✅Sun’iy intellekt texnologiyalari bo‘yicha amalga oshirilayotgan loyihalar yuzasidan ochiq muloqot o‘tkazildi

Oliy Majlis Qonunchilik palatasining Innovatsion rivojlanish va axborot texnologiyalari masalalari qo‘mitasi Raqamli texnologiyalar vazirligi bilan hamkorlikda soha vakillari ishtirokida ochiq muloqot o‘tkazdi.

Tadbirda Qonunchilik palatasi deputatlari, Raqamli texnologiyalar vazirligi, Sog‘liqni saqlash, Transport, Energetika va Qishloq xo‘jaligi vazirliklari mas’ul xodimlari, faol yoshlar hamda OAV vakillari ishtirok etdi.

Muloqot avvalida Raqamli texnologiyalar vazirining birinchi o‘rinbosari Oleg Pekos kirish so‘zga chiqib, sohada amalga oshirilayotgan ishlar va istiqbolli loyihalar haqida so‘z yuritdi.

Muloqotda ta’kidlanganidek, mamlakatimizda sun’iy intellekt sohasini rivojlantirish davlat siyosatining ustuvor yo‘nalishlaridan biri sifatida belgilangan. So‘nggi yillarda mazkur sohada tizimli huquqiy va institutsional asoslar yaratilib, davlat rahbarining tegishli qarorlari bilan 2030-yilgacha sun’iy intellektni rivojlantirish strategiyasi tasdiqlandi. Unda davlat boshqaruvi, sog‘liqni saqlash, transport, energetika, qishloq xo‘jaligi hamda boshqa ustuvor tarmoqlarda sun’iy intellekt texnologiyalarini keng joriy etish vazifalari belgilandi.

Batafsil: 👉 https://digital.uz/oz/news/view/233713

Telegram | Facebook | Instagram | Youtube | LinkedIn | X

🏆O‘zbekiston ayollari xalqaro texnologiyalar sahnasida: “Women in Tech CCA Awards 2026” g‘oliblari taqdirlandi

Toshkentda bo‘lib o‘tgan “Women in Tech Leadership Forum 2026” yakunida Kavkaz va Markaziy Osiyoda texnologiyalar rivojiga salmoqli hissa qoʻshgan xotin-qizlarni taqdirlashga qaratilgan “Women in Tech CCA Awards” mukofotini topshirish marosimi boʻlib oʻtdi.

🆙Toʻrtinchi marta oʻtkazilgan tanlovda 9 ta nominatsiya boʻyicha 46 nafar finalchi gʻoliblik uchun bellashdi. Ular orasida Oʻzbekistondan 15 nafar nomzod ishtirok etdi: bu koʻrsatkich 2024-yilda 9 nafarni, 2025-yilda esa 3 nafarni tashkil etgan.

✔️Mukofot to‘qqizta yo‘nalish — “Aspiring Teen”, “Most Disruptive”, “Best Ally”, “Most Impactful Initiative”, “Woman in Web3”, “Tech Diplomacy”, “Start-Up”, “Global Leadership” va “Lifetime Achievement” nominatsiyalari bo‘yicha topshirildi.

G‘oliblar ro‘yxati:
Aspiring Teen Award — Dilafruzxon Jo'raboyeva
Best Ally Award — Anora Amirova
Start-Up Award — Maftuna Karimova (Femmy startapi)
Global Leadership Award — Ummatoy Yo'ldosheva

⏩Mintaqaviy bosqich g‘oliblari 2026-yil 3-dekabr kuni Parij shahrida bo‘lib o‘tadigan “Women in Tech Global Awards” xalqaro mukofotining global bosqichida Kavkaz va Markaziy Osiyo mintaqasi sharafini himoya qiladi.

🌟Ta’kidlash joizki, “Women in Tech CCA Awards” marosimi 2024-yilda ham Toshkent shahrida o‘tkazilgan. Mazkur tadbirning O‘zbekistonda tashkil etilishi mamlakatimizda xotin-qizlarning texnologiyalar sohasidagi ishtirokini kengaytirish, ularning salohiyatini ro‘yobga chiqarish hamda mintaqaviy va xalqaro hamkorlikni mustahkamlash borasidagi sa’y-harakatlarning muhim e’tirofidir.

Telegram | Facebook | Instagram | Youtube | LinkedIn | X

✅DataVolt rahbariyati IT Park Uzbekistan hududida ma’lumotlar markazi qurilishi jarayonlari bilan tanishdi

Vision Invest Group kompaniyasi raisi, DataVolt direktorlar kengashi a’zosi Muhammad Abunayyan va kompaniya bosh ijrochi direktori Rajit Nanda IT Park Uzbekistan majmuasiga tashrif buyurdi. Delegatsiyaga Raqamli texnologiyalar vazirining birinchi o‘rinbosari Ayubxon Sultonov hamrohlik qildi.

Tashrif DataVolt kompaniyasining IT Park majmuasida joylashgan ofisida boshlandi. U yerda delegatsiya kompaniya jamoasi bilan loyihaning joriy holati, amalga oshirilayotgan ishlar va tashkiliy masalalarni muhokama qildi.

Batafsil: 👉 https://digital.uz/oz/news/view/233875
___

✅DataVolt Leadership Reviews Data Center Construction Progress at IT Park Uzbekistan

Mohammad Abynayyan, Vision Invest Group Chairman, DataVolt Board Member, and Rajit Nanda, the company’s Chief Executive Officer, visited the IT Park Uzbekistan complex. The delegation was accompanied by Ayubkhon Sultonov, First Deputy Minister of Digital Technologies of the Republic of Uzbekistan.

The visit began at DataVolt’s office located within the IT Park complex, where the delegation discussed the current status of the project, ongoing operations, and organizational matters with the company’s team.

In detail: 👉 https://digital.uz/en/news/view/233875

Telegram | Facebook | Instagram | Youtube | LinkedIn | X