“Mamlakatimizda inson kapitalini rivojlantirish, yoshlarning zamonaviy texnologiyalar bo‘yicha bilim va ko‘nikmalarini oshirish, innovatsiyalarni qo‘llab-quvvatlash hamda xalqaro kompaniyalar uchun qulay biznes muhitini yaratishga alohida e’tibor qaratmoqdamiz. 

Biz O‘zbekistonning salohiyatini xalqaro hamkorlik bilan uyg‘unlashtirish orqali yangi investitsiyalarni jalb qilish, AT xizmatlar eksportini kengaytirish va mamlakatimizni global texnologik zanjirlarning faol ishtirokchisiga aylantirishni ko‘zlaymiz.

AQSH kompaniyalari bilan hamkorlik bu borada katta imkoniyatlar ochadi. Biz ularning ilg‘or tajribasi, texnologiyalari va bilimlarini mamlakatimizga olib kirish, mahalliy mutaxassislar salohiyatini rivojlantirish hamda o‘zaro manfaatli loyihalarni amalga oshirishdan manfaatdormiz. 

Shu bilan birga, Markaziy Osiyo mamlakatlarini bir-biriga raqobatchi sifatida emas, balki umumiy maqsadlar yo‘lida hamkor sifatida ko‘ramiz.

Mintaqa davlatlarining o‘zaro hamkorligi, tajriba almashinuvi va birgalikdagi tashabbuslari butun Markaziy Osiyoning xalqaro maydondagi raqobatbardoshligini oshirishga xizmat qiladi.
Ishonamizki, inson kapitaliga investitsiya kiritish, raqamli infratuzilmani rivojlantirish va xalqaro hamkorlikni mustahkamlash orqali O‘zbekiston hamda butun mintaqamiz uchun yangi imkoniyatlar yaratish mumkin”, – dedi vazir oʻz nutqida.

🔘Uchrashuvda O‘zbekistonda raqamli texnologiyalarni rivojlantirish, davlat boshqaruvi jarayonlariga zamonaviy texnologiyalarni keng joriy etish hamda davlat tashkilotlari faoliyatida bulutli yechimlardan foydalanish imkoniyatlari yuzasidan fikr almashildi.

🔘 The discussions focused on the development of digital technologies in Uzbekistan, the wider adoption of modern technologies in public administration, and opportunities to use cloud solutions in government agencies.