🗓 Hurmatli fuqarolar va tadbirkorlar

Joriy yilning 29-iyun kuni soat 10:00 da Toshkent shahar, Mirzo Ulug’bek tumani, Milliy bogʻ koʻchasi 7-uyda joylashgan Toshkent shahar kasaba uyushmalari tashkilotlari birlashmasiga qarashli Mehnat va ijtimoiy munosabatlar akademiyasi binosida Raqamli texnologiyalar vazirining birinchi o‘rinbosari Sultonov Ayubxon Orifxon oʻgʻli boshchiligida raqamli texnologiyalar xizmatlariga oid sayyor qabul yigʻilishi oʻtkaziladi. Sizni mazkur sayyor qabulga taklif etamiz!

️ ⚡️Yig’ilishda quyidagi masalalar yuzasidan oʻz savollaringizga javob olishingiz mumkin:

🫥Internet xizmati;
🫥 Mobil aloqa;
🫥Telekommunikatsiya;
🫥 Pochta xizmati;
🫥AT ta’lim va AT yo‘nalishidagi o’quv markazlari faoliyati;
🫥 IT Park rezidentligi maqomini olish va soliq imtiyozlari;
🫥 AT va logistika kompaniyalari uchun imkoniyatlar;
🫥 Sun’iy intellekt.

🤔 Shu bilan birga, o‘z fikr-mulohaza, takliflaringizni bildirish, mavjud muammolarni vazirlik vakillari bilan bevosita muhokama qilish imkoniyatiga ega bo‘lasiz.

📍 Sayyor qabul manzili

Telegram | Facebook | Instagram | Youtube | LinkedIn | X

📈 TATU xalqaro reytingda TOP 500 talikda qayd etildi

🌐Muhammad al-Xorazmiy nomidagi Toshkent axborot texnologiyalari universiteti Times Higher Education Sustainability Impact Ratings 2026 xalqaro reytingida dunyoning nufuzli oliy ta’lim muassasalari qatoridan joy olib, 401–600-o‘rin oralig‘ida qayd etildi.

📈 E’tiborlisi, universitetimiz mazkur reytingdagi natijasini oʻtgan yilga qaraganda sezilarli yaxshiladi. Xususan, 2025-yilgi natijalarda TATU 801–1000-o‘rin oralig‘ida qayd etilgan bo‘lsa, joriy natijalarga ko‘ra +400🔝 pogʻonaga yuqorilab, xalqaro maydondagi o‘z pozitsiyasini yanada mustahkamladi.

Mazkur natija O‘zbekistonda oliy ta’lim tizimini rivojlantirish, universitetlarning xalqaro maydondagi raqobatbardoshligini oshirish hamda zamonaviy bilim va innovatsiyalar asosida yangi avlod mutaxassislarini tayyorlashga qaratilgan keng ko‘lamli islohotlarning amaliy natijalaridan biridir.

Bugungi kunda davlatimiz rahbari tomonidan ta’lim, ilm-fan va innovatsiyalarni rivojlantirishga qaratilayotgan alohida e’tibor natijasida oliy ta’lim muassasalari oldiga yangi strategik vazifalar qo‘yilmoqda. TATU ham ushbu jarayonlarda faol ishtirok etib, xalqaro standartlarga mos ta’lim muhitini shakllantirish, ilmiy tadqiqotlarni kengaytirish va barqaror rivojlanish tamoyillarini ta’lim jarayoniga integratsiya qilish yo‘lida izchil ish olib bormoqda.

🌳 Ayniqsa, universitet Affordable and Clean Energy yo‘nalishida dunyoning yetakchi oliy ta’lim muassasalari qatoridan joy olib, 48-o‘rinni egalladi.

Shuningdek, TATU:
– Zero Hunger
– Quality education
– Decent Work and Economic Growth
– Sustainable Cities and Communities
– Climate Action
yo‘nalishlari bo‘yicha ham yuqori natijalarni qayd etdi.
Ushbu ko‘rsatkichlar universitetning nafaqat IT va raqamli texnologiyalar sohasida, balki jamiyat farovonligi, ekologik mas’uliyat, inklyuziv ta’lim va barqaror taraqqiyot yo‘nalishlarida ham faol tashabbuslarni amalga oshirayotganini ko‘rsatadi.

Telegram | Facebook | Instagram | Youtube | LinkedIn | X

⚡️ LinkedIn platformasida shaxsiy brend va xalqaro professional aloqalarni rivojlantirish bo‘yicha seminar-trening o‘tkaziladi

🔹 Raqamli texnologiyalar vazirligida “LinkedIn platformasida samarali shaxsiy brend va ishonchli xalqaro professional aloqalarni shakllantirish” mavzusida seminar-trening bo‘lib o‘tadi.

➡️ Tadbir davomida ishtirokchilarga LinkedIn platformasida professional profilni samarali yuritish, shaxsiy brendni rivojlantirish, xalqaro maydonda professional imijni mustahkamlash hamda ishonchli kasbiy aloqalarni shakllantirish bo‘yicha amaliy tavsiyalar taqdim etiladi.

🎤 Seminar mehmon spikeri — Umida Kadirova, MOM+ startapining biznesni rivojlantirish bo‘yicha menejeri, investor, biznes tahlilchi hamda LinkedIn platformasida 30 mingdan ortiq kuzatuvchiga ega faol ekspert.

🗓 Sana: 29-iyun - 16:30
📍 Manzil: Raqamli texnologiyalar vazirligi binosi, 1-qavat

Telegram | Facebook | Instagram | Youtube | LinkedIn | X