Bugun, 9-fevral buyuk mutafakkir va davlat arbobi Alisher Navoiy tavalludining 585 yilligi munosabati bilan barcha kitobsevarlarni "1000 kitob" jamoasi nomidan chin dildan muborakbod etamiz!

Navoiy bobomiz bizga shunday ulkan ma’naviy xazina qoldirdiki, uning har bir satri insonni komillikka, ezgulikka va ilmga chorlaydi. U kishi o‘z davrida ilm-fan va san’at ahliga homiylik qilib, ma’rifatli jamiyat poydevorini qo‘ygan edi.

Bugungi yosh avlod Navoiy bobomiz orzu qilganidek intellektual salohiyatli va yuksak ma’naviyatli bo‘lib ulg‘ayishi yo‘lida kitob mutolaasining o‘rni beqiyos.

Keling, buyuk bobomizning merosini nafaqat bayramlarda yodga olaylik, balki har kuni mutolaa orqali ularning hikmatlaridan bahramand bo‘laylik!

⚡️TOP universitetlarga kirish uchun bepul imkoniyat

Dunyoning eng nufuzli oliygohlarida ta’lim olish, xalqaro darajadagi grantlarni qo‘lga kiritish niyatidagi yoshlar uchun “Freshman Academy” va bir guruh tadbirkorlar tomonidan “Imkon Scholars” dasturiga start berilmoqda.

Loyiha doirasida moliyaviy imkoniyati cheklangan 20 nafar iqtidorli yosh saralab olinadi. Ularga dunyoning eng yetakchi universitetlariga hujjat topshirish va 100% lik grant yutish bo‘yicha bepul ko‘mak ko‘rsatiladi.

Ishtirokchilardan yagona talab — kelajakda erishgan yutuqlari va bilimlari orqali mamlakatimiz rivojiga munosib hissa qo‘shishdir.

Batafsil ma’lumot va ariza topshirish uchun: https://imkon.org

Vaksinalar mavzusi doimiy bahslar va qo'rquvlar markazida.

Kristen Fimsterning 1000KITOB loyihasi doirasida o‘zbek tiliga tarjima qilingan “Vaksinalar” asarida ushbu murakkab mavzu "oddiy odamlar" tilda izohlab berilgan.

Nega bu kitobni o'qish shart?

Kitobning eng kuchli jihati — undagi xolislik. Muallif vaksinalarni ko'r-ko'rona maqtamaydi yoki asossiz tanqid qilmaydi. U immun tizimimiz qanday ishlashini va vaksinalar bu tizimga qanday "mashg'ulot" o'tishini fan tilida, lekin juda sodda tushuntiradi.

Ushbu kitobni o’qib, internetdagi vahimali xabarlar ortida qanchalik haqiqat borligini bilib olasiz; emlash nafaqat sizni, balki atrofingizdagi zaif qatlamni qanday himoya qilishini anglaysiz; farzandingiz yoki o'zingiz uchun tibbiy qaror qabul qilayotganda qo'rquvga emas, bilimga tayanasiz.

Bu kitob — tibbiy savodxonlikni oshirish va axborot xurujlaridan himoyalanish uchun ajoyib qo'llanma. Sog'lik haqida gap ketganda, eng yaxshi dori — bu aniq ma'lumotdir!

#Diqqat_tanlov

📚Nashriyot va matbaachilar uchun: yana 20 ta kitob tenderga qo‘yildi

Yoshlar ishlari agentligi “Yoshlar uchun ming kitob” loyihasining navbatdagi bosqichini e’lon qiladi. Nashrga tayyorlangan yangi 20 ta kitobni sifatli bosib chiqarish uchun bosmaxonalar o‘rtasida tanlov ochiq deb e’lon qilindi.

Navbatdagi 20 ta kitob o‘z noshirini kutmoqda.

Sizning jamoangiz:

▫️ Matbaa sohasida katta tajribaga ega bo‘lsa;
▫️ Ish sifatiga kafolat bera olsa;
▫️ Yosh avlodning ma’rifatli bo‘lishiga o‘z hissasini qo‘shishni istasa – ushbu tanlovda qatnashishga chorlaymiz!

Tanlovda ishtirok etish uchun bosmaxonalarga qo‘yiladigan talablar:

➖ Nashriyot-matbaa sohasida kamida 3 yillik uzluksiz ish tajribasiga ega bo‘lish;
➖ O‘zbekiston hududida joylashgan bo‘lishi.

G‘olib deb topilgan bosmaxona buyurtmachi vakillari uchun kitob bosish jarayonini bevosita korxonada kuzatib borish imkoniyatini ta’minlashi shart.

Ushbu tenderda ishtirok etish — yirik davlat loyihasining hamkoriga aylanish va yoshlarning intellektual rivojiga xizmat qilish demakdir. Shuningdek, bu hamkorlik bosmaxonangizning nufuzi va bozoridagi mavqeyini mustahkamlashga xizmat qiladi.

📌Arizalar qabuli boshlangan!

Batafsil ma’lumot va texnik vazifalar bilan tanishish uchun: https://etender.uzex.uz/lot/469782

#Bobur543

Bugun buyuk sarkarda va davlat arbobi, o‘zbek adabiyotining yirik namoyandasi Zahiriddin Muhammad Bobur tavalludiga 543 yil to‘ldi.

Taqdir taqozosi bilan o‘zga yurtlarda saltanat qurgan bo‘lsa-da, Bobur Mirzo umrining oxirigacha Vatanga bo‘lgan sadoqatini saqlab qoldi.

Uning qalamiga mansub “Boburnoma” asari jahon tarixnavisligining durdonasi hisoblanadi. Bobur siymosi — kuchli iroda va yuksak ma’rifat uyg‘unligining yorqin namunasidir.

Ajdodlarimiz merosini o‘rganish orqali buyuk kelajakni barpo etish bugungi yoshlarning muqaddas burchidir.

Nobel mukofoti sovrindorlari Abhijit Banerji va Ester Dufloning "Qiyin davrlar uchun to‘g‘ri iqtisodiyot" kitobini shunchaki, moliya haqida deb o’ylashadi. 1000 kitob tomonidan tarjima qilingan va chop etilishi kutilayotgan ushbu kitob — inson taqdiri haqidagi asardir.

Iqtisodiyotning maqsadi faqat YaIMni o‘stirish emas, balki inson qadrini tiklashdir. Mualliflar migratsiya, ishsizlik va tengsizlik kabi murakkab savollarga oddiy va dalillarga asoslangan javoblar berishadi.

Odamlar faqat foyda ortidan quvmaydi. Biz uchun barqarorlik va jamiyatdagi hurmat puldan ko‘ra muhimroq. Kitob iqtisodiy muammolarga matematik formula sifatida emas, balki psixologik va ijtimoiy nuqtai nazardan qarashni o‘rgatadi.

Bu kitob — chalkash dunyoda to‘g‘ri yo‘l topishni istaganlar uchun haqiqiy qo‘llanma!

Tarjima huquqini olish qanday jarayon?

Ko‘pchilik o‘quvchilarimiz "Nega falon kitob hali chiqmadi?" yoki "Kitobni tarjima qilishga ruxsat olish qiyinmi?" deb so‘rashadi. Bugun "1000 kitob" loyihasi doirasida tarjima va nashr huquqlarini sotib olish jarayoni qanday kechishini "ichkaridan" ko‘rsatmoqchimiz.

Bu shunchaki xat yozish emas, bu — oylar davom etadigan murakkab diplomatik va huquqiy jarayon.

Ekspertlarimiz kitobni tanlagach, biz uning jahon bo‘ylab huquqlarini kim boshqarishini (muallifmi, nashriyotmi yoki agentlikmi?) aniqlaymiz va ular bilan aloqaga chiqamiz.

Loyihamizning ijtimoiy ahamiyatini, kitob o‘zbek kitobxonlari uchun bepul tarqatilishini tushuntiramiz. Tiraj, litsenziya muddati, elektron va audio formatlar bo‘yicha kelishuvga erishamiz. Ba’zan birgina rozilikni kutish 1-2 oyga cho‘zilishi mumkin.

Kelishuvga erishilgach, shartnoma loyihasi (draft) ustida ishlaymiz. Har bir band — o‘zbek qonunchiligi va xalqaro huquq normalariga mos kelishi shart.

Shundan so’ng, huquq egasidan soliq rezidentligi sertifikati olinadi. To‘lov amalga oshirilgach, mualliflar bizga kitobning original "ishchi" fayllarini yuborishadi.

Jarayon ikki tilda (o‘zbek va ingliz) tuzilgan bajarilgan ishlar dalolatnomasi bilan yakunlanadi. Shundan keyingina tarjimonlarimiz va muharrirlarimiz ishga kirishishadi.

Har bir imzo — o‘zbek tili jahon intellektual maydonida o‘z o‘rniga ega ekanligining tasdig‘idir.

Bizni kuzatishda davom eting, javonda hali yangi durdonalar ko‘p!

“1000 kitob” kuzatuvchilari uchun ajoyib yangilik. Endi kanalimizda bir biridan qiziqarli savollar berib boramiz.

Bu orqali siz bilimlaringizni mustahkamlab borasiz!😍

Birinchi savolga tayyormisiz?🤩

Immun tizimi sirlarini ochishga tayyormisiz?

Sog‘liq haqida minglab maqolalar bor, lekin tizim qanday ishlashini fundamental tushunish boshqa gap. “1000 kitob” loyihasi tomonidan o‘zbek tiliga tarjima qilingan Loren Sompayarkning "Immun tizimi" kitobi aynan shu bo‘shliqni to‘ldiradi.

Bu kitob — murakkab biologiyani sarguzasht kabi so‘zlab beradi. Immun tizimining "o‘ziniki" va "begona"ni qanday farqlashini tushuntiruvchi boblar ayniqsa, muhimdir. Bu mexanizmni anglash orqali biz nega allergiyaga chalinishimiz yoki vaksinalar qanday ishlashini tushunamiz.

Sog‘lig‘ingiz boshqaruvini o‘z qo‘lingizga olish va tanangiz qanchalar mukammal yaratilganini his qilish uchun bu kitob eng yaxshi qo‘llanmadir.

Kitoblarni qayerdan sotib olish mumkin?

Loyiha doirasidagi kitoblar davlat buyurtmasi asosida chop etiladi. Shu sababli ular tijoriy sotuvga chiqarilmaydi, balki jamoatchilik uchun bilim resursi sifatida bepul taqdim etiladi.

Amaldagi tartibga muvofiq, kitoblar axborot-kutubxona muassasalari hamda oliy ta’lim va ilmiy tashkilotlarga beg‘araz tarqatilmoqda.

Siz hududingizdagi axborot-kutubxona muassasalaridan olib, uyingizga olib ketib mutolaa qilishingiz mumkin.

“Saqlash va qayta ishlash. Bir bosh uzumni tashqarida qoldirsangiz, u mogʻorlagan uyumga aylanadi, lekin quritilgan mayizga hech narsa qilmaydi”.

Jon Krebs. “Oziq-ovqat: oʻta qisqa tanishtiruv” kitobidan

Ayni paytda 1000KITOB loyihasi doirasida chop etilgan qaysi kitobni oʻqiyapsiz?

Oʻzingizga yoqqan eng yaxshi iqtibosni yozib qoldiring😍

Biz boshlab beramiz:

“Ushbu kitob qoʻlingizda ekanining oʻzi — alohida mavqeyingizdan darak”

Nayl Kishtayni, “Iqtisodiyotning muxtasar tarixi” kitobidan.

Jadidlar mavzusi doimiy bahslar, turli talqinlar va afsonalar markazida.

Adib Xolidning "1000KITOB" loyihasi doirasida o‘zbek tiliga tarjima qilingan “Turkistonda jadidchilik” asarida ushbu murakkab tarixiy jarayon "oddiy kitobxon" tilida tushuntirib berilgan.

Nega bu kitobni o‘qish shart?

Kitobning eng kuchli jihati — undagi akademik xolislik. Muallif jadidlarni shunchaki qahramon sifatida ko‘rsatmaydi yoki ularni ko‘r-ko‘rona ayblamaydi. U XX asr boshidagi Turkiston jamiyati qanday ishlaganini, madaniy o‘zgarishlar va siyosiy kurashlar qanday "mashg‘ulot" vazifasini o‘taganini fan tilida, lekin juda ravon tushuntiradi.

Ushbu kitobni o‘qib, bugungi o‘zbek davlatchiligi va milliy o‘zlikning poydevori qanday qo‘yilganini bilib olasiz; ta’lim va islohotlar nafaqat o‘tmishni, balki kelajakni qanday o‘zgartirishini anglaysiz; tariximizga hissiyotlar bilan emas, faktlar va tahlil bilan qarashni o‘rganasiz.

Bu kitob — milliy savodxonlikni oshirish va tarixiy xatolardan xulosa chiqarish uchun eng mukammal qo‘llanma. Millat taqdiri haqida gap ketganda, eng yaxshi chiroq — bu haqiqiy tarixiy bilimdir!

Sevimli kitoblaringiz yanada yaqinroq!

Izlayotgan asaringizni topish uchun uzoqqa borish shart emas — ma’rifat dunyosi siz o‘ylaganingizdan ham yaqinroq masofada joylashgan.

"1000KITOB" loyihasi doirasida o‘zbek tiliga mahorat bilan o‘girilgan jahon durdonalari va nodir asarlar har bir kitobxon uchun ochiq! Mazkur loyiha doirasida chop etilgan sara asarlarning katta qismi Mutolaa platformasiga raqamli formatda joylashtirildi.

Qidirgan kitobingizni qanday topsangiz bo'ladi?

Mutolaa ilovasi orqali: Istalgan vaqtda va istalgan joyda mobil qurilmangiz orqali elektron kitoblar olamiga sho‘ng‘ing.

Kutubxonalar ko'magida: Agar sizga kerakli asar elektron shaklda mavjud bo‘lmasa, Respublikamizning barcha hududlaridagi axborot-kutubxona markazlariga murojaat qilib, kitobning bosma nashridan foydalanishingiz mumkin.

Nima uchun bu muhim?

Kitob o‘qish — bu shunchaki vaqt o‘tkazish emas, bu o‘zlikni anglash va dunyoqarashni kengaytirish yo‘lidir. Biz sizga sifatli adabiyotlarni yetkazish orqali ilm ulashishdan to‘xtamaymiz, siz esa mutolaadan to‘xtamang!

Unutmang: Har bir o‘qilgan sahifa — bu yangi marra va yuksak cho‘qqilar sari qo‘yilgan qadamdir.