“AT sohasiga texnologiyalar emas, yechilmagan muammolar yetaklab kelgan” – Kamola To‘lqunova 

Davlat xizmatidan foydalanganda hammasi bir necha daqiqada hal bo‘ladi. Ortida esa yillar davom etadigan ish yotadi: turli idoralarning tizimlarini bir-biriga ulash, ma’lumotlarni tartibga solish, jarayonlarni boshidan qayta qurish. Navbatdagi ruknimiz ana shunday loyihalarni boshqarayotgan Kamola To‘lqunovaga bag‘ishlanadi.
Raqamli texnologiyalar vazirligi davlat boshqaruvini raqamlashtirish yo‘nalishida ishlayotgan yosh mutaxassislarni qo‘llab-quvvatlashga alohida e’tibor qaratmoqda.

Kamola OneID, idoralararo integratsiyalashuv platformasi va “Raqamli profil” singari mamlakat miqyosidagi loyihalarda ishtirok etgan. O‘zi bu ishlarni alohida-alohida emas, bir yo‘lning ketma-ket bosqichlari sifatida ko‘radi.

Uning bir fikri e’tiborga loyiq: bugun talab yuqori bo‘lgan texnologiya ertaga yangisiga o‘rin bo‘shatishi mumkin, ammo muammoni tahlil qilish, tanqidiy fikrlash va doimiy o‘rganish ko‘nikmasi hech qachon eskirmaydi.

Qahramonimizning kasbiy yo‘li, loyihalari va yutuqlari bilan karusel orqali batafsil tanishing.

Siz ham “Uzbekistan's IT Drivers” ruknida ishtirok etishni istasangiz yoki shunday mutaxassislarni tanisangiz, quyidagi manzilga murojaat qiling: o.raximova@it-park.uz

Telegram | Facebook | Instagram | Youtube | LinkedIn | X