#tarjima_huquqi

✍️ So‘nggi yillarda ko‘p murojaat etilgan ilmiy-ommabop asarlardan biri – “A Short History of Nearly Everything” (“Hamma narsaning qisqa tarixi”, muallif Bill Brayson) kitobining tarjima huquqi bo‘yicha kelishuvga erishildi.

Ushbu asar 2004-yilda ilmiy kitoblar bo‘yicha “Aventis” mukofotiga sazovor bo‘lgan.

Nega aynan ushbu kitob, boshqasi emasligiga navbatdagi postlarda yanada batafsil to‘xtalamiz.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000Kitob_noshirlari

📄 Noshirlik sohasida uzoq yillik tajribaga ega “Akademnashr” – Loyihamiz hamkori. Nashriyotda tarjima ishlarining borishi, loyihaning samarasi yuzasidan nashriyot rahbari Sanjar Nazar fikrlari bilan o‘rtoqlashdik.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#tarjima_huquqi

✍️ Iqtisod sohasida “Nobel” mukofoti laureatlari – Abhijit Banerji va Ester Duflo hammuallifligidagi “Good Economics for Hard Times” (“Og‘ir davrlar uchun yaxshi iqtisodiyot”) asarining tarjima huquqi bo‘yicha kelishuvga erishildi.

📚Kitobda ijtimoiy-iqtisodiy muammolarni yengishda islohotlar ahamiyati, kambag‘allikka qarshi kurashishning samarali yechimlari aks etgan.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

❗️Loyiha ofisi matbaa sifatini ta’minlash uchun alohida standart ishlab chiqadi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

Har yili nechta kitob nashrga tayyorlanadi?

📝 Loyiha doirasida tarjima qilinadigan kitoblarning yillik ro‘yxati tegishli mezonlar asosida Ekspertlar kengashi tomonidan shakllantiriladi.

📚 Loyihaning dastlabki bosqichida jahonda mashhur 50 nomdagi kitobni (ilmiy-ommabop kitoblar, talabalar uchun darsliklar, qo‘llanmalar) nashrga tayyorlash va chop etish belgilangan.

❗️Har yili nechta kitob chop etilishi uning hajmi, murakkablik darajasiga ham bog‘liq. Chunki tanlab olingan asarlar nashrga sifatli tayyorlanishi uchun bir necha bosqichdan o‘tadi.

➡️ Shunga ko‘ra, nashrga tayyorlanadigan kitoblar ehtiyojdan kelib chiqib bundan ko‘proq ham bo‘lishi mumkin.

☝️Loyiha yuzasidan eng ko‘p berilgan savollarga javoblar bu yerda.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000Kitob_noshirlari

Firuz Allayev, “Asaxiy Books” asoschisi: “Ilmiy-ommabop kitoblar badiiy yoki psixologik asarlarga o‘xshab ko‘p sotilmaydi... lekin umumiy saviya, millat rivojlanishi uchun ilmiy kontentlar kerak”.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#iqtibos

“Shaharlarni boshqarishda g‘alati vaziyatga duch kelyapmiz: bozor natijalarini turli qonun-qoidalar orqali o‘zgartirishga mas'ul mutaxassislar (shaharni rejalashtiruvchi shaharsozlar) bozorlar haqida juda oz bilishsa, bozorni tushunadigan mutaxassislar (shaharsozlik iqtisodchilari) shaharlar loyihasida deyarli ishtirok etmaydi. Ular orasida o‘zaro munosabat yo‘qligi bois shaharlar ravnaqida jiddiy muammolar ro‘y beryapti. Bu xuddi o‘zi tanlagan yo‘ldan paypaslab yurayotgan ko‘r va shol holini eslatadi. Shaharsozlar ko’rmasdan harakat qilayotgan so‘qirga, iqtisodchilar esa ko‘zi ochiq, lekin qimirlashga madori yo’q sholga o’xshaydi”.

📚 Kitob: “Loyihasiz tartib: Bozorlar shaharlarni qanday shakllantiradi”
✍️ Muallif: Alen Berto
🔄 Tarjimon: siyosiy fanlar doktori Bekzod Zakirov

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#tarjima_huquqi

✍️ “Institutions, Institutional Change and Economic Performance” (“Institutlar, institutsional o‘zgarishlar va iqtisodiy samaradorlik”, Duglas Nort) asarining tarjima huquqi bo‘yicha kelishuvga erishildi.

📚Kitobda institutlarning (qonunlar, kelishuvlar, xulq-atvor qoidalari va boshqalar) ijtimoiy-iqtisodiy taraqqiyotdagi roli tahlil etilgan.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#tarjima_huquqi

📚 1000KITOB loyihasi doirasida nashrga tayyorlash uchun nufuzli nashriyotlardan biri Oxford University Press bilan muzokaralardan so‘ng 24 ta kitobning tarjima huquqi olingan.

🔰Quyidagi ro‘yxatda ushbu kitoblar va ularning mualliflarini keltiramiz:

1. “Banking” ("Bank ishi"), Jon Uilson, Jon Goddard;
2. “Democracy” (“Demokratiya”), Bernard Krik;
3. “Education” (“Ta’lim”), Geri Tomas;
4. “Philosophy” (“Falsafa”), Edvard Kreyg;
5. “History” (“Tarix”), Jon Arnold;
6. “Politics” (“Siyosat”), Kennet Minoug;
7. “Sociology” (“Sotsiologiya”), Stiv Bryus;
8. “Psychology” (“Psixologiya”), Freda Makmanus, Jillian Batler;
9. “Human rights” (“Inson huquqlari”), Endryu Klepem;
10. “Capitalism” (“Kapitalizm”), Jeyms Fulcher;
11. “Globalization” (“Globallashuv”), Manfred Steger;
12. “Intelligence” (“Intellekt”), Ayan Diri;
13. “Ideology” (“Mafkura”), Maykl Friden;
14. “Liberalism” (“Liberalizm”), Maykl Friden;
15. “Socialism” (“Sotsializm”), Maykl Nyuman;
16. “Ecology” (“Ekologiya”), Jaburi Gazul;
17. “The Scientific Revolution” (“Ilmiy inqilob”), Lourens M. Prinsip;
18. “The Brain” (“Miya”), Maykl O’shi;
19. “War and Technology” (“Urush va texnologiya”), Aleks Roland;
20. “Global Warming” (“Global isish”), Mark Maslin;
21. “Populism” (“Populizm”), Kas Mudde, Kristobal Rovira Kaltvasser;
22. “Corruption: What Everyone Needs to Know” (“Korrupsiya: har kimga zaruriy bilim”), Rey Fisman, Miriam A. Golden;
23. “Climate Change: What Everyone Needs to Know” (“Iqlim o'zgarishi: har kimga zaruriy bilim”), Jozef Romm;
24. “Vaccines: What Everyone Needs to Know” (“Vaksinalar: har kimga zaruriy bilim”), Kristen A. Feyemster.

❗️Nega aynan ushbu kitoblar, boshqasi emasligiga navbatdagi postlarda yanada batafsil to‘xtalamiz.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#nega_aynan

📚 “Korrupsiya: har kim uchun zaruriy bilim”. Tarjima uchun asos faktlar

So‘nggi yillarda korrupsiya borasida salmoqli tadqiqotlar olib borilganiga qaramay, natijalariga tor doirada yondashilgan. Tadqiqotlarning aksarida faqat bir davlat yoki o‘sha davlatning alohida hududi o‘rganilgan, xolos. Bu esa mavzu borasida kengroq fikrlash kerakligini, maqola shaklidagi tadqiqotlardan ko‘ra dadilroq fikrlarni o‘rtaga tashlashni taqozo etardi.

Oxford University Press tomonidan yo‘lga qo‘yilgan “What Everyone Needs to Know” (Har kim uchun zaruriy bilim) turkumidagi asarlarni bu borada muhim qadam deyish mumkin. Bugungi kunda ushbu turkumdan 116 ta asar o‘rin olgan. Ulardan biri Loyihamiz doirasida nashrga tayyorlanayotgan “Corruption: What Everyone Needs to Know” (“Korrupsiya: har kim uchun zaruriy bilim”) kitobidir.

❓Kitobni kimlar yozgan

Mualliflar korrupsiya mavzusini uzoq yillardan beri o‘rganib kelayotgan mutaxassislar: biri siyosiy fanlar bo‘yicha olima Miriam A. Golden – Italiya, Hindiston va Ganadagi korrupsion holatlar bo‘yicha tadqiqot o‘tkazib, ma’lumotlar to‘plagan; yana biri iqtisodchi Rey Fisman – yoshlik yillarini dunyo bo‘ylab sayohat qilish asnosida Indoneziya, Hindiston va boshqa o‘lkalardagi korrupsiya mohiyatini tushunishga sarflagan.

Rey korrupsiyaning iqtisodiy oqibatlari xususida, Miriam esa ko‘proq siyosiy partiyalarning qay tariqa korrupsiyalashishi haqida mulohaza yuritgan.

❓Kitob kim uchun

Asarning asosiy o‘quvchisi – korrupsiya haqida bilimga ega bo‘lishni istagan har kim – u xoh talaba, xoh akademik, siyosatdon bo‘lsin. Umuman, korrupsiya mavzusi kasb-kori, professional ishi bilan kesishgan jamiki kitobxon uchun foydali qo‘llanma bo‘ladi. Mualliflar xorijlik kitobxonni ham unutmagan. Turfa o‘lkalardan misol va vaziyatlar kiritib, muhokama qilgan g‘oya va fikrlarining butun dunyo kitobxonlariga ham birdek aloqador ekaniga urg‘u qaratgan.

❓Nimalar ko‘tarilgan

Kitob 9 bobdan iborat. Nima uchun yozilganidan tortib korrupsiyani yo‘qotishda nima qilish kerakligigacha savollarga javob izlangan. Aytaylik:

▫️Korrupsiyaga kimlar aralashadi va nima uchun?
▫️Nega u qashshoq o‘lkalarda oddiy holga aylangan?
▫️Korrupsiya ishchi daromadiga qanday ta’sir qiladi?
▫️Nega davlat xizmatchilari pora oladi?
▫️Saylovdagi firibgarlik ham korrupsiyami?
▫️Korrupsiyaning oqibatlari qanday?

➡️ Shu kabi savollarga turli mamlakatlar, vaziyatlardan olingan yorqin misollar talqinida javob beriladi. Bu orqali o‘quvchiga korrupsiya qayerda, nega va qanday sodir bo‘lishini anglashga ko‘maklashiladi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#1000Kitob_noshirlari

Ma'mura Qutliyeva, “Zabarjad media” nashriyoti direktori: “Gapning ega-kesimini joyiga qo‘yish mumkin, lekin bu bilan kitob dunyoga kelib qolmaydi. Bunda o‘sha tilni biladigan muharrir ishtiroki albatta zarur”.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#nega_aynan

Avvalroq yozganimizdek, Oksford Universiteti nashriyotidan 24 ta kitobning tarjima huquqi olingan. Loyihamizning ilk bosqichida chop etiluvchi kitoblarning asosiy qismini aynan shu – “A Very Short Introduction“ (“Qisqa tanishtiruv”) turkumidagi asarlar tashkil etadi.

Nega aynan bu kitoblar?

Kitoblarning kichik hajmli ekani hamda "Qisqa tanishtiruv" deb nomlanishi turli fikrlar paydo qilishi mumkin.

1⃣ Kitoblar internet qidiruv tizimlaridan topsa bo‘ladigan sodda va boshlang’ich ma’lumotlarni emas, balki butun bir fanni qamrab oladi. Fanning muayyan sohasiga chuqurroq kirishni istagan, biroq uni nimadan boshlashni yoki o‘rganishni bilmayotganlar uchun ham bu kitoblar ayni muddao. Chunki ular ko‘plab manbalar asosida yozilgan va manbalarning har biri alohida qayd etib o‘tilgan.

2⃣ “Qisqa tanishtiruv” turkumi – akademik ilmiy ishlar hamda ommabop adabiyotlar o‘rtasidagi muhim ko‘prik. Kitoblar bu jihatdan ancha puxta ishlab chiqilgan.

3⃣ Akademik matnlardan farqli, tushunish uchun o‘quvchidan qo‘shimcha bilim talab qilmaydi, aksincha, ushbu kitoblar talabalar yoki ilmiy tadqiqot o‘tkazuvchilar uchun fundamental qo‘llanma bo‘lib beradi.

4⃣ Eng muhimi, kitoblar aksar darsliklar kabi zerikarli uslubda yozilmagan, ularda o‘quvchini fanga qiziqtirishga ham alohida urg‘u berilgan va kitobxonni zo‘riqtirmaydi, sohani o‘rganishiga ishtiyoq uyg‘otadi.

⬆️ “Qisqa tanishtiruv”dan o‘rin olgan kitoblar hajman qisqa va ushbu qisqalik ularning o‘qilish darajasiga putur yetkazmaydi, aksincha, ayrim “yostiqday” kitoblardan ko‘ra foydali. Bu turkum kitoblarda katta ma’lumotlar zichlab, ammo o‘qishli tarzda berilgan. Har bir kitob tegishli sohaning nufuzli mutaxassislari tomonidan yozilgan.

📚 Bu kitoblar nafaqat ilmiy izlanuvchilar, balki talabalar va qiziqqan keng kitobxonlar ommasiga ham asqatishiga ishonamiz.

Telegram | Facebook | Instagram | YouTube | X

#1000KITOB_tarjimonlari

📚Shaharsozlik faqat qurilishdan iboratmi? U fan sifatida nimalarni o‘z ichiga oladi? Bu borada “Loyihasiz tartib: Bozorlar shaharlarni qanday shakllantiradi” asari bizga nimalarni o‘rgatadi? Umuman, ushbu asar nima uchun muhim?

Siyosiy fanlar doktori, tarjimon Bekzod Zakirov shular haqida fikr yuritadi.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#javob

❓Oldin chop etilgan nashrlar yana chiqariladimi?

❗️Yo‘q. Loyiha doirasida ilgari o‘zbek tilida chiqarilmagan yangi tarjimalar nashr etiladi.

☝️Loyiha yuzasidan eng ko‘p berilgan savollarga javoblar bu yerda.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

#iqtibos

“Korrupsiya xalq ko‘ziga tuproq sepishda byurokrat va siyosatdonlarni birlashtiradi, yana chetdagi aybdorlar ham bir maqsadda til biriktirsa, bu tizim bo‘lib shakllanadi...

Har qanday vaziyatda jamiyat ichida “chirigan olma” bo‘lishi tabiiydir – ishsiz nazoratchi pora olishi, jamoatchilik nazorati xodimi nazorat qilmasligi, “qo‘li nopok” politsiyachi giyohvand moddalar savdosiga aralashishi mumkin. Lekin poradan hazar qiladiganlar borligi bois “chirigan olmalar” vaqti-vaqti bilan qo‘lga tushib turadi.

Byurokratik korrupsiyalarda byurokratlar bir-birini sotib firib bermaydi, aksincha, biriga ikkinchisi qalqon bo‘ladi”.

📚 “Korrupsiya: har kim uchun zaruriy bilim” 
✍️ Mualliflar: Miriam A. Golden, Rey Fisman

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

Loyiha doirasida o‘zbek tiliga o‘girilayotgan “San'at tarixi” (“The Story of Art”, Ernst Gombrix) asari muharriri, ekspert Farrux Jabborov fikrlari – YouTube sahifamizda.

Bizni ijtimoiy tarmoqlarda kuzatib boring👇

Telegram | Facebook | Instagram | YouTube | X

⚡️ 1000KITOB’da yil yakunida chop etiladigan 50 kitob va ularni nashrga tayyorlayotgan noshir hamda mutaxassislar roʻyxati

— Loyiha doirasida aynan qaysi asarlar chop etiladi?

— Kitoblarni qaysi nashriyotlar bosmaga tayyorlamoqda?

— Tarjimon va muharrirlar kimlar?

— Ish jarayonida aniq muddatlar qoʻyilganmi?

Yuqoridagi savollar juda koʻp yoʻllanmoqda. Jadvalda 50 kitob va annotatsiyalari, mualliflar va ular haqida ma’lumot, bosmaga tayyorlayotgan noshir hamda mutaxassislar roʻyxati bilan tanishishingiz mumkin.

❗️Jadval ma’lumotlari muntazam yangilab boriladi.

Bizni ijtimoiy tarmoqlarda kuzatib boring:👇

Telegram | Facebook | Instagram | YouTube | X