🇺🇿 🇸🇦 Saudiya Arabistoni delegatsiyasiga O‘zbekistonning raqamli sog‘liqni saqlash sohasidagi yechimlari taqdim etildi

😎 Saudiya Arabistoni Podshohligi Sog‘liqni saqlash vaziri Fahd bin Abdurrahmon al-Jalajel boshchiligidagi delegatsiya O‘zbekistonga rasmiy tashrifi doirasida Raqamli texnologiyalar vaziri birinchi o‘rinbosari Ayubxon Sultonov hamrohligida UZINFOCOM faoliyati bilan tanishdi.

➡️ Tashrif davomida mehmonlarga O‘zbekistonda raqamli sog‘liqni saqlash yo‘nalishida amalga oshirilayotgan islohotlar, UZINFOCOMning milliy AT-integrator sifatidagi faoliyati, Situatsion markaz imkoniyatlari hamda kompaniya tomonidan ishlab chiqilgan asosiy raqamli yechimlar taqdim etildi. Xususan, DMED yagona tibbiy axborot tizimi va Milliy raqamli sog‘liqni saqlash platformasi imkoniyatlari namoyish etildi.

🤩 Shuningdek, tashrif doirasida SEHA Virtual Hospital hamda O‘zbekiston Respublikasi Ixtisoslashtirilgan kardiologiya ilmiy-amaliy tibbiyot markazi hamkorligida tashkil etilgan Ko‘p tarmoqli virtual kardiologik konsilium loyihasining ishga tushirish marosimi bo‘lib o‘tdi.

🟢 Loyiha ikki mamlakat kardiologlariga masofaviy qo‘shma konsultatsiyalar o‘tkazish, murakkab klinik holatlar bo‘yicha tajriba almashish hamda davolashning samarali yondashuvlarini birgalikda ishlab chiqish imkonini yaratadi. Mazkur tashabbus sog‘liqni saqlash sohasida raqamli texnologiyalarni keng joriy etish va O‘zbekiston hamda Saudiya Arabistoni o‘rtasidagi amaliy hamkorlikni yanada rivojlantirishga xizmat qiladi.

Telegram | Facebook | Instagram | Youtube | LinkedIn | X

🤝 30-iyul – Xalqlar do‘stligi kuni

30-iyul sanasi O‘zbekistonda dunyo xalqlari o‘rtasidagi o‘zaro ishonch, hamkorlik va birdamlikni mustahkamlash g‘oyalarini targ‘ib etuvchi muhim sana sifatida nishonlanadi. Bugungi kunda do‘stlik va hamjihatlik nafaqat davlatlar o‘rtasidagi munosabatlarni rivojlantirish, balki tinch va barqaror kelajakni barpo etishning muhim omillaridan biri hisoblanadi.

O‘zbekiston ko‘p millatli va ko‘p madaniyatli jamiyat sifatida barcha millat va elatlar vakillarining o‘zaro hurmat, bag‘rikenglik va ahillik muhitida yashashi uchun zarur sharoitlarni yaratib kelmoqda. Mamlakatimizda turli milliy madaniy markazlar faoliyat yuritayotgani, turli xalqlarning tili, urf-odatlari va madaniy merosiga hurmat bilan yondashilayotgani ana shu siyosatning amaliy ifodasidir.

So‘nggi yillarda O‘zbekistonning yaqin va uzoq xorijiy davlatlar bilan do‘stona aloqalarni kengaytirishga qaratilgan ochiq tashqi siyosati mintaqada o‘zaro ishonchni mustahkamlash, yangi hamkorlik loyihalarini amalga oshirish hamda xalqlarni yanada yaqinlashtirishga xizmat qilmoqda.

Bugun do‘stlik, hamjihatlik va o‘zaro hurmat qadriyatlarini asrab-avaylash har birimizning umumiy mas’uliyatimizdir. Aynan shu qadriyatlar jamiyat taraqqiyoti, tinchlik va farovonlikning mustahkam poydevorini yaratadi.

Xalqlar do‘stligi kuni muborak bo‘lsin! Yurtimizda tinchlik, ahillik va millatlararo totuvlik doimo bardavom bo‘lsin.

Telegram | Facebook | Instagram | Youtube | LinkedIn | X

🎓 IT Park University’da yilning so‘nggi Open Day tadbiri

IT Park University’da o‘qish, universitet bilan yaqindan tanishish va bu yil o‘qishga kirishga ulgurishni xohlaysizmi?

1-avgust kuni abituriyentlar va ularning ota-onalarini yilning so‘nggi Open Day tadbiriga taklif qilamiz. Siz o‘qishga qabul, ta’lim dasturlari, grant imkoniyatlari, talabalik hayoti va karyera istiqbollari haqida batafsil ma’lumot olishingiz hamda universitet vakillariga o‘zingizni qiziqtirgan savollarni berishingiz mumkin bo‘ladi.

Dasturdan o‘rin olgan:
— IT Park University taqdimoti;
— taklif etilgan mehmonlar va hamkorlarning chiqishlari;
— IT olamidagi dolzarb mavzular muhokamasi;
— o‘qishga kirish, ta’lim va grantlar bo‘yicha konsultatsiyalar.
Qabul yakuniga 100 tadan kam joy qoldi. Agar bu yil o‘qishga kirishni rejalashtirayotgan bo‘lsangiz, Open Day siz uchun barcha kerakli ma’lumotlarni olish va to‘g‘ri qaror qabul qilish imkoniyatidir.

Sana: 1-avgust
Vaqt: 11:00–14:00
Manzil: Raqamli texnologiyalar vazirligi, Ibrohim Mo‘minov ko‘chasi, 7/2

Open Day’ga hoziroq havola orqali ro‘yxatdan o‘ting

——

🎓 Последний Open Day этого года в IT Park University

Хотите узнать больше об обучении в IT Park University, познакомиться с университетом и успеть поступить в этом году?

1 августа приглашаем абитуриентов и их родителей на последний Open Day этого года. Вы узнаете всё о поступлении, образовательных программах, грантовых возможностях, студенческой жизни и карьерных перспективах, а также сможете лично задать вопросы представителям университета.

В программе:
— презентация IT Park University;
— выступления приглашённых гостей и партнёров;
— обсуждение актуальных тем из мира IT;
— консультации по поступлению, обучению и грантам.

До окончания набора осталось менее 100 мест. Если вы планируете поступать в этом году, Open Day — отличная возможность получить всю необходимую информацию и сделать уверенный выбор.

Дата: 1 августа
Время: 11:00–14:00
Место: Министерство цифровых технологий, ул. Иброхима Муминова, 7/2

Зарегистрируйтесь на Open Day уже сейчас по ссылке

Telegram | Facebook | Instagram | Youtube | LinkedIn | X

⚡️ my.gov.uz orqali sug‘urta xizmatlarini onlayn rasmiylashtirish mumkin

🌐 Yagona interaktiv davlat xizmatlari portali — my.gov.uz orqali aholi va tadbirkorlar uchun sug‘urta xizmatlarini masofadan turib rasmiylashtirish imkoniyati yaratilgan.

📌 Portal foydalanuvchilari quyidagi sug‘urta xizmatlaridan onlayn foydalanishi mumkin:
- majburiy avtotransport vositalari egalarining fuqarolik javobgarligini sug‘urtalash;
- tashuvchining fuqarolik javobgarligini majburiy sug‘urta qilish;
- sportchilarni sug‘urtalash;
- gaz uskunasi o‘rnatilgan transport vositalarini sug‘urtalash;
- ko‘chmas mulkni sug‘urtalash;
- ixtiyoriy tibbiy sug‘urtani rasmiylashtirish;
- hujjatlarni sug‘urtalash.

🌐 Mazkur xizmatlar orqali sug‘urta polisini bir necha daqiqa ichida onlayn rasmiylashtirish mumkin. Tizim zarur ma’lumotlarni avtomatik shakllantiradi, polis elektron ko‘rinishda taqdim etiladi hamda barcha jarayonlarni masofadan turib amalga oshirish imkonini beradi.

🌐 Shuningdek, foydalanuvchilar xizmatlardan kunning istalgan vaqtida foydalanishi, to‘lovlarni onlayn amalga oshirishi va ariza holatini kuzatib borishi mumkin.

❗️ Eslatma: sug‘urta xizmatining qiymati tanlangan sug‘urta turi hamda sug‘urta qoplamasi miqdoriga qarab tizim tomonidan avtomatik hisoblab chiqiladi.

Sug‘urta xizmatlaridan foydalanish uchun my.gov.uz portaliga kirib, tegishli xizmatni tanlash kifoya.

Telegram | Facebook | Instagram | Youtube | LinkedIn | X

🇺🇿🇺🇿🇺🇿🇺🇿🇺🇿🇺🇿

#Mustaqillik35 #Uzb35

Yagona Vatan, yagona xalq boʻlib, yangi hayot va kelajak yaratamiz!

🇺🇿 O‘zbekiston Respublikasi mustaqilligining 🇺🇿 yilligi munosabati bilan mamlakatimiz raqamli taraqqiyotiga hissa qo‘shayotgan xalqaro hamkorlar va ekspertlar o‘z tabriklari hamda ezgu tilaklarini bildirmoqda.

Ushbu videoda Raqamli texnologiyalar vaziri maslahatchisi, AKT sohasida 40 yildan ortiq tajribaga ega yaponiyalik ekspert Akihiro Sakurai O‘zbekistonning mustaqillik bayrami munosabati bilan samimiy tabriklarini yo‘llaydi hamda mamlakatimizning so‘nggi yillardagi raqamli transformatsiyasi haqida o‘z fikrlari bilan o‘rtoqlashadi.

Akihiro Sakurai O‘zbekistonda raqamli infratuzilma, AT-ta’lim, raqamli hukumat va eksportga yo‘naltirilgan AT sanoati jadal rivojlanayotganini alohida e’tirof etdi. Shuningdek, u O‘zbekiston va Yaponiya o‘rtasidagi hamkorlikning yangi bosqichga ko‘tarilgani, yapon AT-kompaniyalari investitsiyalari, o‘yin sanoatidagi qo‘shma loyihalar hamda o‘zbek yoshlarining salohiyatiga yuksak baho berdi.

Ekspertning fikricha, O‘zbekiston "Raqamli O‘zbekiston – 2030" strategiyasi doirasida porloq raqamli kelajak sari dadil odimlamoqda. U o‘zining ko‘p yillik tajribasi va bilimlarini o‘zbek yoshlariga ulashish, ularning salohiyatini ro‘yobga chiqarishga hissa qo‘shishni o‘zining muhim maqsadi sifatida qayd etadi.

Akihiro Sakuraining O‘zbekistonning raqamli taraqqiyoti, O‘zbekiston–Yaponiya hamkorligi va yoshlar salohiyati haqidagi fikrlari bilan batafsil quyidagi video orqali tanishishingiz mumkin.

🔥https://youtu.be/P-tFnq_HL3M

Telegram | Facebook | Instagram | Youtube | LinkedIn | X

☄️ IT Park Uzbekistan HICOOL 2026 xalqaro sammiti uchun startaplar arizalarini qabul qilmoqda

➡️ IT Park Uzbekistan Xitoyning Pekin shahrida bo‘lib o‘tadigan HICOOL 2026 Global Entrepreneur Summit xalqaro sammitida ishtirok etish uchun O‘zbekiston startap delegatsiyasini shakllantirmoqda.

Saralashdan o‘tgan startaplar O‘zbekiston milliy pavilyonida o‘z stendiga ega bo‘lish, sammit doirasida investorlarga o‘z loyihalarini taqdim etish (pitch), ochilish hamda taqdirlash marosimlarida ishtirok etish, shuningdek, Pekin bo‘ylab tashkil etiladigan tanishuv dasturida qatnashish imkoniyatiga ega bo‘ladi.

❗️ Tanlovda Xitoy va Osiyo bozorlariga chiqishni rejalashtirayotgan IT Park rezident startaplari, sun’iy intellekt va robototexnika, dasturiy ta’minot va AT, IoT va aqlli shaharlar, chiplar va kvant texnologiyalari, FinTech, BioTech, MedTech hamda AgriTech yo‘nalishlarida faoliyat yurituvchi jamoalar ishtirok etishi mumkin.

Nomzod kompaniyalar mahsulotining ingliz tilidagi versiyasiga ega bo‘lishi, jonli demo namoyish etishga tayyorligi hamda taqdimotni asoschi (founder) yoki C-level rahbar amalga oshirishi talab etiladi.

HICOOL 2026 doirasida 70 dan ortiq tadbir o‘tkazilishi rejalashtirilgan bo‘lib, ularda 50 ta mamlakatdan 600 ta eksponent, 1 000 dan ortiq investor, 300 ta yetakchi kompaniya va 50 mingdan ziyod tadbirkor ishtirok etishi kutilmoqda.

Tadbir 2026-yil 26–29-avgust kunlari Pekin shahrida bo‘lib o‘tadi. Arizalar 10-avgustga qadar qabul qilinadi.

🔗 Hoziroq ro‘yxatdan o‘ting!

Eslatma: safar va yashash bilan bog‘liq xarajatlar ishtirokchi kompaniyalar tomonidan qoplanadi.

Startaplar StartupBase.uz platformasi orqali ro‘yxatdan o‘tib, tanlovda ishtirok etish uchun ariza topshirishlari mumkin.

Telegram | Facebook | Instagram | Youtube | LinkedIn | X