Coupangda Black Friday: 80%gacha arzon narxlar

Coupang har yili o'tkazadigan "Black Friday" (Qora Juma) aksiyasini bu yil ham o'tkazmoqda va ushbu aksiya 4-noyabrdan 17-noyabrgacha davom etadi. Ushbu davr mobaynida mijozlar Coupang ilovasi orqali elektronik mahsulotlarni 80%gacha arzon narxlarda sotib olishi mumkinligi aytilmoqda.

Shuningdek, WOW xizmati a'zolari 10ming dan ortiq elektron buyumlar, xususan, muzlatkichlar, noutbuk, changyutkich, quloqchin va shu kabilarni 75%gacha arzon narxlarda sotib olishlari mumkin.

Bundan tashqari ilovada shu kabi yana boshqa aksiyalar ham bo'layotgani xabar qilinmoqda.

👉@misterberd👈

Shu yilning o'zida wonning dollarga nisbatan qiymati 1450 KRWga tushib ketishi mumkin

💰Donald Trampning AQSH prezidentlik saylovlaridagi g'alabasi fonida dollarning qadri tobora oshib bormoqda. Aytish kerakki, koreys wonining kursi shu yilgi Aprel o'rtalarida kuzatilgan 1400 wonlik dovon atrofida aylanib turibdi.

Mutaxassislarning fikriga ko'ra dollar kursining oshishiga sabab sifatida Trampning import tovarlarga yuqori bojlar o'rnatishi va proteksion choralar ko'rishga va'da bergani tufayli ro'y bermoqda. Ularning qo'shimcha qilishicha, saylovlardan keyingi o'zgarishlar oqibatida shu yilning o'zida wonning kursi 1450 wongacha tushib ketishi mumkinligi ham tahmin qilinmoqda.

👉@misterberd👈

Janubiy Koreyalik o'quvchilar kompyuter savodxonligi bo'yicha dunyoda yetakchi bo'ldi

2023-yilgi Xalqaro Kompyuter va Axborot Savodxonligi bo'yicha tadqiqot natijalariga ko'ra Janubiy Koreyalik o'quvchilar 32 ta davlat orasida eng yuqori o'rinni egallashdi.

Ta'lim yutuqlarini baholash Xalqaro assotsiatsiyasining seshanba kuni bergan bayonotiga ko'ra Janubiy Koreyadagi o'rta maktab (middle school) o'quvchilari kompyuter va axborot savodxonligi testlarida o'rtacha 540 ballni qo'lga kiritishgan. Eslatib o'tamiz, dunyo miqyosida bu borada o'rtacha ko'rsatkich 476 ballni tashkil etadi.

Kompyuter savodxonligi testi kishilarning kompyuterdan foydalangan holda tahlil qilish, yaratish va u orqali muloqot qila olish darajasini belgilovchi test hisoblanadi.

👉@misterberd👈

75%ga yaqin koreys kompaniyalari chet elliklarni ishga olishga tayyor

👉Koreyadagi eng ko'zga ko'ringan onlayn ish qidirish saytlaridan biri hisoblanmish Saramin saytida o'tkazilgan so'rovnoma natijalariga ko'ra har 4ta koreys kompaniyasidan 3tasi chet elliklarni ishga olishga tayyorligini bildirgan.

So'rovnomada ishtirok etgan 557ta kompaniyaning 73.4%i chet elliklarni ishga olishga xohishi borligini, va ularning 44.7% qismi esa oldin chet elliklarni ishga olganliklarini bildirishgan.

Chet elliklarni ishga olishga bo'lgan asosiy sabab sifatida esa (60.1% kompaniyalar) koreys applikantlarning kamayib ketganligini ko'rsatishgan. Shuningdek, respondentlarning 31.3%i chet elliklar orasidan Vetnamliklarni ishga olishni afzal ko'rishini bildirib o'tishgan.

👉@misterberd👈

Operatsiya yo'li bilan farzandli bo'ladigan barcha ayollarga tug'ruq xarajatlari bepul bo'ladi

Koreyadagi tug'ruq muammolarini yengillatish chora-tadbirlari asosida mamlakatda keyingi yildan boshlab operatsiya (C-section) yo'li orqali farzandli bo'linganda, operatsiya xarajatlari to'liq bepul bo'lishi belgilanmoqda. 2025-yil 1-yanvardan boshlab Koreya Milliy Sog'liq Sug'urta xizmati operatsiya xarajatlarini to'liq to'lab beradi.
Sog'liqni Saqlash Vazirligining ma'lum qilishicha, o'tgan yilda jami tug'ilgan farzandlarning 64.3%i operatsiya orqali dunyoga kelgan va ushbu o'zgarish ijobiy rol o'ynashi aytilmoqda.

❗️Biroq, ushbu yangilik Koreyadagi chet ellik oilalarga ham taaluqli ekani aniq aytib o'tilmagan.

Shuningdek, endilikda shifokorlarga homiladorlikning 32 haftasigacha tug'ilajak farzandning jinsini ota-onasiga oshkor qilish qonunga zid deb qaralmaydi. Bungacha 1987-yildan beri abortlar sonini qisqartirish maqsadida bolaning jinsini 32haftagacha oshkor qilish qonun bilan ta'qiqlangan edi.

👉@misterberd👈

Janubiy Koreyada bo‘lib turgan O‘zbekiston fuqarolari diqqatiga!

Hurmatli vatandoshlar!

Ayni vaqtda Koreya hududida kuzatilayotgan holatdan barchangizning xabaringiz bor.
Mamlakatda yuzaga kelayotgan ichki siyosiy vaziyatdan kelib chiqqan holda, barchangizdan Janubiy Koreyada turli xil mitinglar va namoyishlarda ishtirok etmaslikka, odamlar gavjum joylarga bormaslikka, o‘zingizning shaxsiy xavfsizligingiz va sog‘ligingizni ehtiyot qilishga chaqirib qolamiz.
Zarurat bo‘lgan holatda quyidagi telefon raqamga murojaat qilishingiz so‘raladi:
+82 10 3213 4505
+82 10 2909 4334

O‘zbekiston Respublikasining
Koreya Respublikasidagi Elchixonasi

Kowork saytiga CV ingizni ro'yxatdan o'tkazib, sovg'alarga ega bo'ling

Koreyadagi chet elliklar uchun ish qidiruv sayti hisoblangan Kowork sayti o'z rasmiy web-sayti yaratilganligi munosabati bilan barcha Koreyadagi chet elliklarini saytda ro'yxatdan o'tishlari uchun aksiya o'tkazmoqda.

👉Kimlar qatnasha oladi:
- Koreyada yashab kelayotgan barcha chet elliklar

Ishtirok etish uchun:
1. Web-saytda o'z CV (rezyume) ingizni to'liq to'ldirishingiz lozim (kompyuter orqali)
2. Ushbu Google forma orqali aksiyada qatnashing

Aksiyada ishtirok etish muddati: 13-noyabrdan 12-dekabrgacha (2 kun qoldi)
Aksiya g'oliblari 20-dekabr sanasida e'lon qilinadi.

Yutuqlar:
1-o'rin: AirPods 4 (1ta g'olib)
2-o'rin: Dongdumendagi luxury hotelda 2 kishilik Tea Set (5 ta g'olib)
3-o'rin: Food Delivery Kuponlar (10 ta g'olib)

Batafsil ma'lumot bu yerda

👉@misterberd👈

Milliy Assambleya Koreyaning 2025-yildagi "qisqartirilgan" Davlat Budjeti loyihasini tasdiqladi

Bugun amaldagi hukumat va muxolif partiya o'rtasida ancha tortishuvlarga sabab bo'lgan Davlat Budjeti loyihasi nihoyat tasdiqlandi va 673.3 trln won (471.5 mlrd dollar) etib belgilandi. Budjet loyihasi umumiy 183-94 ovozlar soni bo'yicha ma'qullandi.

Demokratik Partiya tomonidan taklif qilingan ushbu qisqartirilgan Budjet loyihasi Prezident Yun Seok Yol ma'muriyati olg'a surgan Budjet loyihadan 4.1 trln wonga kamroqdir (677.4 trn won). Qabul qilingan Budjet loyihasida hukumat rezerv fondlari, Prezidentlik devoni kotibiyatining maxsus faoliyati hamda milliy xavfsizlik ofisiga qilinadigan xarajatlar kamaytirilgan.

👉@misterberd👈

2025-yildagi eng kam oylik ish haqi haqida qo'shimcha ma'lumot

Xabaringiz bor, Koreyada 2025-yil 1-yanvardan minimum soatbay ish haqi 10,030 won qilib belgilandi va 2025-yil 31-dekabrga qadar amal qiladi. Shunga binoan minimum kunbay va minimum oylik ish haqi summasini ma'lum qilamiz:👇

Minimum kunlik ish haqi miqdori: 80,240 won (8 soatlik ish kuni, 일급)
Minimum oylik ish haqi miqdori: 2,096,270won (oylik 209 soat, 월급)

Ushbu ish haqi miqdori kamida 1 ta ishchisi (doimiy yoki kontrakt asosida, to'liq yoki yarim stavkada ishlovchi) mavjud bo'lgan barcha korxona va firmalar uchun birdek amal qiladi.

👉@misterberd👈

Butun Koreya bo'ylab Prezident Yunga qarshi namoyishlar boshlandi

Shanba kuni ertalabdan amaldagi Prezidentning iste'fosini talab qilib bir qancha yirik shaharlarda minglab koreyslar namoyishga chiqishmoqda. Shuningdek, bugun Prezidentga nisbatan Milliy Assambleyada 2chi impeachment ovoz berish jarayoni ham bo'lib o'tishi rejalashtirilgan.

Seulning Milliy Assambleya joylashgan Yoido tumanida esa 85mingga yaqin odamlar to'plangani aytilmoqda. Bundan tashqari Gwangju, Busan, Tegu, Shimoliy Gyeongsang viloyatlarida ham minglab kishilar namoyishga chiqqani xabar qilinmoqda.

👉@misterberd👈

Keyingi yilda 130mingta xorijiy ishchilarga E-9 viza asosida Koreyaga kelib ishlashga ruxsat beriladi

2025-yilda Koreya hukumati mehnat bozorida ish o'rinlarini to'ldirish maqsadida 130mingtagacha xorijiy fuqarolarga E-9 vizasini berishni rejalashtirmoqda. Hozirgacha 17ta davlat bilan bu borada o'zaro hamkorlik yo'lga qo'yilgan bo'lib, keyingi yildan Tojikiston ham ushbu ro'yxatga qo'shilishi ko'zda tutilgan.

Aytish kerakki, E-9 viza asosida Koreyaga ishchi yollash tizimi ishchi topishda qiynalayotgan koreys ish beruvchilarni qo'llab-quvvatlash maqsadida ilk marta 2004-yildan boshlab yo'lga qo'yilgan. Shuningdek, keyingi yildan 75mingta xorijiy fuqarolarga E-8 vizasi ham berilishi rejalashtirilgan.

👉@misterberd👈

Oylik vaqtida berilmayabdimi yoxud oylik kechiktirilishini oldini olish - Koreyadagi chet elliklar uchun tavsiya

🔰Koreyadagi xorijiy ishchilar uchun ish qidirish platformasi hisoblangan Kowork yaqinda o'zining saytida ajoyib bir maqolani chop etdi. Unga ko'ra hozirda butun Koreyada har yili taxminan 120mlrd wonga yaqin summa oylik sifatida kechiktirib to'lanmoqda va har 10ta chet ellikdan 9tasi oyligini kech olmoqda.

✍️Maqolada oyliklar kechikishini oldini olish yoki kech berilganda qanday yo'l tutilishi haqida qisqacha tavsiyalar berilgan va buni oldini olishning eng yaxshi yo'li- ishga kirishdan oldin tekshirish ekanligi ta'kidlangan:

1. Ish beruvchining "Oyliklar kechikishi tarixi" (Wage Delay Records) ni tekshirish.
Koreya Mehnat va Bandlik Vazirligi oyliklarni vaqtida to'lamagan korxonalar ro'yxatini shakllantirgan bo'lib, ushbu sayt orqali tekshirish mumkin

2. Mehnat shartnomasini imzolashdan oldin undagi muhim bandlarni yaxshilab o'qib chiqing:
- kelishilgan oylik summasi va oylikni to'lash sanasi;
- ish soatlari va qo'shimcha ish soatlari uchun kompensatsiya;
- ish majburiyatlari va ishlash sharoitlari kabilar

Oyliklarning kechiktirilishi, nohaq ishdan bo'shatilish va boshqa shu kabi chet elliklarning mehnat faoliyati bilan bog'liq masalalar uchun Call center markaz ham faoliyat ko'rsatmoqda - 1577-0071 (16ta til mavjud)

Maqola bilan batafsil tanishish - bu yerda

👉@misterberd👈

Muan Xalqaro Aeroportidadagi aviahalokatda 179 kishi halok bo'ldi

Bugun 29-dekabr kuni Shimoliy Jeolla viloyatiga tegishli Muan Xalqaro aeroportidagi aviahalokat natijasida kamida 179 kishi halok bo'lgani xabar qilinmoqda. O't o'chirish xizmati xodimlarining ma'lum qilishicha, samolyotda 173ta koreys, 2ta Tailand fuqarolari va 6ta ekipaj a'zolari bo'lishgan. Ushbu Jeju Airga tegishli samolyot Tailanddan soat kechki 1:30da uchgan va tonggi 8:30ga Muan Aeroportiga qo'nishi kerak bo'lgan.

Muan Aeroportiga yetib kelgan samolyot birinchi urunishda qo'nishni amalga oshira olmagan, so'ngga ikkinchi qo'nish jarayonida qo'nish yo'lagidan chiqib ketgan va chetdagi devor to'siqqa urilgan va soat 9:03da yong'in kelib chiqqan.

Samolyot halokatiga qo'nish moslamalaridagi nosozlik yoki qushlar bilan to'qnashuv sabab bo'lganligi tahmin qilinmoqda.

14:38 — 96 kishi halok bo'lgan, qolgan 83 kishi ham o'lgani tahmin qilinmoqda, 2kishi qutqarilgan.
16:15 — 125 kishi halok bo'lgani tasdiqlandi, qolganlar ham halok bo'lgani tahmin qilinmoqda, 2 kishi qutqarilgan
17:11 — 167 kishi halok bo'lgani tasdiqlandi, 2 kishi qutqarilgan, qolganlarning shaxsi tasdiqlanib o'rganilmoqda.
21:57 — 179 kishi halok bo'lgani, 2 kishi tirik qolgani to'liq tasdiqlandi.

👉@misterberd👈

14 yoshgacha bo'lgan nolegal statusdagi bolalar endi hibsxonada saqlanmasligi mumkin

Koreyada ota-onasi tufayli nolegal statusga o'tib qolgan farzandlar va ular uchun yagona qarovchi hisoblanmish nolegal ota-onalar Immigratsiya tomonidan qo'lga olingan taqdirda ularni qamoqxonada ushlab turmaslik bo'yicha ish ko'rib chiqilmoqda.

👉Bu 2024-yil 12-aprelda 2yoshlik bolasi bilan hibsxonada saqlab turilgan nolegal statusdagi Mongoliyalik fuqaroning ish bo'yicha ko'tarilgan petitsiya doirasida ko'rib chiqilmoqda. Aytish kerakki, ota va yosh farzand 20-aprelgacha hibsxonada saqlab turilib, so'ngra vataniga deport qilingan.

Shunigdek, Koreya Adliya Vazirligining xabar berishicha, birgina 2019-2023-yillar oralig'ida Immigratsiya hibsxonalarida jami 182ta 18yoshdan kichik voyaga yetmaganlar saqlangan bo'lib, ulardan biri eng uzoq - 196kungacha hibsda saqlangan.

👉@misterberd👈

📢 "QAMAR CARGO" Sizning xizmatingizda! 🚛

Hurmatli mijozlar: Navbatdagi 25 Fevraldagi konteyner uchun

Quydagi hududlar bo'yicha yuk yig'ishni davom ettiryapti!!! Shoshiling, yuklaringizni ishonchli qo'llarga topshirin

📍Seoul
📍Suwon
📍Hwaseon
📍Pyeongtaek
📍Cheonan
📍Gimcheon
📍Haman
📍Changwon
📍Gimhae

Yuklaringizni to'plash va yetkazib berish bo'yicha batafsil ma'lumot uchun biz bilan bog'laning:

📞01081289229
📩Telegram/Instagram: @qamarcargoxizmati / @qamarcargo

Sizning ishonchingiz - bizning mas'uliyatimiz!!!
QAMAR CARGO - Tez va Ishonchli xizmat!☝️

"URconnection jamoasi"dan Koreyadagilar uchun kerakli ilova - Halal Compass💥

👉Koreyada istiqomat qilayotgan hamyurtlarimiz uchun ajoyib yangilikni ulashishdan xursandmiz. Nihoyat, Halal Compass deb nomlangan ilovamiz Android va iOS uchun ishlab chiqildi va hoziroq Play Market va App Storedan yuklab, ishlatib, sinab ko'rishingiz mumkin.

Koreyada halollikka rioya qilib hayot kechirishingizda ushbu ilovaning oz bo'lsa-da yordami tegsa xursand bo'lamiz!

♻️"Halal Compass"ning o'ziga xos xususiyatlari quyidagilar:

🔸Koreyadagi masjidlar ro'yxati🕌 va aniq manzillarini ko'rish
🔸Yashash joyingiz bo'yicha namozlar vaqtini ko'rish
🔸 Koreyada faoliyat ko'rsatayotgan halol do'kon va kafelar haqida ma'lumot olish
🔸 Kafe/Do'kon egalari uchun "Profil" bo'limi orqali o'z do'kon va kafelarini qo'sha olish imkoniyati
🔸"Yangiliklar" va "Kitoblar" bo'limining mavjudligi
🔸"Taqvim" bo'limi orqali Koreyadagi shahringiz bo'yicha Ramazon Taqvimini pdf formatda yuklab olish va boshqalar


Ilovani quyidagi tartibda yuklab olishingiz mumkin va albatta, o'z fikrlaringizni yozib qoldirishni unutmang👇

Android Link
iOS Link

Seulda 0-5 yoshdagi chet ellik bolalarga bog'cha to'lovi 50% qoplanadi

Shu yildan boshlab Seuldagi bog'chaga qatnayotgan ota-onasi chet ellik bo'lgan 0-2 yoshdagi bolalarga ham bog'cha pulining yarmi davlat tomonidan qoplanadigan bo'ldi. Bu haqida 16-fevral kuni Seul shahri hokimiyati ma'lum qildi. Eslatib o'tamiz, bungacha faqat 3-5 yoshdagi bolalarga Seulda 50% lik bog'cha puli qoplab berilmoqda edi.

Maqolada aytilishicha, ushbu 50%lik chegirmaga ega bo'lish uchun Seul shahrida yashash talab qilinmaydi, lekin farzand albatta Seulda joylashgan bog'chaga qatnayotgan bo'lishi kerak. O'tgan yildan 2025-yil fevral oyigacha, 0-2 yoshdagi bolalarning bog'cha puli 2 yoshlilar uchun 390ming won, 2 yoshgacha bolalar uchun esa 540ming bo'lmoqda. Shundan kelib, 540ming won uchun maksimum 270ming qoplab beriladi (mart oyidan yangi o'quv yili munosabati bilan bu summada o'zgarishlar bo'ladi).

Shuningdek, homilador ayollar uchun transport xarajatlarining qoplab berilishi bo'yicha ariza topshirish tizimi ham soddalashtirilmoqda. Endilikda oldingidek, 6 oy Seulda yashash talabi bekor qilinib, shunchaki homiladorlik qog'ozi va ID karta taqdim qilinsa, homilador ayollar metro va avtobusda bepul yura olishadi.

👉@misterberd👈