#news

❗️Koreya hukumati chet elliklarni ishga olish uchun arizalar qabul qilishni boshlaydi

👉Hukumat Aprel oyidan oziq-ovqat, mehmonxona va kondo sohasida ishlash uchun ham chet ellik ishchilardan arizalar qabul qilishni boshlaydi.

Shu yilning o'zida chet elliklarni ishga olish bo'yicha ruxsatnomalar quyidagi 4ta sohada yangicha ravishda beriladi:
- restoranlar
- mehmonxonalar va kondolar (binodagi alohida egalik qilinadigan turar-joy qismlari)
- o'rmonchilik
- tog'-kon sanoati.

👉Bulardan restoran, mehmonxona va kondo egalari April oyidan boshlab chet ellik ishchilarni ishga olishga ariza bera olishadi. Bu boshlanishiga test ko'rinishida bo'lib, 5-7 yildan beri faoliyat yuritib kelayotgan Koreys oshxonalarida yordamchilik lavozimlari uchun joriy qilinadi. Shuningdek, chet ellik ishchilar 4ta hudud: Seul, Busan, Jeju oroli va Gangwon provinsiyasida mehmonxona va kondolarda tozalovchi yoki oshxona yordamchisi sifatida ishga olinishi belgilangan.

👉@misterberd👈

#survey

Koreys bolalari normadan 3 barobar ko'p gadjetlardan foydalanmoqda📱

Koreya Ommaviy axborot vositalarini rivojlantirish tashkilotining (한국언론진흥재단) ma'lum qilishicha, koreys bolalari Jahon Sog'liqni Saqlash Tashkilot tavsiya qilgan standartlardan 3 barobar ko'p media vositalaridan foydalanishmoqda.

📊Aniqlanishicha, o'tgan yili 3-4 yoshdagi koreys bolalari TV, telefon, planshet va kompyuterlardan 1 kunda o'rtacha 184.4 daqiqa foydalanishgan. (Jahon Sog'liqni Saqlash tashkiloti tavsiyasi 1 kun uchun 60daqiqa).

👉@misterberd👈

#news

Sokchodagi bahor gullar festivali aholi kamayishi sababli yopiladi

Kangwon provinsiyasidagi 15 yildan beri o'tkazilib kelinayotgan va gilos daraxtlari bilan bog'liq festival hududdagi aholining keksayishi va ishchilarning kamayib ketgani hisobiga shu yildan o'tkazilmaydigan bo'ldi.

📌Ushbu festival 2019-yilda tog'larda ro'y bergan ulkan yong'inlar va 2020-2022 yillarda esa COVID-19 pandemiyasi sababli ham bekor qilingan edi.

Bu yildan boshlab festival o'tkazilmaydigan bo'ldi, sababi festival o'tkaziladigan joy aholisining yarmidan ko'pi 65 yoshdan oshgan va har yili 10mingdan ortiq kishi tashrif buyuradigan festivalni o'tkazish endi yanada mushkul.

👉@misterberd👈

#technology

⚡️Koreyada yangi S24 telefonlari sotuvi 1 mln donadan oshdi

Samsung Electronics kompaniyasining xabar berishicha, S24 turidagi telefonlar savdosi boshlangandan beri 28 kun ichida savdolar soni Koreyaning o'zida 1 mln donadan oshib ketdi.

Umumiy savdolarning 55% qismi seriyadagi eng qimmat telefon hisoblanmish S24 Ultra modeliga tegishli bo'ldi.

Eslatib o'tamiz, Galaxy S24 seriyasidagi modellar Samsung Electronicsning sun'iy intellekt (AI) bilan ishlaydigan va qo'ng'iroqlar vaqtida real tarjima funksiyasidan foydalana oladigan ilk modeli hisoblanadi.

👉@misterberd👈

#news

❗️Gyongju shahrida chet elliklarga qulayliklar kengaytiriladi

Gyongbuk Kyongju shahrida (경북 경주시) chet elliklar va ko'p madaniyatli oilalarning soni har yili tobora oshib borayotgani sababli quyidagi xizmatlarni joriy qiladi:👇
- Chet ellik ishchilarga yordam va maslahat markazi (외국인 근로자 지원센터)
- Chet ellik ishchilar uchun dam olish markazi (외국인 근로자 쉼터)
- Etnik koreyslar uchun yordam markazi (고려인통합지원센터)
- Chet eliklarga yordam markazi (외국인 도움센터)

👉Chet eliklarga yordam markazi (외국인 도움센터) yashash joyi topishda muammoga uchrayotgan chet elliklarga 3 oygacha vaqtinchalik boshpana beradi.
👉Shuningdek, har yili 20 ta ko'p madaniyatli oilani tanlab olib, tanlab olingan har bir oilaga o'z yurtiga borib ota-onasini ko'rib kelishi uchun 2mln wongacha pul ajratadi. Bundan tashqari, multimadaniyatli oilalarga ta'lim xarajatlari yoki universitet kontrakt to'lovlari uchun yiliga 1 mln won pul ham beradi.

Batafsil bilishni istaganlar markazga borib to'liqroq ma'lumot olishlari mumkin.

👉@misterberd👈

#news

2023-yil uchun GNI summasi e'lon qilindi

2023-yil uchun nihoyat GNI (kishi boshiga o'rtacha yillik daromad) summasi e'lon qilindi va 44,051,000 KRW ni tashkil etdi (O'tgan yilgi summa 42,487,000 KRW ga nisbatan 3.7% ko'proq).

Eslatib o'tamiz, GNI miqdori F2-7, F-5 kabi uzoq muddatli vizalarga topshirishda ahamiyatga ega.

👉@misterberd👈

#grant

2024-yil Koreys tilidan Speaking Musobaqasi

The Korea Times axborot agentligi o'zining ilk Koreys tilidan Speaking musobaqasini uyushtiradi.
Musobaqaning asosiy talabi:
- 3 minut yoki undan kamroq hajmdagi videoni Youtube platformasiga joylash

Video mavzusi:
1) Sizni Koreya yoki koreys tiliga qiziqtirgan o'ziga xos voqea (epizod) yoki
2) Siz sevgan Koreya madaniyatining o'ziga xos xususiyati haqida

🥇Musobaqaning bosh sovrini egasi (Grand Prize) 2 mln KRW pul yutug'i va sertifikat bilan taqdirlanadi.

To'liqroq tanishish uchun quyidagi havolaga o'ting. Hammaga omad!

👉@misterberd👈

#grantlar

🔥Janubiy Koreyada bakalavr va magistratura talabalari uchun yozgi 8 haftalik amaliyot dasturi!

Bu amaliyot Koreyaning mashhur KAIST universiteti tomonidan oʻtkaziladi (2024-yil 24-iyun – 16-avgust). Mashgʻulotlar ingliz tilida olib boriladi.

3-4-kursda oʻqiydigan bakalavriat talabalar va magistratura talabalari qatnashishi mumkin.

Moddiy imtiyozlar:
– Borish va kelish xarajari uchun 750 dollargacha mablagʻ
– Yotoqxona uchun 375 dollar mablagʻ

Arizalar 2024-yil 31-martgacha qabul qilinadi.

Batafsil👇
https://grantlar.uz/kai-x-research-internship-program/

👉@misterberd👈

📍Seul shahrida 2026-yilgacha 1000ta bog' yaratiladi

👉Seul shahrini yashil maskanlarga boyitish va aholidagi stresslarni kamaytirish maqsadida Seul shahrida 2026-yilgacha 1000ga yaqin bog'lar barpo qilish rejalashtirilmoqda.

Ushbu dastur har yili 300ta "ko'rkam bog'lar" ni yaratishni ko'zda tutadi va 265.9 mlrd won ($200 mln) investitsiyalar hisobiga qilinishi rejalashtirilmoqda.

✔️Shahar hokimiyatining ma'lum qilishicha bunday bog'larda sayr qilish insondagi bezovtalik hissini shaharda sayr qilishga nisbatan 20%ga, bu kabi bog'larda haftada 1 marta vaqt o'tkazish esa stressni 60%gacha kamaytirar ekan.

👉@misterberd👈

#survey

Myongdong endi Koreyaning eng qimmat tijorat markazi emas!

👉Do'kon ijara to'lovlari bo'yicha o'tkazilgan tadqiqotlarga ko'ra uzoq vaqtdan beri Janubiy Koreyaning eng qimmat savdo zonasi hisoblanib kelingan va Seulda joylashgan Myongdong 2023-yildan bu borada o'z o'rnini Bukchangdongga bo'shatib bermoqda.

Bukchangdong savdo zonasi Koreya Markaziy Banki (Bank of Korea), City Hall va Hoehyeon stansiyalari orasida bo'lib, o'rtacha oylik do'kon ijara to'lovi 1kv metr uchun 180ming wonni tashkil qilmoqda.

Qayd etish kerakki, Bukchangdong shopping markazi 2022-yilda Koreyaning eng qimmat shopping hududlari TOP-5 tarkibiga ham kirmagan edi.

👉@misterberd👈

#grantlar

⚡️Magistratura va Phd Darajalari uchun GKS dan qo'shimcha Grant Dasturi

GKS dasturining qo'shimcha yo'nalishi hisoblanmish R&D va Global Network Program Dasturiga arizalar qabul qilina boshlandi.

- R&D - matermatika, muhandislik, bio-kimyo, IT va shu kabi ilmiy yo'nalishlar uchun; (Barcha davlatdan jami 300 ta talaba olinadi)
- Global Network - Global Cooperation, International Trade va shu kabi yo'nalishlar (Barcha davlatdan jami 80ta talaba olinadi)

Eslatib o'tamiz, 2024-yil uchun GKS dasturiga butun dunyo bo'yicha 2200ta xalqaro talaba tanlab olinadi va barcha o'qish va yashash xarajatlari 100foiz qoplab beriladi.

GKSning ushbu yo'nalishi bo'yicha batafsil: bu yerda

👉@misterberd👈

#news

Koreya Universiteti talabasi o'z universitetiga 100mln won xayriya qildi

👉Park Jun-bae, Koreya Universiteti yuqori bosqich talabasi bo'lib, investitsiya va malaka oshirish dasturidan topgan daromadidan 100mln won mablag'ni universitet hisobiga xayriya qilib eng saxiy hissadorga aylandi.

Park Jun-bae iqtisodiyotni o'rganish davomida investitsiya qilishni o'rgangan va to'plagan daromadlarini xayriya maqsadida ishlatishni ko'zlab yurgan. Shuningdek, u harbiy xizmat davomida moliyaviy investitsiyalar (va aksiyalar)ni o'rganib, mustaqil ravishda investorga aylangan. Harbiy xizmatdan so'ng esa Koreya Universitetining "Real Investment Society" Klubiga qo'shilib, vitse-prezident bo'lib ishlagan. Hozirda o'qishlari bilan bir qatorda u stajirovka o'tamoqda.

👉@misterberd👈

#news

Koreyada enagalar xizmat haqi Taiwanga nisbatan 4 barobar qimmat

Ma'lum qilinishicha, Janubiy Koreyada enagalar (bolaga qarab beruvchilar, 돌봄노동자)ga to'lanadigan haq Gongkong va Taiwan kabi qo'shni davlatlarga nisbatan 4 barobar qimmat. Bu ham Koreyada kam bola tug'ilishiga olib keluvchi sabablardan biri sifatida ko'rilmoqda va Koreya Markaziy Banki buni xorijiy yollanma ishchilarni jalb qilib hal etish mumkinligini taklif qilmoqda.

Hisob-kitoblarga ko'ra, Koreyada bunday enagalarga soatiga o'rtacha 11,433 won to'lanadi, bu esa Singapurdagi narx (1,721 won)ga qaraganda 6 barobar qimmat.

"AQSH, Yaponiya, Germaniya va Avstraliyada bu narsa sanoat va hududga qarab tabaqalashtirilgan minimum haqlar evaziga samarali hal qilinmoqda", deb ta'kidlamoqda Chae Min-seok, Markaziy Bankning Bandlik bo'yicha tahlil Departamenti boshlig'i.

Hukumat ushbu chet elllik yollanma enagalar bo'yicha pilot dasturni shu yilning iyun oyidan boshlashi kutilmoqda.

👉@misterberd👈

#grantlar

Koreya Statistika Qo'mitasi eng yaxshi bitiruv ishi bo'yicha tanlov e'lon qiladi

Tanlov sharti - Big Data, boshqaruv, iqtisodiyot, jamiyat, sog'liqni saqlash kabi yo'nalishlar bo'yicha davlat statistik ma'lumotlarini o'z ichiga olgan bitiruv malakaviy ishlarini aniqlab munosib taqdirlash
Kimlar uchun - Davlat statistikasiga qiziqishi bor bakalavr, magistr, Phd dastur talabalari (akademik ta'tildagilar ham).
Mukofot:
- Eng oliy mukofot - 1 o'rin - 3mln won
- Oliy mukofot - bakalavr/magistr/Phd bo'yicha 1 tadan o'rin - har biriga 2mln wondan
-Rag'batlantiruvchi mukofot - har bir yo'nalish bo'yicha 2 ta o'rindan - har biriga 1mln wondan

✍️Qatnashishni istaganlar ariza formasini to'ldirib, srikostat@korea.kr pochtasiga 30-aprelgacha e-mail orqali jo'natishlari kerak.

To'liq ma'lumot bu yerda.

👉@misterberd👈

#news

⚡️Seul shahrida 어린이집 turidagi bog'chalarga ham davlat yordami ajratilishi mumkin

29-fevral kuni Seul Metropolitan Kengashi 322-sessiyasida "Seul shahrida chet ellik va multi-madaniyatli oilalar uchun davlat yordami" masalasi yana ko'tarildi va hozirda Seul shahrida 어린이집 xarajatlari chet elliklar uchun juda yuqori darajada ekanligi qayd etildi.
Seuldagi 유치원 tipidagi bog'chalarda esa 3-5 yoshdagi chet ellik bolalar uchun davlatdan 50% yordam berilishi 2022-yil mart oyidan beri amalga oshirilmoqda, ammo 어린이집 uchun faqatgina Seulning 구로구, 영등포구, 금천구 kabi tumanlaridagina ota-ona to'laydigan summaning 20% miqdorida davlat yordami borligi qayd etilgan.
Tez orada 어린이집 bo'yicha Seul shahrida ham qo'shimcha davlat yordami ajratilishi rejalashtirilmoqda.

👉@misterberd👈

#news

Coupang Aliexpressdan xavfsiramoqda

Shu kunlarda Xitoyning gigant kompaniyasi Aliexpress Koreya hududida onlayn savdolarni kengaytirib bormoqda va bu esa Coupangni tashvishga solmoqda. Aliexpress allaqachon bir qancha Koreyadagi yirik kompaniyalar, xususan LG, Lotte bilan bir qancha tovarlar savdosi bo'yicha kelishuvga erishgan.

O'tgan xaftadan esa Koreyadagi eng katta processlangan oziq-ovqatlar ishlab chiqaruvchi CJ bilan ham kelishuvga erishib, Koreyada Bibigo brandi ostidagi oziq-ovqatlar va tez-tayyor bo'ladigan guruchlar yetkazib berish xizmatini ham yo'lga qo'ydi.

👉@misterberd👈

#survey

Koreya eng oxirgi o'rinlarda

👉Koreya erkak va ayollarga to'lanadigan ish haqi orasidagi tafovut bo'yicha Iqtisodiy Taraqqiyot va Hamkorlik Tashkilotiga a'zo 33 ta davlat orasida 32-o'rinni egalladi.

"Women in Work Index" 2011-yildan beri nashr qilinadigan tahliliy hujjat bo'lib, asosiy 5 ta indikatorlar bo'yicha gender tengligini baholab boradi: genderlar orasidagi ish haqi, ayollarning ishsizlik darajasi va shu kabilar. Ushbu 5ta ko'rsatkichlar tahlilidan so'ng, umumiy baholashda Koreya 33 ta davlatdan 32-o'rinni egalladi va Meksika eng so'nggi o'rinda qayd etildi.

Ta'kidlash kerakki, Koreya ayollar va erkaklar orasidagi ish haqi o'rtasidagi farq ko'rsatkichi bo'yicha barcha 33ta davlatlar orasida eng yomon deb baholandi, va bu tafovut 31.2%ga teng bo'lgan.

👉@misterberd👈

#news

❗️Koreya mehmonxonalarida endi bir marta ishlatiladigan buyumlar berilmaydi

Yangi qonunchilikka ko'ra, atrof-muhit muhofazasini ta'minlash maqsadida mart oyidan boshlab xonalar soni 50tadan oshadigan Koreya mehmonxonalarida (hotel) bir marta ishlatiladigan buyumlar, xususan tish chotka, tish pastasi, shampun, konditsioner, britva kabilarni mehmonxona foydalanuvchilariga berish qonun bilan ta'qiqlanadi. Bunday qonunni buzgan mehmonxonalar 3mln wongacha jarimaga tortilishi mumkin.

Ko'plab, yirik mehmonxonalar, xususan Lotte, Shilla, Paradise mehmonxonalari bunday bir martalik buyumlarni ko'p marta foydalansa bo'ladigan (multi-use) buyumlarga almashtirishni allaqachon boshlab yuborishgan.

👉@misterberd👈