#kiip

2024-yildagi KIIP immigratsiya dasturining 종합평가 imtihonlari jadvali

📍Bu yilda KIIP 5 darajasini tamomlaganlar uchun yakuniy imtihon (종합평가) 8 marotaba bo'lib o'tadi. Xususan, fevral oyidagisiga regstratsiya 20-24 fevralda bo'lsa, imtihon sanasi 9-martda tashkil qilinadi.

👉KIIP ning 종합평가 qismi asosan F5 viza (영주용 종합평가) yoki Koreya fuqaroligini (귀하용 종합평가) olmoqchi bo'lganlar uchundir.

👉@misterberd👈

#foydali

Koreyada bog'chalarga skidka beradigan shaharlar ro'yxati (2023-yil-hozirgacha)

👉Ushbu jadvalda qaysi shaharlarda chet ellik bolalar uchun bog'chalarga (sadiklar) davlat tomonidan yordam puli bor ekanligini bilib olishiz mumkin.

Masalan, jadvaldan ko'rish mumkinki, Ansan shahrida 2021-yil martdan boshlab 220-240ming orasida davlat yordam puli mavjud.

👉@misterberd👈

Gangnam Global Village Center rahbariyati va Gangnam-gu sog'liqni saqlash markazi ko'magida barcha chet ellik shaxslarni bepul sil kasalligi skrining dasturi bo’lib o’tmoqda

* Niqob taqish va pasport yoki chet ellik roʻyxatga olish kartasi kerak bo’ladi,
* Niqobsiz va pasporti/ARC bo'lmagan shaxslar skriningdan o'tmasligi mumkin

● Ro’yxatdan o’tish: Click to apply

● Date: Feb. 23rd(Fri)

● Time: 14:00-16:00pm

● Address: 5F, 16, Yeoksam-ro 7-gil, Gangnam-gu, Seoul, Korea.

● Contact number: 02-3423-7961

Instagram | Telegram | YouTube | Facebook

#gks

Nihoyat, Koreyaning eng top grant dasturi - GKS ga hujjat topshirish boshlandi
Magistratura, PHD va Tadqiqot qiluvchilar uchun hukumat grant dasturi

- O'qish bepul🔥
- Oylik stipendiya🔥
- Bepul aviabilet, bepul sug'urta va boshqa qo'shimcha imtiyozlar🔥

👉Bu yil O'zbekistondan 40dan ortiq kishi ushbu grantni yutib Koreyaga kelishlari mumkin.

To'liq ma'lumot shu yerda

👉@misterberd👈

#news

Yakshanba kuni bepul koreys tili darslari

⚡️Kimlar uchun: E9, H2 vizadagi chet elliklar
⚡️Dars vaqti: 2024.4.7-7.28 (Har yakshanba 10:00-13:00)
⚡️Dars darajasi: Boshlang'ich 1 va 2 darajalar
⚡️To'lov: Mutlaqo bepul

👉Suwon shahri, Suwonyok metro bekatidan 10 daqiqalik yo'lda joylashgan Dongsung Kasbiy ta'limga ixtisoslashgan Maktab o'zining "Koreys tili dasturi"ni boshladi.

📱Aloqa uchun 031-235-0496 raqamiga qo'ng'iroq qilishingiz mumkin.
Ma'lumot Facebookdan ulashildi.

👉@misterberd👈

#viza

F-2-R visa 😇

👉지역우수인재 mahalliy hududdagi iqtidorli chet ellik kadrlar uchun F-2-R vizasi ta’sis etilganiga ko’p bo’lmagan va F-2-R viza bilan 5-yildan so’ng F-5 doimiy yashash huquqigacha olish imkoniyatini beruvchi ushbu viza haqida batafsil ma’lumot beramiz 🤗

Asosiy shartlar:
Ma’lumoti va daromadi (Ikkisidan biri bo’lsa ham ariza berish mumkin)

👉Ma’lumoti: Koreyadagi 2 yillik Kasb-hunar kollej yoki undan yuqori Bakalavr, Magistr kabi ilmiy darajani olganlar (D-2 yoki D-10)

👉Daromad: O’rtacha yillik daromad GNI (국민총소득) Yalpi Milliy Daromadning 70% ini tashkil qilishi kerak.

Talablar❗️
▪️ Adliya vazirligi belgilab bergan hududdagi kompaniyaga ishga kirib, 1 yillik shartnoma qilish
▪️ Ariza bergan sanadan o’sha hududda haqiqatan yashash talabi
▪️ 5 yildan ortiq o’sha aholisi kamayib borayotgan hududda yashashi haqida va’da berish

👉Til bilish darajasi ikkisidan faqat biri bo’lsa ham bo’ladi

▪️ KIIP 3-bosqich sertifikati
▪️ Topik 3-daraja sertifikati
🔔 2025-yildan boshlab, Topik 4-daraja yoki KIIP 4-bosqich talab etiladi!

👉Mahalliy hudud hokimiyatining tavsiyanomasi. Har bir hududda ish sohasi farqli bo’lib, mehnat shartnomani imzolashda albatta e’tibor bering ‼️

Viza muddati ilk bor 1 yil
Uzaytirganda 2 yilga beriladi

Ishga kirgan korxonada kamida 1 yil ishlab berish majburiyati bor ✅

F-2-R viza bilan oila a’zo ( turmush o’rtoq va voyaga yetmagan farzand) larni taklif qilish mumkin bo’lib, oila a’zolari umumiy 4 nafardan iborat bo’lsa, F-2-R viza egasining yillik daromadi GNI 1 dan yuqori bo’lishi kerak

Topshira olmaydi ❌
Koreya qonunchiligini buzib, Jinoyat tarixiga ega bo’lgan chet elliklar

🔴 Korxonada 1 yil ishlamasa yoki belgilangan hududda 5 yil yashamasa viza bekor qilinadi
🔴 Bir vaqtning o’zida 2 hududni tanlab bo’lmaydi

Eslatma: F-2-R vizaning 2024-yil uchun yangi tartib va talablari, hududiy kvotalar soni, ariza muddat kabilar hali ochiqlanmagan

Manba: Nargiza Nokddu advokaturasi Facebook kanali

👉@misterberd👈

#foydali

Koreyada farzand tug'ilsa unga fuqarolik beriladimi?😳

👉Ko'p so'raladigan savollardan biri aynan shu bo'lsa kerak. Bu savolga javobni yuqoridagi rasm bilan oddiy qilib tushuntirmoqchiman. Inglizchani bilganlar allaqachon bilib olishgandir😀.

✔️Qisqasi, rasmdagi ko'k rangdagi davlatlarda farzand tug'ilsa "Rule of Land" qoidasi amal qiladi. Ya'ni, farzand qaysi davlatda tug'ilgan bo'lsa, o'sha davlat fuqaroligini oladi. Masalan, farzandingiz AQSH yo Kanadada tug'ilsa, tabriklayman, farzandingiz sizning millatingizdan qat'iy nazar shu davlat fuqaroligini ola oladi!

✔️Qizil rangdagi davlatlar esa "Rule of Blood", ya'ni ota-onaning fuqaroligi qaysi davlat bo'lsa, faqatgina shu davlat fuqaroligini olishi kerak bo'ladi. Bu davlatlarga Koreya, Yaponiya, Xitoy kabilarni ko'rsatish mumkin.

👉@misterberd👈

#foydali

📍Koreyada farzand tarbiyalayotgan oilalar uchun foydali saytlar:

1. http://www.mohw.go.kr
Homiladorlar, ko'p farzandlilar uchun
2. http://www.childcare.go.kr
아이사랑카드 kartasiga regstratsiya qilish, bog'chaga ro'yxatdan o'tish
3. https://www.foodsafetykorea.go.kr
Bolalar uchun xavfsiz oziq-ovqat mahsulotlari
4. http://central.childcare.go.kr
Farzand tarbiyalash bilan bog'liq yangiliklar
5. https://idolbom.go.kr
Yosh bolalarga qarab turish xizmati
6. http://childschool.moe.go.kr
Yuchivon turidagi bolalar bog'chalari uchun to'lov sayti
7. http://seoul.childcare.go.kr
Seulda bolalar uchun mo'ljallangan maskanlar
8. http://korea1391.org
Bolalarni urish va kamsitish bilan bog'liq hodisalardan shikoyat
9. http://www.bfmed.co.kr
Bolalarni emizishning usullari
10. http://seoultoy.or.kr
Seuldagi o'yinchoq va kitoblarni ijaraga beruvchi joylar

Va yana qo'shimcha foydali saytlar: 👇
http://www.pediatrics.or.kr
http://www.bokjiro.go.kr
https://www.kcpi.or.kr
http://iseoul.seoul.go.kr
http://www.ppfk.or.kr/

#news

Seulda 7ta farzandlik oilaga 10 million won topshirildi👨‍👩‍👦‍👦

Koreaherald saytining ma'lum qilishicha, yaqinda Seulda o'zining 7-farzandini dunyoga keltirgan yosh oilaga birinchi bor 10M won ($7500) pul mukofoti topshirildi.
😲Ajablanarlisi, Jeon Hye-hee va uning turmush o'rto'gi Jo Yong-Seok ikkisi ham 28 yoshda! Seulning Jung-gu tumani o'tgan yili kamida 5ta farzandi bor oilalarga mukofot pulini 5mln Wondan 10mln Wonga oshirgan edi.

Yosh oiladan "7ta farzandni tarbiyalashdagi eng katta qiyinchilik nima"
deb so'rashganlarida "52 m2 lik kichkina uyda yashash eng katta qiyinchilik" deb javob berishgan. Oilaning eng so'nggi farzandi o'tgan yili tug'ilgan bo'lib, boshqa farzandlari 10, 7, 6, 4, 3 va 2 yoshdadir.

👉@misterberd👈

#news

❗️Chet ellik studentlar ota-onalarini qisqa vaqtga ishlashga chaqira olishlari mumkin

👉Adliya vazirligining yakshanba kuni bergan xabarida Koreya hukumati chet ellik studentlar ham endilikda ota-onalarini Koreyaga o'zlarining universitetlariga yaqin joylardagi ferma va baliqchilik xo'jaliklariga ishlashga chaqirishi mumkinligi to'grisidagi dasturini test rejimida amalga oshiradi.

Bunga ko'ra, 1yildan ziyod vaqt davomida Seul tashqarisida o'qiyotgan chet ellik studentlarning ota-onalari mavsumiy ishchi bo'lib 8 oygacha ishlashlari mumkin.

Yil oxirigacha davom etadigan ushbu dasturda ota-onalar 55 yoshdan kichik bo'lishlari, jinoiy javobgarlikka tortilmagan bo'lishlari va sog'lom ham bo'lishlari kerak. Ularning farzandlari ham Koreya qonunlarini buzmagan bo'lishi lozim.

❗️Koreyada til kursida o'qiyotgan talabalar bundan mustasno.

Bungacha faqat F6 vizadagilar va chet ellik mahalliy hukumatlarning memorandumga ega rezidentlarigina mavsumiy ishlarga ota-onalarini chaqira olishar edi.

👉@misterberd👈

#survey

Qaysi davlat jamoat transportidan foydalanishda eng yuqori o'rinda?

🔰Statista Portalining o'tgan yilgi tadqiqotlariga ko'ra Janubiy Koreya dunyoda jamoat transportidan ishga va o'qishga qatnash bo'yicha eng yuqori ko'rsatkichga erishgan davlat bo'ldi. Unga ko'ra, J. Koreya respondentlarining 41%i o'zlarining kunlik hayotida jamoat transportiga suyanishadi.

📌J.Koreyadan keyingi 2-o'rinni 39% foydalanish ko'rsatkichi bilan Polsha egalladi. Polsha poytaxti Varshavada tramvay, avtobuslar va metro yo'lovchilarni shaharning har xil qismlariga yetkaza oladi. Keyingi o'rinlarni mos ravishda Avstriya (34%), Meksika (33%) va Ispaniya (32%) egallagan.

👉@misterberd👈

#news

❗️Koreyada malaka oshirishdagi shifokorlarning 80%dan ortig'i ish tashlash qildi

Hukumatning xabar qilishicha, 26-fevral holatiga ko'ra 10mingdan ortiq malaka oshirishdagi shifokorlar tibbiyot institutlariga qabul kvotasining oshirilishi fonida ariza yozishib, norozilik namoyishlariga chiqishdi.

Hukumat esa shifokorlar 29-fevralgacha o'z ish joylariga qaytadigan bo'lsa ularga hech qanday jazo qo'llanmasligini ma'lum qilib ogohlantirmoqda.

👉Vazirlikning ogohlantirishicha, agarda bu shifokorlar 29-fevralgacha ish joyiga qaytishmasa, ularning litsenziyasi kamida 3 oyga to'xtatilishi va javobgarlikka ham tortilishi mumkin. Shunga qaramay, Vazirlik qo'shimcha qilishicha, hozirda 96% shoshilinch tez tibbiy yordam muassasalari normal holatda ishlamoqda.

👉@misterberd👈

#maslahat

❗️Koreyadan turib chet el tovarlariga buyurtma beradiganlar diqqatiga!

🔰Bilamizki, Koreyadan turib Aliexpress, Coupang, Temu va shu kabi ilovalar orqali chet eldan tovarlar zakaz qilishingiz mumkin. Ammo chet eldan tovar zakaz qilayotganizda ko'pincha P bilan boshlanadigan bojxona kodi talab qilinadi. Uni esa unipass.customs.go.kr saytidan shaxsingizni tasdiqlab o'zingiz olishingiz mumkin.

👉Lekin, mahsulotga buyurtma bergan odam ("주문자") va haqiqatda mahsulotni qabul qiluvchi odam ("수령자") boshqa odam bo'ladigan bo'lsa, buyurtma berayotganda 수령자 - ya'ni mahsulotni qabul qiladigan kishining ID kartadagi ism-familyasi va bojxona kodini yozishingiz shart (ID kartadaqa ism-familyasi va bojxona kodi mos kelishi kerak).

Agar mabodo qabul qiluvchining bojxona kodi bo'lmasa, u holatda o'zingizning bojxona kodingiz bilan mahsulotni o'z uyingizga zakaz qilganiz eng to'g'ri yo'l. Shu ikki holatda, InshaaAlloh, mahsulot bojxonadan o'tishida muammo bo'lmaydi.

👉@misterberd👈

#news

📣 Ayrim talabalarga ota-onasini mavsumiy ishlarga taklif qilish imkoniyati berilyapti (+oldingi postga qo'shimcha)

Koreya Adliya vazirligi bahorgi mavsumda dehqonchilik va baliqchilik sohalarini qo'llab-quvvatlash maqsadida chet ellik mavsumiy ishchilar sifatida ishlashi mumkin bo'lganlarning ro'yxatini vaqtincha kengaytiryapti.

Koreyadagi ayrim talabalarga ota-onasini mavsumiy ishlarga taklif qilishi imkoniyati berilyapti (C-4 viza (90 kun) yoki E-8 viza (5 oy + 3 oy)).

Mazkur loyiha 2024.02.26 ~ 2024.12.31 mobaynida sinov tariqasida amalga oshiriladi.

Eslatma❗️Bu imkoniyat hamma talabalar uchun emas. Talaba, uning ota-onasi, ish joyi (hududi) va ish turiga qo'yilgan shartlarga hamma to'liq mos kelishi shart.

To'liq ma'lumot va hujjat topshirish tartibi bilan quyidagi kanalga o'tib tanishishingiz mumkin:👇

Manba: SalomKorea telegram kanali

👉@misterberd👈

#news

⚡️Samsung Sun'iy intellektga asoslangan 6G Texnologiyasini rivojlantirish uchun global ittifoqqa qo'shilmoqda

Samsung Electronics Kompaniyasi sun'iy intellektdan quvvatlanadigan va 5G texnologiyasidan quvvatliroq va kamroq kechikish bilan ishlaydigan 6G texnologiyasini rivojlantirish maqsadida AI-RAN Alliancening tashkilotchi a'zosi sifatida Global Ittifoqqa qo'shilishini ma'lum qildi.

Ushbu Ittifoqning tashkiliy asoschilari 10ta telekommunikatsiya kompaniyalari va 1 ta Universitetdan iborat. Bular: Samsung Electronics, Nvidia, Arm, SoftBank, Ericsson, Nokia, Microsoft va Northeastern University dir.

👉Ma'lumot o'rnida, Samsung kompaniyasi 6G ga tayyorgarlik maqsadida 2019-yilda Samsung Research tarkibida "Keyingi avlod kommunikatsiya tadqiqot markazi" (next-generation communication research center) ni tashkil etgan edi.

👉@misterberd👈

#news

🔊150dan ortiq boshlang'ich maktablarda 1-sinf o'quvchilari yo'q

Koreya Ta'lim Vazirligining ma'lum qilishicha, bu yil mart oyida jami 157 ta boshlang'ich maktablarda 1-sinfga qatnaydigan bolalar bo'lmaydi. Bu esa rekord darajada past ko'rsatkich hisoblanadi. Birgina Shimoliy Jeolla viloyatida (전라북도) 34 ta boshlang'ich maktablarda yangi 1-sinf o'quvchilari bo'lmaydi.

Vazirlikning qo'shimcha qilishicha, bu yil mart oyida jami 369,325 ta bola boshlang'ich maktabga kelishi kutilmoqda. Solishtirish uchun, o'tgan yili 401,752 bola 1-sinfga qabul qilingan.

Bunday past natija oldindan kutilayotgan edi, chunki 2017-yilda Koreyada jami 357,771 ta bola dunyoga kelgan.

👉@misterberd👈

#news

🔊Seoul hokimiyati chet elliklarni ishga chorlaydi

Seoul Metropolitan Hukumati 26-fevraldan 8 martga qadar 40 ta chet elliklarni ko'ngilli sifatida ishga chorlaydi.

⚡️Qilinadigan vazifa chet elliklarning Seul shahrida yashashi davomida duch kelayotgan muammolarini aniqlash va yoritishdan iborat. Ushbu dastur 2012 yildan beri amalga oshirilib kelinmoqda va Seulda yashab kelayotgan chet elliklarni shahar infrastrukturasini yanada yaxshilashdagi fikr va tajribalarini rag'batlantirib keladi.

👉Ushbu dasturda ishtirok etish uchun Seulda kamida 1 yil yashash va koreys yoki ingliz tilidan birini o'rtacha darajada bilish talab qilinadi.

Dastur April oyidan Dekabrgacha 9 oy davom etadi va tanlab olingan nomzodlar har bir report (g'oya yoki tavsiyasi yozilgan ishi) uchun 30,000 won bilan rag'batlantiriladi. Bitta nomzod bir oyda 4tagacha report topshirishlari mumkin (Faqat tanlab olingan reportlargina rag'batlantiriladi).

📌Topshirish shartlar bilan bu yerda tanishishingiz mumkin.

👉@misterberd👈

#news

❗️Koreya hukumati chet elliklarni ishga olish uchun arizalar qabul qilishni boshlaydi

👉Hukumat Aprel oyidan oziq-ovqat, mehmonxona va kondo sohasida ishlash uchun ham chet ellik ishchilardan arizalar qabul qilishni boshlaydi.

Shu yilning o'zida chet elliklarni ishga olish bo'yicha ruxsatnomalar quyidagi 4ta sohada yangicha ravishda beriladi:
- restoranlar
- mehmonxonalar va kondolar (binodagi alohida egalik qilinadigan turar-joy qismlari)
- o'rmonchilik
- tog'-kon sanoati.

👉Bulardan restoran, mehmonxona va kondo egalari April oyidan boshlab chet ellik ishchilarni ishga olishga ariza bera olishadi. Bu boshlanishiga test ko'rinishida bo'lib, 5-7 yildan beri faoliyat yuritib kelayotgan Koreys oshxonalarida yordamchilik lavozimlari uchun joriy qilinadi. Shuningdek, chet ellik ishchilar 4ta hudud: Seul, Busan, Jeju oroli va Gangwon provinsiyasida mehmonxona va kondolarda tozalovchi yoki oshxona yordamchisi sifatida ishga olinishi belgilangan.

👉@misterberd👈