2025-yildagi eng kam oylik ish haqi haqida qo'shimcha ma'lumot

Xabaringiz bor, Koreyada 2025-yil 1-yanvardan minimum soatbay ish haqi 10,030 won qilib belgilandi va 2025-yil 31-dekabrga qadar amal qiladi. Shunga binoan minimum kunbay va minimum oylik ish haqi summasini ma'lum qilamiz:👇

Minimum kunlik ish haqi miqdori: 80,240 won (8 soatlik ish kuni, 일급)
Minimum oylik ish haqi miqdori: 2,096,270won (oylik 209 soat, 월급)

Ushbu ish haqi miqdori kamida 1 ta ishchisi (doimiy yoki kontrakt asosida, to'liq yoki yarim stavkada ishlovchi) mavjud bo'lgan barcha korxona va firmalar uchun birdek amal qiladi.

👉@misterberd👈

Butun Koreya bo'ylab Prezident Yunga qarshi namoyishlar boshlandi

Shanba kuni ertalabdan amaldagi Prezidentning iste'fosini talab qilib bir qancha yirik shaharlarda minglab koreyslar namoyishga chiqishmoqda. Shuningdek, bugun Prezidentga nisbatan Milliy Assambleyada 2chi impeachment ovoz berish jarayoni ham bo'lib o'tishi rejalashtirilgan.

Seulning Milliy Assambleya joylashgan Yoido tumanida esa 85mingga yaqin odamlar to'plangani aytilmoqda. Bundan tashqari Gwangju, Busan, Tegu, Shimoliy Gyeongsang viloyatlarida ham minglab kishilar namoyishga chiqqani xabar qilinmoqda.

👉@misterberd👈

Keyingi yilda 130mingta xorijiy ishchilarga E-9 viza asosida Koreyaga kelib ishlashga ruxsat beriladi

2025-yilda Koreya hukumati mehnat bozorida ish o'rinlarini to'ldirish maqsadida 130mingtagacha xorijiy fuqarolarga E-9 vizasini berishni rejalashtirmoqda. Hozirgacha 17ta davlat bilan bu borada o'zaro hamkorlik yo'lga qo'yilgan bo'lib, keyingi yildan Tojikiston ham ushbu ro'yxatga qo'shilishi ko'zda tutilgan.

Aytish kerakki, E-9 viza asosida Koreyaga ishchi yollash tizimi ishchi topishda qiynalayotgan koreys ish beruvchilarni qo'llab-quvvatlash maqsadida ilk marta 2004-yildan boshlab yo'lga qo'yilgan. Shuningdek, keyingi yildan 75mingta xorijiy fuqarolarga E-8 vizasi ham berilishi rejalashtirilgan.

👉@misterberd👈

Oylik vaqtida berilmayabdimi yoxud oylik kechiktirilishini oldini olish - Koreyadagi chet elliklar uchun tavsiya

🔰Koreyadagi xorijiy ishchilar uchun ish qidirish platformasi hisoblangan Kowork yaqinda o'zining saytida ajoyib bir maqolani chop etdi. Unga ko'ra hozirda butun Koreyada har yili taxminan 120mlrd wonga yaqin summa oylik sifatida kechiktirib to'lanmoqda va har 10ta chet ellikdan 9tasi oyligini kech olmoqda.

✍️Maqolada oyliklar kechikishini oldini olish yoki kech berilganda qanday yo'l tutilishi haqida qisqacha tavsiyalar berilgan va buni oldini olishning eng yaxshi yo'li- ishga kirishdan oldin tekshirish ekanligi ta'kidlangan:

1. Ish beruvchining "Oyliklar kechikishi tarixi" (Wage Delay Records) ni tekshirish.
Koreya Mehnat va Bandlik Vazirligi oyliklarni vaqtida to'lamagan korxonalar ro'yxatini shakllantirgan bo'lib, ushbu sayt orqali tekshirish mumkin

2. Mehnat shartnomasini imzolashdan oldin undagi muhim bandlarni yaxshilab o'qib chiqing:
- kelishilgan oylik summasi va oylikni to'lash sanasi;
- ish soatlari va qo'shimcha ish soatlari uchun kompensatsiya;
- ish majburiyatlari va ishlash sharoitlari kabilar

Oyliklarning kechiktirilishi, nohaq ishdan bo'shatilish va boshqa shu kabi chet elliklarning mehnat faoliyati bilan bog'liq masalalar uchun Call center markaz ham faoliyat ko'rsatmoqda - 1577-0071 (16ta til mavjud)

Maqola bilan batafsil tanishish - bu yerda

👉@misterberd👈

Muan Xalqaro Aeroportidadagi aviahalokatda 179 kishi halok bo'ldi

Bugun 29-dekabr kuni Shimoliy Jeolla viloyatiga tegishli Muan Xalqaro aeroportidagi aviahalokat natijasida kamida 179 kishi halok bo'lgani xabar qilinmoqda. O't o'chirish xizmati xodimlarining ma'lum qilishicha, samolyotda 173ta koreys, 2ta Tailand fuqarolari va 6ta ekipaj a'zolari bo'lishgan. Ushbu Jeju Airga tegishli samolyot Tailanddan soat kechki 1:30da uchgan va tonggi 8:30ga Muan Aeroportiga qo'nishi kerak bo'lgan.

Muan Aeroportiga yetib kelgan samolyot birinchi urunishda qo'nishni amalga oshira olmagan, so'ngga ikkinchi qo'nish jarayonida qo'nish yo'lagidan chiqib ketgan va chetdagi devor to'siqqa urilgan va soat 9:03da yong'in kelib chiqqan.

Samolyot halokatiga qo'nish moslamalaridagi nosozlik yoki qushlar bilan to'qnashuv sabab bo'lganligi tahmin qilinmoqda.

14:38 — 96 kishi halok bo'lgan, qolgan 83 kishi ham o'lgani tahmin qilinmoqda, 2kishi qutqarilgan.
16:15 — 125 kishi halok bo'lgani tasdiqlandi, qolganlar ham halok bo'lgani tahmin qilinmoqda, 2 kishi qutqarilgan
17:11 — 167 kishi halok bo'lgani tasdiqlandi, 2 kishi qutqarilgan, qolganlarning shaxsi tasdiqlanib o'rganilmoqda.
21:57 — 179 kishi halok bo'lgani, 2 kishi tirik qolgani to'liq tasdiqlandi.

👉@misterberd👈

14 yoshgacha bo'lgan nolegal statusdagi bolalar endi hibsxonada saqlanmasligi mumkin

Koreyada ota-onasi tufayli nolegal statusga o'tib qolgan farzandlar va ular uchun yagona qarovchi hisoblanmish nolegal ota-onalar Immigratsiya tomonidan qo'lga olingan taqdirda ularni qamoqxonada ushlab turmaslik bo'yicha ish ko'rib chiqilmoqda.

👉Bu 2024-yil 12-aprelda 2yoshlik bolasi bilan hibsxonada saqlab turilgan nolegal statusdagi Mongoliyalik fuqaroning ish bo'yicha ko'tarilgan petitsiya doirasida ko'rib chiqilmoqda. Aytish kerakki, ota va yosh farzand 20-aprelgacha hibsxonada saqlab turilib, so'ngra vataniga deport qilingan.

Shunigdek, Koreya Adliya Vazirligining xabar berishicha, birgina 2019-2023-yillar oralig'ida Immigratsiya hibsxonalarida jami 182ta 18yoshdan kichik voyaga yetmaganlar saqlangan bo'lib, ulardan biri eng uzoq - 196kungacha hibsda saqlangan.

👉@misterberd👈

📢 "QAMAR CARGO" Sizning xizmatingizda! 🚛

Hurmatli mijozlar: Navbatdagi 25 Fevraldagi konteyner uchun

Quydagi hududlar bo'yicha yuk yig'ishni davom ettiryapti!!! Shoshiling, yuklaringizni ishonchli qo'llarga topshirin

📍Seoul
📍Suwon
📍Hwaseon
📍Pyeongtaek
📍Cheonan
📍Gimcheon
📍Haman
📍Changwon
📍Gimhae

Yuklaringizni to'plash va yetkazib berish bo'yicha batafsil ma'lumot uchun biz bilan bog'laning:

📞01081289229
📩Telegram/Instagram: @qamarcargoxizmati / @qamarcargo

Sizning ishonchingiz - bizning mas'uliyatimiz!!!
QAMAR CARGO - Tez va Ishonchli xizmat!☝️

"URconnection jamoasi"dan Koreyadagilar uchun kerakli ilova - Halal Compass💥

👉Koreyada istiqomat qilayotgan hamyurtlarimiz uchun ajoyib yangilikni ulashishdan xursandmiz. Nihoyat, Halal Compass deb nomlangan ilovamiz Android va iOS uchun ishlab chiqildi va hoziroq Play Market va App Storedan yuklab, ishlatib, sinab ko'rishingiz mumkin.

Koreyada halollikka rioya qilib hayot kechirishingizda ushbu ilovaning oz bo'lsa-da yordami tegsa xursand bo'lamiz!

♻️"Halal Compass"ning o'ziga xos xususiyatlari quyidagilar:

🔸Koreyadagi masjidlar ro'yxati🕌 va aniq manzillarini ko'rish
🔸Yashash joyingiz bo'yicha namozlar vaqtini ko'rish
🔸 Koreyada faoliyat ko'rsatayotgan halol do'kon va kafelar haqida ma'lumot olish
🔸 Kafe/Do'kon egalari uchun "Profil" bo'limi orqali o'z do'kon va kafelarini qo'sha olish imkoniyati
🔸"Yangiliklar" va "Kitoblar" bo'limining mavjudligi
🔸"Taqvim" bo'limi orqali Koreyadagi shahringiz bo'yicha Ramazon Taqvimini pdf formatda yuklab olish va boshqalar


Ilovani quyidagi tartibda yuklab olishingiz mumkin va albatta, o'z fikrlaringizni yozib qoldirishni unutmang👇

Android Link
iOS Link

Seulda 0-5 yoshdagi chet ellik bolalarga bog'cha to'lovi 50% qoplanadi

Shu yildan boshlab Seuldagi bog'chaga qatnayotgan ota-onasi chet ellik bo'lgan 0-2 yoshdagi bolalarga ham bog'cha pulining yarmi davlat tomonidan qoplanadigan bo'ldi. Bu haqida 16-fevral kuni Seul shahri hokimiyati ma'lum qildi. Eslatib o'tamiz, bungacha faqat 3-5 yoshdagi bolalarga Seulda 50% lik bog'cha puli qoplab berilmoqda edi.

Maqolada aytilishicha, ushbu 50%lik chegirmaga ega bo'lish uchun Seul shahrida yashash talab qilinmaydi, lekin farzand albatta Seulda joylashgan bog'chaga qatnayotgan bo'lishi kerak. O'tgan yildan 2025-yil fevral oyigacha, 0-2 yoshdagi bolalarning bog'cha puli 2 yoshlilar uchun 390ming won, 2 yoshgacha bolalar uchun esa 540ming bo'lmoqda. Shundan kelib, 540ming won uchun maksimum 270ming qoplab beriladi (mart oyidan yangi o'quv yili munosabati bilan bu summada o'zgarishlar bo'ladi).

Shuningdek, homilador ayollar uchun transport xarajatlarining qoplab berilishi bo'yicha ariza topshirish tizimi ham soddalashtirilmoqda. Endilikda oldingidek, 6 oy Seulda yashash talabi bekor qilinib, shunchaki homiladorlik qog'ozi va ID karta taqdim qilinsa, homilador ayollar metro va avtobusda bepul yura olishadi.

👉@misterberd👈

#soliq #hometax

Endi Koreyada ortiqcha yechib olingan soliqlarni qaytarib olish yanada oson va bepul

Ko'pchiligingizning xabaringiz bo'lishi mumkin, Koreya Soliq Qo'mitasi shu yil 31-mart kunida HomeTax saytida so'nggi 5yillikda ortiqcha hisoblangan soliqlarni qaytarib olishning yanada soddalashtirilgan xizmatini o'z saytida joriy qildi.

Ya'ni, endilikda HomeTax saytidagi '원클릭' xizmati orqali so'nggi 5yildagi ortiqcha to'langan soliqlarning taxminiy qaytarib olish mumkin bo'lgan summasini ko'rishingiz va oson qadamlar orqali (shaxsiy ma'lumotlaringiz va bank ma'lumotlaringizni kiritib), soliqlarni qaytarib olishga ariza berishingiz mumkin bo'ldi. Bungacha esa bu jarayon sayt orqali biroz murakkabroq ko'rinishda edi va ko'pchilik yo soliq ofisiga borib, yoki 삼쩜삼 kabi soliqlarni qaytarib olishga yordamlashuvchi pulli xizmatlarga murojaat qilar edi.

Aslida har yili may oyida soliq daromadlari bo'yicha arizalar qilinadi (종합소득 신고), lekin qaysidir yillarda biz to'gri yoki vaqtida ariza qilmaganimiz evaziga bizda ortiqcha to'langan soliqlar yig'ilib qolishi mumkin ekan. HomeTax saytidagi 납부/고지/환급 yoki 세금신고 bo'limlaridagi 원클릭 환급신고 xizmati orqali esa sizda ortiqcha to'langan soliqlar bor yoki yo'qligini o'zingiz mustaqil tekshirib ko'rib, hech qanday xizmat haqisiz qaytarib olishga ariza berishingiz mumkin bo'ladi. Arizangiz esa, ko'rib chiqilib, odatta 1 oy ichida kiritgan hisobraqamingizga qaytarib beriladi. 5yildan o'tib ketgan va qaytarib olishga ariza berilmagan holatlarda esa ushbu soliqlar davlat ixtiyoriga tasarruf qilinadi.

Agarda Koreyada 2020-2024-yillar davomida qaysidir vaqtda kichik va o'rta kompaniyalarda, zavodlarda to'liq yoki part-time ko'rinishda ishlagan, freelancerlik yoki biznes daromadlaringiz bo'yicha soliqlar to'lagan bo'lsangiz, albatta bir tekshirib ko'rishni tavsiya qilaman!

Ha aytganday, agarda mustaqil ravishda o'zingiz qila olmasangiz, kanaldagi telegram bot orqali o'zimga murojaat qilishingiz mumkin. Tirikchilik😊.. Birgalikda tekshirib, sizda soliqlarni qaytarib olish imkoni bor yo'qligini aniqlaymiz va bor bo'lsa qaytarishga ariza beramiz. Faqat menda bu xizmat pullik (qimmat emas, shunchaki ketkazgan vaqtim uchun olaman va bu o'z ichiga sizni soliq saytiga ro'yxatdan o'tkazish kabilarni ham oladi, soliq chiqmagan bo'lsa, olinmaydi va shaxsiy ma'lumotlaringiz darhol o'chirib tashlanadi). Lekin albatta, iloji boricha o'zingiz topshirib ko'ring. Omad!

👉@misterberd👈

3 yoshgacha bo'lgan farzandimiz borligi uchun Koreyaning Elektr Tashkiloti 한전ga bormasdan turib onlayn ravishda elektrga chegirma (oylik 16ming won chegirma) uchun topshirganimiz haqida qisqacha:

1. 한전 web-sayti orqali 전기요금 할인 신청서 hujjatini yuklab olib, kompyuter orqali to'ldirib, imzoladik.
2. Ota va farzandning ID karta old-orqa tomonlarini rasmga oldik.
3. Qo'shimcha ravishda otaning nomida 정부24 sayti orqali 외국인사실 증명서 ham chiqarib oldik.
4. Yuqoridagi 3ta hujjatni Play Storedagi 모바일 팩스 (Mobile Fax) ilovasi orqali shahrimizga qarashli 한전 tashkilotining faks raqamiga jo'natdik.

Taxminan 15 daqiqadan so'ng, hujjatimiz muvaffaqiyatli ravishda tasdiqlangani haqida xabarni oldik. Shunday qilib, har oy elektrdan maksimum 16ming won chegirmaga ega bo'ldik. Siz ham uydan chiqmasdan topshirib ko'ring!

Esingizda bo'lsa, Coupang kompaniyasidan shaxsiy ma'lumotlar tarqalib ketganda, shaxsiy ma'lumotlari tarqalib ketgan ko'pchilik foydalanuvchiga kompaniya turli xil kupon ko'rinishidagi chegirmalar taqdim etgan edi. Shular qatorida Coupang ilovasida ishlatish uchun 5ming won kupon, parklar, muzeylar, dam olish joylari uchun ishlatishga 20ming won ko'rinishidagi xarid kuponlari (구매이용권) ham taqdim qilingan edi.

Shu 20ming wonlik kuponni Seouldagi Lotte Akvarium yoki Seoul Sky uchun ham ishlatsa ham bo'lar ekan. Turmush o'rtog'im va menga ham shu kupon berilgani uchun (ha, biz ham shaxsiy ma'lumot tarqalib ketganlardanmiz) bugun shu kuponlarni ishlatib, Seoul Akvariumga bilet oldik. Bilet narxi chegirma kuponni ayirib tashlagandan so'ng, har birimizga 1,900wondan tushdi (Umumiy 3,800 won).

Erta-indin Akvariumga borishga reja qilyapmiz. Siz ham bu postdan keyin Lotte Towerga bilet sotib olsangiz, balki ko'rishib qolarmiz o'sha joylarda✊️

👉@misterberd👈