Raqamlashtirish orqali insonlar hayotini yengillashtirish va qo‘shimcha daromad topish imkoniyatlarini kengaytirish bo‘yicha missiyamizni amalga oshirish jarayonlari doimiy Davlatimiz Rahbarining shaxsiy nazoratlarida bo‘lgani sababli, ko‘z tegmasin, yurtimizda IT sohasi ko‘pchilik boshqa davlatlarga nisbatan ancha yuqori sur’atlarda rivojlanishiga erishilmoqda. Nafaqat IT eksporti ilk bor milliard dollardan oshishiga erishildi, balki Startap ekotizimini o‘sish sur’ati bo‘yicha O‘zbekiston “Yil davlati” deb e’tirof etildi.

Kuni kecha ham Prezidentimiz tomonlaridan raqamli xizmatlarni aholimiz va tadbirkorlarimiz uchun yanada qulay qilish, chet ellik kompaniyalarni hududlarga olib kelib, joylarda yuqori daromadli ishchi o‘rinlarni ko‘paytirishga hamda startap ekotizimini yanada rivojlantirishga qaratilgan qo‘shimcha imkoniyatlarni yaratish bo‘yicha vazifalar belgilab berildi.

Bu yurtimiz yoshlariga kelgusida yuqori daromadli ishga ega bo‘lishlari uchun yozdagi vaqtlarida ham imkoni boricha xorijiy tillarni hamda zamonaviy kasblarni o‘rganishdan to‘xtamasliklariga ishoradir. Juda ko‘p kurslarni onlayn o‘rgansa ham bo‘ladi: aileaders.uz

✅ Yangi qulaylik!

❗️Bog‘chaga imtiyozli navbat endi onlayn!

👩‍💻 Farzandingizni davlat bog‘chasiga joylashtirishda imtiyoz huquqingiz bormi? Unda bir talay hujjat to‘plab, idorama-idora yurishni unuting.

📱 Endilikda my.gov.uz orqali bu jarayon to‘liq avtomatlashtirildi.

🟡 Arizani onlayn topshirish uchun ro‘yxatdan o‘zingizga tegishli toifani tanlasangiz kifoya — tizim barcha ma’lumotlarni vazirlik va idoralarning axborot bazalari orqali soniyalar ichida o‘zi tekshiradi.

❓Kimlar my.gov.uz orqali imtiyozli navbatga qo‘yiladi?

1⃣ Shartnoma bo‘yicha harbiy xizmatchilar, ichki ishlar va bojxona organlari xodimlarining farzandlari;
2⃣ I va II guruh nogironligi bo‘lgan shaxslarning bolalari;
3⃣ Yetim yoki ota-ona qaramog‘idan mahrum bo‘lgan bolalar;
4⃣ “Ayollar daftari”ga kiritilgan yolg‘iz ayollarning bolalari;
5⃣ Akalari yoki opalari ushbu bog‘chaga qatnayotgan bolalar;
6⃣ Ko‘p tarmoqli ixtisoslashtirilgan bog‘chalardan umumiy turdagi muassasalarga o‘tkazilayotgan sog‘aygan bolalar;
7⃣ Kam ta’minlangan oilalarning farzandlari;
8⃣ Oila a’zolari nogironligi bo‘lgan shaxslardan iborat oilalar bolalari;
9⃣ Boquvchisini yo‘qotgan oilalarning bolalari;
🔟 To‘rt va undan ko‘p farzandi bor oilalar bolalari;
1⃣1⃣ Talabalarning farzandlari;
1⃣2⃣ Maktab, OTM, texnikum, kollej va akademik litseylar pedagoglarining bolalari.

👉 Uydan chiqmay ariza yuborish uchun:
✅ my.gov.uz portali yoki mobil ilovasida ro‘yxatdan o‘ting;
✅ “Bolani davlat maktabgacha ta’lim tashkilotlariga qabul qilish” xizmatini tanlang;
✅ So‘ralgan ma’lumotlarni to‘ldiring, bog‘chani hamda mavjud imtiyozingizni belgilab, ariza yuboring.

Telegram | Facebook | Instagram | Youtube | LinkedIn | X

⚡️“Raqamli hukumat” tizimi yanada rivojlantiriladi
 
✍🏻 “Raqamli hukumat” tizimini yanada rivojlantirish chora-tadbirlari to‘g‘risida”gi Prezident qarori (PQ–257-son, 08.07.2026 y.) qabul qilindi.
 
📝Qarorga ko‘ra, quyidagilar Yagona integratsiyalashgan raqamli platforma (Platforma)ni joriy etishning asosiy maqsadli ko‘rsatkichlari etib belgilandi, jumladan:
 

➖2028-yil yakuniga qadar davlat organlarining kamida 5 mingta ma’muriy funksiyasini raqamlashtirish;
 
➖davlat axborot tizimlarini ishlab chiqish va ekspluatatsiya qilish xarajatlarini kamida 30 foizga qisqartirish va boshqalar.

 
Platforma quyidagilarni ta’minlashga xizmat qiluvchi “Raqamli hukumat” tizimining texnologik elementi hisoblanadi:
 
➖davlat axborot tizimlarini yaratish, rivojlantirish, qo‘llab-quvvatlash va ularning kiberxavfsizligini ta’minlashda yagona arxitektura, standartlar, texnologik va tashkiliy yondashuvlarni qo‘llash;
 
➖qayta foydalaniladigan raqamli komponentlar va servislardan foydalanish orqali davlat axborot tizimlarini ishlab chiqishni tezlashtirish, standartlashtirish va xarajatlarni qisqartirish va boshqalar.
 
2027-yil 1-yanvardan:

➖davlat organlari tomonidan ichki hujjat aylanmasi, qarorlar qabul qilish va kelishish hamda davlat xizmatlarini ko‘rsatish Platforma va uning raqamli komponentlaridan foydalangan holda elektron shaklda amalga oshiriladi;
 
➖Platforma doirasida davlat organlari va tashkilotlarining axborot tizimlari o‘rtasida ma’lumot almashinuvini osonlashtirish maqsadida ochiq integratsiya (Open API) tamoyili joriy qilinadi.

Telegram | Facebook | Instagram | Youtube | LinkedIn | X