🤝 O‘zbekiston va Koreyaning Inha universitetlari o‘rtasida hamkorlik kengaytiriladi

🔘Raqamli texnologiyalar vaziri Sherzod Shermatov Koreya Respublikasiga amalga oshirayotgan xizmat safari doirasida Inha universiteti prezidenti Ki Yong Choy bilan uchrashdi.

🆙Muloqot davomida Toshkent shahridagi Inha universitetini yanada rivojlantirish, shuningdek, O‘zbekiston va Janubiy Koreyaning Inha universitetlari o‘rtasidagi hamkorlikni kengaytirish masalalari muhokama qilindi.

✅Shuningdek, uchrashuv doirasida Toshkent shahridagi Inha universiteti va Janubiy Koreyaning Inha universiteti o‘rtasida 5 yillik yangi “Royalty Agreement” shartnomasi imzolandi.

▶️ Shu bilan birga, uchrashuvda universitetning Farg‘ona kampusini rivojlantirish, sun’iy intellekt, kiberxavfsizlik, muhandislik va kosmik texnologiyalar yo‘nalishlarida qo‘shma ta’lim dasturlari hamda ilmiy-tadqiqot loyihalarini amalga oshirish imkoniyatlari ko‘rib chiqildi.

Batafsil: 👉 https://digital.uz/oz/news/view/219935

Telegram | Facebook | Instagram | Youtube | LinkedIn | X

🇺🇿 🇰🇷 Vazir Koreya–Markaziy Osiyo biznes sammiti doirasidagi panel muhokamasida ishtirok etdi

📌Koreya Respublikasida Koreya–Markaziy Osiyo biznes sammiti doirasida savdo, investitsiyalar, muhim minerallar, energetika, infratuzilma, logistika va zamonaviy texnologiyalar sohalarida hamkorlikni kengaytirishga bag‘ishlangan panel muhokamalari o‘tkazildi. Unda Raqamli texnologiyalar vaziri Sherzod Shermatov ishtirok etdi.

🟣Panel muhokamalarida Koreya va Markaziy Osiyo davlatlari o‘rtasida iqtisodiy hamkorlikni yangi bosqichga olib chiqish, investitsiyalarni jalb qilish, yuqori qo‘shilgan qiymatga ega loyihalarni amalga oshirish hamda zamonaviy texnologiyalarni joriy etish masalalari muhokama qilindi.

Batafsil: 👉 https://digital.uz/oz/news/view/220295

Telegram | Facebook | Instagram | Youtube | LinkedIn | X

🌟“Bouygues Batiment International” bilan raqamli infratuzilma va data-markazlar sohasidagi hamkorlik istiqbollari muhokama qilindi

🔘Raqamli texnologiyalar vazirligida Fransiyaning yetakchi kompaniyasi “Bouygues Batiment International”ning Markaziy Osiyo bo‘yicha Bosh ijrochi direktori Alexis Rechov bilan uchrashuv bo‘lib o‘tdi.

📌Muloqot davomida kompaniya vakillariga O‘zbekistonda xorijiy investorlar uchun yaratilgan qulay shart-sharoitlar, investitsiyaviy imkoniyatlar va mavjud imtiyozlar haqida batafsil ma’lumot berildi.

💬 Tomonlar ma’lumotlar markazlari, raqamli infratuzilmani rivojlantirish hamda istiqbolli investitsiya loyihalarini amalga oshirish yo‘nalishlarida hamkorlik istiqbollarini muhokama qildilar.

⚪️Uchrashuvda loyihalarni amalga oshirishning texnik va tashkiliy jihatlari yuzasidan dastlabki fikr almashildi. Shuningdek, istiqbolli loyihalarni birgalikda ilgari surish va kelgusidagi hamkorlikni rivojlantirish maqsadida doimiy ishchi muloqotni yo‘lga qo‘yish bo‘yicha kelishib olindi.

Telegram | Facebook | Instagram | Youtube | LinkedIn | X