📌 “Qo‘rq, lekin to‘xtama”: Shaxnoza Mukumovaning ATdagi muvaffaqiyat formulasi

👩‍💻 Har birimizga tanish tuyg‘u – o‘z ishingni chin dildan sevish va unga butun qalbing bilan berilish. Aynan shu tuyg‘u bugungi mehmonimiz Shaxnoza Mukumovani muvaffaqiyatga olib chiqdi.

🟪 24 yoshigacha O‘zbekistondan uzoqda, Irkutskda yashagan Shaxnoza AT sohasida faoliyat yuritar, ammo qilayotgan ishidan qoniqish topa olmasdi. Kattaroq maqsadlar sari intilib, u butunlay notanish shahar – Toshkentga ko‘chib o‘tishga qaror qildi. “Venkon Group” kompaniyasida oddiy loyiha rahbaridan boshlab, departament rahbari, so‘ng esa Bosh direktor lavozimigacha ko‘tarildi.

🟣U yo‘lida qo‘rquv va shubhalar bo‘lganini yashirmaydi, ammo shunday deydi: “Qo‘rq, lekin to‘xtama”. Aynan shu tamoyil, o‘z ishiga bo‘lgan sadoqat va samimiy mehnat unga natija berdi. Mijozlaridan kelayotgan minnatdorchilik so‘zlari esa har qanday charchoqni unutdiradi.

📌O‘z sohasida chinakam muvaffaqiyatga erishgan hamyurtimizning ilhomlantiruvchi tarixini intervyu davomida tomosha qiling!

▶️ To‘liq intervyuni ushbu havola orqali tomosha qilishingiz mumkin: https://youtu.be/aTUYx_MBT0A

Telegram | Facebook | Instagram | Youtube | LinkedIn | X

🟡 Taqiq yoki xatlov qo’yilgan uyga onlayn ro‘yxatga turish mumkinmi?

👍 Endilikda taqiq yoki xatlov qo‘yilgan turar joyga garovga oluvchining roziligisiz yashash joyi (doimiy) yoki turgan joyi (vaqtincha) bo‘yicha ro‘yxatdan o‘tish imkoniyati yaratildi.

📁 Ushbu qulaylik O‘zbekiston Respublikasi Prezidentining 2026-yil 15-iyuldagi PQ–265-son qaroriga muvofiq amaliyotga joriy etildi.

⏱️ Pasport stoliga borish va navbat kutish shart emas. Barcha jarayonlarni uyda o‘tirgan holda, my.gov.uz orqali onlayn bajarishingiz mumkin.

🌐 Xizmatdan foydalanish uchun:
💻 my.gov.uz portaliga kirib, qidiruv satriga quyidagi xizmat nomlaridan birini yozing:
⏺ Yashash joyi bo‘yicha (doimiy) ro‘yxatdan o’tkazish: 👉 my.gov.uz/uz/service/363
⏺ Turgan joyi bo‘yicha (vaqtincha) ro‘yxatdan o’tkazish: 👉 my.gov.uz/uz/service/187

❗️ Muhim eslatma: Mulkdor, garovga oluvchi yoki taqiq qo‘yish/bekor qilishga mas’ul organning ichki ishlar organlariga murojaati asosida fuqaroning ro‘yxatdan o‘tkazilganligi bekor qilinishi mumkin.

Telegram | Facebook | Instagram | Youtube | LinkedIn | X

🇺🇿 🇸🇦 Saudiya Arabistoni delegatsiyasiga O‘zbekistonning raqamli sog‘liqni saqlash sohasidagi yechimlari taqdim etildi

😎 Saudiya Arabistoni Podshohligi Sog‘liqni saqlash vaziri Fahd bin Abdurrahmon al-Jalajel boshchiligidagi delegatsiya O‘zbekistonga rasmiy tashrifi doirasida Raqamli texnologiyalar vaziri birinchi o‘rinbosari Ayubxon Sultonov hamrohligida UZINFOCOM faoliyati bilan tanishdi.

➡️ Tashrif davomida mehmonlarga O‘zbekistonda raqamli sog‘liqni saqlash yo‘nalishida amalga oshirilayotgan islohotlar, UZINFOCOMning milliy AT-integrator sifatidagi faoliyati, Situatsion markaz imkoniyatlari hamda kompaniya tomonidan ishlab chiqilgan asosiy raqamli yechimlar taqdim etildi. Xususan, DMED yagona tibbiy axborot tizimi va Milliy raqamli sog‘liqni saqlash platformasi imkoniyatlari namoyish etildi.

🤩 Shuningdek, tashrif doirasida SEHA Virtual Hospital hamda O‘zbekiston Respublikasi Ixtisoslashtirilgan kardiologiya ilmiy-amaliy tibbiyot markazi hamkorligida tashkil etilgan Ko‘p tarmoqli virtual kardiologik konsilium loyihasining ishga tushirish marosimi bo‘lib o‘tdi.

🟢 Loyiha ikki mamlakat kardiologlariga masofaviy qo‘shma konsultatsiyalar o‘tkazish, murakkab klinik holatlar bo‘yicha tajriba almashish hamda davolashning samarali yondashuvlarini birgalikda ishlab chiqish imkonini yaratadi. Mazkur tashabbus sog‘liqni saqlash sohasida raqamli texnologiyalarni keng joriy etish va O‘zbekiston hamda Saudiya Arabistoni o‘rtasidagi amaliy hamkorlikni yanada rivojlantirishga xizmat qiladi.

Telegram | Facebook | Instagram | Youtube | LinkedIn | X

🤝 30-iyul – Xalqlar do‘stligi kuni

30-iyul sanasi O‘zbekistonda dunyo xalqlari o‘rtasidagi o‘zaro ishonch, hamkorlik va birdamlikni mustahkamlash g‘oyalarini targ‘ib etuvchi muhim sana sifatida nishonlanadi. Bugungi kunda do‘stlik va hamjihatlik nafaqat davlatlar o‘rtasidagi munosabatlarni rivojlantirish, balki tinch va barqaror kelajakni barpo etishning muhim omillaridan biri hisoblanadi.

O‘zbekiston ko‘p millatli va ko‘p madaniyatli jamiyat sifatida barcha millat va elatlar vakillarining o‘zaro hurmat, bag‘rikenglik va ahillik muhitida yashashi uchun zarur sharoitlarni yaratib kelmoqda. Mamlakatimizda turli milliy madaniy markazlar faoliyat yuritayotgani, turli xalqlarning tili, urf-odatlari va madaniy merosiga hurmat bilan yondashilayotgani ana shu siyosatning amaliy ifodasidir.

So‘nggi yillarda O‘zbekistonning yaqin va uzoq xorijiy davlatlar bilan do‘stona aloqalarni kengaytirishga qaratilgan ochiq tashqi siyosati mintaqada o‘zaro ishonchni mustahkamlash, yangi hamkorlik loyihalarini amalga oshirish hamda xalqlarni yanada yaqinlashtirishga xizmat qilmoqda.

Bugun do‘stlik, hamjihatlik va o‘zaro hurmat qadriyatlarini asrab-avaylash har birimizning umumiy mas’uliyatimizdir. Aynan shu qadriyatlar jamiyat taraqqiyoti, tinchlik va farovonlikning mustahkam poydevorini yaratadi.

Xalqlar do‘stligi kuni muborak bo‘lsin! Yurtimizda tinchlik, ahillik va millatlararo totuvlik doimo bardavom bo‘lsin.

Telegram | Facebook | Instagram | Youtube | LinkedIn | X

🎓 IT Park University’da yilning so‘nggi Open Day tadbiri

IT Park University’da o‘qish, universitet bilan yaqindan tanishish va bu yil o‘qishga kirishga ulgurishni xohlaysizmi?

1-avgust kuni abituriyentlar va ularning ota-onalarini yilning so‘nggi Open Day tadbiriga taklif qilamiz. Siz o‘qishga qabul, ta’lim dasturlari, grant imkoniyatlari, talabalik hayoti va karyera istiqbollari haqida batafsil ma’lumot olishingiz hamda universitet vakillariga o‘zingizni qiziqtirgan savollarni berishingiz mumkin bo‘ladi.

Dasturdan o‘rin olgan:
— IT Park University taqdimoti;
— taklif etilgan mehmonlar va hamkorlarning chiqishlari;
— IT olamidagi dolzarb mavzular muhokamasi;
— o‘qishga kirish, ta’lim va grantlar bo‘yicha konsultatsiyalar.
Qabul yakuniga 100 tadan kam joy qoldi. Agar bu yil o‘qishga kirishni rejalashtirayotgan bo‘lsangiz, Open Day siz uchun barcha kerakli ma’lumotlarni olish va to‘g‘ri qaror qabul qilish imkoniyatidir.

Sana: 1-avgust
Vaqt: 11:00–14:00
Manzil: Raqamli texnologiyalar vazirligi, Ibrohim Mo‘minov ko‘chasi, 7/2

Open Day’ga hoziroq havola orqali ro‘yxatdan o‘ting

——

🎓 Последний Open Day этого года в IT Park University

Хотите узнать больше об обучении в IT Park University, познакомиться с университетом и успеть поступить в этом году?

1 августа приглашаем абитуриентов и их родителей на последний Open Day этого года. Вы узнаете всё о поступлении, образовательных программах, грантовых возможностях, студенческой жизни и карьерных перспективах, а также сможете лично задать вопросы представителям университета.

В программе:
— презентация IT Park University;
— выступления приглашённых гостей и партнёров;
— обсуждение актуальных тем из мира IT;
— консультации по поступлению, обучению и грантам.

До окончания набора осталось менее 100 мест. Если вы планируете поступать в этом году, Open Day — отличная возможность получить всю необходимую информацию и сделать уверенный выбор.

Дата: 1 августа
Время: 11:00–14:00
Место: Министерство цифровых технологий, ул. Иброхима Муминова, 7/2

Зарегистрируйтесь на Open Day уже сейчас по ссылке

Telegram | Facebook | Instagram | Youtube | LinkedIn | X