😉O‘zbekiston tarixda ilk bor IOI 2026'ga mezbonlik qiladi: terma jamoa xalqaro o‘quv-mashg‘ulotlarda ishtirok etdi

🗓 Joriy yilning 9–16-avgust kunlari O‘zbekiston tarixda birinchi marta 38-Xalqaro Informatika Olimpiadasi (IOI 2026)ga mezbonlik qiladi.

⚪️Maktab o‘quvchilari orasidagi eng nufuzli dasturlash musobaqasi hisoblangan ushbu olimpiada texnologik gigantlar va yetakchi global ilmiy-tadqiqot muassasalari uchun eng iqtidorli yoshlarni saralab olish maydoni sanaladi. Shu munosabat bilan O‘zbekiston terma jamoasi xalqaro tayyorgarlik mashg‘ulotlarida ishtirok etdi.

📌Joriy yil 3–15-iyul kunlari Qozog‘istonning Ostona shahridagi Astana IT Universityda ACTSxCPFED 2026" xalqaro o‘quv-mashg‘ulotlari o‘tkazildi.

🟣Mashg‘ulotlar Qozog‘iston Sport dasturlash federatsiyasi hamda Algorithm and Code Training School xalqaro maktabi tomonidan tashkil etilib, unda Qozog‘iston, O‘zbekiston, Qirg‘iziston, Turkmaniston, Tojikiston va Ozarbayjon milliy terma jamoalari ishtirok etdi.

🌟Mashg‘ulotlar IOI 2026'ga puxta tayyorgarlik ko‘rish maqsadida xalqaro murabbiylar ishtirokida tashkil etildi. Unda O‘zbekiston terma jamoasining 4 nafar a’zosi hamda 1 nafar murabbiyi qatnashdi.

Telegram | Facebook | Instagram | Youtube | LinkedIn | X

☝️ Cyber University tomonidan kiberxavfsizlik madaniyatini yuksaltirishga qaratilgan tashabbus doirasida yil yakuniga qadar 840 mingdan ortiq aholi qamrab olinadi

➡️ Raqamli transformatsiya sharoitida kiberxavfsizlik va sun’iy intellekt bo‘yicha bilimlarni ommalashtirish hamda aholining raqamli ko‘nikmalarini mustahkamlash dolzarb vazifalardan biri hisoblanadi. Shu maqsadda Cyber University davlat universiteti tomonidan respublika hududlarida aholining kiberxavfsizlik madaniyatini yuksaltirish va sun’iy intellekt texnologiyalaridan to‘g‘ri hamda mas’uliyatli foydalanish ko‘nikmalarini shakllantirishga qaratilgan keng ko‘lamli targ‘ibot tadbirlari amalga oshirilmoqda.

➡️ Tashabbus doirasida joriy yilning qishki ta’tili davomida 134 ming nafar aholi qamrab olindi. Yil yakuniga qadar esa ushbu ko‘rsatkichni 840 ming nafardan ortiq fuqaroga yetkazish rejalashtirilgan.

➡️ Tadbirlar davomida fuqarolarga internet firibgarligi va fishing hujumlaridan himoyalanish, shaxsiy ma’lumotlarni ishonchli muhofaza qilish, kuchli parollar va ikki bosqichli autentifikatsiyadan foydalanish, shuningdek, ChatGPT hamda boshqa sun’iy intellekt vositalaridan xavfsiz va samarali foydalanish bo‘yicha amaliy tavsiyalar berilmoqda.

📎 Mazkur tashabbusning muhim jihatlaridan biri shundaki, targ‘ibot ishlari Cyber University talabalari tomonidan mahallalar, ta’lim muassasalari va mehnat jamoalarida bevosita amalga oshirilmoqda. Bu orqali yoshlarning bilim va salohiyati jamiyatda kiberxavfsizlik madaniyatini shakllantirish, sun’iy intellektdan mas’uliyatli foydalanish ko‘nikmalarini keng ommalashtirish hamda aholining raqamli savodxonligini oshirishga xizmat qilmoqda.

Telegram | Facebook | Instagram | Youtube | LinkedIn | X

🎲 Kiberfiribgar tuzog‘iga tushib qolmaslik uchun yordam beradigan foydali raqamli vositalar

🔐 Kiberfiribgarlar tobora yangi usullardan foydalanayotgan bir paytda shaxsiy ma’lumotlaringizni himoya qilish har qachongidan ham muhim. Quyidagi bepul xizmatlar shubhali fayllar, havolalar va ilovalarni tekshirishda sizga yordam beradi.

🤖 @cyberqalqonbot
Telegram orqali yuborilgan noma’lum yoki shubhali faylni botga yuboring.
Bot qisqa vaqt ichida faylni tahlil qilib, uning xavfsiz yoki zararli ekanligi haqida ma’lumot beradi. Bu viruslar va zararli dasturlarni ochishdan oldin xavfni aniqlash imkonini beradi.

🛡️ Xavfsizlink.uz
Platforma quyidagi imkoniyatlarni taqdim etadi:
🟢 shubhali QR-kodlarni tekshirish;
🟢 .doc, .docx, .xls, .xlsx, .pdf, .exe, .bat, .apk va boshqa formatdagi fayllarni xavfsizlik nuqtayi nazaridan tahlil qilish;
🟢 shubhali havolalarni tekshirish va ularning xavfsizligini baholash;
🟢 foto va videolarning sun’iy intellekt yordamida yaratilgan yoki haqiqiy ekanligini aniqlashga ko‘maklashuvchi tahlil natijalarini taqdim etish.

▪️ Check Permission mobil ilovasi
Mazkur Android ilovasi qurilmadagi ilovalarni avtomatik tahlil qilib, zararli dasturlarni aniqlash va ularning o‘rnatilishining oldini olishga yordam beradi.
Agar qurilmada zararli ilova aniqlansa, foydalanuvchiga tezkor bildirishnoma yuboriladi. Ilova internetga ulanmagan holatda (offline) ham ishlaydi.

❗️ Hurmatli fuqarolar!
Yuqoridagi barcha vositalar Kiberxavfsizlik markazi mutaxassislari tomonidan ishlab chiqilgan bo‘lib, foydalanuvchilar uchun bepul taqdim etiladi.

🔒 Kiberxavfsizlik qoidalariga amal qiling va ishonchli raqamli vositalardan foydalanib, shaxsiy ma’lumotlaringizni himoya qiling.

Telegram | Facebook | Instagram | Youtube | LinkedIn | X

🌟My.gov.uz orqali ko‘rsatiladigan xizmatlar soni oshiriladi

✍🏻 O‘zbekiston Respublikasi Prezidentining “Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida” 2026-yil 15-iyuldagi PQ–265-son qarori qabul qilindi.

Qarorga ko‘ra, elektron davlat xizmatlari ommabopligini oshiriladi va fuqarolar uchun qo‘shimcha qulayliklar yaratilmoqda.

☑️ Yagona portalda yangi xizmatlar

2026-yil 1-oktabrdan boshlab yagona interaktiv davlat xizmatlari portali (my.gov.uz)da quyidagi xizmatlar joriy etiladi:

– jismoniy va yuridik shaxslarga o‘ziga mulk huquqi asosida tegishli bo‘lgan ko‘chmas mulk obyektlari va avtotransport vositalarini garovga yoki ipotekaga qo‘yishga, shuningdek, ularni begonalashtirishga taqiq qo‘yish yoki uni bekor qilish.

– Bunda taqiq jismoniy shaxslar tomonidan Face-ID vositasida identifikatsiyadan o‘tgan holda, yuridik shaxslar tomonidan esa ularning muassislari (ishtirokchilari, aksiyadorlari) umumiy yig‘ilishining qarori asosida elektron raqamli imzo orqali qo‘yiladi;

– fuqarolarning o‘z nomiga rasmiylashtirilgan va foydalanilayotgan telefon raqamlari va bank kartalari to‘g‘risida ma’lumot olish va ushbu jarayonni boshqarishning quyidagi imkoniyatlarini yaratish:

– telefon raqamini muayyan muddatga nofaol holatga o‘tkazish (faollashtirish) va o‘zi foydalanmayotgan telefon raqamlariga xizmat ko‘rsatishni to‘xtatish haqida arizalar kiritish;

– telefon raqami ulangan pulli xizmatlar haqida ma’lumot olish;

– bank kartalarini bloklash (yopish) haqida emitentga arizalar yuborish;

– fuqaroning nomiga yangi notarial harakat rasmiylashtirilganda avtomatik tarzda uni Yagona portal orqali xabardor qilish va ular hisobini yuritish.

Telegram | Facebook | Instagram | Youtube | LinkedIn | X

📌My.gov.uz’da davlat xizmatlari uchun virtual to‘lov kartasi ochish mumkin bo‘ladi

🔰Qarorga muvofiq, 2026-yil 1-sentabrga qadar Yagona portalda fuqarolar uchun o‘z xizmatlarini taklif etayotgan tijorat banklarining virtual to‘lov kartasini tanlov asosida ochish va o‘zining bank plastik kartasini biriktirish, ushbu kartalar orqali davlat xizmatlari uchun to‘lovlarni amalga oshirish, shuningdek, ortiqcha yoki noto‘g‘ri to‘langan mablag‘larni yoxud davlat xizmatini ko‘rsatishni kechiktirganlik (asossiz rad etganlik) uchun to‘lovlarni avtomatik tarzda o‘zining kartasiga qaytarish imkoniyati joriy etiladi.

❌ Shu bilan birga, fuqarolardan Yagona portalda virtual to‘lov kartasini ochish, uni tegishli tijorat banklarining infratuzilmasidan foydalangan holda mablag‘ bilan to‘ldirish va virtual to‘lov kartasidagi pul mablag‘larini o‘ziga tegishli bank plastik kartalariga o‘tkazish uchun komissiya to‘lovlari undirilmaydi.

✅ Voyaga yetmagan shaxslar o‘z huquqlarini mustaqil ravishda amalga oshirish yuzasidan sudlarga murojaat qilishda davlat bojini to‘lashdan ozod qilinadi.

Telegram | Facebook | Instagram | Youtube | LinkedIn | X

👩‍💻Birlamchi ma’lumotlar avtomatik yangilanadi

⚪️2026-yil 1-oktabrdan boshlab, jismoniy shaxsning familiyasi, ismi va otasining ismi, tug‘ilgan sanasi kabi birlamchi ma’lumotlari o‘zgarganda o‘zida ushbu ma’lumotlarni aks ettiruvchi davlat organlariga tegishli axborot tizimlaridagi ma’lumotlarga avtomatik tarzda idoralararo elektron hamkorlik yo‘li bilan o‘zgartirishlar kiritish amaliyoti yo‘lga qo‘yiladi.

🟢Bunda:

– birlamchi ma’lumotlarni o‘zgartirgan adliya organi bu haqda “Elektron hukumat” tizimining idoralararo integratsiyalashuv platformasi orqali ushbu ma’lumotlar bilan ishlovchi davlat organlariga xabarnomalar taqdim etadi va tegishli elektron shakldagi hujjatlarga fuqarolarning qo‘shimcha arizalarisiz o‘zgartirish kiritadi;

– jismoniy shaxsga Yagona portal orqali uning birlamchi ma’lumotlari o‘zgarganligi haqida real vaqt rejimida ma’lumotnoma beriladi;

– jismoniy shaxsning birlamchi ma’lumotlari o‘zgarganligi haqidagi ma’lumotnoma asosida shaxsni tasdiqlovchi hujjatlar qayta rasmiylashtirib beriladi.

Telegram | Facebook | Instagram | Youtube | LinkedIn | X

🔽Reklama qo‘ng‘iroqlari va SMS-xabarnomalari bo‘yicha yangi tartib joriy etiladi

📱Fuqarolarning reklama qo‘ng‘iroqlari va xabarnomalariga oid huquqlari himoyasini kuchaytirish maqsadida 2026-yil 1-noyabrdan boshlab quyidagicha tartib o‘rnatiladi:

🤩 mobil aloqa vositalari orqali SMS-xabarnomalar yo‘li bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligi olingandan so‘ng ushbu harakatlarni (reklamani) amalga oshiradi;

🤩 mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘zlarining axborot tizimida shaxsga doir ma’lumotlar bazalarining davlat reyestrida ro‘yxatdan o‘tkazilgandan keyin tegishli xizmatlarni ko‘rsatishiga yo‘l qo‘yiladi;

🤩 reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;

🤩 mobil aloqa operatorlariga o‘zlari tomonidan tarqatiladigan reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklanadi;

🤩 mazkur bandda belgilangan talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.

Telegram | Facebook | Instagram | Youtube | LinkedIn | X

☄️ O‘zbekiston venchur investitsiyalar o‘sishi bo‘yicha dunyoda birinchi o‘rinni egalladi

➡️ Xalqaro Dealroom.co platformasi tomonidan e’lon qilingan Q2/H1 2026 Venture Capital Report natijalariga ko‘ra, O‘zbekiston venchur investitsiyalar hajmining yillik o‘sish sur’ati bo‘yicha dunyoda 1-o‘rinni egalladi.

🔗 Hisobotga ko‘ra, O‘zbekistonda venchur investitsiyalar hajmi o‘tgan yilning mos davriga nisbatan 539,7 foizga oshgan. Ushbu natija bilan mamlakatimiz Keniya, Avstriya, Xitoy va AQSh kabi davlatlarni ortda qoldirib, global reytingda yetakchilikni qo‘lga kiritdi.

📊 Mazkur natija O‘zbekistonda innovatsion ekotizimni rivojlantirish, startaplarni qo‘llab-quvvatlash, xorijiy investitsiyalarni jalb etish hamda texnologik tadbirkorlik uchun yaratilayotgan qulay muhitning amaliy samarasini yaqqol namoyon etadi. Shuningdek, O‘zbekistonning Markaziy Osiyoda innovatsiyalar va texnologik tadbirkorlik bo‘yicha yetakchisiga aylanib borayotganini yana bir bor tasdiqlaydi.

➡️ Ma’lumot uchun: Dealroom.co — startaplar, venchur investitsiyalar va texnologik ekotizimlar bo‘yicha dunyoning yetakchi analitik platformalaridan biri bo‘lib, uning ma’lumotlaridan investorlar, hukumatlar va xalqaro moliyaviy institutlar keng foydalanadi.

Telegram | Facebook | Instagram | Youtube | LinkedIn | X