#Murojaat_va_yechim

👀 80 ga yaqin murojaat individual tartibda o‘rganildi

Toshkent shahar Qurilish bosh boshqarmasida o'tgan navbatdagi qabul davomida fuqarolar va tadbirkorlarning 80 ga yaqin murojaati ko‘rib chiqildi. Jarayonda Korrupsiyaga qarshi kurashish agentligining masʼul xodimi J.Fayziyev ham ishtirok etdi. Murojaatlar orasida qurilish ishlarini boshlash uchun ruxsat olish, yer uchastkasini xususiylashtirish, qizil chiziqlar chegaralarini aniqlashtirish, konservatsiya va renovatsiya hududlaridagi cheklovlar, qo‘shni hududlarda olib borilayotgan qurilishlardan norozilik, loyiha hujjatlaridagi kamchiliklar hamda muhandislik-kommunikatsiya tarmoqlariga ulanish bilan bog‘liq masalalar o‘rin oldi.

Murojaatlarning har biri alohida o‘rganilib, fuqarolarga amaldagi tartib-taomillar yuzasidan huquqiy tushuntirishlar berildi. Aniqlangan kamchiliklarni bartaraf etish, zarur hujjatlarni to‘ldirish hamda keyingi bosqichlarda amalga oshirilishi lozim bo‘lgan ishlar bo‘yicha tegishli tavsiyalar bildirildi.

Ko‘tarilgan masalalarning aksariyatiga qabulning o‘zida asoslantirilgan javoblar berildi. Boshqa vakolatli idoralar ishtirokini talab etadigan murojaatlar tegishliligi bo‘yicha yo‘naltirilib, ularning ijrosi nazoratga olindi.

▪️Qo‘shimcha o‘rganishni talab etgan masalalardan biri bo‘yicha mutaxassislar ishtirokida joyiga chiqib o‘rganish belgilandi.

Qabul yakunida fuqarolar bildirilgan e’tibor va berilgan amaliy tushuntirishlardan mamnun ekanini ta’kidladi.

Bunday qabullar aholining soha bilan bog‘liq muammo va takliflarini bevosita o‘rganish, mavjud masalalarga tezkor va qonuniy yechim topishga xizmat qilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#Siyosiy_maʼrifat_soati
#Milliyligimiz_faxrimiz

🏘 Qurilish va uy-joy kommunal xo‘jaligi vazirligi tizimida navbatdagi siyosiy-ma’rifat soati tashkil etildi

Qurilish va uy-joy kommunal xo‘jaligi vazirligi hamda uning tizim tashkilotlarida navbatdagi siyosiy-ma’rifat soati o‘tkazildi. Tadbir davomida dolzarb mavzular yuzasidan siyosiy-huquqiy bilimlar mustahkamlanib, mamlakatimizda amalga oshirilayotgan islohotlarning mazmun-mohiyati bilan yaqindan tanishildi.

Shuningdek, milliy qadriyatlarimizni asrab-avaylash, milliy o‘zlik va tarixiy xotirani yuksaltirish, ma’naviy immunitetni mustahkamlash hamda yot g‘oyalar va turli mafkuraviy ta’sirlardan asrash masalalariga alohida e’tibor qaratildi.
Tadbirda xodimlarning milliy liboslarda ishtirok etishi xalqimizning boy madaniy merosi, urf-odat va an’analarini e’zozlash, milliylikni keng targ‘ib etish, Vatanga muhabbat va yurt taqdiriga daxldorlik tuyg‘ularini yanada kuchaytirishga xizmat qilmoqda.

🔵 Bunday ma’rifiy tadbirlar siyosiy va huquqiy madaniyatni yuksaltirish, milliy va umuminsoniy qadriyatlarga hurmatni mustahkamlash, sog‘lom dunyoqarashni shakllantirish hamda turli yot ta’sirlarga qarshi ma’naviy immunitetni kuchaytirishda muhim ahamiyat kasb etadi.

Ayni paytda siyosiy-ma’rifat soatlari vazirlikning hududiy boshqarmalari hamda barcha tizim tashkilotlarida ham tashkil etilmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|