari bilan taqdirlangan.

🙂Telegram | 🙂Facebook | 🙂Instagram | 🙂YouTube

#nega_aynan

"Loyihasiz tartib: Bozorlar shaharlarni qanday shakllantiradi": tarjima uchun asos 5 ta fakt

1️⃣ Urbanizatsiya muammolariga yechim beradi: Shaharlarimizdagi urbanizatsiya jarayoni infratuzilmalar yetishmasligi, tartibsizlik va atrof-muhit tanazzuli kabi muammolarni keltirib chiqarmoqda. Xalqaro tajribalar asosida yozilgan ushbu kitob urbanizatsiya jarayonida paydo bo’ladigan muammolarni hal qilishda amaliy yechimlar beradi.

2️⃣ Shahar loyihalarini bozor mexanizmlari asosida qanday takomillashtirishni tushuntiradi: Shaharning barqaror rivojlanishida nafaqat rejalashtirish, balki bozorlar mexanizmlaridan foydalanish ham muhim. Ushbu kitob shaharlar loyihalanayotganda bozor imkoniyatlari hisobga olinmagani oqibatida qanday muammolarga uchraganini bayon qiladi. Bu esa ma’sullarga yangi qurilayotgan shaharlarda shunga oʻxshash muammolar paydo boʻlmasligi uchun nimalar qilish haqida yangi g’oyalar beradi.

4️⃣ Xalqaro tajriba va almashinuvni rag'batlantirish: Bu kabi muhim kitoblar orqali xalqaro tajriba o’rganilib, turli shaharlar bilan ilmiy va madaniy almashinuv rivojlanadi. Oʻzbek talabalari bu orqali xalqaro ekspertlar fikrlari, zamonaviy shaharsozlikdagi yondashuvlarni tushunadi. Bu esa shaharlarimizdagi muammolarni hal qilishda yangicha yondashuvlarga yo'l ochadi.

4️⃣ Oliy ta’lim uchun ilmiy manbalar koʻlamini kengaytiradi: Shaharsozlik bo’yicha nufuzli ushbu kitobni tarjima qilish orqali ta’lim muassasalarining soha bo'yicha resurslari kengayadi va talabalar shaharsozlik borasida yana bir ilg'or adabiyotdan foydalanish imkoniyatiga ega bo’lishadi.

5️⃣ Muallif va nashriyot: Muallif Alan Bertaud Nyu-York Universiteti va uning Stern urbanizatsiya loyihasida katta tadqiqotchi urbanist. Kitob nufuzli oliy taʼlim muassasalaridan biri — Massachusetts Texnologiya Instituti tomonidan nashr etilgan.

🙂Telegram | 🙂Facebook | 🙂Instagram | 🙂YouTube

#nega_aynan

”Falsafaga kirish”: tarjima uchun asos faktlar

🔸Axloqan to‘g‘ri va noto‘g‘rini qanday farqlash mumkin?
🔸So‘z erkinligi qachon cheklanishi mumkin?
🔸Qonun adolatsiz bo‘lsa, uni buzish qanchalik to‘g‘ri?
🔸Ilm va g‘ayriilm o‘rtasidagi chegara qayerda?
🔸Har qanday ishonch bilim bo‘la oladimi?

➡️ Bu kabi savollar javobi oddiy-ku desangiz, demak falsafadan bexabarsiz. Oddiy ko‘ringan har narsa ham ko‘ringani kabi emasligi anglangan joyda falsafa boshlanadi.

❓Kitob kim uchun:

Kitob tili ancha tushunarli, murakkab falsafiy g‘oyalar soddalashtirilgan, akademik atamalar oz va borlari ham izohlangan. Falsafa bilan tanish bo‘lmagan, ammo fikrlay oladigan, buni istaydigan va bundan qo‘rqmaydiganlar uchun.

❓Nima haqida:

Falsafaning deyarli barcha yo‘nalishlari (metafizika, bilish nazariyasi, siyosiy falsafa, axloq falsafasi, din falsafasi, estetika...), ulardagi muhim savollar qamrab olingan. Birgina kitobda ularning barchasi haqida boshlang‘ich tasavvurga ega bo‘lish mumkin.

❓Qanday shaklda:

Har bir bob falsafaning bir yo‘nalishiga ajratilgan. Har bir yo‘nalish bo‘yicha g‘oyalar, nazariyalar va ularga raddiyalar izchil shaklda va bugungi kunimizdan misollar bilan tushuntirilgan. Argument va kontr-argumentlar asosida yozilgan boblar falsafiy tafakkur tabiati haqida yetarlicha tasavvur beradi.

❓Nimasi bilan farqli:

▫️ Kitob o‘tmish emas, bugungi kun haqida. Undan Platonu Forobiy haqida o‘qimaysiz, balki bugungi kundagi falsafiy savollar olamiga kirasiz. Falsafa osmondagi va o‘tmishdagi bahslar emasligi, kundalik hayotimizda qanday o‘rin tutishi ochiladi.

▫️U sizni muayyan qarashga ishonishga undamaydi, balki turli va qarama-qarshi fikrlar, g‘oyalar bilan tanishtiradi, bugungi voqeligimizdan misollar keltiradi va “oddiy”ning aslida oddiy emasligini ko‘rsatadi.

🙂Telegram | 🙂Facebook | 🙂Instagram | 🙂YouTube

#javob

Tarjima uchun kitoblar qanday mezonlar asosida tanlanadi, kimlar tanlaydi?

📌 Tarjima uchun kitoblarni tanlashda quyidagilar o‘rganib chiqiladi:

➖kitobning dolzarbligi va ta’limiy ahamiyati;
➖kitobning yoshlar intellektual va ilmiy salohiyatini oshirishdagi o‘rni;
➖muallif shaxsining xalqaro maydonda tutgan o‘rni;
➖kitobni chop etgan nashriyot mavqeyi;
➖kitob haqida mutaxassislar munosabati.

❕Ushbu mezonlar doirasida kitoblarni bevosita ilm-fan, madaniyat, san’at, adabiyot va boshqa sohalarda tajribali va yetakchi olimlardan iborat tarkibda tuzilgan Ekspertlar kengashi atroflicha o‘rganib chiqadi. Kitoblar ro‘yxati shu asosda shakllantiriladi.

⚠️ Loyihada xususiy nashriyotlar chop etib foyda olishi imkonsiz bo‘lgan, biroq muayyan soha uchun fundamental asos bo‘lib xizmat qiluvchi kitoblar tanlab olinadi (odatda, bunday nashrlarning tarjima huquqi arzon emas, tarjima tili va uslubi murakkab, chop etish xarajatlari va shunga mos ravishda narxi ham qimmat bo‘ladi).

🙂Telegram | 🙂Facebook | 🙂Instagram | 🙂YouTube

#nega_aynan

"Etika: asoslar": tarjima uchun asos faktlar

🔸 Odamni oʻgʻrilik qilishdan nima toʻsib turadi: Qonun/dinmi yoki shaxsiy qarashlari?
🔸 Haqiqatni aytish zararga ishlaydigan paytda ham rostgoʻy boʻlish shartmi?
🔸 Yaxshi odamlarni hurmat qilmay qoʻysak ham yaxshi boʻlishda davom etaverishadimi?

➡️ Koʻrinishidan unchalik murakkab tuyulmaydigan bu kabi savollarga turlicha javob berish mumkin. Falsafaning qaysidir yoʻnalishida faqat natija muhim deb qaralsa, qaysidir faylasuf oqibatidan qatʼi nazar rostgoʻy boʻlish shartligini taʼkidlaydi. Etika: asoslar asari turli falsafiy yoʻnalishlardagi toʻgʻrilik, axloq tushunchasi va uning atrofidagi tortishuvlarni xolis izohlab beradi.

❓Kitob kim uchun:

Muallif murakkab axloqiy nazariyalarni ham tushunarli izohlab bergan. Shuning uchun ham kitob xoh u tajribali olim boʻlsin, xoh talaba, axloqning asosiy tamoyillarini o'rganishga qiziqqan har bir kishi uchun foydali manba boʻlib xizmat qiladi.

❓Nima haqida?

Kitob utilitarianizm, deontologiya va fazilat etikasi kabi axloqiy tushunchalarni tahlil qiladi va moral qarorlar qabul qilishda muhim rol oʻynaydigan asosiy tamoyillar haqida atroflicha tushuncha beradi; oʻquvchilarni axloqiy tanlovlar va ularning oqibatlarini tanqidiy baholashga undaydi va shu bilan axloqiy qarorlar qabul qilishning murakkabliklarini chuqurroq tushunishga koʻmaklashadi.‌‌

❓Nimasi bilan farqli:

▫️Kitob bir gʻoya yoki yoʻnalishga asoslanmaydi, unda turli axloqiy tushunchalar izohlab beriladi. Bu esa kitobxonning bir gʻoya taʼsiriga tushib qolmay, qarorlar qilishda atroflicha fikrlashiga koʻmak beradi.

▫️Muallif kitobda faqat nazariy tushunchalarni izohlash bilan cheklanmay, hayotiy vaziyatlar bilan misollar keltirib tushuntirgan. Bu esa  nazariya va amaliyot oʻrtasidagi toʻsiqni olib tashlab, oʻrganganlarimizni amalda qoʻllashni osonlashtiradi.

🙂 Telegram | 🙂 Facebook
🙂 Instagram | 🙂 YouTube