🇰🇿🇰🇷Ерсайын Нағаспаев «С5+1» елдері өнеркәсіп министрлері консультативтік тетігінің бірінші отырысына қатысты

📍Мемлекеттер басшыларының «Орталық Азия — Корея Республикасы» атты бірінші саммитін өткізу қарсаңында Сеул қаласында «С5+1» елдері өнеркәсіп министрлерінің консультативтік тетігінің бірінші отырысы өтті.

Кездесу Қазақстан Республикасы Өнеркәсіп және құрылыс министрі Ерсайын Нағаспаев пен Корея Республикасы Сауда, өнеркәсіп және ресурстар министрі Ким Чжон Кванның төрағалығымен өтті. Отырысқа Қырғыз Республикасы Экономика және сауда министрі Бақыт Сыдықов, Тәжікстан Республикасы Өнеркәсіп және жаңа технологиялар министрі Шерали Кабир, Түрікменстан Республикасы Өнеркәсіп және құрылыс министрі Тойғұлы Нұров, Өзбекстан Республикасы Инвестициялар, өнеркәсіп және сауда министрі Лазиз Кудратов қатысты.

Министрлер «C5+1» форматы шеңберінде инвестициялар, технологиялар, өнеркәсіптік инфрақұрылым, аса маңызды минералдар мен жаһандық жеткізу тізбектері, кадрлық әлеуетті дамыту және басқа да бағыттардағы ынтымақтастықты кеңейтудің ортақ пайымы мен перспективаларын талқылады.

Отырыста сөйлеген сөзінде Ерсайын Нағаспаев Президент Қасым-Жомарт Кемелұлы Тоқаевтың басшылығымен Қазақстан дамудың жаңа кезеңіне аяқ басқанын атап өтті. Қазақстанның жаңа Конституциясымен бекітілген және инвесторлардың сенімін нығайтуға бағытталған ауқымды реформаларға баса назар аударылды.

«Алатау қаласының арнайы құқықтық режимі туралы» заңмен ел тарихында алғаш рет ерекше құқықтық мәртебеге ие қала құрылды. Жоба мемлекеттік басымдықтардың бірі саналады және біз оңтүстіккореялық әріптестерді оны іске асырудағы негізгі стратегиялық серіктестер ретінде қарастырамыз.

Қазақстан Республикасының Президенті Қасым-Жомарт Кемелұлы Тоқаевтың Сеулге мемлекеттік сапары өзара іс-қимылды одан әрі кеңейту үшін жаңа мүмкіндіктер ашып, Қазақстан- Корей қатынастарының барлық бағыттарын дамытуға қосымша серпін беретініне сенімдімін”, – деп атап өтті Ерсайын Нағаспаев.

«C5+1» алаңы Орталық Азия елдері мен Корея Республикасы арасындағы практикалық өнеркәсіп саласы бойынша ынтымақтастықты кеңейтуге бағытталған. Өткен жылы Қазақстанның Оңтүстік Корея және ОА елдерімен тауар айналымы шамамен $12 млрд-ты құрады. Елдің өңдеу өнеркәсібінде 1 мыңнан астам бірлескен компаниялар жұмыс істейді.

🤝Отырыс қорытындысында Корея Республикасы мен Орталық Азия мемлекеттері арасында өнеркәсіп және жеткізу тізбегі салаларындағы ынтымақтастық бойынша Өзара түсіністік туралы меморандумға қол қойылды, сондай-ақ Бірлескен декларация қабылданды.

🇰🇿🇰🇷Ерсайын Нагаспаев принял участие в первом заседании Консультативного механизма министров промышленности «С5+1»

📍Накануне проведения первого саммита глав государств «Центральная Азия — Республика Корея» в городе Сеул состоялось первое заседание Консультативного механизма министров промышленности стран «С5+1».

Встреча проведена под сопредседательством министра промышленности и строительства Республики Казахстан Ерсайына Нагаспаева и министра торговли, промышленности и ресурсов Республики Корея Ким Чжон Квана. Участие в заседании также приняли министр экономики и коммерции Кыргызской Республики Бакыт Сыдыков, министр промышленности и новых технологий Республики Таджикистан Шерали Кабир, министр промышленности и строительства Республики Туркменистан Тойгулы Нуров, министр инвестиций, промышленности и торговли Республики Узбекистан Лазиз Кудратов.

Министры обсудили общее видение и перспективы расширения сотрудничества в формате «C5+1» в области инвестиций, технологий, промышленной инфраструктуры, критически важных минералов и глобальных цепочек поставок, развития кадрового потенциала и др.

В своем выступлении на заседании Ерсайын Нагаспаев подчеркнул, что Казахстан под руководством Президента Касым-Жомарта Кемелевича Токаева вступил в новый этап развития. Акцент сделан на масштабных реформах, закрепленных новой Конституцией РК и направленных на укрепление доверия инвесторов.

«Законом «О специальном правовом режиме города Алатау» учрежден первый в истории страны город с особым правовым статусом. Проект является одним из государственных приоритетов и мы рассматриваем корейских партнёров в качестве ключевых стратегических партнеров в его реализации.

Уверен, что государственный визит Президента Республики Казахстан Касым-Жомарта Кемелевича Токаева в Сеул откроет новые возможности для дальнейшего расширения взаимодействия и придаст дополнительный импульс развитию всего комплекса казахстанско-корейских отношений», — подчеркнул Ерсайын Нагаспаев.

Площадка «C5+1» направлена на расширение практического промышленного сотрудничества между странами ЦА и Республикой Корея. Товарооборот РК со странами ЦА и Южной Кореей в прошлом году составил порядка $12 млрд. В обрабатывающей промышленности страны работают более 1 тыс. совместных компаний.

🤝По итогам заседания подписан Меморандум о взаимопонимании между Республикой Корея и государствами Центральной Азии о сотрудничестве в промышленной сфере и в области цепочек поставок, а также принята Совместная декларация.

🇰🇿🇰🇷Ерсайын Нағаспаев Корея Республикасы Сауда, өнеркәсіп және ресурстар министрі Ким Чжон Кванмен өнеркәсіптік ынтымақтастықты дамыту мәселелерін талқылады

🤝 «С5+1» отырысы аясында Қазақстан Республикасы Өнеркәсіп және құрылыс министрі Ерсайын Нағаспаев Корея Республикасы Сауда, өнеркәсіп және ресурстар министрі Ким Чжон Кванмен екіжақты келіссөздер жүргізді.

📊Тараптар 2026 жылдың алғашқы 6 айында $1,3 млрд-қа жеткен тауар айналымының өсім динамикасын атап өтті. Өнеркәсіптік кооперация портфеліне 51 бірлескен жоба кіреді, оның ішінде 23 өндіріс іске қосылып, 4,4 мың жұмыс орны құрылды.

🚗 Қазақстанның автомобиль жасау саласын дамытуда Қостанай облысындағы KIA және Алматы облысындағы Hyundai брендтері автокөліктерін өндіру жобаларына зор маңыз берілген. Келіссөздер барысында министрлер өндірістерді одан әрі локализациялау және автомобильдердің модельдік қатарын кеңейту перспективаларын атап өтті.

Сондай-ақ лифт өндірісі саласында ғылыми-зерттеу паркін құру жобасын жүзеге асыру үшін қазақ-корей кәсіпорынын іске қосу перспективалары талқыланды. Бұған дейін оңтүстіккореялық тарап осы жобаға грант бөлген болатын.

📌 Келіссөздер қорытындысы бойынша министрлер барлық негізгі бағытта екіжақты байланыстарды дамыту және нығайтуға ниетті екендерін растады.

📌 Ақтауда құрылыс саласын дамыту және жаңа Құрылыс кодексін қолдану мәселелері талқыланды

Қазақстан Республикасы Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбеков Ақтау қаласында өткен «Атамекен» ҚР ҰКП Төралқасының Құрылыс және ТКШ комитетінің көшпелі отырысына қатысты.

Отырысқа мемлекеттік органдардың, салалық бірлестіктердің және Маңғыстау облысының құрылыс саласындағы бизнес өкілдері қатысты.

🖋Отырыстың негізгі тақырыптарының бірі 2026 жылғы 1 шілдеден бастап күшіне енген Қазақстан Республикасының Құрылыс кодексін практикада қолдану мәселесі болды. Жиын барысында қатысушыларға Кодекстің негізгі жаңашылдықтары, оның ішінде құрылыс саласын реттеудің жаңа тәсілдері, өзін-өзі реттеу, жобалау, сараптама және техникалық қадағалау мәселелері, сондай-ақ құрылыс процесіне қатысушыларға қойылатын талаптар түсіндірілді. Сонымен қатар тұрғын үй саясаты саласындағы өзгерістер мен азаматтарды тұрғын үймен қамтамасыз ету тетіктерін жетілдірудің жаңа тәсілдері таныстырылды.

Отырыс барысында бизнес өкілдері құрылыс жобаларын іске асыру кезінде туындайтын бірқатар өзекті мәселені көтерді. Атап айтқанда, жобалау-сметалық құжаттаманы әзірлеу кезіндегі баға белгілеу, құрылыс саласы субъектілерін лицензиялау және техникалық қадағалау қызметтеріне ақы төлеу тетігін жетілдіру мәселелері қаралды.

Құрылыс процесіне қатысушылардың нысандардың бүкіл өмірлік циклі кезеңдеріндегі — жобалау мен құрылыстан бастап пайдалануға беруге және одан әрі күтіп-ұстауға дейінгі жауапкершілігіне ерекше назар аударылды.

Сондай-ақ қатысушылар Маңғыстау облысы үшін өзекті жер қатынастары, құрылыс және инвестициялық жобаларды іске асыру мәселелерін талқылады. Өңірлік бизнес өкілдері өз ұсыныстарын білдіріп, шешуді қажет ететін мәселелерді ортаға салды.

🤝 Отырыс қорытындысы бойынша мемлекеттік органдар мен кәсіпкерлік қоғамдастық арасындағы ашық өзара іс-қимылды одан әрі жалғастырудың маңыздылығы атап өтілді. Бизнес өкілдері ұсынған бастамалар мен ұсыныстар белгіленген тәртіппен қосымша қаралып, пысықталатын болады.

📌Маңғыстау облысында үлестік құрылыстың проблемалық нысандары бойынша мәселелерді шешу барысы қаралды

Қазақстан Республикасы Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбеков Ақтау қаласына жұмыс сапары аясында үлестік құрылыстың проблемалық нысандарын аралады.

🏢 Аралау барысында Комитет төрағасы бес тұрғын үй кешеніне барды. Атап айтқанда, «Лепес Примера», «Атамекен», «Султан», «Аққала» және «Мұрагер» тұрғын үй кешендері қамтылды.

Әр нысанда Бақытжан Жүнісбеков құрылыс жұмыстарының қазіргі жай-күйімен және өзекті мәселелермен танысты. Жергілікті атқарушы органдар мен жауапты ұйымдардың өкілдерімен бірлесіп, құрылыс жұмыстарын аяқтаудың ықтимал тетіктері және азаматтардың мәселелерін шешу жолдары қарастырылды.

🔛 Нақты шаралар қабылдау қажеттілігіне ерекше назар аударылды. Қатысушылар әрбір тұрғын үй кешені бойынша қалыптасқан жағдайды егжей-тегжейлі қарастырып, алдағы іс-қимыл алгоритмін және туындаған мәселелерді шешу үшін қажетті шараларды талқылады.

Кеңес қорытындысы бойынша жауапты тараптарға тиісті тапсырмалар берілді. Проблемалық нысандардың құрылысын аяқтау мәселелері Комитеттің бақылауында.

🇰🇿🇩🇪Қазақстан мен Бавария өзара ынтымақтастықтың басым бағыттарын айқындады

📍Мюнхен қаласында (Германия) экономика, ғылым және ауыл шаруашылығы салаларындағы ынтымақтастық жөніндегі Қазақстан-Бавария жұмыс тобының 1-отырысы өтті.

🤝 Отырысқа Қазақстан Республикасы Өнеркәсіп және құрылыс вице-министрі Олжас Сапарбеков пен Баварияның Еуропа және халықаралық істер жөніндегі мемлекеттік министрі Эрик Байссвенгер тең төрағалық етті.

Іс-шараға екі елдің тиісті органдары, даму институттары және жетекші іскер топтарының өкілдері қатысты. Тараптар екіжақты ынтымақтастықтың басым бағыттарын талқылады. Шикізат ресурстары, энергетика, экологиялық технологиялар, машина жасау және су ресурстарын басқару салаларындағы инновациялар мен жоғары технологияларды дамыту, сондай-ақ ауыл шаруашылығы саласындағы өзара іс-қимыл мәселелеріне баса назар аударылды.

Кездесу барысында тараптар қала құрылысы, көлік салаларындағы ынтымақтастықтың перспективаларын, сондай-ақ Баварияның ғылым және білім беру мекемелері мен бизнес-қоғамдастығының қатысуымен дуальды кәсіптік білім беруді дамыту мәселелерін жеке қарастырды.

📌 Кездесу қорытындысы бойынша тараптар практикалық өзара іс-қимылды одан әрі дамытуға өзара мүдделі екендерін растады және бірлескен бастамаларды іске асырудың нақты тетіктерін әзірлеу бойынша жұмысты жалғастыруға уағдаласты.