Koreya pensiyasini qaytarib olish haqida bir og'iz

Koreyada to'langan pensiya pullarini qaytarib olish uchun O'zbekistonda quyidagi 2 ta to'lovdan birini to'lab, maxsus arizaga pechat va imzoni bostirib, Koreya pensiya tashkilotiga taqdim qilishingiz mumkin:

1- yo'l - Xalq bankida shaxsiy jamg'arib boriladigan pensiya hisobvarag'i ochib, jamg'arib boriladigan pensiya badalini to'lash orqali ( 1yil uchun BHMning 4.5 barobari, 340,000 UZS × 4.5 =1.530.000 UZS).
2- yo'l - O'z-o'zini band qilganlik uchun ijtimoiy soliq to'lovi ( 1yilga BHMning 1 barobari = 340ming so'm).

Faqat 2-chi usul orqali (340ming so'm) to'lov qilingan holatda pensiya yoshiga yetganda pensiyaning minimal miqdori berilishi belgilangan.

Koreya pensiyasi bo'yicha savollar uchun:
031 -365- 3086 (O'zbek xodim)
063-713-7107 (국민연금 국제협력센터)

(Post tajriba asosida yozilgan uchun unda xatoliklar bo'lishi mn, barcha savollar uchun Uzbdagi va Koreyadagi pensiya tashkilotlariga murojaat qilishingizni so'raymiz). Qo'shimcha ma'lumot.

👉@misterberd👈

Koreyada Cherry Blossom (olcha daraxtlari gullashi) tomoshasi uchun TOP maskanlar

1. Jeju Cherry Blossom Festival (Jeonnong-ro, Jeju-si, Jeju-do)
2. Yeouido Cherry Blossom Festival (Yeongdeungpo-gu Yeouiseo-ro, Seoul)
3. Seokchon Lake Cherry Blossom Festival (148, Jamsil-ro, Songpa-gu, Seoul)
4. Namsan Park (231, Samil-daero, Jung-gu, Seoul)
5. Anyangcheon Cherry Blossom Walkway (Seoksu-ro, Manan-gu, Anyang-si, Gyeonggi-do)
6. Gyeongbokgung Palace (161 Sajik-ro, Sejongno, Jongno-gu, Seoul)
7. Seoul Forest Park (273, Ttukseom-ro, Seongdong-gu, Seoul)
8. Namcheon-dong Cherry Blossom Road (Namcheon-dongSuyeong-gu, Busan)
9. Oncheoncheon Café Street (451 Oncheoncheon-ro, Allak-dong, Dongnae-gu, Busan)
10. Haeundae Dalmajigil Road (1488-1 Jung 2(i)-dong, Haeundae-gu, Busan)
11. Daejeo Eco Park (2314-11 Daejeo 1(il)-dong, Gangseo-gu, Busan)
12. Jayu Park (25 Jayugongwonnam-ro, Bukseong-dong 3(sam)-ga, Jung-gu, Incheon)
13. Jinhae Cherry Blossom Festival (9 Tongsin-dong, Jinhae, Gyeongsangnam-do)

👉@misterberd👈

#vacancy

O'zbek tarjimon va marketologlar ishga olinadi!

Kompaniya nomi: Isaac Global
Ish joyi: Suwon, Hvasong, Seongnam
Qilinadigan ish: Tarjimonlik va marketing
Ish kuni: Haftasiga 4-5 yoki 6 kun (xohishga qarab tanlanadi)
Oylik maosh: Yillik 25-30 mln + bonuslar (Intervyuda kelishiladi)
Ovqat uchun alohida pul to'lanadi.

Arizalar ushbu Jobkorea sayti orqali amalga oshiriladi

👉@misterberd👈

Endilikda kasalxonalarda ID karta aslini taqdim qilish majburiy hisoblanadi

20-maydan boshlab endi kasalxonalarda sug'urta imtiyozlaridan foydalanmoqchi bo'lgan har bir bemor ID kartasi yoki fuqarolik guvohnomasining aslini ko'rsatishi kerak bo'ladi.

Sog'liqni Saqlash Tashkilotining ma'lum qilishicha, bu narsa bemorning shaxsini aniqlash, va ID kartalardan noto'gri foydalanishning oldini olishga qaratilgan chora-tadbirdir. Bungacha bu hujjatlar taqdim qilinmasa ham, shunchaki rasmi yoki ID raqamlari ko'rsatilganda ham sog'lik sug'urtasi imtiyozlari qo'llanilar edi.

Shuningdek, ID karta va fuqarolik guvohnomalaridan tashqari, passport, haydovchilik guvohnomasi, shaxsni tasdiqlovchi mobil sertifikat, Naver va Kakao kabi shaxsni tekshirish mumkin bo'lgan vositalardan ham foydalanish mumkin.

19 yoshga yetmaganlar va shoshilinch tibbiy yordam zarur bo'lgan bemorlardan esa hujjatni ko'rsatish talab qilinmaydi.

👉@misterberd👈

#news

AliExpress mahsulotlarida saraton keltirib chiqaruvchi moddalar aniqlanmoqda

Seul shahri hokimiyatining aniqlashicha, Xitoyning eng yirik kompaniyalardan biri AliExpressda sotilayotgan bolalar mahsulotlarida ruxsat berilgan me'yordan 56 barobar ko'p miqdordagi saraton keltirib chiqaruvchi birikmalar borligi aniqlangan.

Xavfsizlik maqsadida o'tkazilgan tekshiruvlarda 31 turdagi eng ko'p sotilayotgan bolalar mahsulotlarida, xususan cho'milish balonlari, yurish moslamalari (ходунки), bolalar sumkalari va boshqalarda zararli moddalar borligi aniqlangan. Xavfsizlik yanada kuchaytirilgan.

Ma'lumot uchun, fevral oyi ma'lumotlariga ko'ra, AliExpress 8.18 mln aktiv mijozlar soni bilan Koreyada Coupangdan keyin 2-chi eng yirik onlayn bozor hisoblanadi.

👉@misterberd👈

Ramazon Hayiti sanasi e'lon qilindi

Janubiy Koreyada Ramazon Hayiti 10-aprel ekanligi e'lon qilindi.

Barchaga Ramazon Hayiti muborak bo'lsin!

👉@misterberd👈

Koreyadagi parlament saylovlarida qarshi partiya g'alaba qozondi

Chorshanba kungi saylovlarda asosiy oppozitsion partiya hisoblanmish Demokratlar Partiyasi umumiy saylovlarda sherik partiyani ham qo'shib hisoblaganda Milliy Assambleyadagi umumiy 300ta o'rindan 175ta o'rinni egalladi. Hukmron partiya hisoblanuvchi Xalq Kuchi Partiyasi esa umumiy 108ta o'rinni egallay oldi.

Qarshi partiya kamida 200ta o'rinni egallay olganida amaldagi Prezidentga ultimatum qo'yishni imkoni bo'lar edi.

Endi hozirgi Prezident o'z ishlarini qayta ko'rib chiqishi va 1987-yildan beri ilk marta butun 5 yillik faoliyati davomida qarshi partiya tomonidan boshqariladigan Parlament bilan ishlashiga to'g'ri keladi.

👉@misterberd👈

Aziz vatandoshlar!
Joriy yilning 16-18 aprel kunlari O‘zbekiston Musulmonlar idorasi raisi, muftiy, Shayx Nuriddin Xoliqnazar hazratlarining Janubiy Koreyaga tashrifi rejalashtirilgan.
O’zbekiston Respublikasining Koreya Respublikasidagi Elchixonasi ushbu mamlakatda bo‘lib turgan vatandoshlarimizga muqaddas Islom dinining asl mohiyati to‘g‘risida ma’lumotlar berish va ularning diniy-ma’rifiy savodxonligini yanada oshirish maqsadida Shayx Nuriddin Xoliqnazar hazratlari bilan ilmiy-ma’rifiy ma’ruzalar tashkil qiladi.

Uchrashuv quyidagi manzillarda bo‘lib o‘tadi:
- 16 aprel soat 16.00 da Seul shahridagi markaziy masjidda.
(Manzil: 서울용산구 우사단로10길 39)
- 17 aprel soat 15.30 da Kimhe shahridagi “Al Buxoriy masjidi”da.
(Manzil:경남 김해시 분성로 327).

Janubiy Koreyada bo‘lib turgan barcha yurtdoshlarimizni ushbu uzoq kutilgan uchrashuvga taklif qilamiz.

O’zbekiston Respublikasining
Koreya Respublikasidagi Elchixonasi

Instagram | Telegram | YouTube | Facebook | LinkedIn

Immigratsiyadan ruxsat olmay, noqonuniy ishlanganda jarima miqdori

Ishchi vizaga ega bo'lmasdan turib, yoki student vizada Immigratsiyadan ruxsat olmay ishlangan taqdirda quyidagicha tartibda jarima miqdorlari belgilangan (aniqlangan taqdirda):

1 oydan kam ishlansa - 2mln jarima
1 oydan 3 oygacha - 3mln jarima
3 oydan 6 oygacha - 4mln jarima
6 oydan 1 yilgacha - 7 mln jarima va hokazo

Manba: @seul_global_markazi

👉@misterberd👈

#job

🔊Flitto kompaniyasi tarjimonlikka freelancelarni chorlaydi

Kompaniya nomi: Flitto (xorijiy til platformasi)
Qilinadigan ish: HT (Human translation) va PF (Proofreading) - Koreys tilidan o'zbek tiliga tarjima

HTdagi har bitta so'z uchun 40won
PFdagi har bitta so'z uchun 30won dan to'lanadi

TOPIK dan kamida 4-6 daraja talab qilinadi.

Batafsil ma'lumot: bu yerda

👉@misterberd👈

#news

📈Coupang a'zolik to'lovlarini 58%ga oshiradi

Coupang kompaniyasi Wow oylik a'zolik xizmati narxini (bepul tezkor yetkazish xizmati) 7,890won etib belgilashini e'lon qildi (Bungacha oyiga 4,990 won edi). Bunga sabab esa daromadlilikni oshirish va xizmatlar sifatini yanada kengaytirish deb aytilmoqda.

Oshirilgan tarif ilovaga yangi a'zolar uchun shu hafta shanba kunidan, eski mijozlar uchun esa Avgust oyidan amal qilishni boshlaydi.

👉@misterberd👈

#news

❗️Hukumat keyingi haftadan Iyun oyi oxirigacha noqonuniy chet elliklarga reydlarni kuchaytiradi

Keyingi haftadan boshlab Koreya hukumati noqonuniy istiqomat qilayotgan chet elliklarga nisbatan, ayniqsa narkotik savdosi bilan shug'ullanayotgan, ko'ngilochar joylar, xususan bar va tungi klublarda ishlayotgan, noqonuniy holatda qurilish ishlarida mashg'ul bo'lganlar va Koreyaga soxta hujjat tayyorlash bilan shug'ullanayotgan xorijiy fuqarolarga nisbatan keng qamrovli reydlarni boshlashini e'lon qildi.

Ehtiyot bo'lishingizni so'rab qolamiz!

👉@misterberd👈

F-2-3 vizasi haqida (F-5 doimiy yashash vizasi oilasi)

Agarda siz Koreyada F-5 doimiy yashash vizasiga ega bo'lsangiz, oilangiz, ya'ni turmush o'rtog'ingiz va farzandlaringiz F-2-3 vizasiga topshirishlari kerak bo'ladi.

F-2-3 vizasi esa 영주자격 소지자의 배우자 및 미성년 자녀 비자 ham deb ataladi.

Bu vizaga topshiriladigan hujjatlar ro'yxati juda uzun, shuning uchun bugun farzandimning ushbu vizasini cho'zdirish uchun qanday hujjatlar kerak bo'lganini shu yerda qoldirmoqchiman:

- 여권, 외국인등록증, 통합신청서 (별지 34호) - F5 viza egasining va bolaning ID va passportlari, 34-sonli ariza blankasi
- 수수료 (기간연장 6만원) - 60ming won to'lov
- 체류지 입증서류 -Uy sharnoma qog'ozi

❗️Yana bir narsa, agarda siz F5 vizani olganizdan so'ng Koreyada farzandingiz tug'ilgan bo'lsa, siz endi farzandingizga F-2-3 vizaga topshirib o'tirmay, darhol unga F-5 vizaga topshira olasiz!

👉@misterberd👈

Koreyada farzandingiz tug'ildi, ammo siz ishni nimadan boshlashni bilmayapsiz..

Bolani sug'urtangizga o'tkazishgacha bo'lgan bosqichlar:

1. Uzb elchixonasiga boradigan kunni bron qilish (Kasalxonadan chiqqach, 1hafta 10kun ichida borganiz yaxshi);
2. Kasalxonada bolaning tug'ilganlik guvohnomasini (출생증명서) ham ingliz ham koreys tilida olish (Ingliz tilidagisi Uzb elchixonasida so'raladi);
3. Tug'ilganlik guvohnomasida bolaning ism-familya ma'lumotlari to'g'riligini tekshirish:
4. Uzb elchixonasiga bron kuni oilaviy farzand bilan borib, ham metrkaga ham zagran passportga hujjat topshirish (metrka shu kunning o'zida, passport 3-4 haftada chiqadi)
5. Passport chiqqunicha bola vizasi uchun Immigratsiyani bron qilish (passport chiqish sanasidan keyinga);
6. Pogonsoga borib, bolaga 임시관리번호 ochtirish;
7. Bolaning zagran passport va boshqa tegishli hujjatlarni olib, Immigratsiyada ID kartaga topshirish;
8. ID chiqqach, 국민건강보험공단 sug'urta tashkilotiga borib, o'z sug'urtangizga bolani ham qo'shish.

👉@misterberd👈

세월호 kemasining halokatiga 10 yil bo'ldi

Bugun Koreya zamonaviy tarixidagi eng mudhish halokatlaridan biri - Sewolho kemasining ag'darilib ketganiga roppa-rosa 10 yil bo'ldi.

2014-yil 15-aprelda Incheondan Jeju oroliga yo'lga chiqqan 6,800 tonnalik kema 16-aprel kuni erta tongda orolga yetib bormasdan, ekipajning xatoligi bilan halokatga uchragan edi.

Natijada kemadagi 476ta yo'lovchidan (ekipaj bilan) 304 kishi halok bo'ldi. Halok bo'lganlarning 250ga yaqini yuqori maktab o'quvchilari edi.

👉@misterberd👈

Ayrim vizalardan F-2-7, so'ngra F-5 vizasiga topshirish haqida

Yuqoridagi jadval F-2-7 Visa Korea guruhidan olingan bo'lib, F-2-7 vizasiga qanday topshirish mumkinligi haqidagi xarita desak ham bo'ladi.

Siz agar o'qishni tamomlayotgan bo'lsangiz, va hali ish topmagan bo'lsangiz u holda D-10 vizasiga hujjat topshirishingiz kerak.D-10 vizada ishga joylashsangiz, keyinchalik E-7-1, F-2-7 va F-2-R kabi vizalardan biriga topshira olasiz.

O'qishni tamomlashingiz bilanoq, vizada yordam beradigan ishni topa olsangiz, yuqoridagi 3ta vizalarga darhol topshira olasiz (talablariga qarab).

Xullas, yuqoridagi rasmda E7-1 va boshqa ko'rsatilgan vizalarda kamida 3 yil ishlagan bo'lsangiz va F-2-7 ning ballik sistemasida kamida 80 ball to'play olsangiz, F2-7 vizaga topshira olasiz. Keyinchalik yana 3 yil F-2 da yurib, F-5-10 kabi vizalarga ham o'zgartira olasiz.

❗️E7-1 vizasida 3 yil ishlamagansiz, lekin yillik soliqqa tortilgan daromadingiz 40mlndan oshayotgan bo'lsa ham F-2-7ga topshira olasiz.

👉@misterberd👈

2023-yilda Koreyada 1 kishidan iborat oilalar 33.6%ni tashkil qildi

2023-yil bo'yicha o'tkazilgan tadqiqotlarga ko'ra, 1 kishidan iborat, yolg'iz yashaydigan oilaviy xo'jaliklar soni (1인가구) jami oilalarning 33.6%ini tashkil etdi.

Yolg'iz oilalarning umumiy ulushida ayollarning salmog'i 62.3%, erkaklarniki esa 37.7% bo'lib, jami yolg'izlikda yashayotgan oilalarning 27.1%ini 70 yoshdan oshgan qariyalar tashkil qilmoqda.

👉@misterberd👈

Koreyada kasalxonalarning ham darajalari borligini bilarmidingiz?

J.Koreyada kasalxonalar asosan 3 turga bo'linadi: 1차 병원, 2차 병원 va 3차 병원.

1차 병원 - 1 bosqich kasalxonalari deb nomlanib, bularga 의원, 보건소, 보건지소 kabilar kiradi. Bu kabi kasalxonalarda asosan kasallikni oldini olish (vaksinalash) ga qaratilgan tibbiy harakatlar, shuningdek, yengil turdagi: shamollash, bosh og'rig'i kabi kasalliklar tekshiriladi. Bunday kasalxonalarda bemorlar uchun yotoqlar soni 30tadan oshmasligi belgilangan.

2차 병원 - 2 bosqich kasalxonalari bo'lib, bularga oddiy 병원 va 종합병원 (ko'p tarmoqli kasalxona) lar kiradi. Bunday kasalxonalarda yotoq joylar soni 100tadan 300tagacha va tibbiy bo'limlari soni 7tadan oshishi kerak (내과, 치과 kabilar).

3차 병원 - 상급종합병원, ya'ni yuqori darajadagi kasalxona bo'lib, 대학병원 darajadagi kasalxonalar ham shu turkumga kiradi, ammo barchasi ham emas. Bu tipdagi kasalxonalarda tibbiy bo'limlar soni kamida 9ta bo'lishi va yotoqlar soni 300+ bo'lishi belgilangan.

👉@misterberd👈

Islom dinini qabul qilgan Koreyalik Youtuber Incheonda masjid qurmoqchi

Youtubeda 5.5mln obunachiga va Instagramda 3.5 mln obunachiga ega mashhur vlogger Daud Kim o'tgan hafta shanba kuni ijtimoiy tarmoqlar orqali Incheonda masjid uchun yer olib, shartnoma tuzganini e'lon qildi.

Ushbu qurilajak masjidga ehson qilishni istaganlar quyidagi JAIHAN KIM nomidagi (Daud Kimning koreyscha ismi) hisobraqamga ehson qilishlari mumkin: (Hisobraqam ma'lumotlari Daud Kimning Facebook sahifasidan olindi)

Bank nomi: Keb Hana
Hisobraqam: 232-910216-44707 (JAIHAN KIM)
Paypal: kjh91922@naver.com

Koreya Musulmonlar Federatsiyasining ma'lum qilishicha, ayni damda Koreyada 19ta masjid mavjud bo'lib, koreys musulmonlarining soni 35,000tani, boshqa millatdagi musulmonlar soni esa 150,000 tani tashkil etmoqda.

👉@misterberd👈

#contest

Universitet talabalari uchun iqtisodiy insholar tanlovi

The KoreaTimes Koreyada bakalavr va magistratura bosqichlarida o'qiyotgan xorijiy talabalarni o'zining 20-chi Ingliz tilidagi Insholar Tanloviga taklif qiladi.

Qatnashishni istaganlar 800 ta so'zdan iborat insholarini quyidagi mavzulardan birida yozishlari kerak:

1) Chet elliklar Koreya jamiyatining ajralmas qismiga aylandi va ularning soni oshishda davom etmoqda. Chet elliklar mijozlarni jalb qilish va ularga yanada yaxshi xizmat qilish uchun bank sanoatiga tavsiyalaringiz

2) Koreya aksiya bozorining xronik muammolaridan biri, ya'ni Koreya chegirmasi (Korean discount, listed kompaniyalarning o'z qadridan past baholanishi). Shu muammoni tahlil qiling va uni yechishda takliflaringizni bildiring.

Jo'natishning oxirgi sanasi: 31-may, 2024-yil
E-mail: essaykoreatimes@gmail.com
G'oliblar e'lon qilinadi: Iyun oyida (Oliy sovrin 2 kishiga 3mln KRWdan).

Batafsil ma'lumot bu yerda.

👉@mistberberd👈