Universitet talabalari uchun ingliz tilida Insholar musobaqasi

The KoreaHerald va SNU English Newspaper birgalikda Koreyadagi universitetlarda bakalavrda o'qiyotgan talabalar uchun 2024-yilgi Insholar tanloviga arizalar qabul qilish boshlanganini e'lon qildi.

Mavzu: ijtimoiy muammolar va ularning yechimlariga oid har qanday mavzudagi insho, 1 varoq hajmdagi 800 ta so'zdan iborat ingliz tilida

Qachongacha: 20-maydan 30-iyungacha, 2024-yil

Mukofot: 1-o'rin - 500ming won + sertifikat
2-o'rin - 200ming won + sertifikat
3-o'rin - 100ming won + sertifikat

Arizalar quyidagi havola orqali word hujjatda jo'natilishi kerak.

👉@misterberd👈

Koreyada tug'ilgan farzandni sug'urtaga qo'shish haqida

Koreyada farzandingiz tug'ilib, passport va ID kartalarini qo'lga olganizdan so'ng, siz endi farzandingizni o'zingizning sog'lik sug'urtangizga o'tkazishingiz kerak. Koreyada yangi tug'ilgan farzandni sug'urtaga onlayn tarzda (ofisga bormasdan) a'zo qilish uchun quyidagi hujjatlarni tayyorlab, 1668-0173 raqamga mms ko'rinishda yuborishingiz kerak (2 ish kun vaqt oladi):

1. 피부양자 자격 (취득-상실) 신고서 (qaramog'idagi inson holati haqida xabarnoma)
2. 출생증명서 (bolaning tug'ilganlik guvohnomasi)
3. 외국인등록증 (bolaning ID kartasi)

Ma'lumot 국민건강보험 o'zbek xodimi bilan bo'lgan suhbat a'zosida tayyorlandi. 국민건강보험 고객센터 raqami: 033-811-2000 (o'zbek tili #4)

👉@misterberd👈

Immigratsiya ish tartibi bilan yaqindan tanishish imkoniyati

Iyun oyida Immigratsiya idoralaridagi ish jarayoni bilan yaqindan tanishishni istaganlar uchun bir qancha Immigratsiyalarga sayohat tashkil qilinmoqda:

Topshirish sanasi: 5-iyundan 11-iyungacha
Natijalar e'lon qilinadi: 14-iyunda

Sayohat manzillari:
19-yun - Gwanju Immigratsiya ofisi
20-iyun - Incheon Immigratsiya ofisi
27-iyun - Seoul Immigratsiya ofisi

Arizalarni ushbu havola orqali topshirishingiz mumkin. Darvoqe, Immigratsiyaga bunday sayohatlar har yili bir necha marotaba tashkil qilinadi.

👉@misterberd👈

Shimoliy Koreya Janubiy Koreya hududiga 150dan ortiq axlat ortilgan havo sharlarini uchirdi

Seul harbiy xizmati bergan ma'lumotlarga ko'ra, chegara hududida Sh. Koreya 150dan ortiq axlat ortilgan havo sharlarini J.Koreyaga uchirdi. Havo sharlari Janubiy Koreyaning turli xil qismlariga, hattoki Janubiy Gyongsang viloyatigacha yetib borgan. Havo sharlarida turli xil axlat buyumlar, xususan plastik butilkalar, batareyka, oyoq kiyim qismlari, go'ng kabilar topilayotgani aytilmoqda.

Bu ish J.Koreya anti-Pyongyang aks etgan varaqalarni Sh.Koreyaga uchirganiga javoban amalga oshirildi. Aytish kerakki, Sh.Koreyadan qochib kelganlar va bir qancha konservativ faollar ancha yillardan buyon Sh.Koreyadagi xalqni Pyongyang rejimiga qarshi chiqishga undab shu kabi varaqalarni havo sharlari orqali shimoliy hududga uchirishayotgan edi.

👉@misterberd👈

Incheon Aeroporti sig'imi yanada kengaytiriladi

J.Koreyaning Xalqaro Incheon Aeroporti kengayishning 4-chi, so'nggi bosqichi yakunlanayotganini e'lon qildi. 2017-yildan boshlangan ushbu so'nggi kengayish bosqichi yil oxirigacha yakunlanishi kutilmoqda va aeroport hozirgi yillik 77mln yo'lovchidan 106mln yo'lovchiga xizmat qilishi, yillik parvozlar soni esa 500mingdan 600mingga yetishi mo'ljallanmoqda. Bu orqali Incheon Aeroporti Dubay va Istanbul Aeroportlaridan so'ng dunyoda eng ko'p yo'lovchiga xizmat ko'rsatuvchi 3-chi eng yirik aeroportga aylanishi kutilmoqda.

Eslatib o'tamiz, Incheon Aeroportini qurish 1992-yildan boshlab rejalashtirilgan, va aeroport ilk bor 2001-yildan Mart oyidan ochilgan.

👉@misterberd👈

K-point E-7-4 vizasiga topshirishda ayrim o'zgarishlar ro'y berdi

Endilikda E-9 vizadagilar zavodni aybi yoki o'zlarining e'tiborsizligi sabab vizasini vaqtida uzaytira olmay 3 oygacha nolegal holatga tushib qolgan bo'lsa ham keyinchalik E-7-4 vizasiga topshirishda hech qanday ta'qiq bo'lmaydi (Bundan oldingi holatda mumkin emas edi).

Shuningdek, E-9 vizadagilar E-7-4 vizasiga quyidagi vaziyatlarda topshira olishmaydi (so'nggi 10yillikdagi):

1. 1mln wondan ortiq jarima to'laganlar
2. Soliqlarni to'lamaganlar (to'liq to'laganlar topshira olishadi)
3. Immigratsiya qonunlarini 4 martadan ortiq buzganlar
4. 3 oydan ortiq noqonuniy istiqomat qilganlik tarixi bo'lsa
5. Koreya manfaatlari va jamoat xavfsizligiga rahna solishi mumkin deb topilgan shaxslar
6. Iqtisodiy va ijtimoiy tartibni buzishi mumkinligi yoki an'anaviy odatlarga zarar keltiruvchi harakatlarni sodir etish xavfi bor deb topilgan shaxslar.

Manba: Visa in Korea Facebook sahifasi

👉@misterberd👈

Xorijiy talabalar uchun Koreyadagi eng yirik Ish Yarmarkasi

Seouldagi COEX ko'rgazmalar zalida chet ellik talabalar uchun har yili o'tkaziladigan Koreyadagi eng yirik Job Fair bu yil ham tashkil qilinmoqda.

Qachon: 27-28 Avgust, 2024-yil, 10:00-17:00 (3-qavat)

Ushbu yarmarkada 100ga yaqin Koreya kompaniyalari va 2,500 dan ortiq xorijiy talabalar qatnashishi kutilmoqda.

❗️Sizni qiziqtirgan ayrim savollarga tashkilotchilarning javoblari:
1. Albatta kostyum-shim kiyish kerakmi? - Majburiy emas, ammo kiysangiz intervyuda yaxshi taasurot qoldirasiz
2. Intervyudan o'tsam, ishga olinamanmi? - Bu aniq emas, ko'p tashkilotlar sizning rezyumelaringizni tekshirib, keyinchalik aloqaga chiqishlari mumkin.
3. Yarkarmada qatnashish pullimi? - Yo'q, mutlaqo bepul.

To'liq ma'lumot bu yerda.

👉@misterberd👈

Shimoliy Chungcheong viloyatidagi universitetlarda o'qiydigan xorijiy talabalarga ta'lim grantlari oshiriladi

Koreyaning Shimoliy Chungcheong (충청북도) viloyati LG Energy Solution homiyligi asosida hududdagi 2 ta universitet: Chungbuk National University hamda Cheongju Universityda o'qimoqchi bo'lgan xorijiy talabalar uchun grantlar miqdori oshirilayotganini e'lon qildi.

LG Energy Solution shu maqsadda bu ikki universitetga 200mln won ($147,000) xayriya qilgani aytilmoqda. Shuningdek, bu universitetlarga topshirayotgan xorijiy talabalar bank schet talablaridan ozod bo'lishlari hamda asosiy sanoat dasturlarida tahsil olib, o'qishni bitirgach, ularga E-7 vizasida yordam berilishi xabar qilinmoqda.

👉@misterberd👈

KIIPning 2024-yildagi 5-chi 사전평가 imtihoniga tez orada qabul boshlanadi

Eslatib o'tamiz, 사전평가 imtihonida to'plagan ballizga qarab KIIPning qaysi darajasidan boshlab o'qishingiz kerakligi aniqlanadi.

Imtihonga topshirish muddati: 4-iyundan 8-iyungacha
Imtihon sanasi: 22-iyun, 2024-yil

Ushbu imtihonni kiiptest.org saytiga ro'yxatdan o'tib, topshirishingiz mumkin.

👉@misterberd👈

Bojxona kodini olish haqida (개인통관고유부호)

Koreyadan turib chet el tovarlarini Aliexpress, Temu, Coupang va shunga o'xshash internet magazinlardan buyurtma qilishda odatta 12ta raqamdan iborat shaxsiy Bojxona kodi so'raladi. Agarda bojxona kodisiz buyurtmani amalga oshirsangiz, mahsulotingiz Koreya bojxonasiga yetib kelgach, tekshiruvdan o'tmay qolib ketishi, siz esa mahsulotga kuyib qolishingiz ham mumkin.

Koreyada qonuniy yashayotgan bo'lsangiz va onlayn internet do'konlardan tez-tez foydalanadigan bo'lsangiz, albatta bojxona kodini ochtirib olishingiz tavsiya qilinadi. Bojxona kodini siz osongina ushbu saytdan o'zingiz ham ochib olishingiz mumkin (sayt koreys tilida).

Buning uchun saytda 신규발급 qismini tanlashingiz, va ID karta ma'lumotlaringizni kiritib, shaxsiy tekshiruvdan o'tishingiz kerak. Sim kartangiz albatta o'z ID kartangizga olingan bo'lishi shart.

👉@misterberd👈

Incheon shahrida most ustida joylashgan dunyodagi eng baland tomosha maydonchasi qurilmoqda

Kelasi yilda qurib bitkazilishi kutilayotgan ko'prikning uzunligi 4.68 km, eni 30m atrofida bo'lishi hamda uning 180metr balandlik qismida tomoshabinlar uchun alohida maydoncha ham bo'lishi rejalashtirilmoqda.

Manba: Vsya Koreya kanali

👉@misterberd👈

Koreyada energiyangizni ko'taruvchi vitaminli ukollar

Ishdan, o'qishdan yoki stressli hayotdan charchab, energiyangiz qolmaganda yoki o'zingizni lohas, horg'in his qilganizda Koreyaning ko'pgina kasalxonalarida mavjud bo'lgan vitamin ukollar sizga yordam keladi!

Bu kabi quvvatni oshiruvchi, immunitetni tiklovchi vitaminli ukollarni odatta 영양주사, 영양수액, 비타민주사 deb ham atashadi. Ularning o'zi ham rasmdagidek bir necha turlarga bo'linadi:

감기-염증-몸살주사 - Infeksiya, shamollash va butun tana og'riqlaridan xalos qiluvchi vitamin ukol;
고용량비티민주사 - energiyani oshiruvchi, xronik charchoqni davolovchi vitamin ukol;
면역주사 - immunitetni oshiruvchi vitamin ukol;
마늘주사 -charchoqni chiqaruvchi, shamollashga qarshi, qon aylanishi va quvvatni yaxshilovchi vitamin;
셀레니움주사 - charchoq, muskul og'riqlarini qoldiruvchi vitamin;
태반주사 -40-50 yoshdagilarda kuzatiladigan sog'liq bilan bog'liq muammolar, depressiya, uyqusizlikni davolashda yordam beradigan vitamin ukol.

Bu kabi vitamin ukollarning narxi 50ming wondan boshlanadi. O'zingizda charchoq, tushkunlik alomatlarini sezyabsizmi, albatta shifokor bilan maslahatlashib, bu kabi vitamin vositalarini olib ko'ring.

👉@misterberd👈

3-oylik farzandini qasddan o'ldirgan ayolga hukm o'qildi

Koreyaning Jeju orolida bundan 4 yil oldin noqonuniy ravishda asrab olingan 3-oylik chaqaloqni yuzida yoping'ich qoldirib, uyda yolg'iz tashlab ketgan 27-yoshli ayolga hukm o'qildi.

7 yil ozodlikdan mahrum etish jazosi tayinlangan ayol 2020-yilda uyida murg'ak farzandini qoldirib, 6soatdan so'ng qaytib kelgan va nafas ololmay halok bo'lgan chaqaloqni sumkaga solib, uydan 1.3 km uzoqlikdagi tashlandiq joyga tashlab ketgan.

Manba: KoreaTimes

👉@misterberd👈

KIIPning 사전평가 imtihonida olgan natijangiz nimani anglatadi?

22-iyun kuni bo'ladigan ushbu saralash imtihonida olgan natijangizga qarab, KIIPning qaysi darajasidan o'qishni boshlashingiz kerakligi ma'lum bo'ladi.

Jadvaldan ko'rishingiz mumkinki, agarda 사전평가 imtihonida umumiy 100 balldan 0-2 ball olsangiz, 0 darajadan o'qishni boshlaysiz. Yoki masalan umumiy 73 ball to'plasangiz, 4-darajadan (4단계) o'qishni boshlaysiz. So'nggi 5단계 bosqichdan o'qishni boshlash uchun esa kamida 81 ball to'plashingiz kerak.

Agarda siz ushbu imtihonda 85 yoki undan yuqori ball to'plasangiz, KIIPning 5-darajasini o'qimasdan to'g'ridan-to'gri yakuniy 종합평가 imtihoniga topshirsangiz bo'ladi.

👉@misterberd👈

2022 GNI va 2023 GNI miqdorida o'zgarishlar bo'ldi

Visa in Korea Facebook kanalining ma'lum qilishicha, 2022-yil va 2023-yilgi GNI (kishi boshiga o'rtacha yillik daromad) miqdorida o'zgarishlar sodir bo'ldi va bu E-7-1, F-2-7 va F-5 kabi vizalarga topshirayotganda hisobga olinadi.

Shunga muvofiq, 2022-yil uchun tasdiqlangan GNI summasi 42,480,000 KRW etib belgilanib, 2024-yil 30-sentabrgacha amal qiladi. 2023-yilgi GNI miqdori esa 47,250,000 KRWni tashkil etib, 2024.10.01 sanadan amal qiladi.

Yaqin orada F-5 vizaga topshirmoqchi bo'lganlar shu yil 30-sentabrgacha 2022 GNI bilan hujjat topshirishlari mumkin!

👉@misterberd👈

Koreya pensiyasidan ozod bo'lish uchun Koreya pensiya fondiga jo'natiladigan hujjatlar

👉Xabaringiz bor, Koreyada pensiya to'lovlaridan ozod bo'lishingiz uchun O'zbekiston pensiyasiga ulanishingiz va Koreya pensiya fondi talab qiladigan ayrim hujjatlarni ularga pochta orqali yuborishingiz kerak.

Koreya pensiyasidan ozod bo'lish uchun Koreya pensiya tashkilotiga quyidagi hujjatlarni jo'natishingiz talab qilinadi:
1. 국민연금 가입면제 신청서 (Koreya pensiyasidan ozod bo'lish arizasi) - ishxonangiz tomonidan qilib beriladi
2. 우즈베키스탄 사회보험 가입증명서 원본 - O'zbekistonda pechat bostirib olib kelingan hujjat
3. 외국인 등록증 사본 - ID kartangiz old va orqa rasmi kopiyasi

Bu hujjatlar Pensiya tashkilotining quyidagi manziliga pochta orqali yuboriladi:
주소 : 전북 전주시 덕진구 기지로 180 행복연금관 6층. 국민연금 국제협력센터
연락처 : 063-713-7107

❗️Koreya pensiya tashkilotining aniq manzili va aloqa nomerini yana ham o'z ishxonangiz HR bo'limidan (인사부) aniqlashirib olganiz yaxshi.

👉@misterberd👈

Koreya 2027-yilgacha almashinuv vizasidagi xorijiy talabalar sonini 300,000 taga yetkazmoqchi

Xorijiy talabalar sonini oshirishga asosiy omil sifatida qishloq joylarda aholi sonining kamayishi va ishchi kuchiga talabning oshishi sabab bo'lmoqda.

Koreyaga almashinuv dasturi doirasida keladigan va shu yerda universitetni tamomlaydigan xorijiy talabalarga ham "regional specialized visa" (F-2-R) kabi viza joriy qilish rejalashtirilmoqda.

Hozirda almashinuv dasturi doirasida Koreyaga kelayotgan talabalarning ko'pchiligi vataniga qaytib ketishadi va ushbu dasturning ham maqsadi ularni Koreyada olib qolishdan iborat. Statistik ma'lumotlarga ko'ra esa, Koreyada PhD darajasini olgan talabalarning 62%i o'z yurtiga qaytib ketishmoqda.

Shuningdek, hukumat D-2 vizasidagi talabalarga turli xil sohalarda ishlashga ruxsat berishni, 2027-yilgacha GKS davlat granti asosida science va technology kabi yo'nalishlarda magistr va PhD talabalar kvotasini 1,355 tadan 2,700tagacha oshirishni ham rejalashtirmoqda.

👉@misterberd👈

27-iyundan Koreyada tibbiyot xodimlari noaniq muddatga ish tashlash qilishlari mumkin

Shifokorlar tibbiyot oliygohlariga qabul kvotalarining oshirilishiga norozilik bildirishib, fevral oyida kasalxonalardagi ish o'rinlarini tark etgan malakadagi shifokorlarga qo'llanilgan jazo choralari bekor qilinishini hukumatdan talab qilmoqda.

Eslatib o'tamiz, o'tgan oyda hukumat 27 yilda ilk bor tibbiyot universitetlariga qabul kvotalarini 1500 taga oshirgan edi.

👉@misterberd👈

2024-yil GKS grantining University Track 2-bosqich natijalari e'lon qilindi

Bir qancha o'nlab O'zbekistonliklar ham Koreyaning ushbu eng nufuzli davlat grantining University Track yo'nalishi bo'yicha 2-bosqichdan muvaffiqiyatli o'tishdi. Oldinda hali 3-bosqich ham bo'lsa-da, amalda 95% ular grantni qo'lga kiritgan hisoblanishadi va shu yil sentabr oyidan Koreyadagi o'z universitetlarida o'qishlarini boshlashadi.

Ularning hammasiga omad tilaymiz!

Ushbu grantni qo'lga kiritganlar ro'yxati bilan ushbu havola orqali tanishishingiz mumkin.

👉@misterberd👈

Coupang kompaniyasi Rocket Delivery xizmatini to'xtatishi mumkin

O'tgan haftada kompaniya o'z xizmatlarida sotuv algoritmlarini o'z shaxsiy brendlari foydasi uchun o'zgartirgani sabab Fair Trade Comission tomonidan 140 milliard won ($101 mln) jarimaga tortilgan edi.

Shu sababli kompaniya tezkor yetkazib berish xizmati - Rocket Delivery va unga tegishli Wow membership xizmatlarini to'xtatishi mumkinligini e'lon qildi. Hozircha qachon to'xtatilishi ma'lum emas. Aytish kerakki, Coupangning ushbu tezkor yetkazib berish xizmatidan Koreyada 14mln iste'molchi foydalanib kelmoqda.

👉@misterberd👈