#news

Tegu shahri Dalso-gu (달서구) tumanida chet ellik bolalarga bog'cha to'lovida davlat yordami ajratiladi

Shu yilning mart oyidan boshlab, Tegu shahri, Dalso-gu tumanida 0-2 yoshdagi chet ellik bolalar uchun ham bog'cha to'lovida davlat yordami ajratiladi.

Ushbu davlat yordamiga ega bo'lish uchun bola va uning ota-onasidan biri Dalso-gu tumanida 90 kundan ortiq yashagan bo'lishi kerak. Yordam puli esa bolaning yoshiga qarab, bog'cha to'lovining 30%i miqdorida, ya'ni 162ming wongacha chegirma olishlari mumkin.

👉@misterberd👈

10- aprel - Koreyada Parlament saylovlari kuni

Shu munosabat bilan 10 -aprel Qizil kun - dam olish kuni sifatida belgilandi.

Eslatib o'tamiz, davlat tomonidan belgilangan dam olish kunida ishlangan taqdirda, ish soati 8 soatdan oshmasa, shu kun uchun ish haqi 1.5 barobar miqdorida, 8 soatdan oshgan taqdirda esa, 2 barobar miqdorda to'lanishi belgilangan (soatbay emas, oylik asosda ishlaydigan ishchilar uchun).

👉@misterberd👈

#maslahat

Koreyada farzandingiz tug'ilsa...

Koreyada farzandingiz tug'ilsa, O'zbekiston elchixonasi orqali unga tug'ilganlik guvohnomasi va zagran passport olish uchun arizani 1 kunda topshirishni maslahat beraman (Oilaviy holatda chaqaloqni ham olib borib). Shunda bolaning ID kartasiga topshirishga vaqtdan yutasiz.

Ayrim shaharlarda Immigratsiya Elchixona tomonidan beriladigan "Vaqtinchalik passport" ("O'zbekistonga qaytish uchun guvohnoma" ham deyiladi) ni ham qabul qiladi, ammo Seul shahrida bu hujjat qabul qilinmaydi!

Elchixonaga borishdan oldin, albatta quyidagi sayt orqali elektron navbat olib borishingiz kerak, aks holda hujjatlaringiz qabul qilinmaydi.

Koreyadagi O'zbekiston elchixonasi aloqa raqami:
☎️02-574-6554
Elchixona xodimi raqami:
📲010-8030-3660 (Mahfuza opa, faqat Telegramdan javob beriladi)

👉@misterberd👈

한화생명 D-2, D-10 vizadagilarni internshipga taklif etadi

Koreyaning yirik sug'urta kompaniyalaridan biri hisoblanmish 한화생명 (Hanwha Life) kompaniyasi D-10 vizadagilar yoki 2025-yil fevralda o'qishni tamomlaydigan D-2 vizadagi talabalarni yozgi amaliyot ishiga taklif qiladi.

Amaliyotni muvaffaqiyatli tugatganlarga kompaniyada ish taklif qilinadi.

Arizalar 1-apreldan 15-aprelgacha ushbu sayt orqali qabul qilinadi.

👉@misterberd👈

#technology

⚡️Samsung telefonlar savdosi bo'yicha Appleni ortda qoldirdi

Samsung kompaniyasi telefonlar savdosi bo'yicha o'tgan yili Sentabr oyida Appledan ortda qolgan edi, ammo yanvar oyida sun'iy intellekt bilan ishlaydigan Galaxy S24 smartfonlarning chiqarilishi savdolarni keskin oshishiga sababchi bo'ldi.

O'tgan fevral oyida Samsung 19.69mln dona telefon sotib, dunyo bozorida 20 foiz ulushni egalladi. Apple esa 17.41 mln dona smartfon sotib, 2-o'rinni egalladi (18%).

Shuningdek, yaqinda AQSHning Consumer Report Jurnali Galaxy S24 Ultra kamerasini smartfonlar ichida eng yaxshi kamera deb e'lon qildi, va umumiy baholashda 87 ball oldi. Keyingi o'rinlar Iphone 15 Pro Max (86 ball) va Galaxy S24 Plus (85 ball) ga nasib etdi.

👉@misterberd👈

Chet elliklar endi Koreyada kamida 6 oy yashasagina oila a'zosi sifatida davlat sog'liq sug'urtasiga a'zo bo'la olishadi

Shu oy Chorshanba kunidan boshlab (3-aprel) endi Koreyadagi chet elliklar va etnik koreyslar Koreyada kamida 6 oy yashagachgina dependent (피부양자, qaram oila a'zosi) sifatida Davlat tibbiy sug'urtasiga ro'yxatdan o'tishlari mumkin bo'ladi.

Bungacha barcha chet elliklar daromad va mulk talablari bajarilsa, oila a'zolarini o'z nomi ostida sug'urtaga a'zo qilishlari mumkin edi.

Bunda 19yoshdan kichik turmush o'rtoqlar va farzandlar hisobga kiritilmagan va D-2, D-4-3, E-9, va F-6, F5 viza egalari esa 6 oy bo'lmagan bo'lsa ham oila a'zosi sifatida darhol sug'urtaga a'zo bo'lishlari mumkin.

👉@misterberd👈

#news

Koreyada ko'chmas mulk sotib olganlarning 100dan 1tasi chet ellik

Koreyada so'nggi vaqtda ko'chmas mulklar narxida turg'unlik bo'layotgani evaziga birgina o'tgan yilning o'zida 15,614 ta chet ellik (jami xaridorlarning 0.9%i) ko'chmas mulk obyektlarini sotib olgan.

Aytish kerakki, aksariyat sotib oluvchilar (10,157 nafar) Xitoy fuqarolari bo'lib, keyingi o'rinlarda Amerikaliklar (2,374 nafar), Kanadaliklar va Vetnamliklar bo'lib qolmoqda. Xarid qilingan ko'chmas mulklarning 42.8%i Gyongi-do hududiga to'g'ri keladi.

👉@misterberd👈

#vacancy

O'zbekistonlik xodim ishga olinadi

Pul o'tkazmalari faoliyati bilan shug'ullanuvchi (주) 크로스이엔에프 (CROSS) kompaniyasi O'zbekiston va MDH davlatlari uchun o'zbek xodim izlamoqda.

Lavozim: Bosh Menejer
Qilinadigan ish: Pul o'tkazmalarini yo'lga qo'yish va boshqarish, marketing
Talab qilinadi: Koreys tilini 70% darajada bilish, MS Office dasturlarini bilish hamda D-2, D-10, E-7 yoki F vizalarda bo'lish.

Oylik intervyuda kelishiladi
Ishxona manzili: Seoul Gangnam

Arizalarni Jobkorea sayti orqali quyidagi havolaga o'tib topshiringiz mumkin.

|𝘙𝘦𝘬𝘭𝘢𝘮𝘢|

👉@misterberd👈

#news

Chet ellik talabalar va F-6 vizadagilarga enaga sifatida ishlash huquqi berilishi mumkin

Koreyada uy ishlarida yordamchilik va enagalik xizmatlarining yuqorligi sababli hamda farzand ko'rmaslik muammosiga muqobil yechim sifatida minimum ish haqidan biroz arzonroq narxda ushbu davlatda istiqomat qilayotgan D-2, D-4 vizadagi chet elliklar va F-6 vizadagi koreysga turmushga chiqqan migrantlarga enagalik ishlarida (domestic helper) rasmiy ishlash huquqi berilishi mumkin.

Immigratsiyaning Dekabr oyi ma'lumotlariga ko'ra hozirda Koreyada 228,740 nafar kishi student vizada, 172,899 kishi esa F-6 vizasiga ega.

Prezident Yunning bildirishicha, bu vizadagi chet elliklar Koreys tilini yaxshi bilishadi va Koreyaga hayotiga ancha moslashishgan.

Hozirda bu qaror qachon kuchga kirishi va qay tartibda bo'lishi to'g'risida yakuniy qaror qabul qilinmagan.

👉@misterberd👈

Koreya pensiyasini qaytarib olish haqida bir og'iz

Koreyada to'langan pensiya pullarini qaytarib olish uchun O'zbekistonda quyidagi 2 ta to'lovdan birini to'lab, maxsus arizaga pechat va imzoni bostirib, Koreya pensiya tashkilotiga taqdim qilishingiz mumkin:

1- yo'l - Xalq bankida shaxsiy jamg'arib boriladigan pensiya hisobvarag'i ochib, jamg'arib boriladigan pensiya badalini to'lash orqali ( 1yil uchun BHMning 4.5 barobari, 340,000 UZS × 4.5 =1.530.000 UZS).
2- yo'l - O'z-o'zini band qilganlik uchun ijtimoiy soliq to'lovi ( 1yilga BHMning 1 barobari = 340ming so'm).

Faqat 2-chi usul orqali (340ming so'm) to'lov qilingan holatda pensiya yoshiga yetganda pensiyaning minimal miqdori berilishi belgilangan.

Koreya pensiyasi bo'yicha savollar uchun:
031 -365- 3086 (O'zbek xodim)
063-713-7107 (국민연금 국제협력센터)

(Post tajriba asosida yozilgan uchun unda xatoliklar bo'lishi mn, barcha savollar uchun Uzbdagi va Koreyadagi pensiya tashkilotlariga murojaat qilishingizni so'raymiz). Qo'shimcha ma'lumot.

👉@misterberd👈

Koreyada Cherry Blossom (olcha daraxtlari gullashi) tomoshasi uchun TOP maskanlar

1. Jeju Cherry Blossom Festival (Jeonnong-ro, Jeju-si, Jeju-do)
2. Yeouido Cherry Blossom Festival (Yeongdeungpo-gu Yeouiseo-ro, Seoul)
3. Seokchon Lake Cherry Blossom Festival (148, Jamsil-ro, Songpa-gu, Seoul)
4. Namsan Park (231, Samil-daero, Jung-gu, Seoul)
5. Anyangcheon Cherry Blossom Walkway (Seoksu-ro, Manan-gu, Anyang-si, Gyeonggi-do)
6. Gyeongbokgung Palace (161 Sajik-ro, Sejongno, Jongno-gu, Seoul)
7. Seoul Forest Park (273, Ttukseom-ro, Seongdong-gu, Seoul)
8. Namcheon-dong Cherry Blossom Road (Namcheon-dongSuyeong-gu, Busan)
9. Oncheoncheon Café Street (451 Oncheoncheon-ro, Allak-dong, Dongnae-gu, Busan)
10. Haeundae Dalmajigil Road (1488-1 Jung 2(i)-dong, Haeundae-gu, Busan)
11. Daejeo Eco Park (2314-11 Daejeo 1(il)-dong, Gangseo-gu, Busan)
12. Jayu Park (25 Jayugongwonnam-ro, Bukseong-dong 3(sam)-ga, Jung-gu, Incheon)
13. Jinhae Cherry Blossom Festival (9 Tongsin-dong, Jinhae, Gyeongsangnam-do)

👉@misterberd👈

#vacancy

O'zbek tarjimon va marketologlar ishga olinadi!

Kompaniya nomi: Isaac Global
Ish joyi: Suwon, Hvasong, Seongnam
Qilinadigan ish: Tarjimonlik va marketing
Ish kuni: Haftasiga 4-5 yoki 6 kun (xohishga qarab tanlanadi)
Oylik maosh: Yillik 25-30 mln + bonuslar (Intervyuda kelishiladi)
Ovqat uchun alohida pul to'lanadi.

Arizalar ushbu Jobkorea sayti orqali amalga oshiriladi

👉@misterberd👈

Endilikda kasalxonalarda ID karta aslini taqdim qilish majburiy hisoblanadi

20-maydan boshlab endi kasalxonalarda sug'urta imtiyozlaridan foydalanmoqchi bo'lgan har bir bemor ID kartasi yoki fuqarolik guvohnomasining aslini ko'rsatishi kerak bo'ladi.

Sog'liqni Saqlash Tashkilotining ma'lum qilishicha, bu narsa bemorning shaxsini aniqlash, va ID kartalardan noto'gri foydalanishning oldini olishga qaratilgan chora-tadbirdir. Bungacha bu hujjatlar taqdim qilinmasa ham, shunchaki rasmi yoki ID raqamlari ko'rsatilganda ham sog'lik sug'urtasi imtiyozlari qo'llanilar edi.

Shuningdek, ID karta va fuqarolik guvohnomalaridan tashqari, passport, haydovchilik guvohnomasi, shaxsni tasdiqlovchi mobil sertifikat, Naver va Kakao kabi shaxsni tekshirish mumkin bo'lgan vositalardan ham foydalanish mumkin.

19 yoshga yetmaganlar va shoshilinch tibbiy yordam zarur bo'lgan bemorlardan esa hujjatni ko'rsatish talab qilinmaydi.

👉@misterberd👈

#news

AliExpress mahsulotlarida saraton keltirib chiqaruvchi moddalar aniqlanmoqda

Seul shahri hokimiyatining aniqlashicha, Xitoyning eng yirik kompaniyalardan biri AliExpressda sotilayotgan bolalar mahsulotlarida ruxsat berilgan me'yordan 56 barobar ko'p miqdordagi saraton keltirib chiqaruvchi birikmalar borligi aniqlangan.

Xavfsizlik maqsadida o'tkazilgan tekshiruvlarda 31 turdagi eng ko'p sotilayotgan bolalar mahsulotlarida, xususan cho'milish balonlari, yurish moslamalari (ходунки), bolalar sumkalari va boshqalarda zararli moddalar borligi aniqlangan. Xavfsizlik yanada kuchaytirilgan.

Ma'lumot uchun, fevral oyi ma'lumotlariga ko'ra, AliExpress 8.18 mln aktiv mijozlar soni bilan Koreyada Coupangdan keyin 2-chi eng yirik onlayn bozor hisoblanadi.

👉@misterberd👈

Ramazon Hayiti sanasi e'lon qilindi

Janubiy Koreyada Ramazon Hayiti 10-aprel ekanligi e'lon qilindi.

Barchaga Ramazon Hayiti muborak bo'lsin!

👉@misterberd👈

Koreyadagi parlament saylovlarida qarshi partiya g'alaba qozondi

Chorshanba kungi saylovlarda asosiy oppozitsion partiya hisoblanmish Demokratlar Partiyasi umumiy saylovlarda sherik partiyani ham qo'shib hisoblaganda Milliy Assambleyadagi umumiy 300ta o'rindan 175ta o'rinni egalladi. Hukmron partiya hisoblanuvchi Xalq Kuchi Partiyasi esa umumiy 108ta o'rinni egallay oldi.

Qarshi partiya kamida 200ta o'rinni egallay olganida amaldagi Prezidentga ultimatum qo'yishni imkoni bo'lar edi.

Endi hozirgi Prezident o'z ishlarini qayta ko'rib chiqishi va 1987-yildan beri ilk marta butun 5 yillik faoliyati davomida qarshi partiya tomonidan boshqariladigan Parlament bilan ishlashiga to'g'ri keladi.

👉@misterberd👈

Aziz vatandoshlar!
Joriy yilning 16-18 aprel kunlari O‘zbekiston Musulmonlar idorasi raisi, muftiy, Shayx Nuriddin Xoliqnazar hazratlarining Janubiy Koreyaga tashrifi rejalashtirilgan.
O’zbekiston Respublikasining Koreya Respublikasidagi Elchixonasi ushbu mamlakatda bo‘lib turgan vatandoshlarimizga muqaddas Islom dinining asl mohiyati to‘g‘risida ma’lumotlar berish va ularning diniy-ma’rifiy savodxonligini yanada oshirish maqsadida Shayx Nuriddin Xoliqnazar hazratlari bilan ilmiy-ma’rifiy ma’ruzalar tashkil qiladi.

Uchrashuv quyidagi manzillarda bo‘lib o‘tadi:
- 16 aprel soat 16.00 da Seul shahridagi markaziy masjidda.
(Manzil: 서울용산구 우사단로10길 39)
- 17 aprel soat 15.30 da Kimhe shahridagi “Al Buxoriy masjidi”da.
(Manzil:경남 김해시 분성로 327).

Janubiy Koreyada bo‘lib turgan barcha yurtdoshlarimizni ushbu uzoq kutilgan uchrashuvga taklif qilamiz.

O’zbekiston Respublikasining
Koreya Respublikasidagi Elchixonasi

Instagram | Telegram | YouTube | Facebook | LinkedIn

Immigratsiyadan ruxsat olmay, noqonuniy ishlanganda jarima miqdori

Ishchi vizaga ega bo'lmasdan turib, yoki student vizada Immigratsiyadan ruxsat olmay ishlangan taqdirda quyidagicha tartibda jarima miqdorlari belgilangan (aniqlangan taqdirda):

1 oydan kam ishlansa - 2mln jarima
1 oydan 3 oygacha - 3mln jarima
3 oydan 6 oygacha - 4mln jarima
6 oydan 1 yilgacha - 7 mln jarima va hokazo

Manba: @seul_global_markazi

👉@misterberd👈

#job

🔊Flitto kompaniyasi tarjimonlikka freelancelarni chorlaydi

Kompaniya nomi: Flitto (xorijiy til platformasi)
Qilinadigan ish: HT (Human translation) va PF (Proofreading) - Koreys tilidan o'zbek tiliga tarjima

HTdagi har bitta so'z uchun 40won
PFdagi har bitta so'z uchun 30won dan to'lanadi

TOPIK dan kamida 4-6 daraja talab qilinadi.

Batafsil ma'lumot: bu yerda

👉@misterberd👈

#news

📈Coupang a'zolik to'lovlarini 58%ga oshiradi

Coupang kompaniyasi Wow oylik a'zolik xizmati narxini (bepul tezkor yetkazish xizmati) 7,890won etib belgilashini e'lon qildi (Bungacha oyiga 4,990 won edi). Bunga sabab esa daromadlilikni oshirish va xizmatlar sifatini yanada kengaytirish deb aytilmoqda.

Oshirilgan tarif ilovaga yangi a'zolar uchun shu hafta shanba kunidan, eski mijozlar uchun esa Avgust oyidan amal qilishni boshlaydi.

👉@misterberd👈