Koreyada to'yga taklif qilinganda qancha to'yona berish kerak?

TheKoreaTimes nashrining yozishicha, koreyslar ham to'yga taklif qilinganda to'yga borish-bormaslik yoki borsa, qancha berish kerakligi borasida ikkilanishar ekan.

"To'yona qancha bo'lishi kerakligi" to'g'risida o'tkazilgan onlayn so'rovnomaga javob bergan bir respondentning yozishicha, to'yona kamida 100,000 won bo'lishi, shuningdek, 50ming won beradiganlar esa shunchaki to'yga kelmasliklari kerak ekan.

Shuningdek, yana ma'lum qilinishicha, Seulda to'yxonalar ijarasi (wedding hall) taxminan 6mln wondan 14mln wongacha narxda. Mehmonxonalar esa to'ylarni 30mln wondan kamiga o'tkazib berishmaydi. 1000ga yaqin turmush qurgan koreyslar orasida o'tkazilgan so'rovnomaga ko'ra esa ularning to'ylarini o'tkazish uchun 63mln wonga yaqin ($46,400) mablag' sarflangan.

👉@misterberd👈

Gyonggi Turizm Tashkiloti content creatorlarni chorlamoqda

Qilinadigan ish: Koreyaning Gyonggi-do shaharlarini aks ettiruvchi sayohat video/kontentlarini yaratish (2024-yil noyabr oyigacha)

Kimlar uchun: Koreyada yashayotgan va ijtimoiy tarmoqlarda faol chet ellik sayohatsevarlar uchun (video creatorlarga ustunlik beriladi)

Topshirish muddati: 10-maydan 26-maygacha

Afzalliklari: Gyonggi-do shaharlariga bepul sayohatlar, festivallarda bepul qatnashish, sertifikat va faol ishtirok uchun maxsus sovg'alar

❗️Ingliz yoki koreys tilini yaxshi darajada bilish talab qilinadi

To'liq ma'lumot: bu yerda

👉@misterberd👈

Ayollarni zo'rlagan manyak Suwon shahriga ko'chib o'tdi

2002-2007-yillarda 10ta ayolning nomusiga tegishda ayblanib, 15-yilga qamalgan Park Byung-hwa 2022-yilda ozodlikka chiqib, Hwaseong shahrida nazorat ostida yashab kelayotgan edi. Qizig'i, u o'zining qing'ir ishlarini aynan Suwon shahrida amalga oshirgan va 2 yildan so'ng yana shu shaharga ko'chib keldi.

O'z navbatida Suwon shahri hokimiyati shahar aholisi noroziliklari fonida xavfsizlik choralarini yanada kuchaytirishga va'da berdi.

👉@misterberd👈

Koreyadagi musulmon birodarlarimizga foydali bot

● Foydalanuvchining o'z turgan joyiga eng yaqin bo'lgan halol oshxona va masjidlar haqida ma'lumot beradigan (nomi, uzoqligi, tel raqamlari, to'liq manzili, KakaoMap va NaverMap navigatorlari orqali topib borish va h.k.).

● Kundalik namoz vaqtlarini taqdim qiladigan

● O'zbek, Koreys, Ingliz va Rus tillararo istalgan so'z/gap/matn tarjimasini ko'rsatadigan

Muslim Vegukin telegram bot
(@muslim_vegukin_bot) faoliyatini yo'lga qo'ygan edik.

Kimgadir nafi tegadigan bo'lsa xursand bo'lamiz. InshaAlloh, botga yana qo'shimcha xizmatlar qo'shish harakatidamiz.

Yangiliklarni o'tkazib yubormaslik uchun botni xar ishlatganda /start komandasidan foydalanishlikni tavsiya qilamiz. Kuningiz hayrli o'tsin.

|𝘙𝘦𝘬𝘭𝘢𝘮𝘢|

👉@misterberd👈

Ertadan Koreya kasalxonalarida shaxsni tasdiqlovchi guvohnomani ko'rsatish majburiy bo'ladi

20-may dushanba sanasidan Koreyaning barcha kasalxonalarda shaxsni tasdiqlash va sog'liq sug'urtasi bor-yo'qligini aniqlash maqsadida hujjat talab qilish boshlanadi. Shaxsni tasdiqlovchi hujjat sifatida ID karta, rezidentlik kartasi, haydovchilik guvohnomasi, chet ellik haqidagi guvohnoma (외국인사실증명서) yoki sog'lik sug'urtasi kartasining mobil ko'rinishini taqdim qilish so'raladi.

Hozirda hukumat mobil sog'liq sug'urta kartasining yuklab olinib, boshqalar tomonidan ishlatilishi mumkinligida kamchilik borligini aniqlagan va buni oldini olish uchun sog'lik sug'urtasi ilovasini 1 oy ichida yangilinashini e'lon qildi.

Ma'lum qilinishicha, boshqalarning ID ma'lumotlaridan foydalanib, kasalxonada sog'liq sug'urtasidan foydalanilsa, 20mlngacha jarima, bunday xatolikka yo'l qo'ygan kasalxonaga esa 1mlngacha jarima belgilangan.

👉@misterberd👈

Sog'lik sug'urta kartasi (mobil) ilovasiga ro'yxatdan o'ting

Kecha xabar berilganidek, bugundan barcha Koreya kasalxonalarida shaxsni tasdiqlovchi hujjat so'ralish boshlanadi.

Siz ID karta yoki passportingiz o'rniga ushbu 모바일 건강보험증 (Sog'lik sug'urtasining mobil kartasi) ilovasiga ro'yxatdan o'tib, o'z shaxsiy sog'lik kartangizni yaratishingiz mumkin va shu bilan telefon orqali ham kasalxonalarda tekshiruvlardan o'taverasiz.

❗️Ilovaga ro'yxatdan o'tishda ID karta muddati o'tmagan bo'lishi va sim kartangiz ham ID kartangizga olingan bo'lishi kerak.

👉@misterberd👈

Ertadan KIIP 종합평가 imtihoniga topshirish mumkin bo'ladi

21-may soat 9:00dan KIIP imtihonining so'nggi bosqichi (5단계) kursini tamomlaganlar uchun yakuniy imtihonlarga ariza topshirish boshlanadi.

Ariza topshirish muddati: 24.05.21 (9:00) - 24.05.25 (kechki 12:00gacha)

Imtihon sanasi: 2024.06.08

Eslatib o'tamiz, natijalar 14-iyun (Juma) kuni, soat 16:00dan keyin e'lon qilinadi.

👉@misterberd👈

Koreys kasalxonasi rus tilini biladigan xodim qidirmoqda

Seulning Gangnam metro bekati yaqinida joylashgan plastik jarrohlikka ixtisoslashgan kasalxona Rus Jamoasiga rus tilini biladigan xodimlarni ishga oladi.

Kasalxona nomi: 원진성형외과
Qilinadigan ish: Koreys tilidan rus tiliga yozma/og'zaki tarjima, kasalxona xizmatlari reklamasi

❗️Nomzodlardan koreys tili va rus tilini yaxshi bilish talab qilinadi. F vizadagilarga ustunlik beriladi. D-10 vizadagilar ham topshirishlari mumkin, va E-7 vizada yordam qilinadi.

Ushbu ishga topshirmoqchi bo'lganlar, quyidagi havolaga o'tib, batafsil ma'lumot olishlari va ishga topshirishlari mumkin.

👉@misterberd👈

Seulda ish qidirayotgan xorijiy talabalarga bepul konsultatsiya markazi

Seulda joylashgan Job Match Seoul ishda yordamlashish Markazi 2022-yildan buyon faoliyat yuritib kelmoqda va shu yil mart oyidan boshlab chet elliklar uchun ham ishga joylashishda 1:1 ko'rinishda bepul konsultatsiya xizmatlarini taklif qilishni boshladi.

Markaz Seulda yashayotgan 15 yoshdan 39 yoshgacha bo'lgan chet elliklar uchun ingliz va koreys tilida xizmat ko'rsatadi va 20-may holatiga ko'ra 100dan ortiq chet elliklar bilan ishlagan va ulardan ayrimlari konsultatsiyadan so'ng hattoki o'zlarining ishlarini ham topgan.

Hozirda Markazda chet elliklar uchun faqat 1 ta koreys xodim ishlamoqda va kuniga 3 ta chet ellikni qabul qilmoqda. Har bir konsultatsiya 50 daqiqagacha davom etadi va unda qanday qilib ish topish, resumeni qanday to'ldirish kabilar o'rgatiladi, bepul maslahatlar beriladi. Konsultatsiyaga yozila olmagan taqdiringizda ham Markazda tez-tez chet elliklar uchun tadbirlar, seminarlar ham bo'lib turadi.

Markaz manzili: 중구 삼일대로 363 장교빌딩 1층 서울시청년일자리센터
Konsultatsiyaga ro'yxatdan o'tish: bu yerda

👉@misterberd👈

Hanshin ishi bo'yicha yangi tafsilotlar e'lon qilindi

Politsiya Hanshin Universiteti til kursidagi o'zbek talabalarining Koreyadan majburiy deportatsiya qilinishi (23tadan 22 ta talaba, 1 nafari sog'liqdagi muammolar sababli Koreyada qolgan) bo'yicha tafsilotlarini ochiqladi. Unga ko'ra, Hanshin Universitetining 4ta xodimi va bu ishga aloqador Immigratsiya xodimi ustidan Sudga da'vo arizasiga kiritilgan.

Politsiyaning ma'lum qilishicha, Immigratsiya xodimining aybi - talabalar bank schet bilan bog'liq moliyaviy talablarni bajarmagan bo'lsa ham ularga viza berganidadir.

Hanshin Universiteti bergan ma'lumotlarga ko'ra, majburiy deportatsiya qilingan ushbu talabalarning 3tasi fevral oyida unversitetga qaytgan va til kursida o'qishni davom ettirmoqda. Shuningdek, iyun oyida yana 11 nafari Koreyaga kelib o'qishini tiklashi kutilmoqda.

👉@misterberd👈

Instagram - koreyslar orasida eng ommabop ijtimoiy tarmoq

👉9,757ta respondent orasida o'tkazilgan tadqiqot natijalariga ko'ra, Instagram koreyslar orasida eng mashhur ijtimoiy tarmoq ekanligi ma'lum bo'ldi.

Koreyslar eng ko'p vaqtini o'tkazadigan ilovalar quyidagi ketma-ketlikda bo'ldi:

1. Instagram - 48.6%
2. Facebook -16.7%
3. Band - 13.1%
4. KakaoStory - 10.2%
5. X (oldingi Twitter) - 7.7%

Siz shunday natija bo'lishini kutganmidingiz?

👉@misterberd👈

Koreyaning 3 ta nufuzli universitetida metaverse (3D, virtual reality) kurslari ochiladi

Kuzgi semestrdan Koreyaning 3 ta nufuzli universitetlari: Kyung Hee, Chung-Ang va Soongshil Universitetlari metaverse bo'yicha talabalarni magistr/Phd darajalariga o'qishga qabul qiladi.

Meta va Apple kompaniyalari yangidan-yangi metaverse gadjetlarini ishlab chiqarmoqda va ko'pchilik generative AI asosida kontent yaratishga qiziqmoqda. Bu esa Koreyada shu soha mutaxassislariga talab oshishiga olib kelmoqda.

Ma'lum qilinishicha, Konkuk, Sogang, Sungkyunkwan, Sejong hamda KAIST Universitetlari graduate school larida metaverse bo'yicha kurslar allaqachon yo'lga qo'yilgan.

👉@misterberd👈

F-2-7 viza egalari oddiy ishlar (ishlab chiqarish kabi) ishlarda ishlashi mumkinmi?

Uzoq muddatli yashash va ishlash vizasi hisoblanmish F-2-7 viza egalari 단순노무 (oddiy, qo'l mehnati talab qiladigan) ishlarda oldin ishlashlari mumkin emas edi, ammo yangilangan viza yo'riqnomasida F-2-7 viza egalariga bu kabi ishlarda ishlashga ta'qiq olib tashlangan (ya'ni shu ishlarda ishlab ham vizani uzaytirishlari mumkin).

Lekin, F-2-7dan keyinchalik F-5 kabi doimiy yashash vizasiga o'tish niyat qilinsa, albatta professional (ofis) ishda ishlab, vizaga topshirish kerak. 단순노무 kabi ishlarda ishlaganlik tarixi F-5 vizaga topshirayotganizda muammoga sabab bo'lishi ham mumkin. F-2-7 viza egalari 단순노무 kabi ishlarda ishlashdan oldin Immigratsiya xodimi bilan bog'lanib, shu ishda (qanday ish turi ekanligini tavsiflab berish kerak) ishlashi mumkin/mumkin emasligini aniqlashtirib olganlari ma'qul.

Manba: Mr Jang Youtube kanali (Viza bo'yicha mahalliy mutaxassis)

👉@misterberd👈

Koreya Prezidenti OAV xodimlarini kimchi sho'rva bilan siyladi

Prezident Yun Sok Yol ommaviy axborot vositalari xodimlari va oddiy xalq bilan bundan buyog'iga tez-tez muloqotga kirishishiga va'da berib, ularga kechki ovqat sifatida 김치찌개 (kimchi sho'rva) tayyorlab berdi.

Aytish kerakki, Prezident 2022-yil mart oyida prezidentlikka nomzod bo'lgan vaqtida muxbir xodimlarga kimchi sho'rva tayyorlab berishini hazillashib aytib o'tgan edi.

Ovqatlanish jarayonida Prezident "OAV xodimlarisiz siyosatchilar hech qachon o'z o'rniga ega bo'lmasligini va ularning tanqidlarini jon deb eshitishga tayyorligini" ta'kidlab o'tgan.

👉@misterberd👈

Universitet talabalari uchun ingliz tilida Insholar musobaqasi

The KoreaHerald va SNU English Newspaper birgalikda Koreyadagi universitetlarda bakalavrda o'qiyotgan talabalar uchun 2024-yilgi Insholar tanloviga arizalar qabul qilish boshlanganini e'lon qildi.

Mavzu: ijtimoiy muammolar va ularning yechimlariga oid har qanday mavzudagi insho, 1 varoq hajmdagi 800 ta so'zdan iborat ingliz tilida

Qachongacha: 20-maydan 30-iyungacha, 2024-yil

Mukofot: 1-o'rin - 500ming won + sertifikat
2-o'rin - 200ming won + sertifikat
3-o'rin - 100ming won + sertifikat

Arizalar quyidagi havola orqali word hujjatda jo'natilishi kerak.

👉@misterberd👈

Koreyada tug'ilgan farzandni sug'urtaga qo'shish haqida

Koreyada farzandingiz tug'ilib, passport va ID kartalarini qo'lga olganizdan so'ng, siz endi farzandingizni o'zingizning sog'lik sug'urtangizga o'tkazishingiz kerak. Koreyada yangi tug'ilgan farzandni sug'urtaga onlayn tarzda (ofisga bormasdan) a'zo qilish uchun quyidagi hujjatlarni tayyorlab, 1668-0173 raqamga mms ko'rinishda yuborishingiz kerak (2 ish kun vaqt oladi):

1. 피부양자 자격 (취득-상실) 신고서 (qaramog'idagi inson holati haqida xabarnoma)
2. 출생증명서 (bolaning tug'ilganlik guvohnomasi)
3. 외국인등록증 (bolaning ID kartasi)

Ma'lumot 국민건강보험 o'zbek xodimi bilan bo'lgan suhbat a'zosida tayyorlandi. 국민건강보험 고객센터 raqami: 033-811-2000 (o'zbek tili #4)

👉@misterberd👈

Immigratsiya ish tartibi bilan yaqindan tanishish imkoniyati

Iyun oyida Immigratsiya idoralaridagi ish jarayoni bilan yaqindan tanishishni istaganlar uchun bir qancha Immigratsiyalarga sayohat tashkil qilinmoqda:

Topshirish sanasi: 5-iyundan 11-iyungacha
Natijalar e'lon qilinadi: 14-iyunda

Sayohat manzillari:
19-yun - Gwanju Immigratsiya ofisi
20-iyun - Incheon Immigratsiya ofisi
27-iyun - Seoul Immigratsiya ofisi

Arizalarni ushbu havola orqali topshirishingiz mumkin. Darvoqe, Immigratsiyaga bunday sayohatlar har yili bir necha marotaba tashkil qilinadi.

👉@misterberd👈

Shimoliy Koreya Janubiy Koreya hududiga 150dan ortiq axlat ortilgan havo sharlarini uchirdi

Seul harbiy xizmati bergan ma'lumotlarga ko'ra, chegara hududida Sh. Koreya 150dan ortiq axlat ortilgan havo sharlarini J.Koreyaga uchirdi. Havo sharlari Janubiy Koreyaning turli xil qismlariga, hattoki Janubiy Gyongsang viloyatigacha yetib borgan. Havo sharlarida turli xil axlat buyumlar, xususan plastik butilkalar, batareyka, oyoq kiyim qismlari, go'ng kabilar topilayotgani aytilmoqda.

Bu ish J.Koreya anti-Pyongyang aks etgan varaqalarni Sh.Koreyaga uchirganiga javoban amalga oshirildi. Aytish kerakki, Sh.Koreyadan qochib kelganlar va bir qancha konservativ faollar ancha yillardan buyon Sh.Koreyadagi xalqni Pyongyang rejimiga qarshi chiqishga undab shu kabi varaqalarni havo sharlari orqali shimoliy hududga uchirishayotgan edi.

👉@misterberd👈

Incheon Aeroporti sig'imi yanada kengaytiriladi

J.Koreyaning Xalqaro Incheon Aeroporti kengayishning 4-chi, so'nggi bosqichi yakunlanayotganini e'lon qildi. 2017-yildan boshlangan ushbu so'nggi kengayish bosqichi yil oxirigacha yakunlanishi kutilmoqda va aeroport hozirgi yillik 77mln yo'lovchidan 106mln yo'lovchiga xizmat qilishi, yillik parvozlar soni esa 500mingdan 600mingga yetishi mo'ljallanmoqda. Bu orqali Incheon Aeroporti Dubay va Istanbul Aeroportlaridan so'ng dunyoda eng ko'p yo'lovchiga xizmat ko'rsatuvchi 3-chi eng yirik aeroportga aylanishi kutilmoqda.

Eslatib o'tamiz, Incheon Aeroportini qurish 1992-yildan boshlab rejalashtirilgan, va aeroport ilk bor 2001-yildan Mart oyidan ochilgan.

👉@misterberd👈

K-point E-7-4 vizasiga topshirishda ayrim o'zgarishlar ro'y berdi

Endilikda E-9 vizadagilar zavodni aybi yoki o'zlarining e'tiborsizligi sabab vizasini vaqtida uzaytira olmay 3 oygacha nolegal holatga tushib qolgan bo'lsa ham keyinchalik E-7-4 vizasiga topshirishda hech qanday ta'qiq bo'lmaydi (Bundan oldingi holatda mumkin emas edi).

Shuningdek, E-9 vizadagilar E-7-4 vizasiga quyidagi vaziyatlarda topshira olishmaydi (so'nggi 10yillikdagi):

1. 1mln wondan ortiq jarima to'laganlar
2. Soliqlarni to'lamaganlar (to'liq to'laganlar topshira olishadi)
3. Immigratsiya qonunlarini 4 martadan ortiq buzganlar
4. 3 oydan ortiq noqonuniy istiqomat qilganlik tarixi bo'lsa
5. Koreya manfaatlari va jamoat xavfsizligiga rahna solishi mumkin deb topilgan shaxslar
6. Iqtisodiy va ijtimoiy tartibni buzishi mumkinligi yoki an'anaviy odatlarga zarar keltiruvchi harakatlarni sodir etish xavfi bor deb topilgan shaxslar.

Manba: Visa in Korea Facebook sahifasi

👉@misterberd👈